هل هو تكريم ؟ فضل ؟ ام المقصد شيئ اخر يا حاكم دبي ؟ !

[جنـون]

:
:


لم يكن ما سموه بتكريم الفريق العراقي من قبل (محمد المكتوم) حاكم دبي موفقا.. بل انه اختزل وسرق وقزم الانتصار العراقي وحوله الى حفلة تكريم مغلقة في احدى قاعات دبي. كان الشعب العراقي يريد ان يتم الاحتفال الاول للانتصار في بغداد وليس في غيرها!

لقد حضر ممثل (المكتوم) الذي لاتعرف الابتسامة طريقا الى وجهه.. وكأنه قد تفضل بمنة على الفريق العراقي البطل.... ولم تكن مذيعة الحفل موفقة في قراءة الاسماء بشكل صحيح حتى اسم علي!!!

فوق هذا وذاك فلقد قامت فرقة العزف الاماراتية بعزف السلام العراقي السابق الذي تمت صياغته في عهد النظام السابق (نظام صدام حسين).


فهل كان هذا متعمدا؟؟؟؟
ام انه ناجم عن الجهل ؟؟؟؟
ام عدم الاكتراث...؟؟؟؟


وفي كل الاحوال فهو تحدي لحكومة المالكي التي لاندري ماذا ستفعل ازاء هذا الفعل المحرج! علما بان قناة العراقية حاولت ان تغطي على ذلك فحذفت الصوت ثم حاولت بعد ذلك ان تضع موسيقى (موطني) لاندري هل تم ذلك لتذكير الامارات (وشيخ محمد المكتوم) ام انه لتضليل المشاهد كتغطية على الاحراج الذي سببه ذلك.

ويحق لنا ان نتسائل هنا هل ان السلام الوطني العراقي هو ما عزفته دبي ام ما عزفته جاكارتا؟!

يبدو ان تكريم الفريق العراقي كان قد تحول الى تطبيل سياسي لمحمد المكتوم بل وتحجيم للاحتفال الاول الذي كان يجب ان يتم في شوارع بغداد وبحجمه الكبير جدا والطبيعي.
ولقد رأينا للاسف هذا التطبيل في كلمات (الشاعر كريم العراقي) الذي بدوره حاول ان يجلب الانتباه الى السلام العراقي (موطني) عندما طلب ذلك من الجمهور ولكن دون جدوى فلم ينتبه اليه احد!!

لقد كان واضحا بشكل جلي بان تكريم والاحتفاء بالمنتصر المجروح ذو الاحزان والمصائب بين اهله الذين يحملون نفس الجروح والمصائب ليحملوه على الرؤوس والاكتاف ليس كالتكريم المحدود والمصطنع من قبل المترفين الذين ارادوا بذلك بعض الكسب السياسي والاعلامي.. رغم ان الذي استقبلهم كان لايعرف كيف يبتسم.؟
وكان الاجدر (بالشيخ محمد المكتوم) ان يكون حاضرا بنفسه فهو لم يكن ولن يكون اكبر حجما من الشعب العراقي ولا من الفريق الذي مثله.





:
:
جنونه::57::

[ابو نؤاس]

والله ني اشوفه مبادره حلووه ومميزه من الشيخ ال مكتوم واحسن من الحكومه العراقيه اللي متستحي على نفسها نص المنتخب الوطني مكدر يجي بغداد لان ايخاف على نفسه
والنشيد الوطني السابق لحد الان شرعيا هو النشيد الرسمي لجمهوريه العراق لاموطني ولاهم يحزنون لان مجلس النواب مااخذ قرار بتغييره او تغيير العلم
انتو اتريدون الشيخ مكتوم يحضر دز ممثل اله وهذا كافي بس كان الاجدر برئيس الوزراء او رئيس الجمهوريه هذا العرف اللي تعودنا انشوفه من الروؤساء او الملوك بس مو يكعد بالمنطقه الخضراء خايف على روحه ان يروح للمباره النهائيه بس اظاهر ماعنده وقت تدرون مشغول بهموه ومشاكل العراقيين كاعد ديحل بيها
تحيه لدوله الامارات اللي تبرعت بخمسه مليون وخمسميه الف دولار للمتخب العراقي هاي ماانذكرت بالموضوع لان كانت اكبرمبلغ دعم استلمه المنتخب

[حبيب المواد]

اذا اكو شي اكره بحياتي فهو العرب وتسميه العرب ...
لكن الي بدر من رئيس الوزار الاماراتي هذا شي لا يمكن ان ينساه العراقيين ابد وخاصه هذا التكريم الفاخر الي كرم بي المنتخب العراقي وكأنه المنتخب الاماراتي لا بل اكثر ...
يعني على الاقل تذكروا انه ارسل الهم طيارته الخاصه عكس العار المالكي الي طلبوا منه طياره ومنفذ طلبهم بالرغم من وفره الطائرات وايضا حجز الهم تذاكر درجه ثانيه واأخر الفريق ست ساعات بالمطار مع العلم هذوله لواعيب والكل يعرف انه الوكت حساس بالنسبه الهم وانه من الخطأ ان يتعبهم ويجب الراحه النفسيه والجسمانيه الهم ...
والامارات عكس كل الدول العربيه النكسه سمحت للعراقيين برفع الاعلام العراقييه والشعب الاماراتي شارك العراقيين الفرحه بالفوز وكرمهم للمنتخب مع الكادر التدريبي ومنكدر ننكر هذا الفضل ابد ...
ومااعرف شنو سبب هذا الكلام يعني ننكر هذا الفضل كله بسبب غلطه غير مقصوده اعترفوا بيها المسؤليين الاماراتيين وهي غلطه النشيد الوطني وارسلوا مبعوث وقدموا اعتذارهم للحكومه العراقيه الفاشله ...
لذلك اكول لكاتب هذي المقاله .. العب غيرها
ولتحاول ان ترسم صوره جميله ورديه للحكومه الفاشله
لان هذا لا ينفع مع العاقل ...
وشكرا جنونه لنقل هذا المقال المضحك

[EMinem_civil_eng]

مهما كان التكريم سئ من الناحية الفنية لحكومة الامارات ...ومهما كان الاحتفال صغيرا او كبيرا في دبي
فانه افضل بكثير من اعمال الاردن وكلاب الاردن ...وافضل من ما قاله بعض سفهاء الخليج عن العراق والشعب العراقي ...
يعني والله حيرة وياكم ..الكل شافت ما حصل في الاردن ...وهنا هم شفنا اللي صار بالمحتفلين ..

