saad shaker
04-17-2007, 01:25 AM
السلام عليكم حبايب شلونكم
البارحة فد موضوع شفته واني دا اتصفح النت الصوري
اكو موضوع منزل عن احتفال بيوم الجامعة او تخرج من الجامعة المستنصرية بس شنو الصورة تبجي اكثر مما هي تعيد ذكريات حلوة الى النفس
الصورة عن بنات بعمر الزهور وهن شايلات الورود ولابسات الى لبس ووحدتهن كاعدة من الفجر حتة تضبط الميك اب بس طالعات كيك الله يستر عليهن بس شنو وياهة طالع بالصورة من بعيد دورية امريكية فايتة والظاهر الجماعة حاسين بيها وخايفين منا مربط الفرس انو صار حتة الاحتفال وياه شوية خوف
والحمد لله اذا شوية اذا ما انكلبت السالفة الى عزة
اما اذا ضحكنا ضحك قوي فلازم نكول اييييييييييييه ربي ضحكة خير ان شا الله كأننا نعرف انو بعد هذا الضحك لازم اكو مصيبة
البنت العراقية مصيبة مصيبتها
الله يعينها
من اول حياتها شلعان كلب
واذا تريد تطلع للمدرسة فهذا هم الهة ولاهلهة وانذار للبيت كله منو يجيبها منو يوديها ومن هالحجي
اما اذا ربك عداها سلامات من دوام المدرسة فيجي دوام الكلية اللي جان هوة المتنفس الوحيد لاغلب البنات حتة تشوف دنية وتلتقي وية الصديقات وسوالف وتعرفون انتو البنت شكد تحب تسولف
انحرمت خطية من من روحة الكلية
هذي وحدة
الثانية محرومة من الطلعة لبيوت الاهل والاقارب لان الوضع الامني زفت والبنزين غالي ومنضمن انو المنطقة اللي رايحيها نفس المذهب ومن هالكلام هذا اللي حرمنا واحد من الاخر مع كل الاسف
اما من تتزوج عيني عليهة فخطية يمكن لا زفة ولا هم يحزنون والحفلة بس على المقربين كلش اللي يكدرون يجون اما البقية لو يجون قبل اسبوع من الزفة لو يعتذرون
هذا من غير مسائل الحياة اللي تعانيهة المراة او البنت العراقية في كل يوم وكل لحظة
الله يزيدج صبر يا امي ويا اختي ويا صديقتي وزميلتي ورفيقتنا بكل مكان
تحية حب واحترام الج يا اكثر امراة صابرة بالتاريخ
البارحة فد موضوع شفته واني دا اتصفح النت الصوري
اكو موضوع منزل عن احتفال بيوم الجامعة او تخرج من الجامعة المستنصرية بس شنو الصورة تبجي اكثر مما هي تعيد ذكريات حلوة الى النفس
الصورة عن بنات بعمر الزهور وهن شايلات الورود ولابسات الى لبس ووحدتهن كاعدة من الفجر حتة تضبط الميك اب بس طالعات كيك الله يستر عليهن بس شنو وياهة طالع بالصورة من بعيد دورية امريكية فايتة والظاهر الجماعة حاسين بيها وخايفين منا مربط الفرس انو صار حتة الاحتفال وياه شوية خوف
والحمد لله اذا شوية اذا ما انكلبت السالفة الى عزة
اما اذا ضحكنا ضحك قوي فلازم نكول اييييييييييييه ربي ضحكة خير ان شا الله كأننا نعرف انو بعد هذا الضحك لازم اكو مصيبة
البنت العراقية مصيبة مصيبتها
الله يعينها
من اول حياتها شلعان كلب
واذا تريد تطلع للمدرسة فهذا هم الهة ولاهلهة وانذار للبيت كله منو يجيبها منو يوديها ومن هالحجي
اما اذا ربك عداها سلامات من دوام المدرسة فيجي دوام الكلية اللي جان هوة المتنفس الوحيد لاغلب البنات حتة تشوف دنية وتلتقي وية الصديقات وسوالف وتعرفون انتو البنت شكد تحب تسولف
انحرمت خطية من من روحة الكلية
هذي وحدة
الثانية محرومة من الطلعة لبيوت الاهل والاقارب لان الوضع الامني زفت والبنزين غالي ومنضمن انو المنطقة اللي رايحيها نفس المذهب ومن هالكلام هذا اللي حرمنا واحد من الاخر مع كل الاسف
اما من تتزوج عيني عليهة فخطية يمكن لا زفة ولا هم يحزنون والحفلة بس على المقربين كلش اللي يكدرون يجون اما البقية لو يجون قبل اسبوع من الزفة لو يعتذرون
هذا من غير مسائل الحياة اللي تعانيهة المراة او البنت العراقية في كل يوم وكل لحظة
الله يزيدج صبر يا امي ويا اختي ويا صديقتي وزميلتي ورفيقتنا بكل مكان
تحية حب واحترام الج يا اكثر امراة صابرة بالتاريخ