انطي رايك في نتائج الامتحانات هل السنة ؟؟؟؟؟؟؟

[محب الربيع]

السلام عليكم شلونكم شباب وشابات كلية الاداب في البداية احب اهنيكم بعودة منتدى دجلة نت بعد انقطاع طويل وما اعرف شنو سببة واريد اسالكم علمود نتائج النهائية لكلية الاداب السنة وهو ان اكثر طلاب الكلية مكملين او راسبين وتسال الطلاب ويكلك انا جاوبت خوش جواب بس وكعت بالمادة الفلانية بس اريد اعرف السبب هل هو من الطلاب واذا هو من سبب الطلاب ليش كل سنة ماكو هيج نسبة من الاكمال لو هو سبب الاساتذة الافاضل ...............................................

[¦§¤ انين الجراح ¦§¤]

والله يا اخي محب اني مو بكلية الاداب
بس كنت طالب وعشت هذه الايام والله اني كطالب طبعا خلال ثلاث سنوات الاولى من الكلية كانت طبيعيه
صح الاساتذه متشديدين بس بأنصاف والحمد الله ماشي الحال
لكن المشكلة في السنه الاخيرة اي لمن تغير الوضع داخل الرمادي ......................
يعني تغير الاساتذه 180 درجة يا اخي اني والله من المتفوقين ..
اقسم بربي اتهسترت على الي يصير يعني اجتي ايام واطب للامتحانات اتفاجئ بالسعيات والي هيه مو اختصاص الطالب
السعيات من اختصاص الاستاذ
يعني مثلا صار ويايه مع استاذ في امتحان الشهر الاول والثاني 98 من 100 يعني درجة كلش زينة بالنسبة لطالب على ابوب التخرج والدرجة الوحدة تخدمة ... ولمن صار توزيع السعيات امخليلي الاستاذ 40 من 50 .. انت كطالب بربك احكم على يا اساس يخليلي هيج سعي ويدمرني واني ممقصر .. الحضور اليومي منضبط والكثير الكثير من التقارير مقدم
يلة هسه هاي هم ذنبي اني كطالب .. موضوعك

[¦§¤ انين الجراح ¦§¤]

اسف مكملت ردي وماشاء الله تعديل المشاركات رافعي من المنتدى
..................
اكملك : موضوعك يا محب يبحث الخلل من الاساتذه لو من الطلاب اني اكلك الخلل صح من الطلاب بس مو كل مرة يااخي الاساتذه تغيرووووووووووووووووووووا عليننننننننننننننننة وليش مااعرف ..
يا اخي اني واقف ويه استاذ بنص الكلام كلي الي ولبعض الاساتذه انو سابقا الطالب كان يهددنا بس حاليا احنه لازم انهددة لان مجان الطالب يخلينه نرتاح ........... بربك هذا جواب استاذ .. ليش يا استاذ شكو بينك وبين الطالب اكو عداوة لو بيناتكم فد مشكلة ليش تعم الطلاب كلهم ... هذا سؤالي اله .... جوابة الي شنو كان ...
جوابة كان انو الطالب ميجي اله بالقوة ... زين اني يحجي ويايه هيج حجي واني كنت طالب مرحلة رابعه على ابواب التخرج بس اني اعرف ليش ... وشنو السبب ...................
السبب لانه بهاي الايام اصبح ميزان التفاخر بين الاساتذه كم طالب رسبت ؟ هذا ميزان التفاضل بين الاساتذه ولو مو كلهم اني اقصد البعض بل الاغلبية ..
اني هاي وجهة نظري وماانسه انطيك نسبة كبيرة من اللوم على الطالب لان اني مدااحجي عن الطالب الي يفرفر وتارك محاضراته اني اقصد على الطالب الي مثل متكول انته مجاوب وتجي مكمل او راسب
اخي موضوع رائع واني اسف على الاطالة واسف لاني اتدخلت مع خصوصياتكم كونكم طلاب كلية الاداب بس لاكن الموضوع الي دتحجي عنه موجود ابكل الكليات
............... والى الله المشتكى ..
اخي المحب
بوركت يمناك على ما خطت من موضوع مميز ويبحث في ايجاد حل لمشلكة اصبحت تهدد الطالب بالفعل ..
تحياتي الك وسلامي اخوية وارجو ان محد يزعل مني لان مدااقصد اشخاص محددين اقصد النسق العام للاساتذه
انونيييييييييييييييييييي

[محب الربيع]

الف شكر انين الجراح على الرد الرائع

[ملكة الاداب89]

