ೋ ياقوتـــة دجــلة ೋ
09-06-2006, 02:26 PM
كتابات - شلش العراقي
• لك ها خنجر، وينك ،ماكو هالايام ؟
• موجود بس شوية جنت مشغول بالانتخابات .
• يا انتخابات ، ما شفتك لا بالمحطة ولا بالمركز ؟
• يا مركز يامحطة ، لك بابا اني جبير، جنت بعمّان وية عمتي العلوية .
• العلوية منو؟
• حمدية الحسيني شبيك ؟
• ها امورك عدلة .
• خوية ياعدلة الله كفيلك هلكنا ، الشغلة صدك بيها خبزة زينة ، بس تعب مو عبالك هيج .
• خنجر صدك العلوية مشترية سيارة مصفحة بمليون دولار؟
• انهجم بيتكم ، بسرعة سويتوها مليون ، هي ميتن وتلاثين الف دولار
• يعني اكثر من تلثميت مليون دينار.
• انت خو استاد بالجمع والطرح .
• خنجر الجعفري يريد يبلط الثورة كلها باربعميت مليون دينار . والعراقية يومية تعيد الخبر عشرين مرة علينا .
• شلش قابل الثورة احسن من عمتي حمدية ،
• لا عمي لا ، حمدية تسوى ابو الثورة ، جم حمدية عدنا ،
• والله هي والسيد يسوون العراق كله .
• ياسيد هذا النوب ؟
• سيد رضا الشهرستاني شبيك .
• ها سيد رضا ، ابو الخمس ملايين دولار .
• ياخمس ملايين عمي ، ذني مال المفوضية الله وكيلك صرفهن على الصناديك والموظفين .
• وهو شكد اخذ خنجر احجي الصدك ؟
• عمي اشكد اخذ ، والله مليون دولار ما طلعله منهن ،
• مليون دولار؟
• هاي شبيك فكيت حلكك ، بوية الرجال خبير مو شلون ماجان ،والعلوية توسلت بيه حتى يشتغل مستشار ، شنو مليون دولار قحط .انت صدك ما شايف .
• خبير مال شنو ؟!!
• خبير انتخابات .
• على اساس احنا بالعراق جانت عدنا يومية انتخابات وهو صار خبير. هي سنة وحدة وكلها تزوير.
• ياعراق عمي الرجال خلص حياته بالخارج .
• خنجر حتى لو بامريكا ، وشارك اربعين سنة بالانتخابات ، يعني عشر مرات ، هم ميصير خبير ، هاي مال خبير عبروها على غيرنا الله يخليك .
• عمي الشهرستاني اكبر خبير ، انت تكدر تقسم ميتين وخمسة وسبعين مقعد على ثمنطعش محافظة، وتطي نصهن للائتلاف وتذب ثنين بالشط ، والباقي نصهن للاكراد وثلثهن للسنة وشوية لعلاوي وتوزع الخردة على الباقين .
• لا يابا هاي صعبة كلش، هاي ميعرفها الا رضا الشهرستاني وحمدية .
• جا اسكت وانجب ولا تحجي ، مخلص حياتك تدور ورا رزق الناس .
• لك هو هذا رزق لو مصيبة ، ملايين يطشرون بيها واحنا جكَارة ما عدنا .
• تريد جكَاير ؟ هسة اشتريلك باكيتين .
• لا خوية اني ما اكل حرام هاي فلوس المساكين .
• احتلرم نفسك لك ، شنو حرام، اني حرامي ؟ اني اشتغل وية السادة ،حمدية علوية ورضا سيد وثنينهم احفاد رسول الله ، شنو جبيرة بحقهم المصفحات والملايين .
• لا عمي مو جبيرة بس رسول الله جان ينام على حصيرة .
• كلشي بوقته شلش لتصير مدري شلونك .
• خنجر هي الدنيا مدري شلونها ، حمدية تصعد مصفحات والدكتورات هنا مخلصاتها كوسترات وكَيات ، المهندسين بالمسطر والشهرستاني يلعب بالملايين ،شوكت راح نرتاح ما ادري . ياهو اليجي يفرهد ويشلع .
• ارتاح معليك بالناس شلش عيوني كلمن ونصيبه ، تعال وياي اعشيك واشتريلك جكاير لتظلمها علينا ، هو اكو احد ميبوك ، على الاقل الجماعة سادة ويستحقون والف عافية ،
• خنجر روح عني ،عدي نص عرك راح اشربه واليوم للصبح اغني ( حمدة زعلانة ما تركبك يحمار حمدة زعلانة . ... الله بلانة الله بلانة .. ياهو يجي بواك ...الله بلانة ... يولوووووو)
• لك ها خنجر، وينك ،ماكو هالايام ؟
• موجود بس شوية جنت مشغول بالانتخابات .
