ساعدوني الله يخليكم

[blackfox2255]

السلام عليكم
اني طالب مرحلة اخيرة تعرفت على بنية من جنت بالمرحلة الاولى (البنية كلش مؤدبة وبنت ناس واخلاقهه عالية جدا)حبيتهه حب مو طبيعي شكد تعرفت على بنات وشكد حجيت وية بنات بس هاي البنية غيرشكل...... كانت وياية بنفس الشعبة وبعدين انقلت لغير جامعة وبقت عندي علاقة زمالة وياهه بس ماجانت اكو فرص هواية اكدر اشوفهه بحكم البعد عني الى ان اجتي قبل فترة لجامعتنة وشوية شوية اطورت العلاقة يعني صارت بيناتنة تلفونات ومسجات بس كلهه ضمن اطار محدود يعني مامفاتحهه بحبي الهه يعني من نحجي الحجي بصورة عامة مشكلتي انه اخاف اصارحهه وترفض...واذا رفضت يعني بعد ما اكدر اباوع بعينهه وراح اخسرهه واني مااكدر اتخيل نفسي من دونهه يعني مااكدر اتحمل الرفض.....ساعدوني لأن ما اعرف شسوي زين واذا فاتحتهه شراح اكلهه بحيث ماترفض وتعرفون السنة على وشك تخلص ولازم اتصرف بسرعة لأن مابقة وكت


ساااااااعدوني

[مراكو]

اخوية انت حسب مكلت بيناتكم اتصال ومسجات يعني تكدر تعرف من خلال كلامها ونظراتها انت شنو بالنسبة الها وهم اذا تريد تصارحها مو مرة وحدة على كيفك وبالتدريج حتى لتفشل نفسك وحتى لتخسرها وان شاء الله كل الموفقية

[قمر الحب]

اولا لازم تكون متأكد من انها تحبك وبعدين انت اذا صدك تحبها لازم تصارحها

لأن اذا ظليت بهذا الخوف راح تخسرها

استعجل وروح اخطبها هذا هو الحل الاحسن الكم

والله يوفقكم

[الخياااال]

هلو اخوية ..عيني اذا انت تحس بيهة هي تبادلك نفس المشاعر ومندفعة الك

توكل على الله وانطيني خبر عود مو تغلس

[زين الدين زيدان]

مشكوررررررررررررررررررررررر

[شهد عبد الله محمد]

قصتك جدا مؤثرة لكن اني اكول برايي لمحلهه تلميح بسيط بالبداية و شوف اذا فهمت حيبين من الكلام و اذا مفهمت وضحلهه و خلي الكلام يدور عن هذا الشي ولا اكلك اتصل بيها لهذا العرض مباشرة و خليك قوي

[بنت كردستان]

يكولون افضل وسيلة للدفاع الهجوم وحتى تحافظ على حبك صارحها مدام اكو اتصالات بينكم اسالها ان كانت عدها علاقه او مرتبطة اسالها عن رايها بيك انت شتعتبر بالنسبة الها اخ صديق يعني من هالتلميحات والله يوفقك وان شاءالله تكون تحبك حتى اكثر مما انت تحبها قد تكون منتظرتك انت تعترف تمنياتي لك بالتوفيق::26:: ::26:: ::26::

[Frawlaa]

الله يساعدك

[بغداد دار السلام]

والل احسن حل تحجي وياها وتكللها
واذا هي تريدك فخير على خير واذا لا فعلى الاقل ترتاح من هالحيرة
والله يسهل
تحياتي

[انتقام الوردة]

مافي احلى من الصراحة ادخل وتوكل على الله احجي الصراحة الها ليش موت نفسك بتفكير اي لو لا المهم تعرف الرد منها

[القيسية]

كوللها اريد احجي وياج بفد موضوع يخصني وكوللها نك تحب وحدة بس مو هية يعني سوي عليها قصة واخذ رايها يعني نفس القصة اللي انت تحجيها وكوللها اريد اكلج شي بس لاتفهميني غلط واتمنى ماتزعلين واحجيلها بس خليك جنتل ودبلوماسي وياها بس

[جنه جنه يا عراق]

شوف اخويه صارحه بسرعه بس بل التدريج يعني تسئلها مرتبطه واذا كالت لا كولها اني احبج واريد اجي اخبج هيه راح تتفاجئ وكللها خل اتفكر
الله يكون بعونك

[كابيلو]

شويه شويه عرف بنفسك يعني انا احب والناس واحب الاصدقاء وهكذا يعني شويه شويه عرف بنفسك وانشاء الله تنجح