أكبل أو لا أكبل هذه هي المسألة

[majd_ece]

شلونكم شباب

بالحقيقة موضوع التكبيل موضوع واسع ومتشعب وله الكثير الكثير من الحالات والأحتمالات

ولكن لنكن واقعيين التكبيل كلمة تشمل عدة معاني ومن ضمن هذه المعاني هو الحب

ألسؤال الذي يدور في بالي هو
لماذا هذا التركيز على شغلة التكبيل في الجامعات وخاصة من قبل الولد؟؟؟؟؟
وهل التكبيل هو من لوازم الشاب "الطاك"؟؟؟
يعني أحنة نكبل بس علمود نكول والله أحنة مكبلين؟؟؟
آني أعتقد الشباب في الكليات ينقسمون الى عدة أشخاص وهذا الشي يبين منذ مرحلة أولى
النوع الأول:
وهو (الشباب المعقدين) وهم عادة ما يلتقون بس بالمحاضرة وشوكت ما توكف يمة يطلب منك ملازم لو يضل يتحصر على الأمتحان مال الفيزياء مال السادس لأن ما جاوب بي وهذا النوع لا يفكر بالبنات ولا ألة شغلة بيهن
النوع الثاني :
وهم (الشباب المو راحة) وهذا النوع أيضا لا يلتقي لا في وقت المحاضرة ولا في غيره لأنه يكون يفتر في باقي الأقسام وعادة يكون لا يختلط ببنات شعبتة
النوع الثالث:
وهم (الشباب الخوش ولد) وهم الشباب اللي ما يضربون غالبية المحاضرات ودائما يلتقون يم قسمهم وعلاقتهم بكل الشعبة طيبة والشعبة كلهة تحلف براسهم على أن يكونو من النوع الأجتماعي لا المعقد

سوف نأخذ مثال على كل حالة
في حالة (الشباب المعقدين) الشغلة محلولة لأن الربع مالهم علاقة بسالفة التكبيل والشغلة أساسا مو يمهم
وفي حالة( الشباب المو راحة) (القلق) فهذا النوع مثل ما أسلفن دائما يحاول يلتقي ببنية من خارج قسمة ويشلغملهة ويسمطهة سمط ليش؟
لأن تعيسة الحظ مرة صعدت بالحرم ويا ومن دون قصد باوعتلة
المهم هذا النوع يكون عندة في بالة فد خمس ست بنات بالثانية ونكدر نكول هذا النوع يكبل لغرض التكبيل فقط لا لغرض الحب ويدور طلعات وطبات.
أما النوع الثالث (الخوش ولد) فهذا النوع يفكر يكلك آني أدور بت حلال أصارحهة و أحجي وياهة وتوافق أن تنتضرني ألى أن (أكوم) نفسي وبعدين أتقدملهة
وصدك يلكة بت الحلال اللي غالبا تكون من قسمه ويروح كالأسد يصارحهة ومن ورة تصرفات (الشباب المو راحة) دائما ينصلخ كل بوري ولا اللآخ ولكن شباب هذا النوع يكونون عاطفيين ويتخيلون ألحياة أنتهت وياخذلة فد أسبوعين يأخذ شيرين بالوريد والشعبة كلهة تجي تسألة يابة شبيك؟؟؟
ويكوللهم ها.... لا كلشي ماكو
ورة مدة يصحة ويبدة يدور من جديد


المهم
الى الولد
كولو يا الله وحاولو تكونون من الخوش ولد وكومو نفسكم من هسة حتى تكدرون تحجون بزودكم
و ألى البنات
هم كولو يا الله
وعرفو الولد الكدامكم من يا نوع و أنطو فرصة لأن ما شاء الله كلهة محدقة وترة أكو هواية من الولد يريدون علاقات جدية بس وضع مجتمعنة ما يسمح. وبعدين على هاي الأنفجارات ترة فد سنة سنتين ما راح يبقى بالعراق بس خمس ست ولد.

