حديث الهاتف بين ام وابنها النغترب

[LOVELY GIRLE]

سلام عليكم


الابن


ألــو مـــــن أديــار الغـــرب يمه ألـــو
انــي ابنكم واســأل عليكم اشلونكم


صــوتي واضــح مــن اكـول اني فلان
أوبعد نبرت صــوتي تشبهـه صــوتكم


لـو تكسـر حجـي مـــــــن كـثر الهجـر
واختلـف لـوني وصـبح مـو لـــونكم


انـــــــه شحجيلج يـــيمــه ابغــربتي
والله مــــــن أحجي تزيـــــد اهمومكم


يمه مـا شفت الفـرح بالغــــربه يــوم
أتروح سنت الغـرب فـــــدوه اليومكم


مـــــــــــا أنـام اللـيـل سهــران وأون
أولـو نـمـت لـحظـة افـــز بطيـــــوفكم


أنه تعبنـي الهجـر مشـتاك اضــــــوك
طبـخ أيــــــــــدج والـخـبـزتـنوركـم


يـمـه عـدنـه الأكـل لا لــــــــذه اوطعم
والطعـم واضـح وسـط مــــاعـونكم


أنه جـابـرني الـــــزمن عنكم اروح
غـصـب عـنـي ابــــعـدت عن اعيونكم


يمه ادعيلي ييمه الكم اعــــــــــــــود
يـم ابـو الـحسنين حــــــارس سوركم


ابـجاهـــــــه عنـد الله اردلكـم عـدل
اوتـرجـع اعيـوني ييمـه اتشــوفكم






جواب الام




احـجـي يـا يمـه اسمعـــك لاتخاف
احجي يا يمـــه اسمعـــك أني زين


مـــــا تـغيـر صـوتك أ و رب الخلك
أونبرتك بيهه انــــوجــد كـل الحنين


يبنـي مــــــا غيرك كل هـــــذا البعد
باقـــــي طبعك طبع العراقي الحزين


وانه أدري بيـــــك مـــــا تغفه ابـــد
ولا تنـــــــام الليل كاظـيه ابــــونين


أولا تحـس ابـطعـم كـل شــرب اوأكل
أولاعرفت الفرح كل هـــــاي السنين


وانـي مـنـك ازيـــــــــــد وأكثـربعد
اولا تظـن فـركــــــــــاك يا يمه يهين


مـــــــا أنـام الليـل سهـرانـــــــه وون
والدمــــــع يبني صفه اوما ظلي عين


أنه محتفضـه ابغــــــراضـك والكتب
وأحجي وياهـــــن واكلهن انته وين


جنت بيهن تلعب اوتقره اعله طــول
أوهسه صـــارن مـا تمسهن كـل ادين


يبني ارجع شاب راسي امـــن الهجر
أوكلبي نبضاتــــه صفت كلهه ونين


رايح ادعـــــي الرجعتك يبني الحبيب
يا علي ابجاهك يرد يابـــــوالحسين
اووووووووووووف يايمــــــــــــــه

[scander]

والله بجيت
والله العظيم
مشكورين على هالكلمات
عاشت ايديكم

[صقر ليالي بغداد]

عاشت ايدك من كل كلبي اكوله الك والله مااعرف اعبر بخصوص هاي الكلمات لان
مابيه بعد ارد خنكتني العبرات وسفه علزمان الخلانه نكتب هيجي شي
والله ليحرم كل ام من ابنه يارب العالمين وطبعا بجيت والله والله والله
مشكور على الموضوع الاكثر من روووووعه اخووووووووووووووووووك
صقر ليالي بغداد::57::

[Admiral]

مشكووور على هذة الكلمات الجميلة وتقبلي خالص تحياتي اخوك حسن

[ღ ღ RONZA ღ ღ]

كل حرف بيهة يقهر والله ::27::

مشكوره سرى

[مصطفى العبيـدي]

تسلمين سراوي عالموضوع الحلووو ورده انتي وعاش الاحساس الحلو والراقي

[@كرميلا@]

تسلمين سرى على هل موضوع صح هو حزين بس شسوي اتعلمنه وعاشت ايدج

[LOVELEGEND]

مشكوووووورة على الموضوع الاكثر من رائع

[@@شمس@@]

مشكورة سرى على الموضوع الرائع
وانشاء الله يرجع كل عراقي لبلده