تابع لموضوع جامعة الانبار

[بنت الرمادي]

السلام عليكم
الى الطلاب والطالبات في جامعة الانبار ...
لقد بدأت القوات الامريكية بالسماح لاهالي الحي السكني في جامعة الانبار
وبشرى سارة لهاني وكل طالب ميريد يداوم ان مجلس الجامعة قرروا عدم الدوام لحين خروج القوات الامريكية من الجامعة والظاهر الامريكان انسحبوا شوية منهم والباقين بعدهم وبيني وبينكم السالفة يمكن راح تطول والموظفين الي داوموا الاسبوع اللي راح بعد ماكو ميداومون .
هسة ماكو اي دوام
مع السلامة

[المحارب007]

والله شنسوي للنه الله

[هاني سلامه]

الله يبشرج بالخير بس اني على اي حال رح احول للموصل بس سؤال بنت الرمادي يعني هسه اذا اريد اروح على مراجعه اكدر لو لاا واكو موظفين لو لا

[بنت الرمادي]

لا عيوني هاني روح للموصل اتونس لان اللي داوموا بعد ميداومون واني اكلك اذا صار دوام بس ابقى على اتصال ويانة لتنسانا

[Mus6afa]

انا لله وانا اليه راجعون
شنسوي ننتظر

[هاني سلامه]

ان شاء الله نبقى على دجله واذا تريدون انقلكم ويايه

[الحساسة]

شكرا بنت الرمادي على اخبارج ولو متسر
واكله لهاني لا شكرا لا تنقل احد معاك لان الجامعات كلها وضعها بعد لا يسر لا عدو ولا حبيب
وانت ان شاء الله تتوفق بالموصل
واحنا ما عدنا حل غير ننتضر وان شاء الله تفرج

[الكبيسي99]

الله يكون بعونا احنه اهل الرمادي , والامريكان مااعتقد يطلهون لان همه ما اجوي علمود يطلعون , ثانيا منعوا الدوام هاي السنة حتى بالاعداديات ونزل البيان من قبل المسلحين يوم 30/9 /2006

[هاني سلامه]

هاي شلون طركاعه

[محمد الفهد]

شباب الدوام موجود وبعد العيد يبدأ لأن كل المسلحين نزلو بيانات نفت ان تكون لها علاقة بالبيان اللي نزل يمنع الدوام فقط كالو الأخوة انو الوضعية لا تسمح بدوام اخواتنا الطالبات في (( الوقت الحالي )) لأن تعرفون انتو تفتيش بس كالو الجامعة والمدارس ميصير ينسدن لأن الطلاب وين يروحون واللي يريد يروح التكريت اكللهم اخوان لا تتورطون لن الوضعيه هناك كسيفة جدا وبس كولو يالله والدوام بعد العيد ان شاء الله وداومو عفية بالشباب

[حامد العاني]

اي والله انه مروح رمادي لان الاوضاع مو زين انه اروح موصل لو تكريت انشاءالله باي للتواصل الفوري hamed8822@yahoo.com

[عمر تايوان]

شباب اذا اتريدون اداومون يمنة بغداد الف هلة بيكم وبيوتنة وكلياتنة كله مفتوحة والله شاهد على ماقول
تقبلو تحياتي

[سومه]

انشالله يارب اداومون وباقرب وكت وانشالله ربي يفتح عليكم ابواب السما ويستجاب ادعيتكم يارب وفك هالغمة عليكم اميييييين

[ســ امبراطور الاحزان ـنان]

ان شاء الله اتداومون
يارب

[فهد الرمادي]

يا معودين انشاء الله يرجع الدوام ولو هو بيناتنه (ماكو احد يحب الدوام) بس اذا واحد بفكر بيهه زين تره هاي كلهه مو من مصلحتنه وهو الامريكان يكيفون على هيجي شي بس انشاء الله يرجع الدوام واكول لاخويه هاني ليش تعوف مدينتك اذا كل واحد سوه مثلك الرمادي مراح يبقى بييه احد

واني كلش فرحان بهذا القسم الخاص بينه اهل الانبار
واني احب اقدم شكر لبنت الرمادي ولسنان الفهداوي على مجهوداتهم الحلوه

[ماجد اللهيبي]

السلام عليكم
الاخوة والاخوات ماهي اخبار الدوام في الجامعه ارجو ان تخبرونا عن اخر الاخبار
وجزاكم الله خير الجزاءhttp://gallery.7oob.net/data/media/19/218.gif

[الحزينه]

اشكرك عمر تايوان وتسلم انت واهل بغداد الجامعات منوره بيكم الله يشهد على كلامي وهذا من كرمكم
الله يبارك بيك اخويه وانشاء الله ترجع الرمادي مثل قبل واحسن وجامعة الانبار تنور بطلابها الورود تقبلوا مروري

[ميسور الحال]

الله كريم لازم ورة العيد نداوم
مشكورة بنت الرمادي

[هاني سلامه]

عمر تايوان اني جدا اشكرك واشكر جميع الشرفاء من اهل بغداد سنه وشيعه
وفهد انته هم على كيفك يابه