((والله ممثل الحكومة الاماراتية ليش ميبتسم)) ..بالله هذا كلام ..!!!!!
..وثم احتفال في بغداد ..::5::
العالم ببغداد اذا توكف عل السرة مال بانزين يخافون ليجيهم مففخ ..عاد اذا الالاف مؤلفة ..متجمعة واكفة ..

يعني اللي كتب الموضوع ميعرف شنو الاوضاع ببغداد ..لو يعرف, بس حاقد عل الامارات ..؟؟
وبالنسبة للنشيد الوطني العراقي ..اني شفت الفيديو للاحتفال ..اثناء عزف السلام الجمهوري السابق ..الجماهير العراقية كلها او اغلبها تعالت اصواتهم وهم يقرون النشيد الوطني السابق ..يعني اللي صار مقوبل باستهجان او رفض من قبل الجماهير العراقيية



"" يجلب الانتباه الى السلام العراقي (موطني) عندما طلب ذلك من الجمهور ولكن دون جدوى فلم ينتبه اليه احد!! ""




اذا الجمهور نفسة منتبه ...وفرح وغنه ...شكو بعد

[عباس العبيدي]

تعودنا نحن العراقيين على تحويل كل عمل سواء خير ام شر لنا وايجاد الثغرات له لكي ننقده ونستصغره ماذا كان يفعل حاكم دبي لكي ترضين ؟؟؟ والله لا اعلم بعد ؟؟

[EMinem_civil_eng]

لكن الي بدر من رئيس الوزار الاماراتي هذا شي لا يمكن ان ينساه العراقيين ابد وخاصه هذا التكريم الفاخر الي كرم بي المنتخب العراقي وكأنه المنتخب الاماراتي لا بل اكثر ...


لك والله انتة على راسي ...

الامارات دائما ..من زمن صدام حسين والى الان ..كان دولة تقف مع الشعب العراقي ..
لا يهمها مصالح الحكومة العراقية ..ولا يهمها غضب الحكومة العراقية ..وانما المهم هو الشعب العراقي ..وهذا ما لمسناه بعد سقوط بغداد ...
تحية للامارات ولشعب الامارات ولحكومة الامارات

[حبيب المواد]

يسلم راسك حبي امينم ...
وعادي حبي تعودنه احنه كل عزه لطامه
ومثل مكال اخويه عباس حتى الشي الزين لازم يستغلوا
عيش وشوف

[القسام]

على الاقل تذكروا انه ارسل الهم طيارته الخاصه عكس العار المالكي
والامارات عكس كل الدول العربيه النكسه سمحت للعراقيين برفع الاعلام العراقييه والشعب الاماراتي شارك العراقيين الفرحه بالفوز وكرمهم للمنتخب مع الكادر التدريبي ومنكدر ننكر هذا الفضل ابد ...
ومااعرف شنو سبب هذا الكلام يعني ننكر هذا الفضل كله بسبب غلطه غير مقصوده اعترفوا بيها المسؤليين الاماراتيين وهي غلطه النشيد الوطني وارسلوا مبعوث وقدموا اعتذارهم للحكومه العراقيه الفاشله ...



الامارات العربية .. وما فعلته للمنتخب الوطني من تكريم شئ يستحق التقدير وان كانت هنالك نوايا مقصودة على الاقل اشرف من الدول الاخرى امثال الاردن وغيرها التي ضربوا المشجعين وتمزيق العلم العراقي الذي يرعبهم ..
تحياتي جنونه للموضوع ..

اما بخصوص تعليق اخي وصديقي العزيز حبيب ..اقول الأ ترى في الاونة الاخير تردد وبتكرار عبارة العار المالكي .. اخ حبيب من هو ليس عار من ساسة اليوم .. ولا داعي لكلمة العار لاي كان ممكن تنتقده لسياسته ومواقفه ورخاوته تجاه مكائد ومكر العفلقيين وغيرهم ..
وانا معك في تعليقك للموضوع .. تحياتي اخ حبيب ..

[حبيب المواد]

اخويه قسام انت تأمرني واني انفذ ...
بالنسبه لهذي المقوله نعم صحيح اني كلتها بالاونه الاخيره وخاصه بعد الفوز الي صار للمنتخب وتاليها يا حبيبي هذي جزاء هذوله الابطال الي عاشوا اسوء الظروف ومن اكثر العراقيل كدروا يتخطون كل هذي الفرق القويه و يجيبون الكأس ...
وابسط الخدمات الرياضيه الي يطلبها اي رياضي عادي مشفنه من هذي الحكومه اي مبارده جيده ...
يعني احنه مصدكنه خلصنه من عدي الف لعنه عليه الي دمرهم و دمر الرياضه العراقييه انوبه المالكي وربعه ...
ومثل متكول انت ماكو احد بالحكومه يحكم ومسؤل يتحمل مسؤليه منصبه ...تحياتي قسام

[سماء البصرة]

انا اللي ما عجبني بهاي الحفلة هو موقف النساء العراقيات واللي رقصن مع كل طبلة فعلا امر مهين ..وين اهلهم هالنسوان ؟؟ احنا هم فرحنا بالفوز وبالكاس بس ما راح نرقص كدام الكاميرات والعالم ..ولا تخلوني اتكلم عن العراقيات بالاردن ولبسهن ...يجوز انا عايشة بزمن ثاني او كلش رجعية وما اعرف ..يجوز هاي الطبيعي هاليومين ..

[شهريار]

والله ني اشوفه مبادره حلووه ومميزه من الشيخ ال مكتوم واحسن من الحكومه العراقيه اللي متستحي على نفسها نص المنتخب الوطني مكدر يجي بغداد لان ايخاف على نفسه
والنشيد الوطني السابق لحد الان شرعيا هو النشيد الرسمي لجمهوريه العراق لاموطني ولاهم يحزنون لان مجلس النواب مااخذ قرار بتغييره او تغيير العلم
انتو اتريدون الشيخ مكتوم يحضر دز ممثل اله وهذا كافي بس كان الاجدر برئيس الوزراء او رئيس الجمهوريه هذا العرف اللي تعودنا انشوفه من الروؤساء او الملوك بس مو يكعد بالمنطقه الخضراء خايف على روحه ان يروح للمباره النهائيه بس اظاهر ماعنده وقت تدرون مشغول بهموه ومشاكل العراقيين كاعد ديحل بيها
تحيه لدوله الامارات اللي تبرعت بخمسه مليون وخمسميه الف دولار للمتخب العراقي هاي ماانذكرت بالموضوع لان كانت اكبرمبلغ دعم استلمه المنتخب
ماعندي شي اضيفه عله اخويه وصديقي اسامه
وشكرا للشيخ ال مكتوم ودوله الامارات ..

