اخر كلماتي لكم وداعا.....................................

[مروه التركمانية]

وداعا دجله

لم اكن اعلم اني سيمر علي يوم
اودعكم فيه


اوربما سياتي ولكن ليس بهذه السرعه




اعذروني يا احبتي
على رحيلي المفاجأ
ليس بوسعي شرح الاسباب
اعلم اني ساندم على هذا القرار
بل انا نادمة من الان

ولكن لن استطيع الاستمرار هنا
كما انا
لن اكون انا



سارحل عنكم اليوم وهذا اخر ما اكتبه في
منتداي الغالي
وداعا صحبتي
وداعا اخوتي
وداعا احبتي



وداعا ياسنتر وياكيمياوي وياسيطرة
يامواد ويامكائن و يا..............



وداعا للاشعار والخواطر
للالعاب للسوالف
للضحكات
للدموع
للقصص
للاحاديث

وداعا يادجله

وداعا يا اغلى الاصحاب على قلبي





لن انساكم ماحييت
عهد امام الله اعاهدكم به
فاذكروني




واخر سطوري
احببتكم
واحبكم
وساحبكم
الى الابد .....................

وداعا




مروة التركمانية

[Shahrukh Khan]

لا يمعودة !!!!!!!!!!!!!!!!!!!!!!!!!
صدك تحجين شنو السالفة صاير شئ !!!!!!!!!!!!!!!!
ولو أحنا تعودنا على الوداع وهذا الشي مو جديد علينا !!
بس أتمنى أن يكون الموضوع الى اللقاء و ليس الوداع بهذه السرعة!!!!!!!!!
تحياتي وأحترامي لكي يا أختي العزيزة
وتمنياتي لك بالتوفيق في المستقبل
أخيك عمر الشمري

[بغـــــداد لا تتألمـــــي]

السلام عليكِ اختي مروة تركمانية ...
بداية لا احد يستطيع منعكِ من ترك المنتدى لان هذا القرار يرجع لكِ وحدكِ ..
ثانيا .. انت من الاعضاء الي رسموا الفرحة للمنتدى بمواضيعكِ المميزة والمسلية وبها من الطرفة الشي الكثير ..
ويصعب علينا فراقكِ بهذه السهولة دون مقدمات ودون انذار مسبق ..
المهم لا اريد ان اطيل ....
لكن امانة عليكِ كلما كان لديكِ من الوقت الشي القليل اذكرينا ..
لاننا لن ننساكِ ..
.. اخوك بغـــــداد لا تتألمـــــي ..

[حشاش الكريعات]

هاي صدك دتحجي
هسه لو بنيسان جان كلنة كذبة نيسان
هاي وين دترووووووووووووح
بس اذا الحجي صدك اكيد هجرة والي يحب واحد هسه يتمناله الهجرة حته يخلص من هالضيم
والله يا مروة ما اعرف شاكلج
اخت عزيزة ومكانج اكيد راح يخلة
الله يوفقج يارب

[۩الـرئـيـس يوسف۩]

هلو مروة كيف الحال (اذا انتي موجودة)::27:: ::27:: ::27:: ::27:: ::27:: ::27::
طبعا اني لمن شفت الموضوع عبالي موضوع من مواضيع السنتر
بس لمن دخلت وشفت هذا المكتوب كلت راح نخسر احد مبدعات المنتدى
وهذا الشيء لا بصالح المنتدى ولا بصالحنا احنا الاعضاء \ مروة اذا اكو احد بالسنتر مضايقج كولي لان مغادرتج من السنتر وعدم روئيتنا مشاركاتج هذا شيء مو هين وما اتصور تهون عليج عشرتنا ولو هو انسحابج من المنتدى هذا شيء شخصي خاص بمروة
وكتبت هذا الشيء لان ما اريد اخسر زميلتي العزيزة مروة المحترمة
واذا انتي انفرض عليج هذا الشيء
اني اعذرج ::27:: ::27:: ::27::
وما عندي بعد كلام بس اكول اذا الج رجعة كولي ارجع واتذكريني واني مراح انساج لان انتي الي شجعتيني على دجلة من خلال اسلوبج الي تعاملتي به وياي لمن دخلت المنتدى
والله معاج يا احلى مروة بالدنيا...............::27:: ::27:: ::27:: ::27:: ::27:: ::27::

[دلوعة المدني]

هاي شنو ليش مروة شنو هالخبر المفاجئ
اني ما اعرف ظروفج شنو بس اتمنى الك كل التوفيق
وستبقين بالذاكرة عضوة مميزة مرحة مشاكسة باسلوب جميل
امتعتنا بمواضيعها المنوعة اتمنى الك الموفقية واذكرينا كلما سنحت لك الفرصة....

