حلم جذاب

[علي كريدي]

كالت اني حبيتك وكالتلي اريد انساك
حبك حلم بس للاسف غلطة وصارت انة وياك
كسرت كلب صام اسنين تاليهة فطر بفراك

كالت عالمحبة انعيش واني اهواك للموت
ثاريني اطاعت مخدوع عافتني ومشت بسكوت

عيشتني بحلم مغشوش كسرت خاطري وراحت
ذبلت كل ورود الحب واوراق الفرح ماتت
ماخلت امل بالروح وايام الحزن طالت

جانتلي نفس بالروح وعشتلها بكلب صافي
بضاهرها جنت مخدوع ماحسبت للخافي
كلشي بالهزمان اندار حتى اليحب ميوافي

عافتني وحدي بليل وماادري جنت باوهام
بحلم جذاب عشت اسنين وطلعت مرة الاحلام
ولو ادري هيج اليحب جا ابطل بعد مانام

بطلت اني العشق ولو يدك مااردلة
جرح الكلب علمني بعد ماصدك بوحدة
جرح الولف علمني بعد ماصدك بوحدة

بقلمي اتمنى تعجبكم
وطبعااا هاي قصة حقيقية
تحياتي

[همام الاسدي]

مشكور عجبتني هوايه لان صاريه ويااهيه