أنتو شنو رأيكم؟؟؟؟؟
::51::

[mokhalid]

والله تريد الصدك لتكبل لان التكبيل مصيبة هاي نصيحة اخوية من اخوك

[دلوعه بغداد المحتلة]

بس الماعدهم شغل وعمل يكبلون

[Bio Angel]

والله الحمد لله والشكر لان اني من الخوش ولد

[Unity of iraq above all]

والله عاشت ايدك علة هالعرض الجميل للموضوع
واسلوبك كلش حلوو
وكلامك كلش صحيح
ومشكوووووور كلش كلش
وكلامك مكفي وموفي مباقي مجال نحجي اجما

واتمنى لو تكتب الموضوع بقسمنا البناء والانشاءات
منور مقدما ::51::

[احباااب الروووح]

تحياتي الك 00000000000000
الموضوع رائع
بس اريد اكول للحايرة ليش بس ما عندة شغل والعمل يكبل
وان شاء الله كل طلاب يكبلون **********************

[omnyaa]

"كولو يا الله وحاولو تكونون من الخوش ولد وكومو نفسكم من هسة حتى تكدرون تحجون بزودكم"
يمعود اخويه ماجد "شيكومون" نفسهم مو كلهم حالهم من حالنه ياخذون المصروف من بابا وماما وحتى لو يشتغلون بالعطله يصرفون المجمعي بالدوام

"و ألى البنات
هم كولو يا الله
وعرفو الولد الكدامكم من يا نوع و أنطو فرصة لأن ما شاء الله كلهة محدقة وترة أكو هواية من الولد يريدون علاقات جدية بس وضع مجتمعنة ما يسمح. وبعدين على هاي الأنفجارات ترة فد سنة سنتين ما راح يبقى بالعراق بس خمس ست ولد"

وانتوا هم عرفا البنيه الكبالكم اذا تعرفون هيه خوش بنيه حطوا احتمالات ان تكون خجلانه او متعرف شتجاوب..........وهوايه اكو هيج حالات .........واما عن انقراض الولد فاني صدك مؤمنه بانه بعد كم سنه ميظلون خمس ست رياجيل حافظوا على نفسهم من الانقراض بالحبسه بالبيت


ويونتي....... لا عيني لا اني مسويه عقد ويه ماجد مينشر الموضوع باي منتدى ثاني لان ماخذه الحق الحصري اكسكلوسف

[majd_ece]

مخلد:(اللي مينوش العنب).

حايرة: نظرتج للحياة كلش مظلمة يعني مطفية عندج الكهرباء ,يمعودة أكو مكبلين وخوش ناس وعدهم شغل وعمل.

بايو أنجل: أنشاء الله لعد أحنة شنريد ونتشرف بيك أخوية


يونتي: مشكورة على الرد الرائع ومثل ما كالت ألأخت أمنية آني بعتلهة حقوق النشر بشيرين عسل ربحتهة من المسابقة تدرين شيرين عسل لا تقاوم.

أحباب الروح : مشكور على ردك الوافي وهذا بالظبط اللي حبيت أوضحة للأخت يونتي.


أمنية: كلامج صحيح أختي العزيزة
بس أحنة أتفقنة أن تكون صفقة البيع سرية.

[omnyaa]

اوكي ماجد راح ادز نسخه للسنتر

[كرتيمو الاتصالات]

حااااااااااااااااااايره ....روح و الهوا بضهرك

[كرتيمو الاتصالات]

حايره اغنيه مال عادل عكله طبعا هي احلى اغنيه عنده

[صقر التكنلوجيه]

مشكوووووووور ماجد حبي

تحيااااااااتي

صقر التكنلوجيه

[GuardingAngel]

