المساعد الشخصي الرقمي

مشاهدة النسخة كاملة : هل ما يجري في العراق مجرد ارهاب غريب , ام حرب اهلية ؟

Civilian
05-25-2007, 09:44 PM
السلام عليكم

توجد في العراق منظمات مسلحة كثيرة
تتصف بطائفيتها , اي تجدها اما سنية 100% او شيعية 100% (لماذا؟)
عدد افرادها يقدر بـ عشرات الآلاف وربما مئات الآلاف
كلهم عراقيين عدا نسبة قليلة من الاجانب تكاد تكون معدومة

هذه الجماعات تتبنى مسؤولية التفجيرات والاغتيالات والعمليات المسلحة التي تحصل ضد المدنيين العراقيين المختلفين معها فكريا وعقائديا
وان لم تتبنى بعض العمليات
يأتي المواطن السني المدني يتهم الجماعات الشيعية المسلحة بالمسؤولية عن تلك العمليات التي حصلت ضد المواطنين السنة المدنيين
لكنك سترى مواطنين شيعة مدنيين يأتون من تلقاء انفسهم وينفون التهم الموجهة ضد الجماعات الشيعية المسلحة (هل يدافعون عن وجودها ولماذا؟)
بالمقابل
يأتي المواطن الشيعي المدني يتهم الجماعات السنية المسلحة بالمسؤولية عن تلك العمليات التي حصلت ضد المواطنين الشيعة المدنيين
لكنك سترى مواطنين سنة مدنيين يأتون من تلقاء انفسهم وينفون التهم الموجهة ضد الجماعات السنية المسلحة (هل يدافعون عن وجودها ولماذا؟)

تقوم هذه المنظمات المسلحة بجرائمها تحت ذرائع عديدة , وغالبا ما تحدث تلك الجرائم تحت ذريعة قتل المحتل وعملائه وجواسيسه (لماذا؟)

هل الـ 700 الف عراقي الذين قتلوا منذ اربع سنوات كانوا يستحقون القتل , طبقا للذرائع التي تم قتلهم من اجلها؟

البعض يقول ان تلك الجماعات المسلحة قادمة من الخارج
لكن
كل اعضاء تلك الجماعات المسلحة هم عراقيين , وتنشط هذه الجماعات في العراق منذ اربع سنين ولحد الآن
وهذا مستحيل , ان تعشعش منظمة اجنبية في العراق لولا وجود دعم محلي لها , اين جلسوا , من اين اكلوا , كيف عاشوا كل هذه المدة ان لم يكن هناك دعم محلي لهم؟

لهذا فالبعض يتهم الشعب العراقي بانه يدعم تلك العمليات المسلحة الجارية في بلاده

التساؤل:
في ظل ما ذكر اعلاه ..
هل صحيح ما يقوله البعض من ان ما يجري في العراق مجرد ارهاب غريب ماله علاقة بالعراقيين لا من قريب ولا من بعيد وان العراقيين ضحية لسياسات خارجية واقليمية
(لماذا وقعوا في فخ هذه السياسات الخارجية ان كانوا متحابين ومتآخين؟)

ام ان الارهاب في العراق مدعوم محليا , اي انه ارهاب طائفي وبالتالي فانه يمثل حرب طائفية وبالتالي سنقول ان العراق يعيش :
الحرب الاهلية
-Civil War-

وهل صحيح ان القتلى العراقيين الذين سقطوا على ارض العراق منذ اربع سنين على يد الجماعات السنية والشيعية المسلحة يعتبرون شهداء
ام انهم مجرد قتلى لا تنطبق عليهم صفة الشهادة , لأنهم قتلوا بايادي عراقية نتيجة احقاد سياسية متبادلة::32::

انتظر آرائكم
تحياتي للجميع
RIVEROFLOVE
05-25-2007, 10:03 PM
توجد في العراق منظمات مسلحة كثيرة
تتصف بطائفيتها , اي تجدها اما سنية 100% او شيعية 100% (لماذا؟)

سفليان نسبة 100% ما أأيدك بس نكدر نكول الغالبيه عراقيين صح
وان كانوا عراقيين كلهم بس قياداتهم هل ارتابطاتها واهذافها وغاياتها تخدم مصال عراقيه
تكدر تجزملي بانه هذولي سنه او شيعه ما مرتبطين بدول وتنظيمات اخرى من مصلحتها الي ديصير بالعرق بكل تفاصيل الاجرائم والقتل والذبح الي جاي يصير
......................


التساؤل:
في ظل ما ذكر اعلاه ..
هل صحيح ما يقوله البعض من ان ما يجري في العراق مجرد ارهاب غريب ماله علاقة بالعراقيين لا من قريب ولا من بعيد وان العراقيين ضحية لسياسات خارجية واقليمية
(لماذا وقعوا في فخ هذه السياسات الخارجية ان كانوا متحابين ومتآخين؟)

هو ما اكلك ما اله علاقه 100% بس الي ديصير هسه والي بداخل نفوس اغلب الشعب والله يزول بزوال المؤثر كلها هاي ارهاصات الفوضى الحاليه
وصدق ماكو تفرقه بين الناس البسطاء
مثال: من عرفتكك اني لحد اليوم سالتك انت منين؟ او حسيت انه اريد اعرف؟
ولا اريدك تكلي همات لان ما يهمني سني او شيعي اخليك على راسي
واغلب الناس هذا تعاملها
بس انت اثرن نقطه مهمه انه ليش من يجي شخص سني يحجي على عصابات تدعي انها شيعيه الشيعي يجاوب ويدافع عنهم وكانه مأيدهم
هو لو يحجي انه ميصير الي ديسووا وما يايد وبنفس الوقت يذم جماعة تنظيم القاده والعصابات السنيه يكون رايه عين العقل وبمحله وعاااااااااااادل
والسنه نفس الحاله من يحاجي شخص شيعي
(والله ينعصر قلبي من اذكر هالتسميات بس صارت لغتنا الدراجه ما نكدر)
بس مشكلتنا انه من نحجي نحجي على جرائم المقابل فقط ونترك جرائمنا ونصير وكانه مأيديها

ام ان الارهاب في العراق مدعوم محليا , اي انه ارهاب طائفي وبالتالي فانه يمثل حرب طائفية وبالتالي سنقول ان العراق يعيش :
الحرب الاهلية
-Civil War-
ماكو هيج شي ان شاء الله

وهل صحيح ان القتلى العراقيين الذين سقطوا على ارض العراق منذ اربع سنين على يد الجماعات السنية والشيعية المسلحة يعتبرون شهداء
ام انهم مجرد قتلى لا تنطبق عليهم صفة الشهادة , لأنهم قتلوا بايادي عراقية نتيجة احقاد سياسية متبادلة
شهداء لان انقتلوا صح على ايادي عراقيه بس لمصالح غير عراقيه
وغير اسلاميه نهااااااااائيا لا شيعه ولا سنه

وبصراحه اروع شي قريته الك لحد الان هذا الموضوع
::13::::13::::13::
عاشت ايدك
Civilian
05-25-2007, 10:39 PM
سفليان نسبة 100% ما أأيدك بس نكدر نكول الغالبيه عراقيين صح
وان كانوا عراقيين كلهم بس قياداتهم هل ارتابطاتها واهذافها وغاياتها تخدم مصال عراقيه
تكدر تجزملي بانه هذولي سنه او شيعه ما مرتبطين بدول وتنظيمات اخرى من مصلحتها الي ديصير بالعرق بكل تفاصيل الاجرائم والقتل والذبح الي جاي يصير
......................