[الكـون لهُ اسـْرار]

تحية طيبة ....

ما فعله حاكم دبي هو يُشكر عليه من جميع اي مواطن عراقي

وما عجز عليه المالكي والأحزاب السياسيه المنشغله بالأنسحاب من الحكومه المهزوزه

نشكرك جزيل الشكر يا حاكم دبي ووفقك الله لصالح الأعمال

واذا عُزف السلام الجمهوري من النظام القديم فهو شي اعتيادي

لأن حكومتج ممتوحده وكل شبرين دوله صارت بي وكل عشرين مسلم قلدوا مرجع

واذا واحد يكلج احنه متوحدين خـيطب للشمال وبي علم يرفع

وعجبتني هوايه الحفلة فرحوا بيها لاعبينه والجمهور الشريف اللي وكف ويه المنتخب وين ميروح

واسف علـ الأطاله

[القسام]

اخويه قسام انت تأمرني واني انفذ ...
بالنسبه لهذي المقوله نعم صحيح اني كلتها بالاونه الاخيره وخاصه بعد الفوز الي صار للمنتخب وتاليها يا حبيبي هذي جزاء هذوله الابطال الي عاشوا اسوء الظروف ومن اكثر العراقيل كدروا يتخطون كل هذي الفرق القويه و يجيبون الكأس ...
وابسط الخدمات الرياضيه الي يطلبها اي رياضي عادي مشفنه من هذي الحكومه اي مبارده جيده ...
يعني احنه مصدكنه خلصنه من عدي الف لعنه عليه الي دمرهم و دمر الرياضه العراقييه انوبه المالكي وربعه ...
ومثل متكول انت ماكو احد بالحكومه يحكم ومسؤل يتحمل مسؤليه منصبه ...تحياتي قسام

اخ حبيب اشكر ردك .. عفوا دون اوامر .. انت من الذين في نظري لاتخرج الكلمة منه الا بتمعن ودون تجريح للاخرين ..وهذا ما يميزك دوما ..
اخ حبيب الحكومة لم تقصر على ما اعتقد تجاه اللاعبين وما بذلوه .. واما بخصوص الطائرة الخاصة لمكتوم او الاحتفالات ، الكل يعلم يريدون تسيس كل ما يخص العراق والعراقيين ومن شوكت محنة حاكم دبي وبعض الخليجيين للعراق واهله .. وهل تصدق اني سمعت ان ما فعلته الامارات للمنتخب العراقي مقصودة ومفتعلة ضد السعودية والله يعلم ..!!

تحياتي اخ حبيب ..

[صقر ااالبياع]

هسة النشيد وتبدل بعد شيريدون والسيد حسين سعيد فشلهم وكال هذا النشيد غلط ونشيدنة الوطني الرسمي هو موطني بس الفرقة ما محضرتة صدام وراح لجهنم هو والنشيد مالتة اللي يحبة ويخاف على العراق يروح وراه رجاءا .

تحياتي جنونة

صقر ااالبياع

[أشوفك حلم]

والله حاورا وياكم يعني الرجل الله يكثر خيرة استقبلهم وكرمهم واحتفل بيهم
احسن من حكومتكم الي بدل ما يكرموهم اصدروا مذكرة اعتقال على الاتحاد العراقي
جنون
وقفت الامارات ههاي وية المنتخب العراقي ما تنسي للموت
لانها وقفة شرف

[مقاوم من العراق]

حيا الله عيال زايد
الي اثبتو فعلا انهم هم القادة وهم الشيوخ
سلمتم لنا يا قادة الامارت
وتبقون شوكة في عين كل حاقد على العروبة

[باندا العاني]

والله محد طيح حظ العراق غير هذا الحجي

سبحان الله دائما وين اكو فرحة لازم نتنغص بيه يعني بالله هذا موضوع

متحجون على المالكي كل يوم بايكله 100 دفتر ماعدا النفط واموال الشعب يلا بس بيكم تحجون على الرياضه والله الشيخ محمد بن راشد ال مكتوم يسوه المالكي وابو المالكي انطه للاعبين فلوس لاتعد ولاتحصى

والمالكي مطلع من جيبه ولافلس خاف يحسدوا هههههههههههههه

على العموم الله ينتقم من الظالمين وهذا الموضوع يرادله حذف احسن

[عصارة قلب]

صراحة الموضوع عليه أستغراب كبير

يتكلم الموضوع باللسان ليس بالعقل

وأن ما جاء من تكريم للمنتخب العراقي بدعوة من حاكم دبي ناتج عن أحتضان مستمر وليس غريب من دولة الامارات السباقة من بين ربيعاتها الدول العربية


أحتضان للدور المشرف للمنتخب العراقي الذي رفع أسم العراق والدول العربية شامخة

لماذا دائما أغلب المواضيع عبارة عن تسقيط للدول العربية

ولماذا لا يكون التسقيط الى الدول العربية التي فعلا يتضامن معها هذا المفهوم فهنا لا يكون التعميم للجميع

تحياتي لشخصكم الكريم جنون

[باندا العاني]

انا اللي ما عجبني بهاي الحفلة هو موقف النساء العراقيات واللي رقصن مع كل طبلة فعلا امر مهين ..وين اهلهم هالنسوان ؟؟ احنا هم فرحنا بالفوز وبالكاس بس ما راح نرقص كدام الكاميرات والعالم ..ولا تخلوني اتكلم عن العراقيات بالاردن ولبسهن ...يجوز انا عايشة بزمن ثاني او كلش رجعية وما اعرف ..يجوز هاي الطبيعي هاليومين ..

