ماعرف شلون احلهااااااااااا ساعدوني

[lovetime]

السلام عليكم ورحمته وبركاته


اليوم جيتكم بمشكله رح تموتني

وماعرف شسوي

فكلت اسالكم الكم


المشكله بدت قبل شهر تقريبا اكوولد يحبنني تقريبا صار سنتين بس قبل 6 اشهر بالضبط
ياله اعترفلي واني هم جنت احبه وماكول الولد هذا هسه بالعراق واني بغير دوله
المهم هو سوه كلشي حتى يجي يشوفني لان صار هوايه متتشاوفين ومرهمت الشغله
وسافر لدوله قريبه حتى يجي وهم مصارت المهم هذا الولد شكد ماكول دارني وحباب ويايه
وهو بعد شهر رح يتخرج وعلساس ديجي يخطبني من اهلي واهله بالبيت كلهم يعرفون
وكلشي ماشي تمام قبل شهر بالضبط الولد تصرفاته اتغيرت ودائما ضايج ودائما تعبان
ومقهور وماعرف شنو حاولت اعرفه من الاسباب مكدرت وراها كلي احنه شغلتنه مدتصير
واني ماريد اذيج ولازم تتركيني لان اذا حتظلين هيج رح تتاذين ويايه
كتله اني اتحمل والله موجود المهم صار شهر احنه ماكو شي بيناتنه واعرف اخباره عن طريق اهله . حاول بكل الطرق يخليني اكرهه بس مداكدر كلي اعرف بنيه واللي افتهمته من جماعته بالدوام هيه مجرد زميله بس هو يكلي لا بس حتى يخليني اضوج منه
البارحه صار بيناتنه حجي وكلي انه المووضوع صعب وهو مديتحمل فكره انه احنه منتزوج ومنكون سوه ولازم نتحمل كتله اوكي وهذا رايي من البدايه ونتحمل والله كريم
جان يكلي بس هاي البنيه اني اظل اكعد وياها بالدوام واسوولف وياها وهيه تخابرني مرات
فكتله لا المووضوع هيجي ميصرفلي كال لا اتحملي ماعرف شنو المهم مقبلت وحده تكون بيناتنه فهسه اريد منكم حل اني مداعرف شسوي البنيه وياه بالكليه ومكابلته اربع وعشرين ساعه واني بعيده ومسافره واخاف يكوم يتعلق بيها ومع العلم البنيه تعرف هو يحبني وديريد يخطبني وتكوله اني ماريد زواج وبس علاقه وهيج بس اني اخاف على الولد منها
سويت كلشي حجيت وياه بكل الطرق واهله ويايه ومحد راضي على اللي ديصير واصدقائه يحجون وياه وماعرف
الى البارحه هو متاذي وماعرف شبيه مو نفس الشخص كانه
واني تعبت ونوم مدانام واريد احد يساعدني بحل
حاولت ارجع لبغداد ومكدرت
واريد حل ياناس
داشوف حلمي واملي ديروح من كدامي
بس هو الانسان الوحيد اللي يفتهمني وافتهمه
واحبه من كل قللبي
واريد اساعده لان داحسه ديضيع
واني هم داضيع

[اسيرة ولكن]

لا ترجع لبغداد احسن

[بغداد دار السلام]

والله اختي الحل انه يعوفها نهائيا
وانتي احجي وياه كليله لو اني لو هي
اذا كلج مااعوفها فهو ميحبج
واذا هو يحجبج فراح يعوفها وينتهي الموضوع
الله يريح بالج
تحياتي

[انتقام الوردة]

والله عجيب امر الشباب ::27:: ::27:: ::27:: ::27:: ::27:: ::27:: الصراحة انا لو كنت مكانج ما بقيت معاة

[:.. مـ,,ـلكـ,,ـة بـ,,ـلا ممـ,,ـلكـ,,ـة ..:]

السلامـ عليكمـ ..

اختي ماذكرتني سبب اللي يخليـه يفكر ان زواجكمـ مايتـم ..!!

وحسب قصتـج الحل ان يترك البنـت .. واذا استمر وياهـا هاي تعتبر الـج خيانـه .. لان ديخونـج وياها ..

وهـو لو صح يحبـج .. ويريدج زوجـة المستقبل ,, المفروض اي بنـت يشوفها كدامـه يشوفه كأانتي

يعني يشوف صورتـج بـوجهها .. و مايخلي هالتفكير الاعجاب بيهـا ..