يا اهلا وسهلا رفر
والله يا اخي اني طرحت الموضوع حتى يكون النقاش صريح وواضح
يعني الجماعات الموجودة في العراق الآن كلها اما شيعية بحتة او سنية بحتة
والدليل خطاباتها وافعالها المتطرفة
مثل عندك جيش المهدي .. والجيش الاسلامي
عبارة عن جماعات طائفية , تقوم بعمليات قتل وخطف ضد الآخرين
اما عن الارتباطات والمصالح فاكيد اني اشوفها مو بصالح العراق ابدا لكن المشكلة , رغم هذه الارتباطات الخارجية راح تشوف هذه الجماعات المسلحة السنية والشيعية مدعومة شعبيا تحت ذريعة دعم الجهاد والمجاهدين, مع ان تلك الجماعات الطائفية تقوم بعملياتها ضد الشعب بحجة الجهاد ضد الإحتلال وعملائه وتتخذ من مقاومة عملاء الاحتلال ذريعة لمحاربة ابناء الطوائف الثانية , وحديثي هنا عن الجماعات السنية والشيعية على حد سواء..


شهداء لان انقتلوا صح على ايادي عراقيه بس لمصالح غير عراقيه
وغير اسلاميه نهااااااااائيا لا شيعه ولا سنه


زين اني وانت نكول هيج , لكن العراقي الي قتلهم , قتلهم بحجة الجهاد ويعتبر قتلهم يصب بمصلحة الوطن والشعب ويسرع بخروج "الاحتلال"
والاهم من هذا ان المجرم الي قتلهم دائما نحاول غض الطرف عنه

ودائما الشعب العراقي يتهم امريكا بانها هي الي سببت قتل هذولة العراقيين وما باليد حيلة لإيقاف هذا القتل, والامر خارج عن سيطرة العراقيين وماكو فائدة من المحاولات الرامية لتهدئة الوضع وعلى العراقي ان ينتظر دوره حتى يموت احسنله

لو من تحجي ويه العراقي وتكله منو السبب بقتل هذولة الابرياء , راح يكلك (يا اخي منعرفهم , مدري مين ديطلعون , هذا كله اسرائيل تسوي)
ويخليك تأيس من وجود حل
بينما القاتل معروف عند الكل وهي الجماعات المسلحة الطائفية والفوضوية الي تدعي الجهاد والمقاومة ونصرة الائمة والمظلومين وهي الي تقتل العراقيين بمختلف الذرائع

شكرا حبيبي على التعليق ومية هلة بيك
RAMII
05-25-2007, 11:01 PM
بصراحة يامدني
اني اتخيل العراق بحالة حرب اهلية "مصغرة" !!!
مو شاملة !!!
RIVEROFLOVE
05-25-2007, 11:47 PM
اخويه سفليان اني من كتلك على الاهداف والارتباطات مو عراقيه هذا الامر قصدت بي القيادات فقط
اني وياك الكادر والي يقاتل اغلبه عراقي جيش المهدي والجيش الاسلامي صح بس قياداته الرئيسيه لاتصدق كونهم عراقيين كلهم مرتبطين ارتباطات بس الله يعلمها ايران امريكا دول جوار ماتنعرف هو العراق كلها تنهش بي تحت الغطاء الطائفي او الجهاد (المقاومه الوطنيه خارج اطار نقاشي طبعا لان جاي احجي عن العصابات والقتله)


اما كون انه العراقي قتلهم باسم الجهاد اخويه احنا ليش نضل هيج
يعني يا قلبي انت شكد جاي نحجي ونكول انه الي قتل العراقيين والمدنيين يدعي الجهاد بس هو مجرم (تريد يكتل ويكول اني عصابجي لو مجرم قتل؟؟؟؟؟؟) طبعا يلكاله غطاء يبرر بي جرائمه وابسط شي يدعونه هو الجهاد والمقاومه
لان ماكو مجاهد يقتل ابن البلد الي يجاهد من اجله
وعلى مر العصور المقاومه الوطنيه تستند على ابناء الوطن اصلا هي المفروض تكون من ابناء الوطن فقط فشلون يكتلوهم او يفجرون ابناء بلدهم !!!!!!!!!!!
فالخاطر الله خلي نميز بين العصابجيه والسلابه والمليشيات وقتلة العراقيين بمختلف طوائفهم
وبين الي يقاومون المحتل فقط

(ليش خربتها مو كلتلك خوش كاتب::27::)
تحياتي اخوييه وخلي نشوفك
سماء البصرة
05-25-2007, 11:59 PM
بس لهسه ما شفنا وجوه اعدائنا ..يعني يجي واحد يحط قنبلة وينتظرها تنفجر ..او يربط نفسه بحزام متفجرات ويدخل وسط الناس ..

اتصور افضل وصف للحرب الاهلية هو ما حدث في لبنان في الثمانينات ..هذه كانت فعلا حرب اهلية ..جبهات متقابلة ودبابات ورشاشات وحرب شاملة ..قيادات معروفة وتواجدها واعلانها الصريح ..

شوفوا الفلسطنين هسه ..حماس وفتح ..بالشوراع وبالنهار وكاشفين الوجوه ويلطقون النار علي بعضهم البعض هذه حرب اهلية ...

بالعراق ..نوع اكو نوع من الصراع السياسي بين العراقيين ...والصراع المذهبي خارج العراقيين ..من دول عربية ...
A v O n A
05-26-2007, 12:04 AM
مشكور على الموضوع ..
واني اعتقد حرب اهليه ...من الشيعه
RAMII
05-26-2007, 12:53 AM
مشكور على الموضوع ..
واني اعتقد حرب اهليه ...من الشيعه

ممكن تفسير لهل كلام بالضبط !!
فاروق الرافدين
05-26-2007, 01:08 AM
لا يخفى على حضراتكم ان الذي يجري على الساحه هو بداية الحرب الاهلية التي خطط له كل من يكن الحقد الاعمى الدفين لهذاالبلد .. الامر شائك في بداية الاحتلال الامر كان مختلف لانه من سعى لهذه الحرب هو الاحتلال بعينه بمساندة دول اقليمية .. حتى يسهل السيطرة على العراق ويكون التواجد الاجنبي مقبولا من قبل العراقيين .. لكن بعد ان اختلفت الرؤى بين الدول المحتلة والدول الاقليمية والتي على راسها ايران اتجه الاحتلال الى اخماد هذه الحرب في شتى الطرق لكي يحفظ ماء وجه امريكا بالعراق .. لكن ايران لعبت لعبتها وبدئت تغذي هذه الحرب في سبيل اضعاف امريكا في العراق .. وهذا اللي دا يصير على الساحه
Civilian
05-26-2007, 01:10 AM
اخويه سفليان اني من كتلك على الاهداف والارتباطات مو عراقيه هذا الامر قصدت بي القيادات فقط
القيادات عراقية حبيبي رفر..

اني وياك الكادر والي يقاتل اغلبه عراقي جيش المهدي والجيش الاسلامي صح بس قياداته الرئيسيه لاتصدق كونهم عراقيين كلهم مرتبطين ارتباطات بس الله يعلمها ايران امريكا دول جوار ماتنعرف هو العراق كلها تنهش بي تحت الغطاء الطائفي او الجهاد (المقاومه الوطنيه خارج اطار نقاشي طبعا لان جاي احجي عن العصابات والقتله)
من هي هذه المقاومة الوطنية وما هي منظماتها ,, ام انها مجهولة ؟

اما كون انه العراقي قتلهم باسم الجهاد اخويه احنا ليش نضل هيج
اي اخوية رفر .. قتلهم باسم الجهاد وين الغلط بالجملة ::2::
والدليل صيحات الله اكبر عند تفجير المفخخات والعبوات وذبح الابرياء
يعني يا قلبي انت شكد جاي نحجي ونكول انه الي قتل العراقيين والمدنيين يدعي الجهاد بس هو مجرم (تريد يكتل ويكول اني عصابجي لو مجرم قتل؟؟؟؟؟؟)
لا مو هاي الشغلة رفر
القضية ان جماعات المقاومة والجهاد يسيطر عليها الفكر التكفيري وتقاتل العراقيين اضافة الى الامريكان اما بسبب تكفيرهم , او لأن اولئك العراقيين لا يؤمنون بشرعية هذه المقاومة لأنهم لا يؤمنون بوجود احتلال من الاساس , بل يعتبرون ان الوجود الدولي في العراق مهم لمقاتلة الارهاب وتدريب القوات العراقية..