اي والله اؤيد كلامج والله العظيم شفت العراقيات حشى الزينات من طلعوا من العراق صاروا انكس ناس من لبسهم الى --------------- شوفوا اللي بسوريه خاصة طلعتهم قناة الشرقية والله خجلت والله كلت مع الاسف بدل منكوف وكفه وحده ونحارب الاحتلال شوفوا شيسوون الله كريم والله يهدي الجميع تحياتي

[باندا العاني]

صراحة الموضوع عليه أستغراب كبير

يتكلم الموضوع باللسان ليس بالعقل

وأن ما جاء من تكريم للمنتخب العراقي بدعوة من حاكم دبي ناتج عن أحتضان مستمر وليس غريب من دولة الامارات السباقة من بين ربيعاتها الدول العربية


أحتضان للدور المشرف للمنتخب العراقي الذي رفع أسم العراق والدول العربية شامخة

لماذا دائما أغلب المواضيع عبارة عن تسقيط للدول العربية

ولماذا لا يكون التسقيط الى الدول العربية التي فعلا يتضامن معها هذا المفهوم فهنا لا يكون التعميم للجميع

تحياتي لشخصكم الكريم جنون



والله يااختي احب اكول شي اللي يحجي على الدول العربية هذا ميعرف معنى العروبة ومااعتبره عربي لان الرسول
(صلى الله عليه وسلم ) عربي فااذا هو عربي ميحجي هذا الحجي

المهم والله يااختي اني اعتب على اخواننا العرب لان نعتب من باب المحبة والاخوة لكن مو اسب العرب والله شنو هم تاركين العراق هذا سبب لان انتوا مدايرين بال للعراق وكأن العراق بلد يهودي نعتب عليكم كاخوان كشعب وليس على رؤساء الدول العربية لان ثلاثة ارباعهم خونه خونه خونه

الله يهديهم شكرا

[انا عراقي فقط]

انا اللي ما عجبني بهاي الحفلة هو موقف النساء العراقيات واللي رقصن مع كل طبلة فعلا امر مهين ..وين اهلهم هالنسوان ؟؟ احنا هم فرحنا بالفوز وبالكاس بس ما راح نرقص كدام الكاميرات والعالم ..ولا تخلوني اتكلم عن العراقيات بالاردن ولبسهن ...يجوز انا عايشة بزمن ثاني او كلش رجعية وما اعرف ..يجوز هاي الطبيعي هاليومين ..

شكرا للموضوع


اني اعتبره شي مشرف من قبل الحكومه في دبي

وبارك الله بيهم

اما للنسار الي ركصن شكو بيهه اريد افتهم واذا ركصن

شنو همه موبشر ويرريد يفرح هسه الولد موركصوا ليش منحجي على نفسنا

ليش من ركصن البنات حجينا اولا الفرحه للعراق وهنه عراقيات وثانيا هم يريدن يشوفن فرح

الله يساعدهن هم غربه وهم حزن وهم اشكال والوان من القهر والضيم


وتحياتي

[أحمـــد الرســـام]

يابه متخلونه من هاي الأمور
الناس سوو الما سوته حكومتنه الموقرة
دزلهم طيارته الخاصة لجاكرتا بينما الحكومة العراقية
خلت الفريق يتنقل من مطار لمطار حالهم حال الناس
وبعدين الكل شاف الاستقبال والاحتفال الكبير السووه ألهم
والنشيد الوطني الناس أعتذروا على مستوى رسمي
يعني هاي بدل ما نشكرهم نحجي هيج حجي
والله عيب

[القديس بغدادي]

موضوع صحيح في فحواه خاطئ في الاتجاه...
هكذا موضوع كان من الفترض ان يكتب ضد ما قام به الاردن بالجماهير العراقية على سبيل المثال عندما قاموا بضرب العراقيين بالعصي و القاء القبض عليهم و و ترحيلهم بالباصات و ما قاموا به من توفير مكان سئ للاحتفال لا ضد الشيخ محمد بن راشد آل مكتوم الذي قام بارسال طائرته الخاصة للمنتخب العراقي الوطني لجلبهم و ارجوا الانتباه الى انه ارسل طائرته الخاصة و ما يحمله هذا الامر من مدبولات شخصية و معنوية عالية جدا و يدل على مكانة المنتخب الوطني العراقي ثم السماح و منذ صافرة النهاية للعراقيية بالاحتفال في الشوارع و رفع العلم العراقي الرسمي و تكريم المنتخب الوطني العراقي بمبلغ حوالي 5.5 مليون دولار...
اما بالنسبة للنشيد الوطني العراقي انا شخصياً افضل النشيد السابق على نشيد موطني لان نشيد موطني هو من قبل شاعر فلسطيني و ليس العراق بالبلد العقيم الذي لا ستطيع انجاب الشعراء و إلا فماذا تعني اسماء عملاقة و رائدة في الشعر امثال محمد مهدي الجواهري و بدر شاكر السياب و نازك الملائكة و عبد الرزاق عبد الواحد
قبل كتابة هذا الموضوع كان يدور في ذهني كتابة موضوع اشكر فيه شعب الامارت و الشيخ محمد بن راشد آل مكتوم على كرمهم و موقفهم الذي لن ينساه العراقيين كما لن ينسى العراقيين مواقف الاردنيين و السوريين الذي قاموا بضرب المشجعين العراقيين بالعصي...
موضوعج اختي جنون موجه بالاتجاه الخاطئ...

[فاروق الرافدين]

عيني جنون الحمد لله على السلامة ان شاء الله تكونون بخير وعافية ..
بخصوص التكريم موقف مشرف وعلى الاقل احسن من حكومتنه اللي بخلت عليهم حتى بطائرة تنقلهم للعراق .. يعني فوك حكه دكه يعني اتبرعوا بمبلغ اكبر من مبلغ المالكي اللي شاكووول عليه والله خجلنه ولو هاي مو جديده عليه يعني عااادي متعودين على سوالفه التعبانة ..
الامر الثاني .. يصدرون مذكرة اعتقال باكبر لاعبي المنتخب العراقي المشهود لهم بالخدمة لهذا البلد وهما
احمد راضي وحسين سعيد .. يعني حكومتنه خوووش تكافئهم تصدر بحقهم مذكرات اعتقال صحيح والله لان رفعوا روسهم فوووك وهاي الحكومة ما تعرف رفعة الراس شنووو .. على العموم ..
الاسووود وحدوا العراق والحكومة فرقت العراق هذا هو المحصلة .. تقبلوا مروري

[جنة بغداد]

:

:


لم يكن ما سموه بتكريم الفريق العراقي من قبل (محمد المكتوم) حاكم دبي موفقا.. بل انه اختزل وسرق وقزم الانتصار العراقي وحوله الى حفلة تكريم مغلقة في احدى قاعات دبي. كان الشعب العراقي يريد ان يتم الاحتفال الاول للانتصار في بغداد وليس في غيرها! وين يحتفلون ببغداد ليش همه يكدرون يوصلون لهناك اشو اول ما وصل المنتخب لبغداد اصدرو مذكرة اعتقال لمدرب حسين سعيد و احمد راضي

لقد حضر ممثل (المكتوم) الذي لاتعرف الابتسامة طريقا الى وجهه.. اي والله بهذي حقك لانه الرجال جان كاعد مكشر عبالك رايح فاتحه وكأنه قد تفضل بمنة على الفريق العراقي البطل .... ولم تكن مذيعة الحفل موفقة في قراءة الاسماء بشكل صحيح حتى اسم علي!!! شنو القصد بهذا ؟ هيه قرت الاسماء بشكل صحيح وبلهجه اماراتيه بحته ولكن شنو القصد من تطرقك اخي الى اسم علي بالأخص؟؟؟

