المساعد الشخصي الرقمي

مشاهدة النسخة كاملة : (( قصيدة الوطن )) ... صدك مؤثرة ....!!!

كارثة الترجمة
10-05-2006, 05:07 AM
هلو شباب و بنات ...

شفت هذه القصيدة كلش مؤثرة ...

وخاصةٌ أحنا بهيجي ظروف تعبانة ..

الله يكون بعونا ... و هي على الوطن ..



الوطن



يظل الوطن واحد ما يصير اثنين ......ما عاش اليمس من هالوطن شعرة

مسيح وتركمان وعرب واكراد ......ويزيدية وصابئة بهالوطن شجرة

بيت النة العراق وسكفة كردستان ......وديالى حديقة بيتنة الخضرة


تظل العمارة وشمة بنص جبين اربيل ......وتظل دهوك شامة بوجنة البصرة


لرموش الرمادي الحلة كحلة تصير...... ولشفاف السماوة القائم الحمرة


اذا (كرمند) ناده اهل النجف بالضيج...... اول ما تهبله وتنتخي الحضرة


اذا طاح الجبل يوكع بحضن الكاع ......واول ما تحضنه بروحه الصحرة


اذا يعطش الهور يغيم الشلال ......واذا الشلال يعطش هورنه يمطره


واللبن اربيل يعطش عنبر المشخاب ......ومن كبة الموصل تشتهي الشطرة


والدشداشة عدنه معاشرة السروال ......وتبقه الجوزة عدنه مخاويه التمرة


تظل بغداد مركز للوطن والتاج ......وتظل كركوكنه بتاج الوطن شذرة


ويظل عراقنه براس العراقي عكال ......وتظل بغداد لعكال الزلم غترة




الله يجعلنا متحدين دوم ...

وتزول هاي الغيمة السودة

أللي دتمطر على شعبنا ..

الله يكون بعونك يا وطني .
spieder
10-05-2006, 10:29 AM
يارب اجمعين الله يوحده ويجمعنه على رائي واحد ويرجع العراق مثل قبل يارب
مشكورر حبي على هيجي موضوع اكثر من رائــــ ع ع ع
شكرا .............
جنات العراق
10-05-2006, 06:45 PM
مشكور كارثة على هالقصيدة الحلوة ويارب يبقة العراق واحد بهمة ابناء العراق الطيبين
ويضل عراقنا واحد من زاخو لحد اخر قطرة بالبصرة
تقبلووووووووووا مروري
ღ♥ღابن الأعظمية ღ♥ღ
10-07-2006, 05:39 AM
يظل الوطن واحد ما يصير اثنين ......ما عاش اليمس من هالوطن شعرة

تسلم ياورد
على القصيدة الروعة
ياوطني يسعد صباحك لم الشمل لملم جراحك
ودي اشوفك اليوم تضحك يمتا الحزن يطلق سراحك ياووطني
سنة وشيعة وعرب واكراد ضمهم تحت سقفة جناحك
انت ابوهم وانت امهم اثبت اشما عصفت رياحك
يايايا وطــــنــي
تحياتي الك
ابن الأعظمية
ينبوع النار
10-07-2006, 08:11 AM
قصيدة روعة ونتمنى ونعمل على ان يعود العراق واحدا موحدا بلا تفرقة
بمناسبة رمضان عجبني البيت
واللبن اربيل يعطش عنبر المشخاب ......ومن كبة الموصل تشتهي الشطرة
عاشت ايدك,,,,,,,,,,,
كارثة الترجمة
10-07-2006, 01:32 PM
مشكوررررين على المرور ...

الله يحفظ هذا البلد من كل سوء .. ويبعد عنه ولد الحرام .. اللهم أمين .
الساهر المشاكس
10-07-2006, 01:44 PM
شنو انت يا شاعر عاشت ايدك يا ورد
سمير البابلي
10-08-2006, 03:49 AM
الله يجبر بخاطرك على هذب القصيدة الرائعة

ياريت نشوفهة على ارض الواقع
الله يسمع منك ويحفظكم ويحفظ امة محمد
كول امين
ღ♥ღابن الأعظمية ღ♥ღ
10-08-2006, 05:39 AM
امين يارب العالمين
asoo
10-09-2006, 11:01 PM
تظل بغداد مركز للوطن والتاج ......وتظل كركوكنه بتاج الوطن شذرة
عاشت الايادي قصيدة روعة عاشت ايدك و بارك الله بيك
تحياتي
أســـــو