هل انقسمنا فعلا ام هذه من احلام اليقظة؟؟

[ابو الحب(متعذب)]

السلام عليكم ورحمة الله وبركاته

اخواني وخواتي
احبابي واحبتي

الى كل عراقي تربى على حب عراقيته
الى كل عراقي لم يتربى على التسنن او التشيع المتعصبين
الى كل عراقي رفض اخوة انسان لانه مخالف لرأيه
الى كل انسان عاقل يعرف معنى رب العالمين
الى كل من تربى على حب محمد و آله الطيبين وصحبه الافاضل

عندي لكم سؤال:

لماذا كل هذا التحيز؟؟؟؟؟؟؟

وكانها صرخة تريد ان تخرج من باطني لتفجر الواقع

وانا في سوريا ..وعند زيارتي لمرقد السيدة زينب عليها وعلى ابيها واخيها وامها وجدها افضل الصلاة والسلام ...
جلست لاقرآ ايات بينات من كتاب رب العالمين
لماذا لا ارى سنيا؟؟؟
هل اصبحت زينب عليها السلام مقدسة عند الشيعة فقط؟؟

ولماذا؟؟؟؟
ولماذا بقى الصحابة الافاضل مقدسين عند السنة فقط الا ما ندر من الشيعة ؟؟؟؟

بكيت قليلا وصليت لاجلك ياعراق ...
بكيت وصليت لكي تنهضي من حزنك يا بغداد
يقتلونك يوميا باسم الدين...
فويل لهم يا ويلهم...

الارهابي يقتلكِ باسم السنة والتدين والتشدد المخيف
وياتيكِ المليشياوي ليقصف جوامعكِ الامنة باسم التشيع

ما لهذا العالم ؟؟؟

خل نحجي بالعراقي اوجب واحسن

ليش يا سني ويا شيعي؟؟

عمركم ما تخاربتوا...
ليش مو التاريخ لمن يذكرنا راح يسبنا ويلعننا على عقولنا
ليش هالشباب الحلوة تموت.؟؟؟

طيب ما سالت نفسك يا اخي منو خولك لقتل الانسان ؟؟؟

حتى ربكم يكول لا يفرق بينكم الا بالتقوى والعمل الصالح
هيجي صار العمل الصالح قتل الناس ببوتهم؟؟؟
هيجي صار العمل الصالح انه تغتصب اختك؟؟؟
هيجي صار العمل الصالح انه تحرك كتاب ربك؟؟
هيجي صار العمل الصالح انه تقتل اخوك بباب بيته؟؟؟


لا اله الا الله وحده لا شريك له...

وانتشرت العدوى وطالت اكثر الناس...
الى ان وصلت لدجلة نت فصار فيها منتدى للشيعة ومنتدى للسنة!!!!!!!!!

يا للسخرية يعني من صدك سخرية همين اليهود متفرقوا ولا المسيحيين...

ليش يا اخوان نفترق على امور قد تكون حصلت او لم تحصل قبل الف واربعمية سنة؟؟؟
ليش مو ترة باجر الله يحاسبنا يكوللنا ليش دمرتوا البلد شنكولة لربنا نكولة والله لان عمر وعلي جانوا متخالفين هاي اذا اكو خلاف فعلا واذا مجانت الشغلة دخيلة على التاريخ؟؟؟؟

نكول لربنا والله جنا ما نآمن بامامة علي؟؟؟

شلكم بهالسوالف مو ترة دحنا من صدك كفاكم انانية وتجبر وتسلط
شوفو خيرة الشباب اللي مات سابح بدمه واللي يومية متهجر لمنطقة شكل لو اللي طلع لدور الجوار وبقا هناك يريدلة خبزة ياكلها ويسد جوع بطنه ...ودمعته على خدة مشتاق لاهلة ولمدينته...

ليش يا احباب هالتفرقة مو تدمرنا
ليش مو احنا العراقيين اللي جان ينضرب بينا المثل مو والله حتى اطفال الغرب صرنا مضحكة الهم
ليش تامنون بالتفرقة وتفرحون المحتل...
نشف دمعنا والله...وشنو مصيرنا؟؟؟؟
مصيرنا بيد الساسة سنة كانوا او شيعة ...
وشلون مصير وشلون قرارات ...
ليش هذا الجات ديصير بيه هاي اللغاوي؟؟؟؟

ناس تسب ناس ودمعتي تطفر من عيني بهيجي مواقف

ابطال تشوفهم بس بالمسبة والمهاترات...
وبالدين الاسلامي السمح محد يفهم
كلها صايرة تفرق شنو القصة؟؟؟؟

نايم بامان الله....
وصحيت على عراق متالم موجوع ناسه نفسهم ذبحوه بيدهم
ليش يا عمي مو انتو احباب وناس ماخذة من ناس

وشنو الربح من تفرقتكم؟؟؟

الربح هو الدم وعمركم صاير كله خسارات

الخونة هواية ...عشاق الرواتب
عشاق الفلوس


كافي مو حتى الملائكة كامت تبجي على حال العراق وحال الجثث الطايفة بالدم ..

