الوطن ....

[قمر العلوم]

الوطـن
الوطن جكليت وهلاهل دوم .. الوطـن جوبي وهجع ودبكة كلدانية
الـوطن صبـة وشبـك أحـرار .... الـوطـن آشـور وشـيعـة ويـزيدية
الـوطن عـيـد وصلاة وصـوم .... يجمعـنا الوطن، إسلام ومسيحية
الـوطن كوت وموصل وكركوك ..... والمشخاب يحضن السليمانية
الـوطن نخـل البصرة والعشار .... وتين من الجبل للحلـوة الراوية
الوطن عـرس وأخـوة دوم .... والكاكا لو عرّس، يخطب كربلا ئية
وابن العاصمة يصيف بأربيل .. ويشوي في العمارة سمجة بنية
ولو عبد المسيح يحتاج للجيران .. . توكفله أم حمود وهية سنية

[ابن_الرافدين]

اووووووووووووف::27:: ::27:: ::27:: ::27::
عاشت الايادي قمر العلوم عل موضوع الرائع

[ابــــ العراق ـــــن]

مشكوره اختي قمر على الكلمات الروووعه

بس والله قهرتيني لان الوطن مابقى بيه هاي الشغلات

مع الاسف

وان شاء الله دائما الى الامام بمواضيعك الروعه يااختي

[قمر العلوم]

تدللون عيوني
ونورتو الموضوع ابن العراق وابن الرافدين بكلماتكم الحلوه
وان شالله يرجع الوطن بي هالسوالف الحلوه ياربي
تقبلو تحياتي ياورود