• يا انتخابات ، ما شفتك لا بالمحطة ولا بالمركز ؟
• يا مركز يامحطة ، لك بابا اني جبير، جنت بعمّان وية عمتي العلوية .
• العلوية منو؟
• حمدية الحسيني شبيك ؟
• ها امورك عدلة .
• خوية ياعدلة الله كفيلك هلكنا ، الشغلة صدك بيها خبزة زينة ، بس تعب مو عبالك هيج .
• خنجر صدك العلوية مشترية سيارة مصفحة بمليون دولار؟
• انهجم بيتكم ، بسرعة سويتوها مليون ، هي ميتن وتلاثين الف دولار
• يعني اكثر من تلثميت مليون دينار.
• انت خو استاد بالجمع والطرح .
• خنجر الجعفري يريد يبلط الثورة كلها باربعميت مليون دينار . والعراقية يومية تعيد الخبر عشرين مرة علينا .
• شلش قابل الثورة احسن من عمتي حمدية ،
• لا عمي لا ، حمدية تسوى ابو الثورة ، جم حمدية عدنا ،
• والله هي والسيد يسوون العراق كله .
• ياسيد هذا النوب ؟
• سيد رضا الشهرستاني شبيك .
• ها سيد رضا ، ابو الخمس ملايين دولار .
• ياخمس ملايين عمي ، ذني مال المفوضية الله وكيلك صرفهن على الصناديك والموظفين .
• وهو شكد اخذ خنجر احجي الصدك ؟
• عمي اشكد اخذ ، والله مليون دولار ما طلعله منهن ،
• مليون دولار؟
• هاي شبيك فكيت حلكك ، بوية الرجال خبير مو شلون ماجان ،والعلوية توسلت بيه حتى يشتغل مستشار ، شنو مليون دولار قحط .انت صدك ما شايف .
• خبير مال شنو ؟!!
• خبير انتخابات .
• على اساس احنا بالعراق جانت عدنا يومية انتخابات وهو صار خبير. هي سنة وحدة وكلها تزوير.
• ياعراق عمي الرجال خلص حياته بالخارج .
• خنجر حتى لو بامريكا ، وشارك اربعين سنة بالانتخابات ، يعني عشر مرات ، هم ميصير خبير ، هاي مال خبير عبروها على غيرنا الله يخليك .
• عمي الشهرستاني اكبر خبير ، انت تكدر تقسم ميتين وخمسة وسبعين مقعد على ثمنطعش محافظة، وتطي نصهن للائتلاف وتذب ثنين بالشط ، والباقي نصهن للاكراد وثلثهن للسنة وشوية لعلاوي وتوزع الخردة على الباقين .
• لا يابا هاي صعبة كلش، هاي ميعرفها الا رضا الشهرستاني وحمدية .
• جا اسكت وانجب ولا تحجي ، مخلص حياتك تدور ورا رزق الناس .
• لك هو هذا رزق لو مصيبة ، ملايين يطشرون بيها واحنا جكَارة ما عدنا .
• تريد جكَاير ؟ هسة اشتريلك باكيتين .
• لا خوية اني ما اكل حرام هاي فلوس المساكين .
• احتلرم نفسك لك ، شنو حرام، اني حرامي ؟ اني اشتغل وية السادة ،حمدية علوية ورضا سيد وثنينهم احفاد رسول الله ، شنو جبيرة بحقهم المصفحات والملايين .
• لا عمي مو جبيرة بس رسول الله جان ينام على حصيرة .
• كلشي بوقته شلش لتصير مدري شلونك .
• خنجر هي الدنيا مدري شلونها ، حمدية تصعد مصفحات والدكتورات هنا مخلصاتها كوسترات وكَيات ، المهندسين بالمسطر والشهرستاني يلعب بالملايين ،شوكت راح نرتاح ما ادري . ياهو اليجي يفرهد ويشلع .
• ارتاح معليك بالناس شلش عيوني كلمن ونصيبه ، تعال وياي اعشيك واشتريلك جكاير لتظلمها علينا ، هو اكو احد ميبوك ، على الاقل الجماعة سادة ويستحقون والف عافية ،
• خنجر روح عني ،عدي نص عرك راح اشربه واليوم للصبح اغني ( حمدة زعلانة ما تركبك يحمار حمدة زعلانة . ... الله بلانة الله بلانة .. ياهو يجي بواك ...الله بلانة ... يولوووووو)