هل هذا قرار صائب ؟سلاح وحارس شخصي لـكل استاذ

[سماء البصرة]

السلام عليكم ..في خبر منقول من العربية نت ..ننقل منه :

أصدر محافظ كربلاء الخميس 7-6-2007 أوامر تقضي بالسماح للأساتذة الجامعيين في المدينة بحمل أسلحة وتخصيص حارس شخصي لكل واحد منهم اثر تلقيهم تهديدات بالقتل, حسبما ذكر رئيس الجامعة مفيد جليل عوض.

وقال في ختام اجتماع بين المحافظ عقيل الخزعلي وأساتذة الجامعة إن "المحافظ قرر تخصيص حارس شخصي لكل أستاذ جامعي بعد تهديدات بالقتل للموظفين واساتذة الجامعة".

ويبلغ عدد أساتذة جامعة كربلاء (110 كم جنوب بغداد) حوالى 350 أستاذاً. وأضاف عوض أن "العناصر المكلفة حماية الجامعة والبالغ عددهم ثلاثين شخصا وخمسة عشر حارسا ليليا غير قادرين على ضمان أمن حرم الجامعة".

وبدوره, طالب المحافظ الاساتذة "بتزويد المحافظة بمعلومات عن كل من يحاول تهديد أمن الجامعة لمساعدة الأجهزة الأمنية في ملاحقة العصابات الإرهابية التي تعمل وفق أجندة خارجية هدفها إفراغ العراق من الكوادر العلمية المثقفة", على حد قوله.


هسه ...هل هاي اضعف الايمان لحماية العقول العراقية ؟ هل الحل بتوفير سلاح وحارس لكل استاذ جامعي او طبيب مختص او او او او او ؟؟

اشوفها محاولة خجولة لحماية ما يمكن حمايته وهمه حتما يستاهلون الحماية ...واتمني لو يتم انشاء مدن سكنية خاصة بيهم ..لكن ماذا عن المواطن العادي ؟ اللي يمشي كل يوم بشوارع خطرة ولا يعلم ان كان سيعود لبيته ؟

[::BaGhDaDy::]

قرار صائب بهذه الوقت يحمي روحه بنفسه
لان العقول العراقية مستهدفه من المليشيات
منو يكدر يحمي يعني الشرطه مخترقه ما شاء الله ويجوز همه الهم ضلع بهذه الامور
شوفي اساتذة المستنصريه كم استاذ استشهد اغلب شهود العيان اكدو انه سيارات شرطه تقوم بهذه العمليات واغلبها تكون مظلله وتخترق السيطرات ومحد يوكفها
الله يكون بالعون
وشكرا عالموضوع

[شاب_حباب]

هو لو ينطوهم سلاح ومن راي يودوهم دورة تدريبية يتعلمون كراتيه باليابان
ووية كل استاذ حارس شخصي وسيارة ضد الرصاص
وبالقاعة الدراسية يسوون جهاز كشف الاسلحة وتفتيش كل طالب وسبب حضورة للمحاظرة الفعلي
ومع وضع جهاز كشف الكذب .
ومن رأي مثل ما تفضلتي اختي العزيزة يسوون مجمع سكني خاص قريب من الجامعة يكون تحت الارض حتى ما يتعرضون لقذائف الهاون والحراس لهذا المجمع ما يكونون عراقيين لأن احتمال يكونون مخترقين من الميلشيات الحراس يكونون من شركات حماية اجنبية و بالنسبة لأطفالهم احتمال يتعرضون للخطف ولذالك افضل بناء مدرسة بهذا المجمع وايضا تحوي نفس صفات المجمع و .. و ... و

للأسف الوضع يوم عن يوم ديصير معقد والحكومة هية هية مدتسوي شي مجرد قرارات اقل ما يقال عنها انها غبية وساذجة مثل
الزوجي والفردي -
السيطرات كل مترين واحتمال يا يشوفك الحرس يا مشغول ديسولف وية الحب من تلفونة

و .. و ...و

وشكرا لأن ضجت من هالخبر ::51::

[احــــــمــــــد النـــــــجـــــــار]

السلام عليكم

اخي الكريم

طبعا هاي اضعف الأيمان لحماية الأساتذة..............تفضل به المحافض مشكور جزاه الله خير الجزاء

طبعا مستحيل دكتور يشيل سلاح............هذا شي مستحيل.........

اما عن توفير حارس امني فهذا ايضا ايجيب الشبهات ويعتبر خطر لللأستاذ كذلك يعني ترة الأستاذة ميقبلون

الحل مو هيج..........الحل مرتبط بالوضوع الأمني..........

يعني هسة الموضوع بكربلاء...........الي امان وستقرار اكثر من بغداد!!

لعد بغداد شيسون للأستاذ..........ايحطولة امريكي يحميي؟؟

متفيد..........كل الأساتذة سافرو هاجرو............والي مهاجر ميداوم الة 2 يوم بالأسبوع وتلكا درساات عليا

والباقين ماجستير ومعيدين..................التعليم في حالة انحدااااااااار

والوضعية دسوء اكثر واكثر

شكرا لكاتب الموضوع سلمت يداك على هكذا طروحات

[S.A.R.S]

هم حل هذا بس ما أعتقد راح يحميهم 100%
بس مثل مكلتي أضعف الايمان

[arsenlophen]

يعني نكدر نقول قرار صائب