[sweet_boy]

هااااااااااااااااي شنو مروة http://forums.dijlh.net/images/icons/116.gif
صدك دتحجين لو تتشاقين
و الله جنت دا اقرة الموضوع عبالي تحشيش
اشو لا صارت صدك
فتحي مسنجر لان اريد احجي وياج

[$فـــــيـــــروزه$]

لالالالالالالالالالالالالالالالالالالاليش مراوي طبعا اني كلش انعجبت بيج لان اني لمن رجعت لدجلة شفت شكد الاعضاء يحبوج ويحترموج ومبين انتي عندج مكانة بكلوبهم مو قليلة والكل يحبج ويحترمج ارجوا ان يكون قرارج بي امل للرجوع

[مملكة الاحساس]

مروة شكو ممصدقة اني هسة
؟؟؟؟؟؟؟؟؟؟؟؟؟؟
بعدني ممستوعبة الصدمة

[عاشق السيجارة]

هاي شنو
صدك دتحجين مروة
لا والله صحيح
ليش خية والله جنتي ضوى السنتر
بس اذا عندج ظرف الله يساعدج ويزول الظرف انشالله وترجعيلنا
بس لا تنسينا
I will miss u always

[® Sparks Man]

السلام عليكم
لماذا هذه الرحيل المفاجىء من طريقه الكلام احس بوجود شيء ما ؟؟؟
اكن لا اعلم شماهو هذه الشيء ..

اختي العزيزه ياريت توضحيلي السبب وراء هذه القرار اني موجود هنا حتى اقدملكم كل ما يمكن ان يساعدكم ويحفصلكم حقكم اذا كان اكو اي مضايقه الرجاء ابلاغي برساله خاصه .. ليتم معالجتها .
للاداره كل الصلاحيات والحلول الكفيله بوضع حل لاي مشكله والحمد لله
ابتعادك عنا بهذه الشكل خساره كبيره لنا لذلك ارجو ان اعرف الاسباب بشكل مفصل ..
وانا انتضر منكي رساله خاصه
احتراما لكل موضوع كتبتيه لك ما خطه قلمك من ابداعات ولكل شيء جميل جمعنا نحن الاعضاء معا
تحيـاتي
SPARKS MAN

[The Lord]

هاي شنوووووووووو القضية.
اشو كل ما اغيب يومين يروح عضو من المنتدى.
مروة يا معودة ليش راح اتعوفينة، اكو شي صار يخص المنتدى
شنووووووووووووو القضية ليش الكل اتعلم على كلمة الوداع
صارت كلمة روتينية علينا
مروة اذا موجودة ادخلي وردي

[ೋ ياقوتـــة دجــلة ೋ]

مروة شنو الي صاير

شوفي ماكو وحدة تأذّت بمنتدى دجلة اكثر مني ورغم هذا متركته

لان مكدرت!!

ياريت تفكرين بكل الي يحبوج ويتمنون تكونين متواجده قبل ان تفكرين بنفسج

والباقي برساله خاصة لان ماكدراكتب هنا..

[® Sparks Man]

ياقوته تعرفين ليش ضايجه مروه
من نفس السبب الي مره ردتي تتركين المنتدى علموده بالبدايه اول مره من دزيتيلي رساله
اني رديتله رساله ..
ومنتضر رده ؟... لان مروه اختنا وعزيزه علينه

[The Lord]

سباركي ابقى حاول وياها بلكت ترجع او ادكلك على السبب.

[كهـــ نموري ــروميكانيك]

السلام عليكم
لقد رحل اللذين احبهم قلبي فعليكِ يادنيا السلام
لاتكتبين لي العيش فالعيش لي من بعدهم حرام
اني رضيع فطامهم والطفل يألم للفطام
قبل ماأسأل عن الاسباب الي خلتج تتخذين هيج قرار
اكول برحيلج عنا خسرنا
ليش ياشباب كل يوم نودع ورده من ورود هذا المنتدى الرائع
تتذكرين شكد كنا نضوج من يفارقنا احد الاعضاء
وبصراحه اخر شخص متوقعه يغادرنا هوه انتي
لاتوجد كلمات تعبر عن مافي داخلي الان
بس اتمنى ان يكون هذا مو قرارج النهائي
اخوج انمار

[المجهول]

شنو السالفه مروه

يمعدوه كولي غيرها

شوفي مروه اذا كان تركج للمنتدى سبب شخصي ميتعلق باي شخص بالمنتدى فانتي حره

واذا كان السبب هو مشكله لاسامح الله بينج وبين احد الاعضاء صدكيني كل مشكله والها حل

مروه اقلها لخاطر الاعضاء الي قضيتي وياهم احلى الاوقات

وتعودتي عليهم وتعودو عليج

وتركج للمنتدى يامروه راح يخلي الكثير من الاعضاء يفكرون بترك المنتدى

الي اطلبه منج انو تفكرين زين وتراجعين نفسج وقرارج بترك المنتدى

[مريم82]

هاي شنو يمعوده
الله يخليج بعدنا مصاحين من صدمة فراك سويتي انوب انت
ليش هيجي ليش مو اتعودنا عليج وعلى طلتج الحلوة بالمنتدى
اتمنى ان يكون قرارج بي مجال للرجعه
وتنورينا من جديد وحتى لو صار الفراك تاكدي انوا مراح ننساج ابدا

[abo sheba]

ليش هيج مروه وبهذه السرعه ؟؟؟
كل واحد بينا يجي يوم ويترك دجله هذه حقيقه
ومراح ارد عالموضوع لان اعرف بيوم اللي اترك دجلة
شكد صعبه على اللي يكتب كلمات وداع
اتمنى يكون اكو لقاء ثاني
وتحياتي الج يااروع مروه
وفكري بالاعضاء اللي يحبوج !!!!!!