وهم (الشباب المو راحة) وهذا النوع أيضا لا يلتقي لا في وقت المحاضرة ولا في غيره لأنه يكون يفتر في باقي الأقسام وعادة يكون لا يختلط ببنات شعبتة
هاي شنو ماجد هاي مين مطلعها بابا تره والله تنكلب عليك الدنيا ليش تطلع عليه سمعه
هسه اني ما الفي بالقسم وما اطب ولا محاظره ومتصدك اذا اكلك العام امتحان نص سنه مطابله وامتحان لاخ الدفتر فارغ وولا تقرير مسلم ومختبرين اخير سنه مطاب والحمد لله ناجح من الدور الاول هسه ما علينه هيج بهاي افيك المهم
شون تحجي عليه وتكول مو راحه بس اسطبرلي هسه حتى سوكي انكسر هههههه مو كل الي ميطب محاظرات يعني مو خوش ولد مجود ... يعني اني ملكيت نفسي بهذا الفرع ولا ويه طلاب الشعبه وعندي اصدقاء بغير اقسام احدق يمهم بس انت بعد شبقيتلي هسه حتى سوكي هم انكسر يعني اذا انعجب بوحده وتطلع قاريه هذاالموضوع واني ناشرها بكل مكان اني اكبر مسختجي لا ها هي بعد راحت عليك يابو صابر هههههه
يالله هسه لعد صحح المووضع وخلي امنيا تنشر فد ورقه بالقسم تكول تره انجل ماله دخل بهاي السوالف حباب بس مسختجي هههه تسلم على الموضوع وشكرا على حصريه الموضوع وان شاء الله داءما تنزل مواضيعك هنا

[omnyaa]

ههههههههههه ماجد قرة الرد بس هسه ديسج فد شويه ويرد

[GuardingAngel]

هههه يابا لا اكلبها الدنيا فوك راسه
اني مو خوش ولد مو اصطبرلي

[omnyaa]

هههههههههههههههههه لا والنوب مو راحه تؤتؤتؤ لويش هيج وياك عود انتوا اصحاب

[GuardingAngel]

اي والله عيب عليه
زين هو ميدري قبل ميكتب الموضوع اني دايح لو شنو
اشو اني من فتت للمنتدى لحد الان اعيد بيها واكول اني ما افوت واكبر مسختجي
بس هو وين يروح مني خلي يصبطرلي
ولا هو عود مسوي روحه من الخوش ولد
اشو من فتت للمنتدى لحد هسه بس تنزل مواضيع على الكبلات وعلى الحبيات
اكص ايدي اذا ميحب وحده وكاتل روحه عليها بس ضاربته بوري
على الاقل اني ممضورب بوري بحياتي مو مثلك

[omnyaa]

لا ترة ماجد يعزك حيل الظاهر ميعرق بيك ههههههههههههههه
حركتكم

[GuardingAngel]

اي صحيح ميعرف بيه هو اكو واحد ميدري بيه دايح ههههههه

[omnyaa]

اي صحيح ميعرف بيه هو اكو واحد ميدري بيه دايح ههههههه



اي بصراحه اني مه جنت اعرف هههههههههههه يله يمعود مشيها ليحد ميجي وتعاركوا زين ::237::

[maythem]

هههههههههههههه اي انجل اني جنت ما اعرف وهسة عرفت

[omnyaa]

هههههههههههههه شوف محمد مو بس ماجد ميعرف بيك
ميثم شنو رايك بالموضوع ؟.

[maythem]

صدك اني نسيت ارد على الموضوع بس مو من عرفت انجل هيجي بعد معرفت شاكتب خخخخخخخخخخخ

مشكوووووووور على الموضوع كلش حلو بس اني رايي الي مو كل الميدخل محاضرات موخوش

كول يا الله

[omnyaa]

مو شغله مو خوش ...........بس الشعبه تعتبرة مو راحه ومو كل واحد ايكولك بس اللي ميلتقي بالشعبه مالته

[GuardingAngel]

عزه انفضحت هاي مين جيت ميثم ههههههه

[omnyaa]

عزه محمد اجه مو تكولوله على المرض

[GuardingAngel]

تصدكون اني نص بنات الشعبه وكم ولد ما اعرف اساميهم هاي اذا مو اكثر والله
وما ادري اني شنو بالنسبه الهم وكلش شايلها هم بس مادري مو مال اروح واتلوكلهم بعد سنتين زماله

[omnyaa]

محمد انت خسرت هوايه ترة الشعبه احسن علاقات اخويه تكون وياهم والله ...........هسه بالله شلون بالحفله مالت التخرج مالتك شلون تندمج وياهم او تفرح وياهم وهمه تقريبا غربه عليك ................