[rosery]

وينج عيني بنت الرمادي انتي مو عرضتي خدماتج تجاوبين على اي سؤال؟؟؟؟؟!
اشو سؤال واحد ما جاوبتينة عليه
رح تقولون لا واللة وما ادري وشنو السؤال يللا المهم
متعرفين شلون نقدر نحصل على نتائج الدور الثاني لان مثل ماتعرفين منقدر كل يوم رايحين جايين للجامعة وتعرفين مشاكل الطريق ...
يللا انتظر منج رد وعود هم طنشي ....بس اذا ما تعرفين قولي ما اعرف حتى ادور على احد غيرج

[ASAD_ALIRAQ]

الله يكون بعونا طلاب جامعة الانبار

[هاني سلامه]

اسمحيلي احشر نفسي بهذا الموضوع لان اعتقد بنت الرمادي ما وراها اني السبت اروح للرمادي اذا تريدين دزيلي اسمك وكليتك واني ان شاء الله ادزلكياها على المنتدى والله كريم

[بنت الرمادي]

اولا" السلام عليكم
ثانيا" اني اسفة جان الانترنت مكطوع والله
واني لو بيدي اصلا" ما اعوف المنتدى
على كيفكم وياية عيني

[هاني سلامه]

اوكي لعد شوفي البنيه مو رح يصير بيها جلطه

[اسير عينيها]

بلكي يطلعون وتدامون حراماتة السنه تروح

[rosery]

لا لاتخاف ما يصير بيه جلطة استاذ هاني لان النتيجة مو علمودي وبعدين انت اكيد رايح يوم السبت للكلية لو بدلت ما رح تروح ؟؟؟؟!

[هاني سلامه]

لا ان شاء الله اروح

[هاني سلامه]

يلا وينك السبت اروح

[فاعل خير]

اشو ما ممبين عليهم

[هاني سلامه]

شنو هو الي ما مبين

[العراق نور عيني]

عاشت ايده مجلس الجامعة على هذا القرار الفاشل الذي يهبط من معنويات الطلبةوالتدريسين الذين يتمنون ان يعود الدوام اليوم قبل غذا لان الانسان بلا علم مثل الشجرة بدون اوراق

[بنت الرمادي]

عيني اخوية هذا القرار قديم بس هسة الدوام ان شاء الله بعد العيد

[العراق نور عيني]

بنت الرمادي شكرا على هذا الخبر وبشرك الله بالخير وتنفعين رئيسة جامعة...... لان كل الاخبار الحلوة عندك .......... وبدون زعل

[الطالب_4]

و الله ما ندري منين تجينا المصايب من ذوله لو من ذوله
و لو همه و جهين لنفس العمله
الله كريم نصبر شنسوي

[الطالب_4]

بنت الرماد عيني اني البارحه سألت احد الاستاذه بالجامعه و كال ماكو دوام و حتى الدور الثالث تأجل الى اجل غير مسمى ارجو تأكيد هاي المعلومه
شكرا

[Green-knight]

Many Thanks for this rosy news Iam going to go on to my university ,so this my gratitude and satifuctoin for بنت الرماديOK see you arround
Your's faithful friend
Ahmed.N.K
college of Arts
Dept of English
Last year

[عاشق الحرية]

شكرا شباب على هاي البشارة الحلووووووووووووووووووووووة

[الاسير]

السلام عليكم الدوام موجود ان شاء الله اني رحت

[اسد القائم]

أوف شوكت الرمادي تصفة والدوام يرجع مو ملينة نريد نتخرج والله بعد ما تسة خلصت السته يابه خاف يصير دوام او تسمعو اكو دوام لا تنسونه خبرنه ونحن نكون من الشاكرين

[لقاء العمر]

السلام عليكم شلونكم شباب شلون صحتكم انا عضو جديد بالمنتدى اتمنى ان تقبلوني صديق مع تحياتي الى كل اعضاء المنتدى الحديثي

[Love 4 Ever]

اوكي ماكو دوام مادو دوام هاي شنسوي قابل اكو شي بايدنه

[دلوعة راوة]

هسة شلون؟؟؟؟؟؟؟

يعني ما نداوم؟؟؟

[سكريت ليدي]

والله بعد مندري نشوف وين ترسه... تحياتي الكم

[محمدالراوي000]

مشكور اخوي

[محمدالراوي000]

مشكور اخويه

[!! M E S S I !!]

شكررررررررررررااااااااا على الاخببببر وعالشت الايادي

[ღ♥ღسفير الحب ღ♥ღ]

يغمرني شعور .. بالفخر والاعتزاز ..
وأنا أقرأ ما خطته .. أناملكم الرائعة ..
من كلمات رقيقة ..
جعلت قلبي يقفز فرحا .. ويتنطط بين السطور ..
.. أيها المبدعون ..
أنيرت الصفحات بنور طلتكم
وتطيبت بعبق عطركم
فإن كان لصدق المشاعر .. عنوان ..
فأنتم ذلك العنوان ..
مع كل الشكر والأمتنان