طبعا يلكاله غطاء يبرر بي جرائمه وابسط شي يدعونه هو الجهاد والمقاومه
منو يكول يدعون الجهاد والمقاومة .. وليش يقتلون العراقيين بدون سبب
ماكو شي يصير بلا سبب , اكيد اكو سبب لتفجير المفخخة الفلانية وقتل الشخص الفلاني
همه نفسهم المقاومة حبي , يقاتلون الامريكان والعراقيين على حد سواء
لان ماكو مجاهد يقتل ابن البلد الي يجاهد من اجله
اكو هواية , وابسط ذريعة هي قتال عملاء المحتل وجواسيسه , فتشوفهم يقتلون كل واحد من الشعب العراقي ما يعترف بوجود الاحتلال لأنه حتما ما يعترف بوجودهم::32::
وعلى مر العصور المقاومه الوطنيه تستند على ابناء الوطن اصلا هي المفروض تكون من ابناء الوطن فقط فشلون يكتلوهم او يفجرون ابناء بلدهم !!!!!!!!!!!
كتلك السبب حبي .. المقاومة في العراق عبارة عن مسلحين فوضويين منهم التكفيريين ومنهم انصار الانظمة السابقة لديهم مصالح خاصة من قتال القوات الدولية الموجودة في العراق .. ونيتهم هي السيطرة على العراق فقط
فالخاطر الله خلي نميز بين العصابجيه والسلابه والمليشيات وقتلة العراقيين بمختلف طوائفهم
وبين الي يقاومون المحتل فقط
ان كانت المقاومة الشريفة (المفترض وجودها) هي من ترفض تمييز نفسها عن الارهابيين ,
وهي من ترفض الاعلان عن نفسها حالها حال جماعات الجهاد في مختلف بقاع الارض (حماس , فتح , حزب الله , الجهاد الاسلامي)
فكيف لنا ان نميزها عن القتلة ؟
ومثلما كتلك كل جماعات المقاومة الموجودة في العراق (جيش المهدي والجيش الاسلامي وكتائب فلان وعلان) عبارة عن مجاميع من القتلة تقاتل القوات الدولية (ذات الغطاء الشرعي الدولي والحكومي لبقائها في العراق) وتقاتل الشعب العراقي الرافض لها كي تسيطر على العراق لا لسبب ثاني
(ليش خربتها مو كلتلك خوش كاتب::27::)
انت لصتها::56::
تحياتي اخوييه وخلي نشوفك
ان شاء الله


هسة انت مثلا رفر
ويمكن لو اكلك ان جيش المهدي مبني على فكرة الجهاد وبي مجاهدين يقاتلون المحتل فقط (رغم عدم اعترافي بهم) فلازم نعترف بجيش المهدي!
راح تكلي حتى لو بي مجاهدين لكنه منظمة اجرامية لازم يتم مقاتلتها
ومن اكلك نفس الشي عن المقاومة ووجوب التخلص منها راح ترفض الفكرة

ولو تشوف يا صديقي لأني اختلفت وياك حول المقاومة المسلحة لان كتلك ما اعترف بيها وما اعترف باي شخص يحمل سلاح لفعل اي شي (من الجيش الاسلامي وجيش المهدي وانت نازل)
ولأن كلت ان الارهابيين يقتلون العراقيين باسم الجهاد
انت صرت عصبي وكمت تصيح لخاطر اللهhttp://forums.dijlh.net/images/icons/102.gif

زين لعد حاملي افكارنا اني وياك اذا جانوا (مسلحين) والي غالبا ما يكونون جهلة وما يعرفون لغة الحوار
شلون راح يتفاهمون؟
اكيد راح يتفاهمون بالشواجير http://forums.dijlh.net/images/icons/100.gif

وهذا ما اقصده من الموضوع
ان اختلاف الآراء بالعراق ادى الى الحرب الطائفية -المسلحة- الموجودة في العراق الآن

تعال سجل بالمدني بالكورس اللاخ
ترة التربة شيبتني::27::
Civilian
05-26-2007, 01:13 AM
مشكور على الموضوع ..
واني اعتقد حرب اهليه ...من الشيعه

اوكي اختي بس شلون
خلينه نتناقش بالله

ارجو من المشرفين الافاضل عدم التدخل
Civilian
05-26-2007, 01:23 AM
بس لهسه ما شفنا وجوه اعدائنا ..يعني يجي واحد يحط قنبلة وينتظرها تنفجر ..او يربط نفسه بحزام متفجرات ويدخل وسط الناس ..

اتصور افضل وصف للحرب الاهلية هو ما حدث في لبنان في الثمانينات ..هذه كانت فعلا حرب اهلية ..جبهات متقابلة ودبابات ورشاشات وحرب شاملة ..قيادات معروفة وتواجدها واعلانها الصريح ..

شوفوا الفلسطنين هسه ..حماس وفتح ..بالشوراع وبالنهار وكاشفين الوجوه ويلطقون النار علي بعضهم البعض هذه حرب اهلية ...

بالعراق ..نوع اكو نوع من الصراع السياسي بين العراقيين ...والصراع المذهبي خارج العراقيين ..من دول عربية ...



زارعي العبوات والمفخخات والانتحاريين معروفين وينطلقون من المنطقة الفلانية لزرع العبوة في المنطقة الغلانية ثم يرجعون الى منطقتهم سالمين غانمين ويحظون بدعم بعض الاهالي

وترة مو بس يزرعون عبوات وينتظروها تنفجر ومو بس يرسلون الانتحاريين
هذا الي يذكره الاعلام فقط
جائز انتي ساكنة بالبصرة وما شفتي الي جنت اشوفه ببغداد , من اغتيالات عشوائية بالشوارع والمحلات وفي البيوت .. يتعدى ضحاياها ضحايا المفخخات بعشرات المرات !!
واني احجي الي شفته بالسيدية وما ادري بغير مناطق شكو

ما تفسير ما يجري على الساحة العراقية
جماعات مسلحة تقتل الابرياء في الشوارع وتقول نحن مقاومون ..وشعب يدعم المقاومة !
ولا يخشى اولئك المجرمين المدعين المقاومة عند دعمه للمقاومة,, بل يعترف بهم احيانا .. كما يعترف البعض بمنظمة الجيش الاسلامي ومنظمة جيش المهدي ويمتدحهم ويدعمهم على انهم مقاومة شريفة ضد الاحتلال وعملائه (وكل يفسر كلمة عملائه على ليلاه)
بينما تلك المنظمات ارتكبت الكثير من الجرائم بحق العراقيين , فلماذا الاعتراف بها وضرب الضحايا الذين سقطوا على ايديها عرض الحائط؟
Civilian
05-26-2007, 01:32 AM
لا يخفى على حضراتكم ان الذي يجري على الساحه هو بداية الحرب الاهلية التي خطط له كل من يكن الحقد الاعمى الدفين لهذاالبلد .. الامر شائك في بداية الاحتلال الامر كان مختلف لانه من سعى لهذه الحرب هو الاحتلال بعينه بمساندة دول اقليمية .. حتى يسهل السيطرة على العراق ويكون التواجد الاجنبي مقبولا من قبل العراقيين .. لكن بعد ان اختلفت الرؤى بين الدول المحتلة والدول الاقليمية والتي على راسها ايران اتجه الاحتلال الى اخماد هذه الحرب في شتى الطرق لكي يحفظ ماء وجه امريكا بالعراق .. لكن ايران لعبت لعبتها وبدئت تغذي هذه الحرب في سبيل اضعاف امريكا في العراق .. وهذا اللي دا يصير على الساحه

