معا من اجل جنائن بابل المعلقة ....!!!!

[heart iraq]

السلام عليكم ورحمة الله وبركاتة
كما نعلم ويعلم العالم اجمع انة جنائن بابل المحلقة هي احدى عجائب الدنيا السبع
كما انة انا طالب فخرجت الي عمان لتكملة دراستي الجامعية

ففوجئت بحملة اعلامية كبيرة جدا وهية جعل البتراء من احدى عجائب الدنيا السبع

فراودني شعور الفضول كيف تضاف البتراء من العجائب السبعة وهناك عجائب سبعة هل ستصبح اعجوبة ثامنة
وبعد الاسئلة التي طرحتها علىكثير من الناس وجدت انة يحاولون الغاء جنائن بابل المعلقة

هل اصبحت حالت الى هذة الدرجة من النسيان لدى العالم
ولا يوجد احترام لتاريخ العراق
نرجو من جميع الاعضاء استنكار هذة الحالة


تحاتي

[ameeral7ob]

اي يا اخي اني عراقي ومشايف الجنائن المعلقة لانه البطل صدام بنى القصر يمها ومخلة احد يوصل يمها وهسة الامريكان كاعدين بالقصر وهمين محد يوصل يمها وناهيك عن التلف الي صابها والبناء العشوائي بالطابوق العادي على اساس ترميم الي العالم كلة انتهض ضد هاي العملية واقترحت الف منمظة بقايدة الف خبير يجون يصلحون الجنائن ولاكن البطل ضل بافكار الجاسوسية والعملاء والخونة وهاي نتيجتها .
للعلم ترة مو هسة هية دخلت حيزالتنفيذ عام 1998 لانه فقدت مظاهر التاريخ
ولو هسة مو بعيد قبل فترة فجروا الملوية بحجج انه الامريكان ماخذيها مركز يرصدون المجاهدين يلة سلاما على بلادي وعلى اهل بلادي اهل التاريخ بس والله مع الاسف

[C.T.U]

والله هم بيهم الاردنبيين بس يالله العراق قابل يس بيه الجنائن المعلقة
مشكوؤ اخونا على الاهتمام الحضاري الي عندك......

[heart iraq]

شكرا اخي على مرورك واحنة كلنا عراقين وهذا بلدنا

[حبيب المواد]

الاردنين خابصين الدنيا بالبتراء ...
لا تعليق ان شاءالله ميصير مرادهم

[جنـون]

اهلا اخي العزيز ..

شفت برنامج على القناه العراقيه اظن..مراستلهم جانت بالبتراء..وناس دصوت على ان اتكون رقم 8 من دينا العجائب السبعه طبعا تستحق لانهو شي راقي كلش..
ولو الاردنيين ميستاهلون ..

اما جنائن بابل المعلقه..اني مره مريت مناكا..كالو هاي الجنائن المعلقه..شو جانت قمه بالوسخ وسواد تاررس المكان ...ماكو اي اهتمام !!!


حرماات هيجي شغلات تنمحي هاي كنز العراق وتراثه الواحد يفتخر بيه ..

:
:
جنونه

[prince of biology]

طاح حظ الاردن اي و الله
حتى الاردن صار براسها خير !!!!!!

[السفير]

لماذا نلقي اللوم على الغير حينما يرغب بان تكون بلاده اعجوبه
ولا نلون انفسنا اذا ضيعنا بلادنا
ان عجائب الدنيا السبع هي تقدير لرقي وتقدم الدول في ماضيها وللسعي على المحافضه في حاضرها
لكننا مع الاسف بتنا نضيع المعالم الواحدة تلو الاخرى كل يوم
فلن تكون الجنائن المعلقه هي الاولى التي خسرناها
كما لم تكن الاخيره
لاحضوا ان من يصنع هذه المعجزات هو الانسان
بيده ان يفعل الخير وبيده ان يسيء الى غيره والى نفسه
ومع الاسف نحن اسائنا بافعالنا وافكارنا الى ارضنا
فهنيئا لغيرنا ما يطمحون له ...