بس ويامن تحجون؟؟؟؟


الصدى يرجعلي...
وصوتي يرجعلي ..
وتبقى حيرتي ودمعتي على خدي
وبقيت يا عراق سابح بدمك
وبقى امرك بيد محتلك

وبقيت على حزني
وبقت التفرقة....

اللهم اغفر لنا ذنوبنا وارحمنا برحمتك الواسعة وابعد كل حاقد ومحتل وخائن وعميل عن بلدي العراق واجعل بلدنا امن بجاه حبيبك المصطفى صلوات الله علي وعلى اله وصحبه

وهاي حكاية اليوم
موال الغربة وحزن القلب


تحياتي

[dr_max81]

والله كلامك مؤلم بس الصراحه هو هذا الواقع هسه واللي انكسر ما اعتقد يتصلح

[maanhilali]

حبيبي ابو الحب احنا هسة اني متاكد بانه مهما حصل بيناتنا بس المشكلة مو بالشعب لان الشعب اخوان مثل ما انتة وغيرك سنة وشيعة اخواني

وما بيناتنا شي

بس المشكلة سياسية

ومحد من السياسين يقبل يتنازل ويكول الشعب اندمر

طبعا اني ارفض كل كلام يكول اللي انكسر ما يتصلح

لا يتصلح

ان شاء الله واحنا شعب واحد رغم الظروف كلنا اخوان واهل

ونرفض كل الممارسات الرامية لتفرقة الشعب

وان اضم صوتي ودعائي لكل عراقي شريف

يدعو لرب العالميين ان ينجينا من هل المحنة

ومشكور حبيبي على مشاعرك الحلوة

والحزن مثل ما بقلبك هو بقلبي وبقلب غيري وبقلب كل واحد يحب وطنة

اكلج شي تعرف اني مهجر من الاعظمية بس ما يوم حقدت على منطقتي ولا على اهلها واحبها واحبهم مهما يصير

واحن لاخواني واهلي بالمنطقة

تحياتي لك على هل الضمير الحي

وكلنا اهل واخوان مهما يصير بينا

[محمد الصقر]

اكثر من رائع هذا الكلام
اخوية ابو الحب الاجدر بكل واحد بينا انة يبدا بنفسة واهلة وناسة واصحابة يوعيهم ينصحهم يذكرهم باخوتنا الي عمرها ما اهتزت الا بعد ان جاء المحتلين الكلاب
اي واحد من عدنا خل يسال نفسة شراح نكول للاجيال الجاية من العراقيين نكولهم والله احنا جنا ملتهين واحد يقتل الثاني وعفنا المحتل وعملائة يسرقونا تعذرونا ما افتهمنا السالفة الا بعد فوات الاوان
ماكو شي انكسر حتى يتصلح يا دكتور ماكس ارجوك لا تشوف الجانب الاسود .
اني اكولك انة اني شيعي بس مستعد افدي اي سني بحياتي ما دام هو ابن بلدي

[DR.FREE]

والله اخويه وحبيبي كلامك يخبل ودوه عالجرح بس الي ديسوي هذا مو الناس العاديه
ناس مجرمين ومدفوعين من شعوب ومخابرات تكره الشعب العراقي صدكني والمجرمين موجودين بكل البلدان
وفعلا الي انكسر صعب يتصلح بسهوله
تحياتي لموضوعك

[dr_samo]

العراق واحد حبيبي ويظل واحد
http://img20.imageshack.us/img20/2168/iraq6bh.jpg
http://www.0zz0.com/2006/02/25/970384369.gif

[ღدلع_‗ـ−¯ Candy G!rl]