وهل دول الجوار وامريكا تستطيع التحكم بالشعب العراقي وكانه دمية بيدها تحركها كيفما شائت؟
هل الشعب العراقي ضعيف واواصره ركيكة الى هذه الدرجة التي تجعله يستسلم لإملائات دول الجوار وامريكا ليقع في فخها بهذه السهولة
اين الاخوة والاواصر القوية لعد !
شكرا اخ فاروق على التعليق

بس اني عندي ملاحظة
انت دتتهم ايران وامريكا بدعم الحرب في العراق
وتنسى انك تدعم الجيش الاسلامي وذاك اليوم كتلي شلون تقارن الجيش الاسلامي بجيش المهدي؟
مع ان الجيش الاسلامي يغتال المواطنين في منطقة الغزالية والعامرية ويغتصب بنات المدارس ويقتلهن ويقصف المناطق السكنية (حسب اعترافات معتقليه الي شفتها اني بالتلفزيون قبل اسبوع)
اضافة الى انه يستهدف قوات الشرطة والجيش العراقي
ويترحم على الزرقاوي (هل الزرقاوي مجرم بنظرك؟)
ونفس الشي اكوله لمن يدعم جيش المهدي
خلينه نعالج انفسنه اول قبل ما ننظر الى امريكا وايران والسعودية
تحياتي الك ومية هلة بيك::51::
Civilian
05-26-2007, 01:40 AM
بصراحة يامدني
اني اتخيل العراق بحالة حرب اهلية "مصغرة" !!!
مو شاملة !!!

اي مع الاسف
ولازم الشعب يتدارك نفسه قبل ما تتوسع الحرب وتصير شاملة
فاروق الرافدين
05-26-2007, 01:47 AM
انت دتتهم ايران وامريكا بدعم الحرب في العراق
وتنسى انك تدعم الجيش الاسلامي وذاك اليوم كتلي شلون تقارن الجيش الاسلامي بجيش المهدي؟
مع ان الجيش الاسلامي يغتال المواطنين في منطقة الغزالية والعامرية ويغتصب بنات المدارس ويقتلهن ويقصف المناطق السكنية

ترى هذا كلامك الطفل ما يصدكه .. عيب والله والله عيب واحد مثلك مثقف يحجي هذا الحجي .. الجيش الاسلامي يكن له الاحترام حتى من الحكومة الضعيفه .. الجيش الاسلامي يحترم مهنية القتال لسبب واحد انه عراقي ميه بالمي مو مثل التنظيمات التي حوت العرب ضمن تنظيماتها لانهم تربوا على حب العراق واهل العراق .. فارجو تصحيح وجهة النظر الخاطئة ..
DreamEvil
05-26-2007, 01:58 AM
شكرا على هذا الموضوع
لكن الذي يحصل في العراق طبيعي والاسباب بنضري كالاتي :-
1- المحتل المريكي
2- العملاء الذين جائوا على ظهر الدبابة
والحل بازالة هذين السببين .... لان قبل الحتلال لم تكن هناك منظمة حقيرة داخل العراق تدعى بالقاعدة ولم تكن هناك مليشيات بحجة الدفاع عن الانفس تقتل وتسرق امام انضار العملاء
وشكرا
Civilian
05-26-2007, 02:37 AM
ترى هذا كلامك الطفل ما يصدكه .. عيب والله والله عيب واحد مثلك مثقف يحجي هذا الحجي .. الجيش الاسلامي يكن له الاحترام حتى من الحكومة الضعيفه .. الجيش الاسلامي يحترم مهنية القتال لسبب واحد انه عراقي ميه بالمي مو مثل التنظيمات التي حوت العرب ضمن تنظيماتها لانهم تربوا على حب العراق واهل العراق .. فارجو تصحيح وجهة النظر الخاطئة ..

انا لا اكلم اطفالا هنا
انا اتكلم بحقائق يثبتها الواقع
العيب هو الدفاع عن الارهاب , عن القتل , عن التهجير , عن اغتصاب الطالبات , عن قصف المناطق السكنية
العيب هو الدفاع عمن يدق اسفين الطائفية بالعراق

لعلك لا تشاهد اعترافات اعضاء الجيش الاسلامي في البرنامج الاسبوعي الخاص بوزارة الداخلية والذي يبث على قناة العراقية
اعترافات مذهلة ! انصحك بمشاهدتها ان كنت مثقف وتتهمني بعدم الثقافة

اريد اشوف الثقافة هل تعني الدفاع عن مجموعة اشخاص تابعين للجيش الاسلامي قاموا باختطاف اربع طالبات من مدرسة بالغزالية , اغتصبوهن وقتلوهن
تدري ليش؟
لأنهن جانن (غير محتشمات) !!

ومن العيب ان تدافع عن مجموعة اشخاص يستهدفون القوات العراقية والمناطق السكنية ويستهدفون الشباب الابرياء بحجة قتل اعضاء (جيش المهدي , وقوات بدر !)

21-8 الجيش الإسلامي في العراق/تفجير سيارة مفخخة على دورية للشرطة المرتدة وقتل 12 عنصر
بسم الله الرحمن الرحيم
قَاتِلُوهُمْ يُعَذِّبْهُمُ اللّهُ بِأَيْدِيكُمْ وَيُخْزِهِمْ وَيَنصُرْكُمْ عَلَيْهِمْ وَيَشْفِ صُدُورَقَوْمٍ مُّؤْمِنِينْ
الحمد لله رب العالمين القوي العزيز
وأفضل الصلاة وأتم التسليم على نبي الهدى نبي الملحمة ، وعلى آله وصحبه أجمعين
أما بعد ..
ففي الساعة الواحدة من ظهر يوم الخميس الثالث والعشرين من رجب لسنة 1427 هـ الموافق 17 / 8 / 2006
بعد التوكل على الله و بعون منه قامت مفارز الاسناد الهندسي في الجيش الإسلامي بتفجير سيارة مفخخة على دورية تابعة للشرطة المرتدة مما ادى الى قتل اثنى عشر عنصراً من عناصر الدورية وذلك في منقطة المنصور غرب بغداد ( داخل ) ، والحمد لله رب العالمين
الله أكبر و العزة لله
القيادة العسكرية
الجيش الإسلامي في العراق

ومثل:

21-8 الجيش الإسلامي في العراق / تدمير ناقلة اشخاص للحرس الوثني المرتدين جنوب بغداد
21-8الجيش الإسلامي في العراق/تدمير ناقلة اشخاص للحرس الوثني وقتل 11 فيها جنوب بغداد
21-8 الجيش الإسلامي في العراق / هجوم على سيارتين لجيش الدجال وحرقها شمال بغداد
21-8 الجيش الإسلامي في العراق / اغتيال 5 من عناصر منظمة غدر المرتدين في الشعلة
21-8 الجيش الإسلامي في العراق / اغتيال احد عناصر جيش الدجال المرتدين جنوب بغداد
21-8 الجيش الإسلامي في العراق / قنص احد عناصر الحرس الوثني المرتدين غرب بغداد
21-8 الجيش الإسلامي في العراق / اغتيال 3 من عناصر جيش الدجال المرتدين في الشعلة
21-8 الجيش الإسلامي في العراق / تدمير عجلة همر للصليبيين وهلاك من فيها جنوب بغداد

منقول عن موقع الجيش الاسلامي (المتعطل حاليا) والذي اترفع عن وضعه في المنتدى

زين ألم تسمع بابراهيم الشمري قائد (الجيش الإسلامي) وهو يؤبن الزرقاوي على قناة الجزيرة؟:
أعلن الناطق بإسم الجيش الإسلامي في العراق و جيش المجاهدين الدكتور إبراهيم الشمري في إتصال هاتفي مع قناة الجزيرة الفضائية
أن الشيخ الزرقاوي شهيد الجيش الإسلامي و ليس القاعدة فقط و أنه بطل مجاهد و أنه شهيد بإذن الله
و قال أيضا رحمك الله يا ابا أحمد و تقبلك الله في الشهداء

