الى كل المغتربين بكل الدول العربيه والاجنبيه

[lofa_lovely]

هاي اشلونكم اخباركم اريد تسوي موضوع واعرف منكم من كل المغتربين اريد يجاوبوني بصراحة اشلون تعاملهم وياكم ويا العراقيين يحبونا لو يكرهونا وكل واحد يذكر الدوله الي هوة بيها ونحكي ونعرف اشلونهم ويانا العرب والاجانب تشاااااااااااو

[شاطئ الفرات]

مرحبا لوفا ...
طبعا هاااي متقبل نقاش اكيد كل الدول تكرهنا وخصوصا العربيه نعم العربيه بالذات بالعكس الاجنبي يكون يمكن اشرف منهم بهواي شغلات واني من احجيلج . احجي مال واحد شفت الشغله بعيني ولمستها با ايدي لمن جنت بالاردن وفي لبنان وهسه بسوريا .. بس مدا اعرف ليش يكرهونه يمكن حسد عيشه لمن جنه بخير لو لان احنه احسن منهم بكولشي وهمه اهل فكر خصوصا الاردنيين والمصريين اما الخلايجه فهم راس البلاء وراس الافعى ما اعرف مع العلم كلهم استفادو وصار براسهم خير من وره خيرنه الي استفاد منه الغريب وانحرمنه احنه منه بس الله كريم الدنيا دواره يوما لكم ويوما عليكم واليوم هسه علينه وباجر عليهم اللله كريم ..........::48:: ::9::

تقبلي تحياتي وشكرا ع الموضوع

[شموس العراق]

كلامك يهيج كل الجروح بس منكول غير الله كريم وحسبنا الله ونعم الوكيل

[lofa_lovely]

ثانكس على الرد بس تدرون احنا احسن شي الكل يرجع للعراق ولا يذل نفسا تدرون اني مرة رحت لسوريا كنا بسوك جرمانا اني واختي وصديقتها وبعدين جتي وحدة سوريا كالت يووووووو شو بكره العراقيين واحنا كلش انقهرنا وكلنا لازم نرجع بكرامتنا

[lofa_lovely]

زين اوكي اريد اسال العراقيين الي بكندا اشلون يعاملولوهم والي باميركا همينا

[ما يميزني لقب]

بالبداية احب اشكر كاتب الموضوع
اني مقيم بمصر لكن اني طالب وحدي يعني لكن بصراحة المصرين يحبون العراقين جدا لانهم مينكرون الجميل يكولون والله احنة خيرنة كلة من العراق واحنة نعرف الي مينكر الجميل هذا اصيل وبصراحة المصرين اصلاء لكن بدئت تظهر بعض المشادات والعيب والسبب من العراقين لانهم يشوفون المصري كان يشتغل بالعراق بأمرتنة لكن يا اخوان هذا الشي اختلف حاليا احنة ابلدهم المهم على العموم المعاملة والله جيدة ويقدرونة .

تحياتي لك....

[R^2]

يعني ..هي تعتمدعلةالناس اكثر من الدولةالي نروحلها
بس عالعموم مرات الاجنبيةارحم من العربية
لان موكل مرة نفتهم حجيهم عكس العرب نلكفهاحجايتهم من بعد10أمتار
وشي لاخ الغرب اكثرهم يهتمون انت شنو؟موانت منو؟مايرجعون للجنسية ايباعون لذات الانسان وعملةالديشوفوكدامهم
وبلحالتين سواءالدول الاجنبيةأوالعربية
احنامظلومين وحسبناالله ونعم الوكيل بالي ديزيدغربتناعلينا
عبالهم فرحانين احناببلدانهم هسةميدرون احنامدنام من شوكنالبلدنا
الله يصبرناويرجعنالبيوتناواهلناوبلدناالغالي
كولو اميييييييييييين

[lofa_lovely]

ميرسي على ردودكم الحلوة بس الدول الاجنبيه واحد يتونس هناك ينسى كلشي لانو هيا كلش حلوة

[P!NK MOON]

شكد ما الواحد يتونس بالغربه فكلبه يوجعه لان اهله كاعدين بنص النار ببغداد وبعدين كافي هم الغربه يقبض القلب
وكافي عايشين بعيدين عن بلدنا واهلنا
بس منكول غير الله كريم والله يصبرنا ويفرج الضيم على بلدنا الله كريم

شكرا على الموضوع

[lofa_lovely]

الله كريم حقكم

[ذكريات متغرب]

والله انا بسوريه هم عادي يسمعوك كلام اذا نت غلاطان
ومثل ميكلك ياغريب كون اديب
والله صالي سنه وشويه محد كلي كلمه
لن محترم نفسي

[Ammarko]

والله اكولها بكل صراحه اني اسكن بالدنمارك وماشفت اي كلمة ضدي او ضد العراق بالعكس ناس شرفاء وماشفت منهم اي شي غلط ماعدا جماعتنه العراقيين يفشلونه اكولها بكل صراحه حشا السامع اكو بيهم يرحون يسوون سطو مسلح على محلات الصياغه وبعض المعارض والبنزين خانات وهذا غلطططططططططططططططططططططططططططط هذا الشي اللي خله الدنماركيين شويه يبتعدون منه بس هسه احسن من الاول الحمدلله

[lofa_lovely]

اي والله اكو هوايه من العراق ناس ممثقفين همجيين حشا السامع وبالنسبه اخي الي بسوريا هما حبابين بس اهمشي عدهم الفلوس وهذي السورية الي سمعتنا حكي احنا كنا دنباوع على الهدوم مدنسوي اي شي وهيي سمعتنا حكي والاجانب طبعا كلهم على راسي لان ناس حبابين ومثقفين

[عمر زيونة]

طبعا هنا يحترمون العراقي اي اقصا الحدود وحبوا وكرهون امريكا ...........اني بالصين

[فراشه دجله]

هلوووووو.......والله اني بمصر واشوف معامله المصريين للعراقيين كلش زينه وناس طيبين وفقره

[lofa_lovely]

اي اكو ناس زينين واكو ناس لا شكرا على الردود

[اسيرة الغربه]

مشكور عالموضوع عيني
بالنسبه الي اني مقيمه بالاردن صارلي سنه
اكو ناس اتحبنا وتحترمنا واكو ناس لا والله يكرهونها ويحسدونا لان العراقيين احتلوا الاردن
واكو مناطق صاروا الاردنيين بيها يشعرون بغربه من كثر ما اكو عراقيين بيها
وطبعا يسمعون كلام جارح جدا وتعامل السلطات الاردنيه ويا العراقيين تلف مع الاسف
بنظرهم كل عراقي ارهابي !!!!!!!!!!!!!!!!!!!!
واكو ناس لا مناكرين للجميل واغلبيتهم كانو بالعراق اما طلاب كملوا دراستهم او اصحاب اعمال
عالعموم شي على شي ومن الاخر احنا منرتاح الا بوطنا وبحظنه الدافي
وان شاء الله تفرج ونرجع للوطن وننهي غربتنا الممله
اخيرا اخي لك مني اطيب الاماني