خير الامه

[مهند الحزين]

خير الأمم إحنا
وعدنا تاريخ
أنتفاخر بيه
بين الأمم كلها
اخترعنا أحنة
الكتابة وهاي الاحروف
أتأكد
للبشر سرها واصلها
تاريخ
وحضارة وفكر وأخلاق
إذا ما تدري
روح اقرأ سجلها
سومر بابل
وآثار أشور
كلكامش يوضح لك سفرها
مو مثلك
جذورك من عصابات
من حفنة
بشر فقدت عقلها
********
خير الأمم
سمانا ألخلقنا
وكرمنا
وجعل بينا القيادة
وجعل بينا
الرسل أتعلم الكون
أتعلمهم
على أركان العبادة
وزرع بينا
التسامح والمحبة
والتواضع
هو عنوان السيادة
وعلمنا
اليريد ينام مرتاح
وضميره
ما يانبه عالوسادة
يحب للناس
كلشي اللي يحبة
ويدليهم
على أدروب السعادة
*******
الشاعر العراقي

[محمد الفهد]

الله الله عاشت انامل اللي كتبها والله كلمات اكثر من رائعة بوركت اخي الفاضل واتمنالك الموفقية ..
بس عندي اطراء بدون اي زحمة القصيدة الخط مالتها دوخني وموتني اخذ حبايتين باندول حتى كملتها اذا ممكن تكبر الخط شويه عالمرة الجايه خويي ..
اخوك : محمد الفهد

[سيوفي البغدادي]

كتبت فابدعت

سلمت اناملك

على ماخطته


من كلمات جميله ومبدعه

دمت بهذا الابداع والتائلق
ايها المتائلق