وجائز ما قاري هذا البيان (أول عملية تقوم بها جماعة مسلحة للثأر لمقتل الزرقاوي!) :
الجيش الإسلامي في العراق/تفجير عبوة على3 عناصر من الداخلية محتفلين باستشهاد الشيخ ابو مصعب الزرقاوي
بسم الله الرحمن الرحيم
قَاتِلُوهُمْ يُعَذِّبْهُمُ اللّهُ بِأَيْدِيكُمْ وَيُخْزِهِمْ وَيَنصُرْكُمْ عَلَيْهِمْ وَيَشْفِ صُدُورَ قَوْمٍ مُّؤْمِنِينْ

الحمد لله رب العالمين القوي العزيز
وأفضل الصلاة وأتم التسليم على نبي الهدى نبي الملحمة ، وعلى آله وصحبه أجمعين
أما بعد ..
ففي الساعة الخامسة من عصر يوم الخميس الثاني عشر من جمادي الأول لسنة 1427 هـ الموافق 8 / 6 / 2006
بعد التوكل على الله و بعون منه تمكنت سرية من سرايا الجيش الإسلامي في العراق من تفجير عبوة ناسفة على ثلاثة عناصر من قوات الداخلية حيث كانوا واقفين فوق العبوة مباشرة و يرمون اعيرة نارية في الهواء احتفالا ( بمقتل ) باستشهاد الشيخ ابو مصعب و عند تفجير العبوة عليهم تناثرت اشلائهم فوق المباني و في الشوارع و ذلك في منطقة حي اليرموك غرب بغداد ( داخل ) , والحمد لله رب العالمين ...

الله أكبر و العزة لله
الجيش الإسلامي في العراق

ان كانت الثقافة هي الدفاع عن هؤلاء الاوباش .. فتعسا للثقافة!!
تحياتي الك
Civilian
05-26-2007, 02:41 AM
شكرا على هذا الموضوع
لكن الذي يحصل في العراق طبيعي والاسباب بنضري كالاتي :-
1- المحتل المريكي
2- العملاء الذين جائوا على ظهر الدبابة
والحل بازالة هذين السببين .... لان قبل الحتلال لم تكن هناك منظمة حقيرة داخل العراق تدعى بالقاعدة ولم تكن هناك مليشيات بحجة الدفاع عن الانفس تقتل وتسرق امام انضار العملاء
وشكرا

دليل ثاني على ان الارهاب الجاري في العراق .. مدعوم شعبيا , وينك رفر ::2::

اتطلع الى الاستماع الى المزيد من الاراء الشيقة
الحقيقة دتتوضح اكثر وعلى العراقيين فهمها جيدا
فاروق الرافدين
05-26-2007, 02:44 AM
لعلك لا تشاهد اعترافات اعضاء الجيش الاسلامي في البرنامج الاسبوعي الخاص بوزارة الداخلية والذي يبث على قناة العراقية
::237:: ::237:: ::237:: ::237:: ::237:: ::237:: ::237:: ::237:: ::237::
::39:: ::39:: ::39:: ::39:: ::39:: ::39:: ::39:: ::39:: ::39::


احلى نكته ... داخلية صولاغ .. والعراقية .. عمي عيب عليك
Civilian
05-26-2007, 02:58 AM
::237:: ::237:: ::237:: ::237:: ::237:: ::237:: ::237:: ::237:: ::237::
::39:: ::39:: ::39:: ::39:: ::39:: ::39:: ::39:: ::39:: ::39::


احلى نكته ... داخلية صولاغ .. والعراقية .. عمي عيب عليك

نكتة !
بس اكو نكات اقوى بردي السابق وماخوذة من مواقع جهادية تعادي العراقية تماما .. يا ريت لو مركز عليها اكثر وعايف الداخلية
وان اصبح العيب هو الوقوف ضد المغتصبين والقتلة .. فخليني شايل هذا العيب , على الاقل احسن من هواية عيوب ثانية
تحياتي الك
RIVEROFLOVE
05-26-2007, 06:07 AM
اخويه سفليان بيمن احلفك اني جنت اناقشك عادي ولا متعصب الله شاهد
على شنو اتعصب ولا هو رايك جديد عليه او اول مره اشوف احد يفكر هيج
ومو غلط انه اكو غيري يختلف عني بالتفكير هاي من سابع المستحيلات تلكه احد يفكر مثلك 100%
هو بالعائله الوحده تلكه اكثر من راي ومو هذا موضوعنا
يابه تطلب عليها لفة فلافل::2::::2::
نجي لسالفة القيادات
اخويه انت بس ركز شويه وياي حتى تفهمني (اغسل وجهك بمي بارد وامسح النظاره يالله قلبي تعال اقره هسه)
القيادي عراقي صح بس هالقائد العراقي بيمن مرتبط؟؟؟ منين ياخذ الاوامر ؟؟؟ هذا الي قصدته
افتهمتني::27::

وموضوع الي يقتلون العراقيين والامريكان
خلي نترك شويه شرعية المقاومه ولخاطري افرض كون الامريكان محتلين (يعني هم غيرك يكول هيج هم المفروض تشوف وجهة نظرهم موصح؟)
بس فهمني انت ما تكيف تكون من بلدك ناس تقاتل محتل وتقاتل الي يقتل العراقي بنفس الوقت والي تسموا مقاوم او تكفيري وصدامي من وجهة نظركم لان والله اكو ناس هسه تحارب الامريكان وتحارب الارهابيين بنفس الوقت
منو هسه ديحارب القاعده بالمناطق السنيه لعد؟؟؟؟؟؟ غير المقاومه
اذا المقاومه بنظرك تقتل الامريكي والعراقي لذرائع مختلفه اذا شنو اختلافهم ويه القاعده وعليش دا يقاتلوهم اذا همه نفس المبدأ عدهم؟؟؟ القاعده هم تقاتل الامريكان (بس عن العين يعني) واغلب مصايبهم على العراقيين السنه والشيعه
فليش لعد هسه اهل المقاومه وعشائر المناطق السنيه وبالذات الانبار يقاتلون القاعده وان شاء الله الله ينصرهم ويخلصونها من هالجراثيم القذره

واخذ اميلي دزيته الك ويه حبيب وان شاء نتفاهم حتى اصير زميلك::237::::237::::237::
تحياتي اخويه الورده
SoLeDaD
05-26-2007, 05:18 PM
حرب عصابات مرتبطه بجهات اقليميه وداخليه ولكل منها مصالح خاصه ..

اضافه الى دعم شعبي لهذه العصابات من قبل اناس لا ينظرون الى الصورة بشكل كامل ..

وهذا الدعم تحول الى نزعات طائفيه وفعل ورد فعل .. مما ادى الى هذا التمزق ..

اعتقد ان الامور في طريقها للتدهور اكثر وتتحول حرب العصابات شيئاً فشيئاً الى صور اشبه ما تكون بالحرب الاهليه

لان كل المقومات موجودة حالياً لقيامها ..