فوق هذا وذاك فلقد قامت فرقة العزف الاماراتية بعزف السلام العراقي السابق الذي تمت صياغته في عهد النظام السابق (نظام صدام حسين). لانه هو هذا السلام الجمهوري الي لازال ممثل بي و للعلم الجمهور العراقي الي كان حاضر بالحفل عاد انشاد النشيد الوطني مرة ثانيه بعد انهاء التكريم


فهل كان هذا متعمدا؟؟؟؟ متعمدا لانه دولة الامارات غير معترفه بالحكومه الحاليه للعراق ( حكومة الحرامية )
ام انه ناجم عن الجهل ؟؟؟؟ لا والله هذا العقل وكل العقل
ام عدم الاكتراث...؟؟؟؟ عدم الاكتراث للحكومه وليس للشعب


وفي كل الاحوال فهو تحدي لحكومة المالكي التي لاندري ماذا ستفعل ازاء هذا الفعل المحرج! علما بان قناة العراقية حاولت ان تغطي على ذلك فحذفت الصوت ثم حاولت بعد ذلك ان تضع موسيقى (موطني) ههههههههه طول عمرهم وجهم ملطخ بالاسود الحكومه الجديده
لاندري هل تم ذلك لتذكير الامارات (وشيخ محمد المكتوم) ام انه لتضليل المشاهد كتغطية على الاحراج الذي سببه ذلك. هههههههههههههه موقف مضحك

ويحق لنا ان نتسائل هنا هل ان السلام الوطني العراقي هو ما عزفته دبي ام ما عزفته جاكارتا؟! بس تعلق على سؤالك هذا
من يكون عدنا وطن حر بأتخاذ قراراته وحر من الايادي الاجنبية والخفيه في وقتها نناقش موضوع النشيد الوطني

يبدو ان تكريم الفريق العراقي كان قد تحول الى تطبيل سياسي لمحمد المكتوم بل وتحجيم للاحتفال الاول الذي كان يجب ان يتم في شوارع بغداد وبحجمه الكبير جدا والطبيعي. هسه مو راحو المنتخب للعراق شفتو احد كرمهم لو احتفل بيهم اشو اول ما وصلو حاصروهم بفندق و اصدروا مذكرات الاعتقال بحق كم شخص منهم
ولقد رأينا للاسف هذا التطبيل في كلمات (الشاعر كريم العراقي) الذي بدوره حاول ان يجلب الانتباه الى السلام العراقي (موطني) اكبر منافق الشاعر كريم العراقي وفعلا هو شعار يعني محد يعتب عليه لانه بذاك الزمن كان يطبل للحكومه وبهذا الزمن هم يطبل لهذي الحكومه وهذا طبع الشعاعير عندما طلب ذلك من الجمهور ولكن دون جدوى فلم ينتبه اليه احد!! شعاااار منو ينتبهله!!؟

لقد كان واضحا بشكل جلي بان تكريم والاحتفاء بالمنتصر المجروح ذو الاحزان والمصائب بين اهله الذين يحملون نفس الجروح والمصائب ليحملوه على الرؤوس والاكتاف ليس كالتكريم المحدود والمصطنع من قبل المترفين الذين ارادوا بذلك بعض الكسب السياسي والاعلامي.. رغم ان الذي استقبلهم كان لايعرف كيف يبتسم.؟
وكان الاجدر (بالشيخ محمد المكتوم) ان يكون حاضرا بنفسه فهو لم يكن ولن يكون اكبر حجما من الشعب العراقي ولا من الفريق الذي مثله. فعلا المنتخب يستاهل تكريم احسن وارقى ومن قبل شعبه وحكومته وليس من الحكومات الاخرى لكن لا حياة لمن تنادي
خلونا نفرح بالفوز و لانخلي مجال للتفرقه والحزازيات بين الشعب العراقي والعربي






شكرا على النقاش

[أبو الخطاب]

طبعا أمام هذه المبادرة السخية تنهار كل هذه السفاسف المذكورة .. بصراحة ألأمارات والشيخ محمد بن راشد كرم اللاعبين بشكل ضخم (ما النة شغلة بالنوايا).. وأخذهم من المطار واللي مع ألأسف حكومة المالكي تركتهم مثل ألأيتام حايرين وين يرحون!!!آني أشوف من المخجل ان نرد الجميل بهذه ألأمور ونبحث عن عيب هنا وعيب هناك .. نحن أرفع من هذا الكلام..

[Civilian]

والله يا جنون ترة مبادرة الامارات بحق المنتخب العراقي لطيفة جدا وتستحق التقدير
ما ننسى ان الشيخ محمد بن راشد ارسل طائرته الخاصة لجلب المنتخب الى الامارات
واهداه 5,5 مليون دولار واقامله احتفالية رائعة ايضا

ونأمل ان يكون الخطأ بعزف السلام الجمهوري غير مقصود لأن الامارات اعتذرت للعراق مباشرة

ولو اني اكره نشيد موطني , لأنه نشيد فلسطيني وكلماته وعباراته ذات احداث فلسطينية ما الها اي علاقة بالعراق لا من قريب ولا من بعيد

بس هو النشيد الوطني لجمهورية العراق حاليا (امنياتي ان يتم تغييره سريعا) وكان لازم ان ينعزف بالامارات

بس حكومتنه ضعيفة , ولو ما كانت ضعيفة , وما كان الشعب العراقي يدافع عن الارهابيين الجهاديين , جان احتفلنه بالفوز بساحة الاحتفالات في بغداد مع اهلنا الطيبين لا في الاردن مع قوات الامن الاردنية الدنيئة

شكرا جنونة

[صياد@الهموم]

مبادرة ال مكتوم مبادره حلوه ولطيفه وتكريمه للاعبين ايضا كان تكريم جميل
وتتحث المقاله عن الاحتفل بشوارع بغداد ((يعني الي كتب هذه المقاله مي يدري شوارع بغداد شبيهه حتى يريد المنتخب يحتفل بيهه))
بس اني المعجبني ذن الي جم وحده الي كامن يهزن بدبي وهايه الي شبكت يونس وهذا هذا ابو الوردي الي مخلي العلم العراقي عليه يركص ركص مال ......... اعوذ بالله منك يا لساني
دمتم بكل الود
تحياتي الكم جميعا

[غـــرور عـــراقيه]