[majd_ece]

وفي حالة( الشباب المو راحة) (القلق) فهذا النوع مثل ما أسلفن دائما يحاول يلتقي ببنية من خارج قسمة ويشلغملهة ويسمطهة سمط ليش؟
لأن تعيسة الحظ مرة صعدت بالحرم ويا ومن دون قصد باوعتلة
المهم هذا النوع يكون عندة في بالة فد خمس ست بنات بالثانية ونكدر نكول هذا النوع يكبل لغرض التكبيل فقط لا لغرض الحب ويدور طلعات وطبات.


في بداية حديثي أقتبست بعض الكلمات من موضوعي لأبين للأخ أنجل (حبيبي أبو جاسم ) رأيي بالسالفة
أخي ألعزيز
أولا أني لم أقول ولم يرد في موضوعي أن هذا ألنوع هو من ألموخوش ولد
ثانيا يا حبيبي أنتة تكول "آني دايح ومسختجي"
يعني آني شأكوولك
هع هع هع هع هع
ثم يا حبيبي
يعني تريد تقنعني أن شعبتك يرتاحولك
ولك آني أعرفك من ألأنترنيت وهم ما أرتاحلك
هع هع هع هع
أصلا أنتة قلق ومو راحة
ثم
أكاد أجزم أن حالتك خاصة لأن العلوم ألتطبيقية تكون نسبة ألولد ألى البنات هي كنسبة ألحجار بالتمن ألفيتنامي
هذا و أن كان في كلامي بعض ألعزاء ألك أخوية العزيز
فما أعتقد سوكك أنكسر
أنشاء الله دائما عليك سحب
بس بشرفك هوة أنتة مصارح بنية حتى تكول ما مضروب بوري
هع هع هع هع هع

حبيبك ماجد
هع هع هع

[omnyaa]

هههههههههههههههههههههه استلمك ماجد

[ارق احساس]

السلام عليكم

والله موضوعك فعلا قيم وصريح تشكر علي اخويا ماجد

واني رايي من راي امنيه اللى عبرت ووفت

[GuardingAngel]

وفي حالة( الشباب المو راحة) (القلق) فهذا النوع مثل ما أسلفن دائما يحاول يلتقي ببنية من خارج قسمة ويشلغملهة ويسمطهة سمط ليش؟
لأن تعيسة الحظ مرة صعدت بالحرم ويا ومن دون قصد باوعتلة
المهم هذا النوع يكون عندة في بالة فد خمس ست بنات بالثانية ونكدر نكول هذا النوع يكبل لغرض التكبيل فقط لا لغرض الحب ويدور طلعات وطبات.


