مدمن عله شفافك واتـنـفــســك دخان

[صهيب السامر]

مدمن عله شفافك و اتنفسك دخان
واشهك انفاسك جكاره وبيد مهموم
تضلمني بمحبتك وانت بييه جروح
وتسكيني بسهر وانت مسهر نجوم
تعاندني وتكابر جنك مداير بال
اخاف اعليك وك لاتضل مكتوم
احجيلي الصدك موعذبتني وياك
ليا وكت منك انه اضل محروم
وليا وكت يرضيك اضل سهران
اذكرك واختنك لومرني طاريك
عيوني انت وانت الجسد والروح
ابيع الناس كلهه والك شاريك
اصبر والصبر عندي بلايه حدود
بس انت كلي لياوكت يرضيك
لو بدي الكون اهدي الك قربان
نص الك تختار والباقي يحميك
شهور مرت علي مانمت فد يوم
كاعد مثل مجنون افكر بيك
حس اعله نفسك طولتهه وياي
احجيلي الصدك ارجوك الله يخليك..

صهيب

[عاشقة دجلة / المسسبي]

حس اعله نفسك طولتهه وياي

حلوة .. قصيدة بيهة معنة كلش .. مشكور صهيب

كل اشعارك تخبل

[صهيب السامر]

شكرا عاشقة دجله مرورج الرائع ومتابعتج الجميله لكلماتي واعتذر لان كتابة الشعر ماصارت بشكل واضح لان كنت مستعجل ونزلته..عموما لاتحرميني من ردودج ابد .تقبلي تحياتي .
صهيب .

[مسك]

وليا وكت يرضيك اضل سهران
اذكرك واختنك لومرني طاريك
عيوني انت وانت الجسد والروح

الله الله عالروعه
سلمت الاناملـــــــ

[عاشقة دجلة / المسسبي]

لا ابد لتخاف .. دائما رح تشوف ردودي بأشعارك .. لئن انت شاعر كلش مبدع و اشعارك تخبل .. فد ابداع فريد من نوعه صدك

[نسيم البغدادي]

كلمات رائعة مشكوررررررررررر

[سجّاد البصراوي]

صَديقي الغالي صُهيب ..
كلمآت في قمة الروعه .. وصياغة المعاني
جآء بشكل خصب .. فشُكراً لَك .. وسجل اعجابي بما كتبت

لكَ حبي

[صهيب السامر]

مسك شكرا جزيلا مرورج الرائع وياهله بيج وبكلية المنصور كلهه.
تقبلي تحياتي.
______________________
عــــاشقة دجله .طبعا واكيد شرف الي وردج هذا اسمحيلي اعتز بي ..وانشالله دائما اكون عند حسن الضن. شكرا عيوني . تقبلي تحياتي.
_______________________
نسيم اخويه مشكور مرورك الرائع
تقبل تحياتي
___________________
سجاد البصراوي اخويه وصديقي العزيز كل مرور الك هو شهاده الي وحافز كبير..ومشتاقلك يا بذات هههه
وانتضرك ع الايميل بفارغ الصبر.. تقبل تحياتي
__________________
وشكرا للجميع

صهيب السامر

[ملكة الانتاج]

الله الله عالابداع صهيب
عاشت ايدك عالكلمات الجميلة والقصيدة الروعة يامبدع

[همس شاعره]

اللــــــــــــــــــــــــــــــــه اللـــــــــــــــــــــــــــــــــه
عاشت ايـــــــــــــــــــــــدك وسلمت اناملك

تخبل والله

[صهيب السامر]

ملكة الانتاج شكرا جزيلا مرورج الرائع يا صاحبة الذوق الرفيع.
تقبلي تحياتي ..
_______________
همس شاعره شكرا عيوني . ايدج السالمه انشالله واشوف ردودج دائما . تقبلي تحياتي
_______________
اخوكم صهيب

[القاضي007]

عاشت الايادي وردة

[صهيب السامر]

مشكور حبيبي القاضي مرورك الجميل