المساعد الشخصي الرقمي

مشاهدة النسخة كاملة : الى الاخت نور لاسال الكل تدخل

ابو الحب(متعذب)
05-22-2007, 04:58 AM
اول شي احب اوضح مسالة صارت اليوم وهي انه رديت على موضوع للدكتورة الاخت العزيزة نورلاسال (ولو ماعرف لاسال شنو يعني) المهم كان ردي شوية (فظ) واعترف بهالشي والاعتراف بالخطا فضيلة لانه افتهمت الموضوع على سبيل الجد يعني مو الشقا....
على العموم كانت طريقة ردي شوية (tough) خشنة يعني ....

بس شنو اني جيت ولمن قريت رد الدكتورة يعني قلبي والله العظيم انعصر وقررت ادز اعتذار على ثلاثة محاور (رد بنفس الموضوع و كموضوع ببحد هنا و كرسالة خاصة) وياريت يا اخت نور لا تشيلين عليا ترة اني مثل اخوج وماريد اكون سبب ضوجتج بعد ما فتحتي صفحة هالمنتدى الرائع حتى تزيلين همج...ماريد اكون سبب ضوجة اي احد يا شباب واني من هسة اعتذر لاي احد ممكن اكون سببتله ضوجة ...
فيا اخت نور ويا دكتورتنا الحنونة العزيزة اني اتاسف وزعلج ترة ماكدر عليه بالله لانه انتي واحدة من افضل واحب واحن العضوات اللي بدجلة نت كلها ...و مو لواكة لو تملق لو مجاملة
(لان اني ماخاف الباند نيفر والايام الجاية تثبت هههههه) لا بالله العظيم وحق من انزل القران لانه انتي فعلا غالية مو بس عليا لا على كل الاعضاء واني متاكد ...

يابة وبما انه اني زعلتج وضوجتج فلازم هسة اهديلج كلمات للفنان العالمي محمد عبد الجبار اللي يكول بيها :

من زعلك مني حاجيني الية
ازعل الدنيا ولا تزعل عليا

.......................................

اذا طلعت شمس يا نور فوتي للبيت
لان شمسين معناها احتركنا
..............................................


واسف جدا على تزعيلج يا اختي العزيزة
امسحيها بلحيتي
وتاكدي...
انه ماريدج تزعلين مني يمعودة دكتورة ترة ماحب اي احد يزعل علي مو عاد اختي العزيزة الدكتور نور ....

تحياتي

::51:: ::51:: ::51:: ::51:: ::51:: ::51:: ::51:: ::51::
maanhilali
05-22-2007, 01:58 PM
التحية قبل كل شي

ما اعرف اني طبعا يا موضوع

انتة عزيز مثل ما نور عزيزة

وان شاء الله ما يصير اي زعل بينا احنا اخوان كلنا

وما تسوة يصير خلاف على اي شي

واذا نور تقرأء الرد مالي

بعد ابو الحب اعترف بانه غلطان فارجوا ان يصير قلبك كبير وتسامحي

وان شاء الله ما تكونين زعلانة

يلة ما حلو الزعل شباب

تقبل مروري ابو الحب
محمد الصقر
05-22-2007, 02:15 PM
اني اتصور نور اكبر واحن وانضج من ان تزعل من اي احد خصوصا بعد اعتذارك
بس دير بالك تزعلها بعد ترة والنبي اعلسك ههههههههههههههههههههه
maanhilali
05-22-2007, 02:34 PM
طبعا اني رديت وما كنت مفتهم الموضوع على شنو هسة يالة عرفت الموضوع