في بداية حديثي لو تسكت احسنلك::1:: أقتبست بعض الكلمات من موضوعي اي اخ مقتبس راح تنكتل::1:: لأبين للأخ أنجل (حبيبي أبو جاسم ) امشي وخر بعد لا تحجي ويايه رأيي بالسالفة يابه دروح انت هم عندك راي
أخي ألعزيز لا اخوك ولا اعرفك
أولا أني لم أقول ولم يرد في موضوعي أن هذا ألنوع هو من ألموخوش ولد لا ابد بس مو راحه عادي يعني
ثانيا يا حبيبي ليش متكبل ويايه احسن أنتة تكول "آني دايح ومسختجي" اي بس مو راحه اني الاخلاق تنكط عسل من عندي
يعني آني شأكوولك لا تكول شي اسكت::1::
هع هع هع هع هع لا تظحك::1::
ثم يا حبيبي هاي شنو جلبت::1::
يعني تريد تقنعني أن شعبتك يرتاحولك يموتون عليه هذوله الي اعرفهم بس الي ما اعرفهم مادري بس ميهمني لان عندي اصدقاء بالدنيا كلها
ولك آني أعرفك من ألأنترنيت وهم ما أرتاحلك ومنو كايلك اني ارتاحلك اصلا انت الموضوع منزله على البنات واني مو فكرتي البنات ولا يهمني ان اكبل لو لا الي يهمني اصدقاءي وبس وشغلت البنات متهمني كلش يعني مو شرط اروح اصارح بنيه لو انضرب بوري يالله اصير فيكه
اصلا لو اموت ما اروح على بنيه حتى لو اتخبل عليها عدها شي هي تجي تحجي مو اني
هع هع هع هع
أصلا أنتة قلق ومو راحة اي الله يسامحك::27::
ثم
أكاد أجزم أن حالتك خاصة لأن العلوم ألتطبيقية تكون نسبة ألولد ألى البنات هي كنسبة ألحجار بالتمن ألفيتنامي اي صح هم البنات عدنه 3 ضعاف بس هاي شلها دخل يعني اني نصهم ما اعرفهم والي اعرفهم هالسنه كمت حتى سلام ما اسلم عليهم بس وحده لان استحي منها ههههه
هذا و أن كان في كلامي بعض ألعزاء ألك أخوية العزيز لا عزاء ولا عرس
فما أعتقد سوكك أنكسر هذا يا سوك ومنو كلك اني فاتح محل بسوك
أنشاء الله دائما عليك سحب ولا يهمني
بس بشرفك هوة أنتة مصارح بنية حتى تكول ما مضروب بوري لا ولا راح اصارح
اصارح بنيه شنو وهاي البنيه شون تقبل بواحد غريب يجي يصارحها الي غرضه شريف يجي دك باب البيت مو يكلها اني معجب ومادري شنو
هع هع هع هع هع

حبيبك ماجد هو بقه حبيب بقه باسم العلي::27::
هع هع هعمشكور اخويه مجود والله يسامحك ههههههه الله كلبتها مناحه ها ههههه::27::

[oasis_of_friendship]

و الله بصراحة جنت اكول ماجد هزق محمد
بس هسة اكول محمد هزق ماجد هههههههههههه

[speedo]

سالمين شباب شبيكم ويه حمودي تره تصير بالبوكسات
حمودي ورده مال الله لا اله بهاي السوالف ولا غيرها
بس احنه انحب نسخت خارج الاقسام هي مال دراسه

[majd_ece]

أحم أحم
أخي ألعزيز
من ألواضح والجلي أنك لم تفهم ماذا أريد أن أقول بهذا ألموضوع
ونضرتك الغير شمولية للموضوع هي ألتي أوصلتك ألى هذه ألمرحلة
من موقعي هذا (ألكرسي أللي كبال ألحاسبة )
أرى في عينيك حزنا
نعم أي والله
حزنا عميقا
تحاول أن تتداركه بهذه ألأقوال
أخي ألعزيز
و أذا صرت مرحلة ثالثة
و أذا راح تتخرج و أنتة ما مكبل
ما بيهة شي والله
في ردك هذا مثال على ألمثل (أللي مينوش ألعنب)
عادي
ربما أنت لم تلتقي بالتي تسلب لبك
عندها ستقول تبا لماجد
نعم ستشتمني حينها
وتقول "خرب يومة والله حجية صدك "
وتقضي ألليالي سهرانا تتأرجح بين كلمتين "أروح أحجي وياهة" و "ما أروح أحجي وياهة"
صدقني بألأخير س"تروح تحجي وياهة"

أعذرك أخي ألعزيز ولكن نضرتك ألحزينة ألتي أخترقت ألمسافات
والتي لم أراها بعيني
بل بقلبي
أنها أشبه برسالة من جني ألحب ألذي تبقيه محبوسا في داخلك
سيظهر هذا ألجني وسترى بأم عينك ما يستطيع فعله من أعاجيب

أخوك ماجد
هع هع هع هع

[GuardingAngel]