مبادره حلوه من الشيخ محمد بن راشد وبصراحه فرحونه هوايه يعني من يوم الي طلعنه بيه من العراق لحد يوم فوز المنتخب مشفنه مثل هاي الفرحه وانجمعنه العراقيين كلنه بدبي وفرحنه سويه وبصراحه متنعاب الحفله الي سواها مكتوم واذا عزفو النشيد الوطني وطن المدا شنو يعني هذا ماضي العراق ونفتخر بيه موطني لو وطن المدا اهم شي اسم العراق مرفوع ::13::

[طيبة العراق]

أضم صوتي لصوت ابو نؤاس
..
والله اذا فرحوا المنتخب فكانت فرحتهم فقط في دبي
وبسسسسسسسسسسسسسسسس

[كهرمانه بغداد]

والله اعتقد انه حكومة دبي كرمت امنتخب العراقي ورعت من شأنه وفرحته بوقت انه الحكومه العراقيه قللت من شأنه ولم تعيره اي اهتمام يناسب الكأس الي جلبوا ! حتى طياره خاصه جلبولهم . يعني قابل الامارات مجبوره على عمل حل تكريم ! قابل دتغازل حكومتنا الفاشله!

اما بالنسبه للنشيد الوطني العراقي القديم أعتقد انه كل هل كم الهائل الي كان بالملعب وردد النشيد يرد على تسائلاتك يا جنون بأن الشعب العراقي يحن لهذا النشيد وايام هذا النشيد ولو كان معترض لردد مع كريم العراقي ! وهاي اكبر ضربه للحكومه الفاشله.

عربيه وافتخر ... والي مو عاجبه ينتحر.

[مهندس بغداد]

والله الرجال ما قصر وخلف الله علية سوالهم حفلة كلش حلوة وياهه 5 ملايين دولار ونص
ورفعو علمنه وغنو للمنتخب بعد شيسوي الرجال
هاي امبدال منكله رحم الله والديك...
هو شخسران لو عافهم ...فريق فاز بكاس اسيا ابماليزيا هو شنو دخله بالموضوع
غير اعتزازه ابفريقنة
والله الامارات وشيخ دبي الي كرم المنتخب يستاهلون منا افضل شكر واعتزاز
اما كلام الاخت سما البصره عن لبس العراقيات بالاردن فهذه حرية شخصية
منكدر ننتقد ناس على لبسهم...

[ابو تراب اللامي]

طبعا احنة ومع الاسف موا شكول نعمة
اكتفي بهذا التعليق

[لؤلؤة العراق]

والله ني اشوفه مبادره حلووه ومميزه من الشيخ ال مكتوم واحسن من الحكومه العراقيه اللي متستحي على نفسها نص المنتخب الوطني مكدر يجي بغداد لان ايخاف على نفسه
والنشيد الوطني السابق لحد الان شرعيا هو النشيد الرسمي لجمهوريه العراق لاموطني ولاهم يحزنون لان مجلس النواب مااخذ قرار بتغييره او تغيير العلم
انتو اتريدون الشيخ مكتوم يحضر دز ممثل اله وهذا كافي بس كان الاجدر برئيس الوزراء او رئيس الجمهوريه هذا العرف اللي تعودنا انشوفه من الروؤساء او الملوك بس مو يكعد بالمنطقه الخضراء خايف على روحه ان يروح للمباره النهائيه بس اظاهر ماعنده وقت تدرون مشغول بهموه ومشاكل العراقيين كاعد ديحل بيها
تحيه لدوله الامارات اللي تبرعت بخمسه مليون وخمسميه الف دولار للمتخب العراقي هاي ماانذكرت بالموضوع لان كانت اكبرمبلغ دعم استلمه المنتخب


الاخ ابو نؤاس اتفق معك


.....


الى كاتب المقاله..هل هو داخل العراق؟؟ليشاهد مافي بغداد؟؟


فكيف تريد بالمنتخب الوطني ان يحتفلو وسط صوت الانفجارات بدلا من صوت الطبول


ووسط بكاء ونحيب الامهات والاطفال بدلا من صوت الهلاهل


ووسط الاعتقالات بدلا من التصفيق؟؟


هذا اولا..


ثانيا ..النشيد الوطني اعتذر حكومة الامارات بكل لطف واحترام


رغم ان نشيد موطني فلسطيني ولس كنشيد وطن المدا

....


ثالثا الرجل لم يضحك ..لكن حينما مسك الكاس مع لاعبينا فابتسم


ماذا تريد منه ان يقوم يغني ويصفق؟؟الرجل فعل ماعجز عنه حكوماتنا

قام بتكريم المنتخب احلى تكريم واستقبلهم استقبال ابطال


كمنا يستقبل ابناء وطنه


لاول مرة احس ان العرب وقفو معنا في لحضات احسسنا ان الجميع تخلى عنا


وقفو معنا وقفة اخ ووقفة اب ووقفة ابن البلد بل اعز



فهذا من شيم الشيخ محمد بن راشد ال مكتوم


ربي يعطيه الصحه والعافية والسعاده ورضى الله

ادعو الله ان يمن علينا بحاكم يحكمنا كاصالته ووطنيته

...


استغرب من كاتب المقاله ما الغرض من كتابة المقاله؟؟


هل هو تبيضا لوجوه الحكومه؟الذي حتالما شاهد كيف المنتخب لم شمل وسوااعد العراقيين


ووحد صفوف الشعب..حالما شاهد الحكومه ماصنعه الرياضه قامو بصفعه على وجه المنتخب وعلى الشعب


حين تركوهم بارض بعيده عن العراق كابن السبيل ..تركوهم لوحدهم ...


رغم توفر الطائرات لديهم ..رغم توفر طائرة خاصه ايضا للعميل مالكي الذي اهدوه اياه الايرانينن

بئسا لك يا مالكي ..كيف تمثل العراق وانت بهذا لحقد لما انجزه الرياضيون

.....


تحياتي لكِ غاليتي جنونه


مع اطيب امنياتي


دمتي بكل ود

[شجــن العراق]

...