وحتى لو كانـت بينكـم مسافات الغربـه .. هذا مايمنع ان يبقى على الامل وهو الارتبـااط ..

بس اذا هـو ديطلـع لعوب .. ومع اعتذاري طائش ..!! هذا شخص ماممكـن ترتبطيـن بيـه لان غير مهتـم بالمسؤوليــــه ..

تقبلي مروري ..


...

[وردة الموصل]

الي يعفوج عوفيه

[Tony Montana]

بالبداية ترة ماكو مشكلة ما الها حل
بس خلي صبرج طويل
وكول يا الله وصلي على النبي عليه افضل الصلاة والسلام وكلشي ينحل ان شاء الله


والمشكلة هيه انو يجوز رب العالمين دز البنيه هاي علمود تخرب بيناتكم لان يجوز الولد ميستاهلج

لو يجوز انو هوه ديسوي هيج علمود تكرهيه

انتي حاولي تتقريبن منه وتفتهمين شبيه شنو مضوجه

وكوليله ان مصارت سالفة زواجنا لتصير المهم خلي شوية نصبر مو شهر زمان واترديها تصير

وكوليله البنيه هاي ماا ريد تحجي وياها وان حجيت بعد ما اكدر احجي وياك وشوفي رده فعله وحاولي توصلين لفكره وشوفي شديفكر وحاولي تقنعنيه انو شوية يصبر مو بشهر يريد كلشي يصير

وان شاء الله كلشي ينحل بفضل الله يا رب

وكان الله يحب المحسنين

[سنو وايت]

اذا كان يحبج صحيح ميباوع على غيرج
مهما كانت الاسباب حاولي مع مرور الوقت تنسي

[لَنْ أنساك]

اختي الكريمة ...

الحل بيدج ...... وهوا تعوفي

لأن الميردك لتريدا مو .؟؟؟؟؟؟

واذا صدك يحبج خلي يعوف هذي البنية

الي يكعد وياها ... ويخلصلج بحبة الج

واكو شغلة .. انت ابلد وهوا ابلد ترى هم صعبة

وهوا اعتقد مأيس من عدج .. ولو " لا حياة مع اليأس

ولا يأس مع الحياة ... "

والله شكولج صعبة شغلة الزواج .. بس اتمنالج

كل الخير اختي وان شاء الله تنزلين موضوع زواجكم .. آمين ..


بالمناسبة .. اني هم دتواجهني نفس المشكلة

حتى نفس التفاصيل بس كل واحد بمحافظة مو كل واحد ابلد

.................



ومن الله الفرج ..

تقبلي رأيي المتواضع ..

[عمو هارون]

عمي هذا لو يحبج صدك كان مراح اتعرف على وحده ويسوي وياه علاقه وياكل ويشرب والباقي علم رب العالمين.
واكو اغنيه لعبد المجيد عبدالله قديمه هي اتكول (من عافنا عفنا لو كان غالي)

[بنـــت الفرات]

والله يا اختي الحل الوحيد انو تعرفين شنو سبب هذي العلاقة المفاجئة الي بيناتهم وسبب هذا التغييبر واتمنى لج التوفيق مع تحياتي

[احساس رسامة]

السلام عليكم...أختي العزيزهاحسن شي تعرفين سبب التغير المفاجئ مثل متفضلو بكلامهم الاخوان والخوات واللي ميريدج لتريديه وكل شخص مسؤؤل عن تصرافاته صح انتي تخافين عليه بس نصحتيه خلص اذا يريد ياخذ بيه خلي ياخذ.بصراحه حبيبتي كل العراقيين تعذبوا لان الفراق صعب وكل عراقي مر بهذي الظروف واحس الظروف اقوى من القدر وياربي دعائنا لكي بأن يصبركي ويصبرناويصبر الجميع ع فراق الأحبة فنصيحتي لك أن تتركيه صح صعب بس هذا أحسن حل حفاظا ع مشاعرك لتنجرح اكثر تقبلي مني أرق التحايا وأيضا للجميع.

[X-Men]

اني لح انطي حل و ما اعرف يفيد لو لاع

من تحجين وياااة كليلة التالي
اني حجيت لاهلي عليك اذا ميدري انتي حاجية الهم علية .. وكالوا نرجع للعراق لان احنا هم متحملنا
اني راجعة للعراق الخميس الجااي ...
اذا كالج لا ابقي الوضع من امان ... هذا ميحبج

واذا كالج هلا و اني انتركم ... عرفي يحبج وشوفيلج جارة وياااة