ومبين نور اهواية زعلانة ومقهورة

ومثل ما كتبت ابو الحب اعترف بانه غلطان

واني هم اكول ابو الحب ليش انتة عصبي بس لا تزعل ما عايزين زعل

ونور رجعي لخاطرنا وابو الحب اخونا وماكو واحد يزعل من اخو واكيد انتي قلبك طيب

وننتظرك وننتظر ردودك الحلوة ومشاركاتك اللطيفة

تحياتي وان شاء الله ماكو زعل

ونرجع اخوان وحبايب
ابن كركوك
05-22-2007, 05:26 PM
السلام عليكم.. هاي شنو,زعل واعتذار !!!! ... طبعا اني مدا اشارك اهواية بالمنتدى باخر فترة لأن امتحانات وهوسة بس اليوم حبيت ارد على هالموضوع لأهميته .. اني قريت موضوعك اخي وقبل لا ارد عليه دورت على الموضوع المقصود ولكيته وكدرت افتهم الشغلة .. صحيح انت غلطان بس احب اكول لنور انه المسامح كريم وانتي القلب الحنون لمنتدانا,,اني متأكد ما يجي من قلبج تزعلين على اي واحد لأن بصراحة اني طول هالمدة بالمنتدى ما شفتج يوم مزعلة اي واحد او مسوية مشكلة .. واني متأكد انه سوء التفاهم الي صار هو نتيجة للstress الي سببه الامتحانات بس ارجع واكول لنور ارجعي بسرعة لان المنتدى بلا وجودج ما له طعم وهذا مو صغرا ببقية الاعضاء بس اعتقد انه الكل يجمع على انه نور هي العضوة الاكثر تميزا بالمنتدى..اذا عندي خاطر يمج اريدج ترجعين للمنتدى واذا مو لخاطري لخاطر حبيبينا ابو الحب الي عرفناه وحبيناه وكان على طول عضو مميز بمواضيعه وردوده الحلوة وقلبه الطيب والولد اعترف بخطئه واعتذر .. يلا انتظر رد من عندج .. اعذروني اني بهالسوالف اشوية اطول بالحجي فلا تأخذوني عالاطالة..

اخوكم
ابن كركوك
DR.FREE
05-22-2007, 09:40 PM
هاي شنو يله خل نضحك شويه من رخصتك حبيبي ابو الحب مو تضوج زين

على العموم كانت طريقة ردي شوية (tough) خشنة يعني
اووووي ما شاء الله قوي باللغات تف شنو يمعود سهلها

بس شنو اني جيت ولمن قريت رد الدكتورة يعني قلبي والله العظيم انعصر وقررت ادز اعتذار على ثلاثة محاور
3 محاور شنو عبالي ثري فيس والله لان مطفيه الكهرباء ودافكر شوكت ترجع هههههههههه شنو 3 محاور بس لا صاير سياسي ههههههههههههه

وماريد اكون سبب ضوجتج بعد ما فتحتي صفحة هالمنتدى الرائع حتى تزيلين همج...ماريد اكون سبب ضوجة اي احد يا شباب واني من هسة اعتذر لاي احد ممكن اكون سببتله ضوجة ...

وكان حيبكي من الايمان والتقوى هسهسهسهسهسهس

فيا اخت نور ويا دكتورتنا الحنونة العزيزة اني اتاسف وزعلج ترة ماكدر عليه بالله لانه انتي واحدة من افضل واحب واحن العضوات اللي بدجلة نت كلها ...و مو لواكة لو تملق لو مجاملة

لا ابد هههههههههههههه يله لتدير بال يله تضيع باللبخ والبياض والصبغ فوكاه طلابه ( يعني لبخ=مجامله بياض=مجامله صبغ=تملق هسهسهسهسهس )

(لان اني ماخاف الباند نيفر والايام الجاية تثبت هههههه)
مو داكولكم ثقافته انكليزيه الولد محد ديصدك وشوفوه شلون سبع ميخاف من الباند لازم عندك واسطه يم الاداره هسهسهسهسهسهس

واسف جدا على تزعيلج يا اختي العزيزة
امسحيها بلحيتي
بس حننعلس شو صارت لحي هسهسهسهسهسهس

مشكور عالاعتذار وارجو التسامح والاخت نور ورده
بس داحس اكو اكثر من واحد مجطل على نور
نور ديري بالج تره كاموا الولد ينعجبون بيج خاصة سيد الخواتم وهسه ابو الحب حيجوج خطابه بعد شتريدين كلللللللللللللييييييييييييييش

تقبلوا مروري
ابو الحب(متعذب)
05-23-2007, 01:14 AM
ههههههههههههههههههههههههههههه حلوة دكتورررررررررر حللللللللللللللللللللللوة
يعني رد خرافي بعرضي والله العظيم
عاشت ايدك (your hands) ::39:: دكتور تحياتي الك وللدكتور معن هلالي الوردة اللي نور الموضوع همينة بنورة ومحمد الصقر اللي علسني علس ههههههههه والى كل من رد...

وتحياتي طبعا لدكتورة نور الوردة ماعرف وينها بس اذا مرجعت خلال يومين اني حسبوني فالت من المنتدى والله ....

