ابن الهيثم

[ليلوة]

السلام عليكم شلونك بنات وشباب اكيد مو زينين لان اليوم كليتنه انضربت وهواية هواية تاذو و ماتو عفية اللي يعرف اي شي يطمنا اني هواية اعرف تاذو .الله يرحم الكل ويصبر اهلهم

[نسر البايو]

السلام عليكم يا ليلوة فعلا اليوم كليتنا انضربت بعدد من قذائف الهاون الحقيرة قذائف الغدرو الخيانة الي تساقطت على الطلاب الابرياء والكثير من الطلاب انصابوا وقسم منهم اصاباتهم خطرة نسال الله ان يشافي الجرحى ويرحم الشهداء اذا كان اكو شهداء واحنا كنا قريبين جدا من مكان سقوط احدى قذائف الهاون بس الله سلمنا ورجاءا رجارءا ادعوا الى زملائكم وزميلاتكم الجرحى ان الله يشافيهم وما نملك ان نقول الا
حسبنا الله ونعم الوكيل على كل ظالم

[معظماوي]

يا يابة ... شنو ذولة البنات من مصيبة ....
عود اني دا اريد الحك اجيب سبق صحفي للمنتدى ,,,
يالله خيرهة بغيرهة .... هي ما شاء الله الهاونات كل يوم ...
المهممممممممممم نرجع للهاون
يابة احنة سمعنة طبتين مال هاونين ..... بس يكولون اكو واحد ثالث قريب على البايوو ممفجور
يعني 3 هاونات المجموع..
الي وكع واذى العالم كان امام كافتريا الاساتذة وامام باب المشترك
طبعا هو هاون نونو .... حسب خبرتي المتواضعة بالسلاح اعتقد 60 ملم

واما بالنسبة للجرحى والمصابين
ما اعتقد انه الي تصوبوا اصابة خطرة يتجاوزون الـ 10 اشخاص
بحسب مواقع الدم الي على الارض وكمية الدم طبعا

كما انه سمعت انه 3 منهم الى 4 همة من طلبة قسم الحاسبات ...

وكالمعتاد الطلاب كاموا يحجون على اهل الامن ويكولون مساعدونة بنقل الجرحى وكلهم انهزموا


والنتيجة الكلية مقفولة الى اشعار اخر .....

وأبوكم الله يرحمة

[ليلوة]

والله ياخوية اني اللي سمعته وعرفته هواية متاذين خصوصا من البنات ومن قسمي البايو خصوصا لانه الانفجار كلش قريب من المشتركة وصح الثالث وكع بالحديقة النباتية بس ربك حميد منفجر والا جان هواية اتاذو

[nono]

لاحول ولاقوة الا بلله والله ينتقم من الي جان السبب
اني ممداومة اليوم بس صديقاتي خابروني وبلغوني بهلخبر الموزين
وحسب ميكولون هواي اتأذو من طلاب البايو والكيمياء لان الهاون قريب من المشتركة
وعلة اساس دكتورة التحليلة الي اتدرسنة اتوفت واكو طالب ويانة اصابته خطرة
لاحول ولاقوة الا بلله مابيدنة غير الدعاء لاخوانة واخواتنة الي انصابو

[حــ،،،ــور الــ،،،ــعين]

لا حول ولا قوة الا بالله
والله انصدمت بالخبر الله ينتقم منهم
الله ينتقم من كل ظالم
ما نملك بس الدعاء بالشفاء العاجل للجرحى وان يمن على الاهل
بالصبر والسلوان

[*(بنت الاعظميه)*]

حسبي الله ونعم الوكيل........
الله ينتقم ممن كان السبب
والله هوايه تأذو وصارت الشغله
كدامي وجان قريب عليه...............
بس مااعرف منو استشهد
بس اريد اعرف دكتوره التحليليه اللي توفت
شنو اسمهه.........
الله يرحم الشهداء ويشافي الجرحى


لاحول ولاقوه الا بالله

[hurt tune]

حسبنا الله والله خبر مفجع الله ايساعد الي كان بمكان الحادث وشاف كدامة

الله يرحم شهداءنا ياربي يرحمهم برحمته الواسعة

ويشافي الجرحى ويصبرهم

حسبنا الله ونعم الوكيل

حسبنا الله ونعم الوكيل

لتنسون الدعاء لزملائنة

[Roy]

الله ينتقم من كل ظالم

[عاشق الامام]

لاحول ولاقوة الابالله العلي العظيم

انا لله وانا اليه راجعون

[ليلوة]

منو ياستاذة ميته عفية الي يعرف شي خلي يسولف

[PErMeReND]

والله شباب اللي راحوا هوااايه من الاصابات واني عندي شخص موظف بمستشفى النعمان كال اغلبهم حالات خطرة وتمت عمليات استئصال لبعض من المصابين ومهما كانوا المصابين من قسم الكيمياء او البايو او الحاسبات همه كلهم خواتنا واخواننا وندعيلهم بالصحه والشفاء العاجل ان شاء الله