mustafa4end
05-29-2007, 06:49 PM
منت وحيد انت الشعب كله بشيعة وسنته منهو لكالك ناسيك هم ينسى الكمر وكته
لو نبض الكلب يتنكر لدكته وبس عشكك عشك مفضوح وعشك الناس كلها مساتر وسته
وصرت انت سبت وبركبت يهودي هم شايف يهودي يجوز من سبته
انت الفارس الي يسبك هبوب الرياح وماظن خيل سابكته
وانت اليرهم ترابك كحل للعين ودوا للماشفت علته
ومن طينك نحني جفوف لمعرسين وكل اصبع فرح من طينتك
وانت الريحة ترابك ترد الروح هيل وزعفران وعنبر بشمته
ومثل تراب كاعك مالكينه تراب يرهم للصلاه ومن طينتة تربته
انت ينام بيك المرتضى الكرار ابو الحسنين التلوذ الناس كلها بشارته وبخته
وانت ينام بيك بكربلاء حسين المابيع الطاغي ودنك ركبته
وانت الضلت بيك شارت العباس لمن طاح دنكله الفرات وباسه من شفته
من طلعت منك يوم قرن البين كلبي وياي ماجبته اثاريني نسيته هناك عندك كلبي امنته
شتلته بجرف دجله الخير وي سباح الشواطي شربكت بذته
وامتدن عروكه بوسط ذيج الكاع وبماي الفرات ودجله عمدته
ولمن صار ينكل جذمه ابين الناس اخذت وياي للكاظم على الشباج زورته
صح هسا اصبحت من وطن نيدر لان هولندي الهويه وشامي كلبته
وصح تأقلمت ويه الغرب فد نوب وصرت ماصخ مثلهم والملح عفته
وصح كمت ارطن رطنهم لمن يرطنون ولسان العرب بالاعجم كسرته
لكن مدري شنهي يصير بي لمن يمر طاريك احسنك دفو تموز وسط الشته
واثاريني مثل طبع النخل لو طال يرجع للأصول وتنحني سعفته
العالم نسه يوم احدعش من ايلول صارت بيك سالفته
ناس تكول لازم نحتويه ونشفط البترول ونعوض الراح ونكسر بركته
وناس تكول لازم هالحصار يدوم وناس تكول لازم ننزع اسلحته
وناس تكول خطيه اطفاله ماتو من الجوع وناس تكول حيل وياه ما حمد ربه وشاكر نعمته
وانت بين هذا وذاك صاير شبح لليرمون وياهو كام ضدك سددت فكته
جي لنك حلو والدول منك تغار ماعندهم لعندك من مجد نلته
انت اول وطن ادم وضع جزمه عليه وكال يالله لانك وصله من جنته
وانت اول وطن حبه النبي ابراهيم ودعه ربه يصونه برحمته وعزته
وانت اول وطن مرسى لسفينة نوح ونبي ايوب ناخت بيك راحلته
وانت اول وطن علم العالم ابجديه ويكتب التاريخ وانت اول وطن قانون سلمته
وانت اول وطن كالتله الشمس يمه صباح الخير ولو رادت تمسي تمسي يم كبته
وانت اول وطن ما يشبه الاوطان مدري شلون ربك خالقك سبحان ربي شلون صورته
صورته العراق وبس علينه يلوك واحنا انلوكله لمن يحل وكته
اتمنى تعجبكم
لو نبض الكلب يتنكر لدكته وبس عشكك عشك مفضوح وعشك الناس كلها مساتر وسته
وصرت انت سبت وبركبت يهودي هم شايف يهودي يجوز من سبته
انت الفارس الي يسبك هبوب الرياح وماظن خيل سابكته
وانت اليرهم ترابك كحل للعين ودوا للماشفت علته
ومن طينك نحني جفوف لمعرسين وكل اصبع فرح من طينتك
وانت الريحة ترابك ترد الروح هيل وزعفران وعنبر بشمته
ومثل تراب كاعك مالكينه تراب يرهم للصلاه ومن طينتة تربته
انت ينام بيك المرتضى الكرار ابو الحسنين التلوذ الناس كلها بشارته وبخته
وانت ينام بيك بكربلاء حسين المابيع الطاغي ودنك ركبته
وانت الضلت بيك شارت العباس لمن طاح دنكله الفرات وباسه من شفته
من طلعت منك يوم قرن البين كلبي وياي ماجبته اثاريني نسيته هناك عندك كلبي امنته
شتلته بجرف دجله الخير وي سباح الشواطي شربكت بذته
وامتدن عروكه بوسط ذيج الكاع وبماي الفرات ودجله عمدته
ولمن صار ينكل جذمه ابين الناس اخذت وياي للكاظم على الشباج زورته
صح هسا اصبحت من وطن نيدر لان هولندي الهويه وشامي كلبته
وصح تأقلمت ويه الغرب فد نوب وصرت ماصخ مثلهم والملح عفته
وصح كمت ارطن رطنهم لمن يرطنون ولسان العرب بالاعجم كسرته
لكن مدري شنهي يصير بي لمن يمر طاريك احسنك دفو تموز وسط الشته
واثاريني مثل طبع النخل لو طال يرجع للأصول وتنحني سعفته
العالم نسه يوم احدعش من ايلول صارت بيك سالفته
ناس تكول لازم نحتويه ونشفط البترول ونعوض الراح ونكسر بركته
وناس تكول لازم هالحصار يدوم وناس تكول لازم ننزع اسلحته
وناس تكول خطيه اطفاله ماتو من الجوع وناس تكول حيل وياه ما حمد ربه وشاكر نعمته
وانت بين هذا وذاك صاير شبح لليرمون وياهو كام ضدك سددت فكته
جي لنك حلو والدول منك تغار ماعندهم لعندك من مجد نلته
انت اول وطن ادم وضع جزمه عليه وكال يالله لانك وصله من جنته
وانت اول وطن حبه النبي ابراهيم ودعه ربه يصونه برحمته وعزته
وانت اول وطن مرسى لسفينة نوح ونبي ايوب ناخت بيك راحلته
وانت اول وطن علم العالم ابجديه ويكتب التاريخ وانت اول وطن قانون سلمته
وانت اول وطن كالتله الشمس يمه صباح الخير ولو رادت تمسي تمسي يم كبته
وانت اول وطن ما يشبه الاوطان مدري شلون ربك خالقك سبحان ربي شلون صورته
صورته العراق وبس علينه يلوك واحنا انلوكله لمن يحل وكته
اتمنى تعجبكم