بالنسبة لوقفة الامارات .. فهي دون عن جميع البلدان العربية سمحت للعراقي بالاحتفال بعفوية وانطلاق.. بل انها ساندت احتفالاتهم سنحت كل المجال لهم !!
اما الـ نشيد الوطني ؟؟
فلا اعلم لم التطبــيل الدائم لـ "موطني"
النشيد الوطني " العراقي " يجب ان يكون بكلمات عراقي .. ولحن عراقي واجواء عراقية !! مو كوكتيل .. لو يقترحولي اغنية كاظم !! ...
وشفنا الجمهور مدار بال وكمّل.. فعليش نقنع نفسنا بعكس الواقع ..
ونهوّس مع الاعلام بالتفرقة والباطل.؟؟
كبرو عقولكم ياعراقيين .. وتجاوزو عن صغريات الامور ..
والمالكي وحكومته وكل من ساندهم .. فشلة ومجرمين .. من اولهم لاخرهم !.. واعجب ع اللي يدافع عنه.. " فقط لانه اعدم الطاغية ؟؟ ليش ميعدم باقي الطغاة اللي ديدمرون العراق؟ وخلي بطريقه يصدر حكم اعدام لنفسه .. ::22::

تقبلو مروري

[شجــن العراق]

رغم ان نشيد موطني فلسطيني ولس كنشيد وطن المدا

....


الحمد لله هناك من يؤيد نظرتي ...

[sonaa]

جزاك الله خير ياسمو الشيخ محمد بن راشد ال مكتوم...فرحت منتخبنا وفرحت الشعب العراقي كله وفعلا ..تاتي على قدر الكرام المكارم

[بنت زايد]

اول شي احب اشكرج عالموضوع جنونه ..
وعندي تعليقين ازيدهم على تعليقات الاعضاء ..عشان ما نزيد ونعيد بالموضوع ..

اول شي الاحتفال كان بنادي الاهلي ..والي راحوا الاحتفال يعرفون كبر حجم النادي ..يمكن ما كانوا متوقعين هالحشود الهايله من الجمهاهير يحضرون ..بس حتى بعد ما أمتلأت المدرجات ..ما قالوا للجماهير مع السلامه ما يخصنا فيكم ..بالعكس استقبلوهم ووفرولهم شاشات عرض ..يعني جنهم كانوا بالاحتفال نفسه ..

وبعدين هالاحتفال بس كان عالمستوى الرسمي للدوله ..غير هالاحتفال كان فيه مسيرات واحتفالات كل مره يفوزون فيها العراق ..بكل أنحاء الامارات ..بكل مكااااااااااااااااااااان ..!!!!!

والتعليق الثاني صراحه انا اشوفه سخاااااافه من الكاتب اونه ليش الشيخ ما ضحك ولا ابتسم ..ليش برايج جنونه ؟؟

لانه حاقد على العراق مثلا ..انزين شو جابرنه يحضر الاحتفال من اصله !!!!! منطق غريييييييييب

تعليقي بسيييييط شوفوا صوره بكل مكان تشوفون اصلا هو مو من النوع البشوش الي يضحك ..حتى لما فازوا بالذهبيه فأسياد آسيا كانت له نفس هالملامح ..الريال جي شو يسوي بعمره ؟؟؟؟؟

[شـوكـة نـاعـمـة]

واخزياااااه

يابة والله عيب هالموضوع ... ما اتوقعتها منج جنونة

كلام جنس المنطق مابيه ... كوه اتسوون عركة وطلايب ::12::

افتهم يا احتفال هذا الي ابغداد الي زعلانين عليه ؟؟
شنو نضحك على بعضنا يعني !!!

واحلى شي زعلان الكاتب لان الحاكم دز طيارة
اي مو الماكلي خطيه كلش بيض الوجه ، ابد ما قصر
مو زين من عنده الرجال صاحب نخوة و ضمير
عنده غيره على اللاعبين اكثر من رئيسهم

وبعدين شنو الممثل ما يضحك ؟ لازم يهوس و يركص يعني
و اذا سواها هم مراح يخلص من حجيكم

يابة هما هيج طبعهم حتى حاكم دبي نفس الطبع ... فكروا قبل ما تحجون و تخزونا

و شنو المذيعه ما عرفت اتكول الاسماء ؟
اترديها تعوج اللسانها و تحجي عراقي مثل ما العراقيات يحجن اماراتي ... خلينا ساكتين احسن ::12::

وكلشي بكفة و انتقاد الاحتفال بكفة
ماكو بلد عربي احتفل بالفرحة العراقية مثل الامارات ... بس كلش غزر بالعين الظاهر ، لعد ما ينلامون الاردنين ::56::



واني شخصيا كنت دائما انتقد سياسة الامارات ، لكن بعد مواقفهم بعد استحي افتح حلكي والله ::41::

طول ما اكو هيج افكار عند العراقيين ابد والله ما يصير براسنا خير

شلون موضوع مستفز ياربي ::29::

[::: I R A Q I 4 E V E R :::]

السلام عليكم ورحمة الله وبركاته

اختي العزيزة هل تعلمين ان الحكومة العراقية بقيادة المالكي عجزت على توفير طائرة تنقل المنتخب الوطني من جاكارتا الى بغداد ؟؟؟

هل تعلمين ان حاكم دبي سمع بهذا الخبر وارسل طائرته الخاصة لتقل المنتخب العراقي ؟؟

حكومة الامارات مشكورة على مافعلت بارك الله بكم

[2ابن الصويره]

:

:


لم يكن ما سموه بتكريم الفريق العراقي من قبل (محمد المكتوم) حاكم دبي موفقا.. بل انه اختزل وسرق وقزم الانتصار العراقي ومنو كالكم لاتحتفلون وحوله الى حفلة تكريم مغلقة في احدى قاعات دبي.في النادي الاهلي الذي احتو الاف العراقيين والاهم من المكان هو قلب هذا الرجل الذي احتوانا ولم يضايقنا اي احد وبالعكس كأن الفوز لهم كان الشعب العراقي يريد ان يتم الاحتفال الاول للانتصار في بغداد اي بغداد قصدك التي كانت اسمها بغداد وبعدين مو صار انفجار باللعبه الي قبلها شلون بالله نحتفل لو هيه هوسه وبس وليس في غيرها!

لقد حضر ممثل (المكتوم) الذي لاتعرف الابتسامة طريقا الى وجهه.. وكأنه قد تفضل بمنة على الفريق العراقي البطل.... ولم تكن مذيعة الحفل موفقة في قراءة الاسماء بشكل صحيح حتى اسم علي!!!يعني هاي الي كتلتكم اسم علي!!!!

