الدكان

[الكـون لهُ اسـْرار]

اكو دكان يمنه وعزل من الدين

وراعيه الدمع مجفي عله خدينه

اليطلبهم بعد بالحلم ينشافون

كلهه تذبحت ياهو اليسد دينه

وطلعلي سجل الدين كلّب بي

شما يكلبله صفحه تكله خلبينه

لأن الدنيه صيف ونار هسه الكاع

وذا تكلبنه خاف الكاع تجوينه

وسولفلي عليهم كال ذوله الناس

مصارعهم اكثرهن شافه بعينه

سولفلي عله عامل بالفجر ذبحوه

وترسو طاسته من دم شرايينه

وبخيط البنايه جتفو رجليه

وبمسحاته كطعوا ركبة يمينه

وابو الدكان يحجي ومعترض عالحال

اذا ذبحو العامل ياهو يبنينه

وذكر حالة طفل شايل بديه خمسين

وكدامه الاجل فتح دكاكينه

ومن طك المفخخ ماشفتله اثار

تفجر بس بقن بجفوفه خمسينه

ماطار من اديه خمسينه بالتفجير

خمسينه بقن بس طارن سنينه

واكو شايب توذر عمره بالتسعين

وعله طول الارض طشروا تسعينه

ومن ذاك الوكت مافتح الكان

لأن برفوفه شايل صور ميتينه

وكلهه تهون سهله يكلي ابو الدكان

بس منظر بجاله الله ونبيينه

بشارعنه امس صلينه عالميتين

صلاة الموت الهم والنه صلينه

لأن شفنه علامة موت بالتابوت

الشارع كبر وصلت درابينه

انفجر تابوت ميت كطعانه اوصال

بحيث تشوف فوك الروس رجلينه

ربك من خلق كل اربعين بطين

حته بدنيته يصير الشبه بينه

وصارت بالذبح تشبه بعضه الناس

لأن كل اربعين تحزهه سجينه

وادم ماتعرف الله ولا انسان

كفروا بالاله ومرغو طينه

وظل يحجيلي وانه عيوني عالدكان

شفت جف لازك بكصة حياطينه

وسألناه بالدمع ياجف اجيت منين

من تفجير امس كال احنه ضلينه

معاميلك يعمي يحاجي ابو الدكان

معاميلك يعمي شبيك ناشينه

اجيت انخاك نخوه ابيوت اهلنه ابعاد

لأن ماكو كبر محد يمر بينه

ولحمنه عاله التراب وريحه طلعت بيه

وردت ماي الورد بالدين تنطينه

واذا مابيك همه بداعت العباس

احلفك كل لهلنه تدور علينه

كله منين اعرفك ماكو بيك اوصاف

كله افتح سجلّك راح تلكينه

تلكه اسمائنه مكتوبه بالدكان

واوكف يم جثثنه وصيح اسامينه

وفتح صفحة سجلّه يطلع الاسماء

وطبك روحه السجل ماينطي ميتينه

واحنه شعب كامل ننطي بس عدلين

وعدد ميتينه صار بضعف عدلينه
:
:
:
للشاعر حازم السهلاني

["مدموزيل لافوشيا "]

صح لسان .. كاتبها ..

وصح لسانك ..

مرسي ع النقل المميز

[أشوفك حلم]

عاشت ايدك اخوية العزيز علاوي على هالنقلة الحلوة
تحياتي

[حيدر الحر]

ألف تحية وأكثر للشاعر الذي رسم هذه المعاناة بهكذا كلمات .. روعة جداً .. وشكراً لك عزيزي على النقل ..
تقبل تحياتي ..

[الكـون لهُ اسـْرار]

صح لسان .. كاتبها ..

وصح لسانك ..

مرسي ع النقل المميز

شكراً لهذا المرور

[الكـون لهُ اسـْرار]

عاشت ايدك اخوية العزيز علاوي على هالنقلة الحلوة
تحياتي

شكراً لهطولك مكرم

دمت رائع

[الكـون لهُ اسـْرار]

ألف تحية وأكثر للشاعر الذي رسم هذه المعاناة بهكذا كلمات .. روعة جداً .. وشكراً لك عزيزي على النقل ..
تقبل تحياتي ..

شكراً لعذب مرورك

احترامي

[لينا البغداديه]

عاشت ايدك والله روووووووووووعه

يسلمووو للنقل الحلووو

[الكـون لهُ اسـْرار]

عاشت ايدك والله روووووووووووعه

يسلمووو للنقل الحلووو

وشكراً لمرورج الأحلى

[حلا ديالى]

تسلم على الشعر الحلوو

[سجّاد البصراوي]

قصيدة عسكت صورة مؤلــمة لواقع حــآل
اشد المــ ..

رواية امعَت عينــآي لتأثيرها المُباشر
بمن يقراها بتمعــّن وإدراك ..


" اللهمَ أزح هذهِ الغمّة عن هذهِ الأمة "

ع ـزيزي عَلي
إختيارك موفق في نقل رائعة من روائع
هذا الرجل الكبير في روائعهِ .


لكَ محبّتي

[الكـون لهُ اسـْرار]

تسلم على الشعر الحلوو

مشكور للمرور العطر

[الكـون لهُ اسـْرار]

قصيدة عسكت صورة مؤلــمة لواقع حــآل

اشد المــ ..

رواية امعَت عينــآي لتأثيرها المُباشر
بمن يقراها بتمعــّن وإدراك ..


" اللهمَ أزح هذهِ الغمّة عن هذهِ الأمة "

ع ـزيزي عَلي
إختيارك موفق في نقل رائعة من روائع
هذا الرجل الكبير في روائعهِ .


لكَ محبّتي


شكراً لمرورك العطر يا صاحب الحنان والطيبة

[صهيب السامر]

مشكو عزيزي كلام رائع والله.... دمت متألقا
يا مبدع.
صهيب السامر

[الكـون لهُ اسـْرار]

مشكو عزيزي كلام رائع والله.... دمت متألقا
يا مبدع.
صهيب السامر

شكراً لمرورك العطر صهيب المبدع

الف تحية واحترام

[سندباد الغرام]

تسلم على الشعر الحلوو
صح لسانك
::39::

[سندباد الغرام]

كلش حلوووووووووووووووووو

[whiterose]

عاشت ايدك عودتنا على الابداع المتميز
مشكور على هذه النقلة

[الكـون لهُ اسـْرار]

مشكور لمروركم العطر

تحياتي