شكرا كاليفورنيان
RAMII
05-26-2007, 05:33 PM
اعتقد ان الامور في طريقها للتدهور اكثر وتتحول حرب العصابات شيئاً فشيئاً الى صور اشبه ما تكون بالحرب الاهليه



exactly
يعني اذا صارت حرب اهلية شاملة ! لازم انتة واني انشيل اسلاح
في سبيل واحد من عدنا لازم يموت هذا الهدف الاساسي ... وهكذا بين الملايين من العراقيين ...
وهاي اكبر كارثة بعصر التاريخ الحديث ..... الله يستر
Civilian
05-26-2007, 07:18 PM
اخويه سفليان بيمن احلفك اني جنت اناقشك عادي ولا متعصب الله شاهد
على شنو اتعصب ولا هو رايك جديد عليه او اول مره اشوف احد يفكر هيج
ومو غلط انه اكو غيري يختلف عني بالتفكير هاي من سابع المستحيلات تلكه احد يفكر مثلك 100%
هو بالعائله الوحده تلكه اكثر من راي ومو هذا موضوعنا
يابه تطلب عليها لفة فلافل::2::::2::
نجي لسالفة القيادات
اخويه انت بس ركز شويه وياي حتى تفهمني (اغسل وجهك بمي بارد وامسح النظاره يالله قلبي تعال اقره هسه)
القيادي عراقي صح بس هالقائد العراقي بيمن مرتبط؟؟؟ منين ياخذ الاوامر ؟؟؟ هذا الي قصدته
افتهمتني::27::

وموضوع الي يقتلون العراقيين والامريكان
خلي نترك شويه شرعية المقاومه ولخاطري افرض كون الامريكان محتلين (يعني هم غيرك يكول هيج هم المفروض تشوف وجهة نظرهم موصح؟)
بس فهمني انت ما تكيف تكون من بلدك ناس تقاتل محتل وتقاتل الي يقتل العراقي بنفس الوقت والي تسموا مقاوم او تكفيري وصدامي من وجهة نظركم لان والله اكو ناس هسه تحارب الامريكان وتحارب الارهابيين بنفس الوقت
منو هسه ديحارب القاعده بالمناطق السنيه لعد؟؟؟؟؟؟ غير المقاومه
اذا المقاومه بنظرك تقتل الامريكي والعراقي لذرائع مختلفه اذا شنو اختلافهم ويه القاعده وعليش دا يقاتلوهم اذا همه نفس المبدأ عدهم؟؟؟ القاعده هم تقاتل الامريكان (بس عن العين يعني) واغلب مصايبهم على العراقيين السنه والشيعه
فليش لعد هسه اهل المقاومه وعشائر المناطق السنيه وبالذات الانبار يقاتلون القاعده وان شاء الله الله ينصرهم ويخلصونها من هالجراثيم القذره

واخذ اميلي دزيته الك ويه حبيب وان شاء نتفاهم حتى اصير زميلك::237::::237::::237::
تحياتي اخويه الورده

حبيبي رفر
ما اريد احول النقاش حول مفهوم المقاومة , هذا موضوع ثاني
بس من افترض ان الوجود الدولي يمثل احتلال ,, لازم افترض ان العراقيين يمثلون عملاء لهذا الاحتلال (لأنهم على الاغلب يؤيدون الوجود الدولي في العراق في هذا الظرف الصعب)
وهنا راح انطي الحق للمقاومة باستهداف الشعب العراقي بتهمة العمالة (وهذا هو الي ديصير حاليا بالحقيقة)
يلة افترضت بعد شتريد::2::
الشغلة ومابيها اني ما اعترف بوجود المقاومة لأنها تنسف جهود المصالحة بين ابناء الشعب وتؤدي الى استمرار وجود السلاح السائب بالشوارع وامكانية تخفي الارهاب حول عبائتها

ومن يقاتل تنظيم القاعدة في الانبار هم "شرطة الانبار" المتكونة من ابناء عشائر الانبار المنضوية تحت قيادة مجلس انقاذ الانبار برئاسة الشيخ حميد الهايس الذي لا يدعي انه يقاوم "محتل" ولا يدعي انه مرتبط بالمقاومة بل هو نفسه يطلب من القوات الامريكية (ما يصفه البعض بالاحتلال) مساعدة الانبار في التخلص من تنظيم القاعدة ,, وعندي هواية ادلة على هذا الشي واني اايده بهاي الطريقة
اما بالنسبة لفصائل المقاومة المتواجدة حاليا فهي متحالفة تحالف وثيق مع تنظيم القاعدة وتعتبره القائد الاعلى لها
زين اسالك سؤال رفر واريدك تجاوبني بصراحة حتى نعرف مدى التباين الفكري بين العراقيين

ما رأيك بجيش المهدي باعتباره احد الجماعات المقاومة للإحتلال , وما رأيك بمن يفتخر بـ "جيش الامام" كمقاومة للإحتلال وعملائه؟
هل تدافع عنه كما تدافع عن باقي جماعات المقاومة .. ام ان النظرة الراديكالية ستحول دون ذلك ؟
اما اذا كلتلي ان جيش المهدي ارتكب اعمال اجرامية (صحيح طبعا) راح يجي واحد يكلك .. "ترة الارهابيين الي يدعون الانتماء لجيش المهدي , هذولة جيش المهدي براء منهم"
يعني يجاوبك بنفس جوابك حول المقاومة
لا تعبترني مؤيد لجيش المهدي , اني اعتبره منظمة ارهابية مثيرة للجدل لا يختلف عن باقي المنظمات المسلحة المثيرة للجدل..


الي ردت اوصله ان اختلاف الآراء بين ابناء الشعب العراقي حول الجماعات المسلحة الطائفية في العراق (مثلي ومثلك) .. يترجمه البعض من ابناء الشعب على ان هذا الاختلاف عبارة عن مؤامرات يحوكها الواحد ضد الآخر لغرض الغاء وجوده او تهميشه
وهذا هو السبب في استمرار الحرب الطائفية التي تنهش المناطق -ذات الطوائف المختلفة- في العراق..
تحياتي الك زميلي , واقرا زين حتى نستفاد منك ترة البينه مكفينه::37::
Civilian
05-26-2007, 07:26 PM
اضافه الى دعم شعبي لهذه العصابات من قبل اناس لا ينظرون الى الصورة بشكل كامل ..

وهذا الدعم تحول الى نزعات طائفيه وفعل ورد فعل .. مما ادى الى هذا التمزق ..



زين هل اكو جهود معينة تكدر توقف هذا التمزق قبل ان يتحول الى حرب اهلية تحرق ما تبقى من الاخضر واليابس

ام ان الامور خارجة عن السيطرة ولم يبقى حل الا الانفصال واعلان الدويلات الطائفية::32::
RIVEROFLOVE
05-26-2007, 08:21 PM
عمي المكقاومه والقوات الدوليه على كولتك عوفه على صفحه
لان مشكلتنا محد يحاول يفكر براي الثاني
لا اني اتقبل رايك ولا انت تقبل رايي وهسه لو اشكك هدومي انت تكلي الامريكان مو محتلين::2::
فخلي نعوف هاي السلفه
نجي لسؤالك
ما رأيك بجيش المهدي باعتباره احد الجماعات المقاومة للإحتلال , وما رأيك بمن يفتخر بـ "جيش الامام" كمقاومة للإحتلال وعملائه؟

هل تدافع عنه كما تدافع عن باقي جماعات المقاومة .. ام ان النظرة الراديكالية ستحول دون ذلك ؟
اما اذا كلتلي ان جيش المهدي ارتكب اعمال اجرامية (صحيح طبعا) راح يجي واحد يكلك .. "ترة الارهابيين الي يدعون الانتماء لجيش المهدي , هذولة جيش المهدي براء منهم"
يعني يجاوبك بنفس جوابك حول المقاومة
لا تعبترني مؤيد لجيش المهدي , اني اعتبره منظمة ارهابية مثيرة للجدل لا يختلف عن باقي المنظمات المسلحة المثيرة للجدل..