جبيبي ماجد كلامك هذا على العين والراس ومادري ليش انته رجعت وفريتها على التكبيل
شغلت التكبيل تره سهله ولا هم ماكو اسهل منها
هسه اروح اصيدلي وحده واوكفلها مثل الغراب الاسود واضل ابحلق وبعدين يابه شنو اني غرضي شريف ومعجب ونيتي الزواج واني لحد الان اخذ الراتب من ابويه يابه شلون محد يدري
بس هاي مو مهمه بالنسبه الي
لان اني اصلا مناوي اتزوج هسه
وشغلت تحجي ويه بنيه او لا مو شرط تكون مكبل وياها مجود وانت اعتقد عندك خوات مثل ما اني عندي خوات وما اقبل واحد يلعب بافكارهم
بس هم ارجع واكول هذا مو موضوعنا
موضوعنا انه اني اصلا ما اعرف نص بنات وولد الشعبه والسبب هو مو انو الكع عوجه او اني مثلا ما انوش العنب لا بس السبب انه اني عندي اصدقاء الحمد لله علاقتي بيهم تخليني ما اكدر افكر حتى افوت للقسم وافاركهم اذا اطب للقسم فهمه ويايه ونجي نسلم ونطلع ههههههه
وشغلت تكبيل وحتى لو اجه يوم وحبيت مراح افكر ان اروحلها هيج بالوجه بله احم ولا دستور واكللها اني معجب او مادري شنو
راح على الاقل احاول اتقرب الها عن طريق احد بشعبتها او اي طريقه ثانيه متعرضني للاهانه ولا تمس سمعتها بسوء
فاذا انت يا اخ مجود هيج كاتل روحك على تكبيل او مادري شنو فما انصحك تعرض روحك للاهانه وتروح مثل الطلاب المو راحه الي انت حاجي عليهم
لا خلي يكون عندك شخصيه قويه وثقه بالنفس وطبعا هذا باسلوب لازم ميكون واحد من الطلاب السمعتهم مو زينه يستخدموه لان ذاك الوقت راح يكون حالك من حالهم ولا تزعل من رد البنيه الخلوقه الي انت مختارها اصلا لهذا السبب والي راح تطلع البوري من الجنطه وتضربك بيه
وشكرا اخويه ماجد اني احترم رايك بس ما اشتريه بفلس احمر اي وداعتك

[majd_ece]

لك شو جنك ضجت أبووو.......
آني قصدي أن حالتك خاصة
يعني لو أكو ألولد أللي ترتاحلهم بالشعبة أو بالقسم جان أندمجت وياهم وما جان دوختني كل هالدوخة
وعمي آني ألمو راحة والمو خوش ولد بس فك ياخة
مو ذبحتني
وبعدين آني أتفق وياك بشغلة سهولة ألتكبيل
وداعتك
بس عود على بدء
أرجع و أكول
أن حجيي ينطبق على ألأغلبية
ومو شرط ألكل
يعني مثلا
جان أكو فترة من ألفترات أجة قسم علوم ألليزر بي ولد واحد
يعني أذا نجي نطبق علي ألحالة
هم راح نكول علي مو راحة ؟؟؟
طبعا لا
هسة أفتهمتني
من خرب يومك
هع هع هع هع هع

[GuardingAngel]

ههههههههه اظاهر طوخناها ها مجود ههههههه
لا حبي اني اصلا هاي الشغله ولا اشتريها بفلس مثل مكتلك واكيد الشغله متنطبق على الكل
واي صح اني من الشعبه كلها ارتاح لبس واحد وصورته موجوده بالتوقيع اسمه احمد دي جي شوفه حسب الترتيب ههههههههه
وبالنسبه للبنات تره اني مو مثل مصورتها هههههه يعني هم عندي علاقات بس علاقات كلش طيبه وتتخللها احترام متبادل من هذا الي يعجبك
وهو هم القسم صاير مادري شلونه يمعود هو الي يفوت قسمنه لو يفوت محاظرات لو يطلع احسنله
واني ما احب افوت محاظرات لعد اطلع احسن هههههههه
بس هم ارجع انصحك يعني اذا حبيت تكبل ماكو داعي تروح بهاي الطريقه لان مثل مكلت صار ميبين من الشاب الي نيته صافيه والشاب الي نيته بيها شوائب هههههه
اخ عزيز ماجد واني حبيت ارزلك لان تستاهل
حتى تعرف انه مو بس انت شخص متكلم وتعرف ترزل بس اظاهر طوختها هههههه بس هم تستاهل ههههههه

