حبيت مرة وحدة

[ابو الطلايب]

حبيت مره وحسبت نفسي امير
وكلت انيال كلبي بالخبر السعيد
ثاني يوم اكعدت جداَ نشيط
خابرتهه وكتلهه شلونج يا عمري المديد
كالت شبيك مستعجل ما تريكت
كتلهه شتريك فتحت افران بنص الوريد
كالت شنو الحب هيج خلاك تفرح
كتلهه الفرح عندي دك باب الحوش والحديد
كالت شسالفه لتروح تخنكني
كتلهه اخنكج واخنك ابوج وبين جيرانج الجديد
كالت تكدر تطلع اليوم نروح نفتر
كتلهه نطلع ونروح للجوبي ووين اني ما اريد
بنص الطريق شافت محل كله يبيع غالي
جان تكول جا ما تشتريلي فد كوستم جديد
صفنت خوش صفنه واخذني فكري للبعيد
طبيت للمحل وبجيبي الف دينار وخمس ليرات حديد
ابو المحل كال اتفضلوا المحل محلكم
وكال شتطلبون حاضرين والسعر يباوع عليه وسعيد
كتله عمي اريد فد كوستم الهاي حبي
لان حبهه سواني مثل الثريد
صفن هذه وكال هذوله امبينين حدايق
راح اشطحهم وامري لله والواحد الحميد
طلعنه من المحل جن ضربوهه قامه
كالت حبك راح ابيعه لأقرب ابو عتيك
كتلهه مو صوجج صوجي اني حبيتج
وراح اكرهج واهدم افراني البنيتهه بنص الوريد
مع تحياتي

[مالديني السدود]

حلوةةةةةةةةة ابو الطلايب بس ماكو وحدة تستاهل مع احتراماتي لحبيباتي البنات

[أهات عاشق]

شكرااا على الموضوووووووع

[المبرمجه]

حلوة جدا وتستاهل كل هذا الحب منك لان باعته بكل سهولة