بالبدايه اني وضحت رايي بجيش المهدي بمواضيع اخرى
بداية جيش المهدي جان بيها بعض الهفوت البسيطه شغلات سرقه وحواسم وشي عادي يصير هيج هي على مستوى جيوش نظاميه يصير هذ الشي (الي صار بالكويت ابسط مثال)
واني ببدايته جنت من الؤيدينن اله وزاد اعجابي بي من كمت اشوف انه يوزعون غاز للاهلي ويجبرون المحطات عالتوزيع هاي بعيني شفتها بالاضافه الى المقاومه ضد الامريكان وكذلك تعاونهم ويه المقاومه السنيه واستبشرنا خير كلنا بلكي الله يتوحد العراق على اديهم
بس بعدين دخلوا القاعده واذايالها تحت مسمى المقاومه ولوثوا سمعتها النقيه
وكذلك جيش المهدي تشوه تشويه كامل من اصغر عنصر للراس الجبيره وشفنا المذابح الي سووها وماكو عائله ما راحلها احد من وره القاعده وجيش المهدي
واني اول شخص تركت الدراسه من وره هالقرده
تكلي راح تدافعلهم مثل ما تدافع للمقاومه؟
اجاوبك
عيني سيفليان اني ما دافع لاي واحد يقتل عراقي بغير وجه حق حتى لو كان اخويه مادام قتل نفس بريئه اذا اايده معناها اني مثله
فتنظيم القاعده ومن قتل ابرياء تحت مسمى المقاومه الي انت ما تؤمن بوجودها وهذا شي يخصك هذا جهنم وبئس المصير (خوما دافعت عنهم؟؟؟)
نجي لجيش المهدي وره انحرافه
اجي وياك وخلي نفرض جدلا مقتدى وقادة جيش المهدي ما قتلوا اي عراقي وقصدهم المقاومه للمحتل
ادري مو هاي الجرائم الي ديسووها منو؟؟؟؟؟؟؟ غير جيش المهدي
راح تكلي دخلاء هم اجي وياك لان هذا الي صار بالطرف الثاني
مو همه حتى ما طلعوا حجوا للناس بينوا وقائع وطبعا لو هسه يطلع يحلف عالقران بعد ما يفيد لان الي انقتلوا مو قليل مو هسه يتذكر وره ما بغداد سووها مدينة اشباح
بس الي انخطفوا من دائرة البعثات هذوله اعلام يسوون تاج راسهم والله عوفك من الابرياء البقيه
وينهم من هاي الجرائم؟؟؟؟ طلع مقتدى على تلفزيون على اذاعه حجى شي؟؟
شو شوفت عينك هسه يريد يتحظر لقيادة العراق (عبالك العراق بس اله)
فهو ما برء نفسه اذن يأيد الي صار وبعلمه وبقيادته
اما الارهابيين (المقاومه بنظرك)صح مسمين نفسهم مقاومه بس معروفين منو همه
القاعده انصار السنه والخ من التسميات هذوله همه يعلونها قتلنا هالكد حرس وطني
ذبحنا هالكد شرطه وهلكد فجرنا والمصيبه يفتخرون بهذا الشي فيعني ما ضامميها
ملخص مفيد
اني اكلك المقاومه دخلاء عليها ومعلون هذا الشي والدليل كتلك همه يكولون احنا فلان تنظيم احنا قتلنا فلان مجموعه من المدنيين وادعي من الله ينزل عقابه بيهم بالعراق حتى يصيرون عبره لمن اعتبر
اما جيش المهدي بعد الانحراف الي صار بي ما طلع احد قادته الكبار وشرح الامور
ولا فد يوم سمعنا صارت مواجهه بين الصدريين والدخلاء عليهم مثل الي صار والي ديصير بين اهل المقاومه واالعشائر وبين القاعده المقيته
فمعناها همه جيش المهدي نفسهم ديقومون بهاي الجرائم بدافع الانتقام
لان بالفتره الاخيره ما شفنا اي موقف مشرف لجيش المهدي يفترون بتراكسوداتهم او بسيارات الشرطه ويعلسون بالعالم بتئأييد الحكومه الموقره الي انت ما تقبل نحجي عليها
وحتى البيوت المهجريهم ما يقبلون احد يدفعلهم ايجار نفس خيسة القاعده بالضبط

تعتبت والكي بورد حمى وادري مقدما هذا الحجي كله ما راح يسوي شي
فاترك هالسوالف
وضيف اميلي لان عندي حجي وياك هواي احتمال نداوم سوه بعد وصلت حدها
تحياتي الك ورده
واختلاف الراي لا يفسد للود قضيه
تحياتي الك زميلي::237::
RIVEROFLOVE
05-26-2007, 08:34 PM
عمي المكقاومه والقوات الدوليه على كولتك عوفه على صفحه
لان مشكلتنا محد يحاول يفكر براي الثاني
لا اني اتقبل رايك ولا انت تقبل رايي وهسه لو اشكك هدومي انت تكلي الامريكان مو محتلين::2::
فخلي نعوف هاي السلفه
نجي لسؤالك
ما رأيك بجيش المهدي باعتباره احد الجماعات المقاومة للإحتلال , وما رأيك بمن يفتخر بـ "جيش الامام" كمقاومة للإحتلال وعملائه؟

هل تدافع عنه كما تدافع عن باقي جماعات المقاومة .. ام ان النظرة الراديكالية ستحول دون ذلك ؟
اما اذا كلتلي ان جيش المهدي ارتكب اعمال اجرامية (صحيح طبعا) راح يجي واحد يكلك .. "ترة الارهابيين الي يدعون الانتماء لجيش المهدي , هذولة جيش المهدي براء منهم"
يعني يجاوبك بنفس جوابك حول المقاومة
لا تعبترني مؤيد لجيش المهدي , اني اعتبره منظمة ارهابية مثيرة للجدل لا يختلف عن باقي المنظمات المسلحة المثيرة للجدل..


بالبدايه اني وضحت رايي بجيش المهدي بمواضيع اخرى
بداية جيش المهدي جان بيها بعض الهفوت البسيطه شغلات سرقه وحواسم وشي عادي يصير هيج هي على مستوى جيوش نظاميه يصير هذ الشي (الي صار بالكويت ابسط مثال)
واني ببدايته جنت من الؤيدينن اله وزاد اعجابي بي من كمت اشوف انه يوزعون غاز للاهلي ويجبرون المحطات عالتوزيع هاي بعيني شفتها بالاضافه الى المقاومه ضد الامريكان وكذلك تعاونهم ويه المقاومه السنيه واستبشرنا خير كلنا بلكي الله يتوحد العراق على اديهم
بس بعدين دخلوا القاعده واذايالها تحت مسمى المقاومه ولوثوا سمعتها النقيه
وكذلك جيش المهدي تشوه تشويه كامل من اصغر عنصر للراس الجبيره وشفنا المذابح الي سووها وماكو عائله ما راحلها احد من وره القاعده وجيش المهدي
واني اول شخص تركت الدراسه من وره هالقرده
تكلي راح تدافعلهم مثل ما تدافع للمقاومه؟
اجاوبك
عيني سيفليان اني ما دافع لاي واحد يقتل عراقي بغير وجه حق حتى لو كان اخويه مادام قتل نفس بريئه اذا اايده معناها اني مثله
فتنظيم القاعده ومن قتل ابرياء تحت مسمى المقاومه الي انت ما تؤمن بوجودها وهذا شي يخصك هذا جهنم وبئس المصير (خوما دافعت عنهم؟؟؟)
نجي لجيش المهدي وره انحرافه
اجي وياك وخلي نفرض جدلا مقتدى وقادة جيش المهدي ما قتلوا اي عراقي وقصدهم المقاومه للمحتل
ادري مو هاي الجرائم الي ديسووها منو؟؟؟؟؟؟؟ غير جيش المهدي
راح تكلي دخلاء هم اجي وياك لان هذا الي صار بالطرف الثاني
مو همه حتى ما طلعوا حجوا للناس بينوا وقائع وطبعا لو هسه يطلع يحلف عالقران بعد ما يفيد لان الي انقتلوا مو قليل مو هسه يتذكر وره ما بغداد سووها مدينة اشباح
بس الي انخطفوا من دائرة البعثات هذوله اعلام يسوون تاج راسهم والله عوفك من الابرياء البقيه
وينهم من هاي الجرائم؟؟؟؟ طلع مقتدى على تلفزيون على اذاعه حجى شي؟؟
شو شوفت عينك هسه يريد يتحظر لقيادة العراق (عبالك العراق بس اله)
فهو ما برء نفسه اذن يأيد الي صار وبعلمه وبقيادته
اما الارهابيين (المقاومه بنظرك)صح مسمين نفسهم مقاومه بس معروفين منو همه
القاعده انصار السنه والخ من التسميات هذوله همه يعلونها قتلنا هالكد حرس وطني
ذبحنا هالكد شرطه وهلكد فجرنا والمصيبه يفتخرون بهذا الشي فيعني ما ضامميها
ملخص مفيد
اني اكلك المقاومه دخلاء عليها ومعلون هذا الشي والدليل كتلك همه يكولون احنا فلان تنظيم احنا قتلنا فلان مجموعه من المدنيين وادعي من الله ينزل عقابه بيهم بالعراق حتى يصيرون عبره لمن اعتبر
اما جيش المهدي بعد الانحراف الي صار بي ما طلع احد قادته الكبار وشرح الامور
ولا فد يوم سمعنا صارت مواجهه بين الصدريين والدخلاء عليهم مثل الي صار والي ديصير بين اهل المقاومه واالعشائر وبين القاعده المقيته
فمعناها همه جيش المهدي نفسهم ديقومون بهاي الجرائم بدافع الانتقام
لان بالفتره الاخيره ما شفنا اي موقف مشرف لجيش المهدي يفترون بتراكسوداتهم او بسيارات الشرطه ويعلسون بالعالم بتئأييد الحكومه الموقره الي انت ما تقبل نحجي عليها
وحتى البيوت المهجريهم ما يقبلون احد يدفعلهم ايجار نفس خيسة القاعده بالضبط