[GuardingAngel]

صدك اريدك ترد على رزالتي كلمه كلمه معليه ههههه

[oasis_of_friendship]

و الله صارلي ساعة ما اسوي شي بس اتابع الرزايل مال محمد و ماجد
بس و الله خوش مسلسل جان

[GuardingAngel]

هههههه عليج الله شونه ثنيناتنه هههههه
بس منو برايج فاز هههههه

[oasis_of_friendship]

و الله لو نسوي استفتاء و نشوف
و الله اثنينكم تنضربون مو بس باند حتى جلاليق تنضربون و داعتي ههههههههههه

[GuardingAngel]

هههههههه بس هو وينه يمكن فلت هههههه

[majd_ece]

ههههههههه اظاهر طوخناها ها مجود ههههههه يعني هية جانت فاتحة على أساس
لا حبي اني اصلا هاي الشغله ولا اشتريها بفلس مثل مكتلك واكيد الشغله متنطبق على الكل لعد آني شكلت أبو عقلين
واي صح اني من الشعبه كلها ارتاح لبس واحد وصورته موجوده بالتوقيع اسمه احمد دي جي شوفه حسب الترتيب ههههههههه لعد بربك ألباقين مو من يجيبوك بالطاري يكولون عليك "هذا شكد مو راحة"وطبعا من يشوفوك "حبيبي أبو جاسم "وواحد يكول للثاني "لك هذا ألولد شكد أرتاحلة " وبس أدير ضهرك يكوولة "جذب كلة جذب"
وبالنسبه للبنات تره اني مو مثل مصورتها هههههه يعني هم عندي علاقات بس علاقات كلش طيبه وتتخللها احترام متبادل من هذا الي يعجبك كلنة أن شاء الله عدنة علاقات أخوية وصداقة والحمد لله
وهو هم القسم صاير مادري شلونه يمعود هو الي يفوت قسمنه لو يفوت محاظرات لو يطلع احسنله والله بقت يمك آني بعد ما أدري بس هسة خربت واهس سلوى هع هع هع
واني ما احب افوت محاظرات لعد اطلع احسن هههههههه ليش ولك حديقة لعد شعندك مداوم أذا لا بنات ولا محاضرات أمداوم لأمي
بس هم ارجع انصحك يعني اذا حبيت تكبل ماكو داعي تروح بهاي الطريقه لان مثل مكلت صار ميبين من الشاب الي نيته صافيه والشاب الي نيته بيها شوائب هههههه لا وداعتك آني مو مال أروح هيج كالأثول "من رخصتج أرد أتعرف مو كلبي تزرف"
طبعا لا وبعدين وداعتك أنتة (هسة على أساس شلون عزيز) ماكو حاليا بت ألحلال
بعدني
اخ عزيز ماجد واني حبيت ارزلك لان تستاهل دمشي لك
حتى تعرف انه مو بس انت شخص متكلم وتعرف ترزل بس اظاهر طوختها هههههه بس هم تستاهل ههههههه ألكلام أكبر نعمة من ألله لأن من خلالة ألأنسان يعبر عن حالة
وأذا ما حجينة لعد شلون نعيش

روح بابا روح ألعب بعيد
هع هع هع هع

[majd_ece]

لك آني أفلت
خرب نيلز

[oasis_of_friendship]

و الله ماجد اني ما يخرب واهسي ابد
هي المشكلة اذا اكو محاضرات (و الله نيتي سودة هاي السنة)
كلشي و لا يكولولي روحي اقري (لك صارلي سنتين اقره للسادس لعبت نفسي و الله )

[GuardingAngel]

مجود نيلز شجابه بالوضعيه ههههههه
يا قرايه سلوووووووو
اذا طبيتي علوم فانسي شي اسمه قرايه عيب اصلا تقرين اني والله ما اقره وما اطب محاظرات ولا مختبرات وبنهات السنه اقره شويه وانجح
بس اذا هندسه فبس السنه الاوله سهله باقي السنين تحتاج شويه اهتمام