اه اه اه يا ابو الحب لاتقلب مواجعنا
بس راح اقدم وجهة نظري ..وان شاء الله ما اسبب زعل لاي عضو من الاعضاء لانه الاختلاف لايفسد بالود قضية
اول شي انت اسال اي شخص مثقف وراح يكون جوابه انه ماكو سنة وشيعة وهذي اشياء مفتعلة من قبل المتخلفين من الطرفين
وبعدين اللي يقومون بهذي العمال هم ناس جهلة .وبالنسبة لبعض المناطق اساخنة صدكني صدكني اهل المنطقة هم اللي مليين من هذي الاشياء لانه هم ناس عاديين واكو ناس دخلو باسم المهجرين وبدو يخربون بمناطقهم مثل مصار بمنطقة السيدية .واهالي المنطقة يشوفون القتل بعيونهم بس يخافون من انه يواجهوهم هذي حالة وحالة ثانية **لاتنسى القاعدة الخبيثة اللي تريد تسوي العراق كابل اللي هي محتلة اصلا بس ويا منو تحجي الفلوس تعمي النفوس تلكيه حافي وماعنده شغل يكلك احصل كم دفتر وكم سيارة وبدون تعب
بس ولا يهمكم لانه الله جعل كيدهم في نحرهم يعني ناس بدت تكتل بناس وانتضرو فد شهريين وشوفو اللي راح يصير
ولاتنسون انه حكومتنا هم يعني مو شي(طائفية)
تحياتي
دلوووووووووووووووووووووووووووعة

[زنزون]

والله اثرت بيه يا ابو الحب و انا احس بكل اللي قلته و التفرقه و الغربه اذتنا
و اضم صوتي الى صوتك و عندي حجايه
اللي يحجي و يتفنن بهالمواضيع لازم يعرف اول شي معنى الانسانيه بعدين يفهم معنى الاسلام ووراها تجي الوطنيه ذاك الوقت اله الحق يحجي بهاي المواضيع
و تقبل مروري

[ابو الحب(متعذب)]

طبعا اشكر كلمن ساهم بالرد على هالموضوع ونورتينا دلوعة الطبية بالرد كما نورنا الكل واعني الكل الكل الكل الكل ..
وطبعا يا اخوان هية الطائفية موجودة مو بس بالحكومة للاسف موجودة بهواية ناس من الشعب العراقي للاسف الشديد بس شنسوي والمن نشكو الحال ...الا لرب العباد هو اعلم بحالتنا وهو الوحيد القادر على نقل حالتنا من هالوضع الى الامان والحفاظ على دماء العراقيين والمسلمين ...

وميصير امان الا ان نصفي نوايانا لان الله سبحانه وتعالى لا يغير ما بقوم حتى يغيروا ما بانفسهم ...

وان شاء الله الله كاتبلنا الفرج القريب

تحياتي وتسلمون على الردود

[norlasal]

والله ابو الحب كلامك كأنما كله جان ببالي وما ادري شلون اطلعه
والله احنه خطيه ليش هيج يصير بينه ترة الحقيقه احنه شعبنا اغلبه واعي ويعرف كلها شغلات خارجيه
بس الله على الظالم وعلى الحكومه اللي مو همهها الشعب
والله تعبنه وبعدنه صغار لعد من نكبر شراح يصير
بس كلشي منكول بس الله يزيح هذه الغمه عن حبيبي العراق والله صح ملينه الغربه وملينه الشوق وملينه الاخبار الموزينه والحزينه
الله يكتب للعراق يرجع مثل قبل
كوووووووووووولووووووووا اميـــــــــــــن

[ketty]

الصدى يرجعلي...
وصوتي يرجعلي ..
وتبقى حيرتي ودمعتي على خدي

تسلم عالكلمات الرائعة ان شاء الله صوتك وصوتنة يوصل ابعد وابعد وتسمعه كل الناس بدون ان يرجع صدى
صدقني العراق مليان ناس مؤمنة بالله ومؤمنة ان الي جاي يصير كله خطأ
وان المتضرر الوحيد هو العراقي وان الدم الي جاي يغرق العراق هو دم العراقي
يعني ليش المسلم يأذي المسلم ويهجره من ارضه الي هو عايش بيهة جد عن جد
ليش العراق ما يكفينة سوى لو الخيرات الي بيه ما تكفي ؟الي كلهة جاي تروح للمحتل والعملاء؟
صدقني هذولة المجرمين بعدين راح يصحون بس راح تجي صحوتهم متأخرة
راح يصحون ويشوفون انهم دمرو العراق وباعوه بارخص ثمن وان دم العراقيين الابرياء كلة برقبتهم وانهم شوهو صورة بلدهم وحضارته وسوه مضحكة للدول الي طول عمره العراق سيد الهة .ما بيدنة شيء غير ان انكول الله يهديهم

[احسـاس رومانسـي]