وتحياتي لحضراتكم
DR.FREE
05-23-2007, 04:00 AM
هاي وينها نور شو مدخلت ليش هيج ليش نور يمعوده متسوه تره لتبجين انتي اختي النونو يلهدخلي وصيري القلب الحنون
ومشكورين اعضائنه عالردود لابو الحب وماكو داعي متسوه الدنيا خاصة الي دنمر بيه
تحياتي للجميع ولابو الحب الورد
norlasal
05-23-2007, 05:37 AM
هلووووووووووووووووووو شباب شلونكم
ابو الحب والله مزعلانه منك بالعكس كبرت بنظري على اخلاقك واحترامك العالي
شكرا الك على ذوقك وعلى كلامك الرائع
وشكرا على الاغنيه
وترة اني حتى لو اضوج شويه ترة هذا ورة شويه يروح
واني اسفه اذا الموضوع ضوجك
بس والله قصدي الشقه
وبعدين شنو اذا مجتي نور ليومين اني افلت لا يمعود والله متسوة شلون اعوفكم هاي توافه الامور وهاي الشغلات متأثر على صداقتي ويه احلى اعضاء بالدنيه اعضاء دجله بالعكس هاي تبين احنه شكد نحب بعضنه
ومثل ميكولون بالمسلسلات صافي يا لبن حليب يا ايــــــــــه ............يا قشطه
والله ابو الحب انت متعب نفسك ومسوي 3 محاور محور واحد كافي
ومرة ثانيه ما ادري شلون اشكرك على اخلاقك
وهذا النوع ممذكور بالموضوع لان اي كلامم قليل بحقهم
وميصير نخليهم بموضوع للضحك
لان هذوله قدوه لباقي الشباب
norlasal
05-23-2007, 05:39 AM
تسلم معن على ذوقك وكلامك وان شاء الله ماكو زعل
ولا لتصدكون تخلصون مني ما اعوف المنتدى على قلبكم قاعده
ههههههههههههههههههه
واحنه اخوان وحبايب
norlasal
05-23-2007, 05:41 AM
اني اتصور نور اكبر واحن وانضج من ان تزعل من اي احد خصوصا بعد اعتذارك
بس دير بالك تزعلها بعد ترة والنبي اعلسك ههههههههههههههههههههه
شنو انت محمد تقراني
والله ما ازعل منكم انتو اخواني وزملائي اللي مشايفتهم
بس مأمنه على وقتي يمهم
لان اعرف همه شنو من اخلاق وادب
وان شاء الله متعلس احد
تسلملي على دفاعك وكلامك
norlasal
05-23-2007, 05:51 AM
السلام عليكم.. هاي شنو,زعل واعتذار !!!! ... طبعا اني مدا اشارك اهواية بالمنتدى باخر فترة لأن امتحانات وهوسة بس اليوم حبيت ارد على هالموضوع لأهميته .. اني قريت موضوعك اخي وقبل لا ارد عليه دورت على الموضوع المقصود ولكيته وكدرت افتهم الشغلة .. صحيح انت غلطان بس احب اكول لنور انه المسامح كريم وانتي القلب الحنون لمنتدانا,,اني متأكد ما يجي من قلبج تزعلين على اي واحد لأن بصراحة اني طول هالمدة بالمنتدى ما شفتج يوم مزعلة اي واحد او مسوية مشكلة .. واني متأكد انه سوء التفاهم الي صار هو نتيجة للstress الي سببه الامتحانات بس ارجع واكول لنور ارجعي بسرعة لان المنتدى بلا وجودج ما له طعم وهذا مو صغرا ببقية الاعضاء بس اعتقد انه الكل يجمع على انه نور هي العضوة الاكثر تميزا بالمنتدى..اذا عندي خاطر يمج اريدج ترجعين للمنتدى واذا مو لخاطري لخاطر حبيبينا ابو الحب الي عرفناه وحبيناه وكان على طول عضو مميز بمواضيعه وردوده الحلوة وقلبه الطيب والولد اعترف بخطئه واعتذر .. يلا انتظر رد من عندج .. اعذروني اني بهالسوالف اشوية اطول بالحجي فلا تأخذوني عالاطالة..

اخوكم
ابن كركوك

شنو هل كلام الحلو ابن كركوك حقهم ينطوك المركز الاول بالادب
وطبعا عندك خاطر يمي وهياتني راجعه للمتدى
بس صدكو اني مفكرت اترك المنتدى ولا لحظه
بس والله اني هسه مزعلانه ولا جنت زعلانه بس دا ادلل عليكم ههههههههه
لا والله شويه ضجت بس من شفت كلام ابو الحب شعرت بالذنب كلت ختيه
وبالعكس ابن كركوك ردك كولش حلو
norlasal
05-23-2007, 05:58 AM
هاي وينها نور شو مدخلت ليش هيج ليش نور يمعوده متسوه تره لتبجين انتي اختي النونو يلهدخلي وصيري القلب الحنون
ومشكورين اعضائنه عالردود لابو الحب وماكو داعي متسوه الدنيا خاصة الي دنمر بيه
تحياتي للجميع ولابو الحب الورد

شكرا فرفوري على الرد الاول اللي يخبل
والرد الثاني اللي يجنن
بس حلوة هاي مال اختي النونو
وصح الشغله متسوة
بس والله بينتو انتو شكد حبابين واني عرفت انو اني اللي دور بهذا المنتدى الحلو
وان شاء الله ماكو زعل
maanhilali
05-23-2007, 02:08 PM
الحمد لله والشكر رجعت المياه لمجاريها بعد لحد يسوي هيج شغلات زين