تعتبت والكي بورد حمى وادري مقدما هذا الحجي كله ما راح يسوي شي
فاترك هالسوالف
وضيف اميلي لان عندي حجي وياك هواي احتمال نداوم سوه بعد وصلت حدها
تحياتي الك ورده
واختلاف الراي لا يفسد للود قضيه
تحياتي الك زميلي::237::
Civilian
05-26-2007, 11:53 PM
لا ليش حجيك ما راح يسوي شي, اذا انت هيجي مأيس مني فهذا يعني ان العراقيين ما راح يتغيرون وراح يبقى الوضع عالك وكل الحلول ما راح تسوي شي::2::


انت ما تؤمن بوجود جيش المهدي -المقاوم للإحتلال- (حسب الثوابت التي تاسس من اجلها)
وكل الي كلته صحيح واني وياك بي .. جيش المهدي منظمة ارهابية , منحرفة , مقاوم للإحتلال !

وكل المنظمات المسلحة الاخرى مثل جيش المهدي تماما , تسكت عن الجرائم التي ترتكبها ولا نرى من قياداتها اي ادانات لتلك الجرائم

ومع هذا تشوف بعض او اغلب العراقيين للأسف يدعمون هذه المنظمات الارهابية المثيرة للفوضى والجدل وكل حسب طائفته
وتشوف العراقي ما مستعد ان يضحي بالسلاح في سبيل استقرار الوضع .. وانما يحاول اللف والدوران على نفسه والاستهانة بجميع الدماء التي سالت وتسيل وكأن حمل الكلاشنكوف في العراق هو خط احمر لا يمكن تجاوزه .. مع ان الابرياء العراقيين يسقطون بالكلاشنكوف ايضا

ولو تشوف العراقيين هسة, كل واحد يدعم المسحلين او (المقاومة) المتكونة من ابناء طائفته فقط
هسة انت مثلا ما تعترف بجيش المهدي مع انه يقاتل الامريكان والبريطانيين في الجنوب والوسط لأنه من طائفة ثانية ولأنه ارتكب جرائم انت تشوفها طائفية
بينما تدعم المقاومة المتكونة من ابناء طائفتك فقط وتدعولها بالنصر والسداد وتصف مقاومة الآخرين بالارهاب لأنها ارتكبت جرائم بحق ابرياء

وبالمقابل ايضا تجد شخص عكسك بالضبط يدعم المقاومة المتكونة من ابناء طائفته (والي انت تعتبرهم ارهابيين) وما يعترف بالمقاومة الي تؤمن بيها انت ويعتبرهم ارهابيين!
اني مجرد داحلل ,, اذن اكو اختلافات بين ابناء الشعب


بتئأييد الحكومه الموقره الي انت ما تقبل نحجي عليها

ويكلي مصاير عصبي::2::
لا حبي رفر .. اني ما ادعم حكومة المالكي وما اؤمن باي حكومة اسلامية لأني علماني ما احب التطرف الديني والاحزاب السياسية-الدينية وما اعترف بنظرية السلاح
لكن ارفض قتل افراد الجيش والشرطة العراقية وارفض قتل افراد الشعب العراقي السنة والشيعة بتهمة انتخابهم لهذه الحكومة

من الواضح على اي شخص يتصفح الموضوع ان العراقيين مختلفين فيما بينهم ويستميتون في الدفاع عن حمل السلاح حتى وان تسبب وجوده بالشارع بقتلهم..

مية هلة بيك زميلي , دوختني واني صارلي تلث ساعات اقرا امتحان الستركجر فدماغي صاير عبارة عن تحليلات وريأكشناتhttp://forums.dijlh.net/images/icons/117.gif
SoLeDaD
05-27-2007, 12:01 AM
زين هل اكو جهود معينة تكدر توقف هذا التمزق قبل ان يتحول الى حرب اهلية تحرق ما تبقى من الاخضر واليابس

ام ان الامور خارجة عن السيطرة ولم يبقى حل الا الانفصال واعلان الدويلات الطائفية::32::

امممممممم...استاذ سكارليت جوهانسون كاليفورنيان اني اكولك ..

لا ماكو .. لو موجودة جان لاحظنا فد تطور باتجاه معين .. شو مدا نشوف هالشي هذا استاذي العزيز ..

ما اعرف اذا حضرتكم تلاحظون وجود هكذا جهود !؟ ::32::
Civilian
05-27-2007, 12:25 AM
امممممممم...استاذ سكارليت جوهانسون كاليفورنيان اني اكولك ..

لا ماكو .. لو موجودة جان لاحظنا فد تطور باتجاه معين .. شو مدا نشوف هالشي هذا استاذي العزيز ..

ما اعرف اذا حضرتكم تلاحظون وجود هكذا جهود !؟ ::32::

والله يا مستر كرستينا اكوليرا البو بروكلن
دورت بس ما لكيت , مليوصة ترة::32::
SoLeDaD
05-27-2007, 11:43 PM
اييييييييه .. مو شلون مجان مليوصه !!
ساسون حزقيل
05-28-2007, 07:55 AM
زين هل اكو جهود معينة تكدر توقف هذا التمزق قبل ان يتحول الى حرب اهلية تحرق ما تبقى من الاخضر واليابس

ام ان الامور خارجة عن السيطرة ولم يبقى حل الا الانفصال واعلان الدويلات الطائفية::32::

اولا شلونك سيفيليان و ثانيا الموضوع حلو و ثالثا اكو جهود و اكو حل و راح اكولكياه بس مشكلتي فاتح تك عين و امدد بالفراش و مطفي و مكسر و منهار جسمانيا
فراح انام و ان شاء الله باجر بنفس الوكت راح انطيك الجواب الشافي

على فكرة اكو مسلسل امريكي من جزئين عن الارهاب كلش حلو و راح يعجبك و احتمال احتمال يغير رايك من الناس اللي تشيل السلاح مقاومة ارهاب اجرام طائفية مهما كانت الاسباب والدوافع
المسلسل اسمه الخلية النائمة Sleeper Cell
و ان شاء الله باجر بنفس هالوكت اجي واجاوبك

تحياتي وردة
EMinem_civil_eng
05-28-2007, 09:21 AM
تعال سجل بالمدني بالكورس اللاخ
ترة التربة شيبتني::27::[/center]


::36:: ::36:: ::36:: ::36:: ::36::


راجعلك لان الوكت اتاخر