والله يا ابو الحب كلامك بلسم على الجروح النازفه ...رائع انته بهاي المشاعر الراقيه يا راقي
والله اوكفلك بالاستعداد واخذلك تحيه يا ورده
والله العظيم كأنما دا اتخيلك كادمي ودموعك الصادقه على خدودك ودا تحجي مع العلم
اني ولا شايفك وجها لوجه ابد......
حلو من اعضاء هذا المنتدى الراقي ان يتطرقون الى مواضيع مهمه وحساسه لانه هو هذا
واقعنا المريــــــــــــــــــــــــــــــــــــر
حبيبي وعزيزي ابو الحب يا غالي ..
اي اوفق الاخوان اللي كان رأيهم انه ماكو شي بين الشعب وكل اللي دايصير عباره عن صراع اجنده
خارجيه وسياسات داخليه وهمه المسؤلين امام الله اولا واخرا
حبيبي الغالي ....احيك واحيي هذا الشعور الراقي شعورك وحزنك على التفرقه اللي دا اتصير بين العراقيين
وان شاء الله كلشي يرجع الى وضعه باذن الله.....تقبل مروري المتواضع

[ابو الحب(متعذب)]

حبيبي عاشق الحرية احييك واشكر ردك الجميل جدا واحرجتني بصراحة بكلامك الرائع واللي قد يكون اكثر من استحقاقي لان ياحبيبي العراق مو يستاهل دمعة العراق يستاهل كل الجسد والروح ونكول والله قليل بحقك ياعراق....بصراحة اليوم كاعد وداتذكر الايام الكضيتها وكاعد وحتى دموع العين خلصت يا صاحبي شسوي مشتاق لكل كعدة مشتاق لكل ضحكة وحتى البجية بالعراق صدكني احسن من احلى ضحكة بالغربة وداعتك وداعت كل عزيز...

تحياتي الك والى الاخت كيتي العزيزة اللي ردت باجمل الكلمات ايضا...

مع حبي للمنتدى

[مدينة الاحزان]

السلام عليكم

مشكور اخي ابو الحب على مشاعرك الحلوة و الصادقة..احساسك اللي ردت توصلة النا وصل بكل سهولة

بس احب اكول انه يمكن الاغلبية تكول انه اللي ديصير كلة المحتل سببة
اني اشوف انه يمكن يكون المحتل السبب الرئيسي بس مو الوحيد وايد وحدة ما تصفك
احنا (وطبعا مو الكل) لو مو عدنا استعداد بداخلنا ما جان صار اللي صار
المشكلة كلمن تحجي وياه بالموضوع يكلك اي والله صحيحي و ماكو فرق بين سنة و شيعة..خلي نكون صادقين وية انفسنا قبل ما نكون صادقين وية الاخرين
و اذا اكو ذرة طائفية بكلوبنا خلي نمحيها لان الخسران الاول و الاخير احنا العراقيين

الله يحمي العراق و العراقيين و يوحدنا من جديد

تقبل مروري

احترامي

[ابو الحب(متعذب)]

مشكور اخوية اكريم مدينة الاحزان على ردك واني اوافقك بكل ما كلتة والله...
تحياتي الك ومرورك على راسي يا وردة....
ابو الحب

[الشهد و الدموع]

لماذا كل هذا التحيز؟؟؟؟؟؟؟

وكانها صرخة تريد ان تخرج من باطني لتفجر الواقع

وانا في سوريا ..وعند زيارتي لمرقد السيدة زينب عليها وعلى ابيها واخيها وامها وجدها افضل الصلاة والسلام ...
جلست لاقرآ ايات بينات من كتاب رب العالمين
لماذا لا ارى سنيا؟؟؟
هل اصبحت زينب عليها السلام مقدسة عند الشيعة فقط؟؟

ولماذا؟؟؟؟
لا عيوني تره اهي كما يروحون للسورية يزورون السيدة وهدا كلام مينطبق على الكل ....
بس ابصراحة اني ماازور مو لانة السيدة ..بس اني عندي وجهة نظر خاصة عن زيارة المقابر ولاضرحه ....يعني ابد مااروح لاي مرقد او قبر ....بس هدا ميعني اني اضوج او اعادي الي يزور ...
واحنا عدنه كل لائمة نجلهم ...وماكو بفكرنا هاي الافكار الانقساميه....
وبصراحة اكولك ولتزعل مني ....اني اكره هاي الكلمتين : وعلى اعصابي من الفضها ( السنه والشيعة) واريد اصيح واكول يابه مسلمين وبس
بس شنسوي الوضع فرض علينه استخدامها مع كل الاسف
ولماذا بقى الصحابة الافاضل مقدسين عند السنة فقط الا ما ندر من الشيعة ؟؟؟؟
وهاي هم مو الكل عدهم منها

بكيت قليلا وصليت لاجلك ياعراق ...

والله مبين كلامك بيه الالم ,,,,ويارب متشوفه بعد
واحسسك روعة ....وكلب لابيض هدا انشاء الله ينطيك عى كده