فوق هذا وذاك فلقد قامت فرقة العزف الاماراتية بعزف السلام العراقي السابق الذي تمت صياغته في عهد النظام السابق (نظام صدام حسين). اصلا الجمهور هو الي بدا النشيد مو الفرقه والاهم انو كان لحظه اسمى من ان نتناقش بها والله رجعلنا ذكرى ايام العز ايااااااااااااام النظام السابق مثل ماتسموووه


فهل كان هذا متعمدا؟؟؟؟
ام انه ناجم عن الجهل ؟؟؟؟
ام عدم الاكتراث...؟؟؟؟


وفي كل الاحوال فهو تحدي لحكومة المالكي شنو بالله وجه التحدي لو مسويتها ايران كان دكيتو بطبل التي لاندري ماذا ستفعل ازاء هذا الفعل المحرج!اي خل يروحون لمجلس الامن يشتكون عليهم ويكولولهم سرقوا احتفالنا علما بان قناة العراقية حاولت ان تغطي على ذلك فحذفت الصوت ثم حاولت بعد ذلك ان تضع موسيقى (موطني) لاندري هل تم ذلك لتذكير الامارات (سموالشيخ محمدبن راشد المكتوم) ام انه لتضليل المشاهد كتغطية على الاحراج الذي سببه ذلك.

ويحق لنا ان نتسائل هنا هل ان السلام الوطني العراقي هو ما عزفته دبي ام ما عزفته جاكارتا؟!يعني شنو هالخوف ماادري حتى النشيد الوطني يخوف سبحان الله

يبدو ان تكريم الفريق العراقي كان قد تحول الى تطبيل سياسي للشيخ محمد المكتوم بل وتحجيم للاحتفال الاول الذي كان يجب ان يتم في شوارع بغداد اي احتفلوا واذبحو بشر مااوصيكم لان الغنم وديتهرب ولا وسعر الطلي اغلى من سعر الانسان في شوارع بغدادوبحجمه الكبير جدا والطبيعي.
ولقد رأينا للاسف هذا التطبيل في كلمات (الشاعر كريم العراقي) الذي بدوره حاول ان يجلب الانتباه الى السلام العراقي (موطني) عندما طلب ذلك من الجمهور ولكن دون جدوى فلم ينتبه اليه احد!!لازم تسالين نفسج ليش ؟؟؟؟اذا مو دبي وانما الشعب العراقي واعتقد ان لنا حريه الاختيار

لقد كان واضحا بشكل جلي بان تكريم والاحتفاء بالمنتصر المجروح ذو الاحزان والمصائب بين اهله الذين يحملون نفس الجروح والمصائب ليحملوه على الرؤوس والاكتاف ليس كالتكريم المحدود والمصطنع من قبل المترفين الذين ارادوا بذلك بعض الكسب السياسي والاعلامي.. رغم ان الذي استقبلهم كان لايعرف كيف يبتسم.؟
وكان الاجدر (بالشيخ محمد المكتوم) ان يكون حاضرا بنفسه فهو لم يكن ولن يكون اكبر حجما من الشعب العراقي ولا من الفريق الذي مثله.
والله هو الحقد



:
:

جنونه::57::

best regrds

[فارس العلوم السياسيه]

هي وينها كاتبة الموضوع؟
اشو طكت قنبلة وراحت

[إبن المنصور البغْدادي]

بدال متحجي على حكومتج العاوية تحجين على حكومة دبي والله شنو المسؤل الحاضر ميبتسم هذا طبعهم انتو شنو بيهم مو مثل المالكي لو الطالباني الي عاف الحفلة وطلع ياكل دولمة مدري شيسوي والله عمي صدق الشاعر الي كال
ان انت اكرمت الكريم ملكته وان.............................

[سامرائي الى الابد]

:

:


لم يكن ما سموه بتكريم الفريق العراقي من قبل (محمد المكتوم) حاكم دبي موفقا.. بل انه اختزل وسرق وقزم الانتصار العراقي وحوله الى حفلة تكريم مغلقة في احدى قاعات دبي. كان الشعب العراقي يريد ان يتم الاحتفال الاول للانتصار في بغداد وليس في غيرها!

لقد حضر ممثل (المكتوم) الذي لاتعرف الابتسامة طريقا الى وجهه.. وكأنه قد تفضل بمنة على الفريق العراقي البطل.... ولم تكن مذيعة الحفل موفقة في قراءة الاسماء بشكل صحيح حتى اسم علي!!!

فوق هذا وذاك فلقد قامت فرقة العزف الاماراتية بعزف السلام العراقي السابق الذي تمت صياغته في عهد النظام السابق (نظام صدام حسين).


فهل كان هذا متعمدا؟؟؟؟
ام انه ناجم عن الجهل ؟؟؟؟
ام عدم الاكتراث...؟؟؟؟


وفي كل الاحوال فهو تحدي لحكومة المالكي التي لاندري ماذا ستفعل ازاء هذا الفعل المحرج! علما بان قناة العراقية حاولت ان تغطي على ذلك فحذفت الصوت ثم حاولت بعد ذلك ان تضع موسيقى (موطني) لاندري هل تم ذلك لتذكير الامارات (وشيخ محمد المكتوم) ام انه لتضليل المشاهد كتغطية على الاحراج الذي سببه ذلك.

ويحق لنا ان نتسائل هنا هل ان السلام الوطني العراقي هو ما عزفته دبي ام ما عزفته جاكارتا؟!

يبدو ان تكريم الفريق العراقي كان قد تحول الى تطبيل سياسي لمحمد المكتوم بل وتحجيم للاحتفال الاول الذي كان يجب ان يتم في شوارع بغداد وبحجمه الكبير جدا والطبيعي.
ولقد رأينا للاسف هذا التطبيل في كلمات (الشاعر كريم العراقي) الذي بدوره حاول ان يجلب الانتباه الى السلام العراقي (موطني) عندما طلب ذلك من الجمهور ولكن دون جدوى فلم ينتبه اليه احد!!

لقد كان واضحا بشكل جلي بان تكريم والاحتفاء بالمنتصر المجروح ذو الاحزان والمصائب بين اهله الذين يحملون نفس الجروح والمصائب ليحملوه على الرؤوس والاكتاف ليس كالتكريم المحدود والمصطنع من قبل المترفين الذين ارادوا بذلك بعض الكسب السياسي والاعلامي.. رغم ان الذي استقبلهم كان لايعرف كيف يبتسم.؟
وكان الاجدر (بالشيخ محمد المكتوم) ان يكون حاضرا بنفسه فهو لم يكن ولن يكون اكبر حجما من الشعب العراقي ولا من الفريق الذي مثله.





:
:

جنونه::57::



عجيب امركم ياعراقيين هسه الرجال صاحب فضل

وسبحان الميغلط واكولج تره الفرقه عراقيه مو اماراتيه ؟؟؟للعلم

ومن شوكت صايره حريصه ع العراق انتي

[مرتــــــاح بدفــاها]

احسن من حكومه العماله الامريكيه والصفويه