ممنوع الزعل

تحياتي
الشهد و الدموع
05-24-2007, 05:48 PM
الزعل ليش الزعل
جنه احلى من العسل
ارجع اليه.....
سلامي لكل من نور وابو الحب
::14:: ::14::
::51::
ابو الحب(متعذب)
05-24-2007, 07:12 PM
نأسف للانقطاع يومان
طبعا اشكر عاشقة اليسا على الرد المميز واحب اكول اني بالنسبة الي نور اختي العزيزة وان شاء الله ما تشيل عليا واني اتاسف منها....طبعا اني اكن احترام كبير لكل انسان حباب او انسانة حبابة مثل الدكتورة نور والله يعني صدك اني اسف وجنت ماخذ كللللللللل الامور من غير منظور واثبتتلي بطيبتها واخلاقها العالية انه فعلا تستحق لقب القلب الحنون لمنتدى كليات الطب والصيدلة وتحياتي الكم جميعا ::51:: ::51:: ::51:: ::51:: ::51:: ::51:: ::51:: ::51:: ::51:: ::51:: ::51:: ::51:: ::51:: ::51:: ::51:: ::51:: ::51:: ::51:: ::51:: ::51:: ::51:: ::51:: ::51:: ::51:: ::51:: ::51:: ::51:: ::51:: ::51:: ::51:: ::51:: ::51:: ::51:: ::51:: ::51:: ::51:: ::51:: ::51:: ::51:: ::51:: ::51:: ::51:: ::51:: ::51:: ::51:: ::51:: ::51:: ::51:: ::51:: ::51:: ::51:: ::51:: ::51:: ::51:: ::51::
الله عليكم شوفوا ذولة اهل الورد شلون بالسرة يرفعون الورد شلون ناس خلوقة ههههههه

تحياتي
سيد الخواتم
05-25-2007, 12:06 AM
هاي شنوووووو اشصاير و اني ما ادري ... امبين صايرة قادسية بالمنتدى .... مدري ام المعارك ... اشو مفاوضات و اعتذارات من قبل الجانب الصديق ....
ووزارة الخارجة تقدم الاعتذارات همين .... شنو هاااااااااااااي ... ولله عمي بخت اذا كلها اتحب نور لاسال ...
بللة لو وحدة من دول الجوار زعلانة همين جان هيج رضيتوها ....ههههههههههههههههه

تقبلو مروري ... سيد الخواتم ....
سيد الخواتم
05-25-2007, 12:08 AM
و قال شاعر الطربكة ... حسام الافغاني ( الرسام )..

من زعلك من بجااااااااااااااااااااك
انعل ابو للبجاك .......
high class
05-25-2007, 12:19 AM
تصفيق

تصفيق

لهيجي اعضااااااااااء يخبلوووووووووووون

قبلاتي للجميع
فتاه تحب الاحلام
05-25-2007, 11:42 AM
الله لا يجيب الزعل بين أي أحد
و أن شاء الله ميصير شي
و فعلا الانسان من يخطأ و يعترف بخطأه يكبر بعين الاخيرين
تقبلو مروري و تحياتي
أختكم .
DR.FREE
05-25-2007, 07:56 PM
شنو انتوا رجعتوا ليش هيج مو حاولت احرك اسوي عركه حرامات مصارت
هسهسهسهسهسهس
مبروك لتصافي القلوب
ابو الحب(متعذب)
05-26-2007, 07:59 AM
تحياتي لكل من رد على الموضوع واشكره شكرا جزيلا واحب اكول للي ميعرف عن الموضوع شي ترة لا قادسية ولا حرب الخليج ولا داعس والغبراء هية اني غلطت واعتذرت من اختي وعزيزتي الدكتورة نور لاسال وان شاء الله تكون قبلت اعتذاراتي لان اني لمن اسيء الفهم ارجع واعتذر وما اتكبر بالعكس التواضع من الخلق...والحمد لله

واحب اشكر زميلنا سيد الخواتم على اغنية حسام الافغاني اقصد الرسام (من زعلك من بجاك دنعل ابو اللي بجاك) يعني بين قوسين (من زعلك من بجاك انعل ابو ابو الحب اللي بجاك ) ههه وتسلم يا عسل

اما الدكتور اوكي فري المحترم الوردة فاحب اكول ليش هيجي لماذا تحرق بيناتنا هل تريدها ان تعلك حربا يا صاح؟؟؟؟؟ ههههههههه
تحياتي الم جميعا
اخوكم ابو الحب
من اامام حاسبتي وعيوني صارت هريسة
دمشق
سووووووووووووووووووووووووووووووووووووريااااااااااا ااااااااااااااااااااااااااااااااا