[۩الـرئـيـس يوسف۩]

والله يامروة احنا دنفتقدج ارجعي والله مكانت فارغ وماكو احد راح يجي ياخذ مكانج
احنا ننتظرج

[ೋ ياقوتـــة دجــلة ೋ]

ياقوته تعرفين ليش ضايجه مروه
من نفس السبب الي مره ردتي تتركين المنتدى علموده بالبدايه اول مره من دزيتيلي رساله
اني رديتله رساله ..
ومنتضر رده ؟... لان مروه اختنا وعزيزه علينه
يمعود والله اكو اسباب اقوى صارت ::1:: وهم رجعت ::56:: لان صدك مااكدر::38:: ::27::

ومتاكده هي هم حترجع مروة::51:: بعندهم::1:: لازم تبقين صيري اعقل منهم حبي انتي::27::

[حبيب المواد]

طبعا لو تغلقوا للموضوع او تحذفوا ...
مروه رجعت وبعد ابد متتركنه ان شاءالله ::51::

[مروه التركمانية]

اي ياقوته كلامج صحيح ياورده
اني فعلا اتشرعت بس اشكر حبيب الورده واشكر الاعضاء االاكثر من رائعين
يلا حبيب انت مو مشرف تعال واغلق الموضوع

[PinkyButterfly]

عفيه عليج مراوي لا تركين المنتدى علمود اشخاص نفوسهم ضعيفه خليج دائما انت الاقوى

تحياتي الج مراوي...

[M_I_S_H_M_I_S_H]

سلام عليكم
شلونج مروة ان شاء الله بخير
اني يجوز جديد على السنتر وما اعرفج كلش بس يبدو انه انتي جدا محبوبة لدى الجميع وهذا دليل على اخلاقج الحلوة والعالية وبصراحة احسدج على هذه الشخصية وارجو ان تتقبلي الحجي مالتي

اني ما لاحضت فد دليل على انه واحد مضوجج او واحد اكد على هذا الشي بس اذا صدك واحد مضوجج ترة ميصير تتخذين هيج قرار بالوداع لانه راح يقوي الشخص الضوجج ويكون هوة المنتصر وانتي الخاسرة واقصد بالخسارة يعني خسرتي هالوجوه الطيبة والاصدقاء وهذه الخسارة ما تتعوض مستحيل وبصراحة وبدون زعل اني اعتبرهه انانيه منج انه تركتيهم لان الاعضاء اليحبوج عدهم مشاعر ولازم تراعين مشاعرهم من تتركيهم
وتفكرين من تعوفيهم شراح يكولون
فقرارج مثل ما كلتي سريع وخليتي نفسج في موقف ضعيف وخليتي الاعضاء والاصدقاء يقلقون عليج وينقهرون واني اعرف يعني شنو خسارة صديق بصراحة صعبة جدا صعبة
ترة انتي اقوى من هذا الشي و احنا العراقيين عدنا هموم ومشاكل اكبر بهواي من هاي المشكلة وتعرفين وضعيتنه بصروة عامة شلون متدهورة فلاتخلين هاي المشكلة تهزج وتنكس راسج لان انتي ماجدة عراقية وتعرفين يعني شنو عراقية
فارجوا ان تستغفرين ربج وتكولين يا الله وتكومين على حيلج ولا تخلين هذا الشخص ينتصر عليج واذا تحبين تفرغين البكلبج اكو موضوع بالانتاح والمعادن اسمه (افتح قلبك) اعرضي مشكلتج وفرغي البقلبج هناك واحنه نحلهه لان هناك كل من عنده مشكلة يعرضهه على الكل بدون خجل وكانه ديحجي وية نفسه او وية اعز صديق عنده فوتي هناك واقري الموضوع وبراحتج اذا عجبج تحجين احجي واذا رادوا الاعضاء الباقين اعرض الموضوع على السنتر فاني ممنون منهم وحاضر
بس اني اكول يارب المشكلة مو هية مثل ما ننتصور لان ماتسوة الوداع وهذه المأساة واني اعتذرجدا اذا كلامي بيج تجريح
وارجوا منج ومن باقي الاعضاء ان يتقبلوا مروري المتواضع
وشكرا

[prince of materials]

هلو مروة ليش هيج هو كلمن يضوج من واحد يعوف جماعته كلهم مو هذا دجله نت اللي جمعنه كلنه ليش اتفرطين بي ارجعي وكلنا دنتضرج