والله اني اشوف السبب من الاساتذة مو من الطلاب
بالنسبة الي قسم الانكليزي فضلموه هواية ونسبة الاكمال والرسوب فضيعة
حتى الطلاب المتميزين مكملين لان سعيات ضعيفة وقليلة بس الي يدفعون بالدولار
وعدهم واسطة ينجحون
تقبل مروري

[جروحي الشرير]

هههههههه والله اني هم قسم انكليزي واشتعل حظ حظي بثلاثة مواد وشلون مواد اتكش الجلد
على كل والله الاساتذة بالنسبة النا لمرحلتنا والله ما مقصرين واحنا هم لازم بنفس الوقت انقدر ظروفهم ولو احنا ظروفنا اقسى من ظروف الاساتذة الكرام
بس ان شا الله ننجح ونكمل يا رب

[real_ali_love]

اول شي احب اسلم شلونكم شباب وبنات
بالنسبة للنتائج والنسبة الكسيفه للنجاح هل هذا سبب الطلبة اذا كان سبب الطلبة فيكون مثلا من كل قسم 10 رسوب فالقسم كاملا يحمل راسبين ومكملين الخطأ الاول والاخير يرجع على الاساتذة لديهم ضعف في ايصال المادة للطلبة وعدم الالتزام بالمادة فسيجد الطالب صعوبة في المواد وهذا سببه يعود على الاساتذة
وشكرا

[قناص حديثه]

هذا الموضوع اجى بوكته واني اشكرك على طرحك لهذا الموضوع المثير فعلا لاسباب عديده فهي المره الاولى التي يحدث فيها مثل هذا الرسوب وعدد المكملين ولمن تجي على الاستاذه يهددون قبل الامتحانات راح نشدد بالتصحيح وراح نغربلكم بغربال استاذي الفاضل يابه ليش هالتشدد يتحجج الوضع الامني صار زين وما شاء الله كهربااااااااااااء ومي 24ساعه واليسمع يصدك لكن بس الله يعينا على هالوضعيه التعبانه ولكن لا ننكر ان الطالب عليه مسؤليه ايضا في تردي نتائج هذه السنه واتمنى للجميع النجاح والموفقيه.

[محب الربيع]

الف شكر الكم على ابداء ارائكم الرائعه والمرور الاروع

[أبو التاريخ]

طبعاً حقك انته اخوية ولو اني ناجح بس الصوچ من الأساتذة وبدليل رئيس الجامعة بدلوا بسبب نسبة النجاح المتدنية اللي حققتها الجامعة هاي السنة.. مشكور على هالموضوع

[طائر الصحراء]

والله يا اخوان السبب من الاستاذه والدليل هوايه ناس نجحت بالواسطات والدفع والما عنده واسطه خلي يقره ويشد حيله وهم يمكن ما ينجح وخليهم يشهدون قسم الانكليزي على هذا الكلام لان هالايام كثرانه بيه الواسطات وليش نسوا الاساتذه بان اهل الرمادي انمنعوا من الدوام فتره مو قليله والتهجير الي صار بالرمادي ومع ذلك ماقصروا والله الامتحان ما يقبلون يعيدونه لاهل الرمادي يس خلي يتونس رئيس القسم على هاي النتائج مادام الي توسطو يمه نجحوا واخذو فرصتهم وخلي بعدين يعينهم يمه لان همه اكيد من مستواه ومع ذلك اكوا اساتذه زينين وما ينجحون بس الي يستاهل وهم يسوي مشاكل وياهم وما عافهم بحالهم لان الي يريده ينجح لازم ينجح حسبي الله ونعم الوكيل عليه

[master love]

والله العظيم انين انا واحد من الاساتذة نفس الرد الي ردك ردني وكال هذا الشي وعلى كولتك هوة هذا اسلوب استاذ جامعي وانا اكول الله على الظالم وناصر للمضلومين وعلى كولة علي ميوصلون المادة بشكل صحيح
اي ميعرفون يدرسون خصم الحجي وهذا الكلام انا على يقين يسري على اغلب الاساتذة

[طائر الصحراء]

اشكرك اخوي يمكن انت رديت على موضوعي بس الواحد لازم ينطي رأيه مو معقوله احنه نروح ونجي سنه كامله وهالتعب وبالتالي تصفه لابو ذراع مع احترامي للاساتذه الي يستحقون الاحترام ويستطيع اي واحد يتأكد ويسأل عن الاساتذه الي مو زينين وخاصه احنه بقسم الانكليزي رئيس القسم ماشاءالله حيل نابغه

[§][©][§الامبــراطور §][©][§]

موووووووووضوع اكثر من رائع يسلمو الايد الكتبه