زواج

[نوراكول]

سلام
ياخواني وياخواتي اني دائما من يجيني احد شخص للزواج ارفضه تدرون ليششششششششششش

لان دائما ديجيني اكبر من عندي بهواية عشر سنوات واعلى ليش ياربي

مثلا يجيني ارقى واحسن شخص ومن عائلة مثقفة بس جبيرررررررررر شنو رايكم اوافق لو لا

[Murad_kudret]

السلام عليكم
اختي في الله
هذا قسمتج بالحياة
وافقي
لان الانسان لمن يريد يختار
مو شرط لزم يختار شخص حلو او بعمرج او زنكين
مو شرط
انتي اولا لزم تاخذين شغلة الزواج
وتاخذين هذني النقاط
اولا
ان يكون الولد من عائلة ذات اصول طيبة ودينية
وثانيا
مو شرط الرجال يكون بعمرج ميخالف خلي يكون اكبر من عندج خمسة سنوات او عشرة سنوات
وثالثا
وهو الاهم
وهو صلاة الاستخارة
لزم تصليها
لان انتي اختي في الله تاخذين الجواب مو من اي انسان
تاخذين الضوء الاخضر
من رب العالمين
ان شاء الله
موفقة بحياتج

اخوكي في الله
مراد قدرت

[مراكو]

اختي العزيزة اني اشوف الاكبر بالعمر اكثر ادراكا للحياة وبعدين اكو فترة خطوبة تكدرين تعرفين من خلالهة انه هذا الشخص يفيدج او لا
تقبلي مروري

[ياقلبي]

حبيبتي نورا اني برائي انو الزواج اقتناع فانت لازم تقتنعين بالي يخطبج واما بالنسبة للعمر صدكي العمر مو مقياس وانت اذا تكولين 10 سنوات او خلي نكول 15 ترة عادي...وخلي اكولج شي خليج انت الصغيرووونة واتدللي ياعيني انت تحياتي الج واتمنالج السعادة

[mshmshon]

اختي العزيزة اذا يحبج ورايدج وانتي عندج مشاعر اتجاهة وافقي عليه وترة صدكيني مو شرط بعمرج المهم انتي تكونين مقتنعة بي وبشخصيتة وبي مواصفات الزوج الي تريديها عدا مسالة العمر وموفقة يارب

[الزعفراني البغدادي]

مو مشكلة اذا يحبك ويكدر يسعدك ما بيها شي وشنو يعني جبير المهم روحة صغيرة تاخذين صغير وهو لا علم ولا فهم
شي ثاني اكو فترة خطوبة وبلكي تتعرفين علي اكثر اتمنالك التوفيق

[عـ ـ ـراقـ ـيـ ـة مغـ ـ ـتربـ ـ ـة]

اني ما اوافق الباقين لان الزواج لازم يكون تفاهم بين الطرفين وعشر سنين معناها يسبقك بجيل كامل وافكاره تختلف تماما عن افكارج
اني برايي اقصى حد هو خمس او ستة سنين اذا زاد عنها فراح يكون خلل كبير وعدم توافق بين الطرفين
صدكيني لا الحب ولا اي شئ مهم بالزواج اهم شئ التفاهم وبهيج فرق من سابع المستحيلات راح يكون تفاهم وخلي يكون عندك صبر للجاي وانتظري قسمتك الجيدة


مع تمنياتي لك بالموفقية

[زين الدين زيدان]

مشكوررررررررررررررررررررررررررررر

[اسيرة ولكن]

الاكبر احسن من الشاب الضغير
وانتي اعرف بمستقبلج

[ليــــلى]

اهم شي قناعتك انتي .. يعني انسي عمره ولو لحظات وفكري بالمواصفات اللي هو يحملها ..

اتمنى لك كل السعاده ..

[بمبش المدنفش]

عمي وافقي وتزوجي لا تعنسين

[abc2005cba]

والله حسب عمرج انتي ياحبيبتي يعني اذا جبيره فوافقي اما اذا بعدج صغيره يعني مطاخه ال28 فلا والله لاتاخذين جبير حرامات يروح شبابج وبعد حسب مواصفاته شهادته كلها هاي تلعب دور يعني اذا حلو وزنكين وشهاده شكو بيها اكبر منج اخذيه لين بيه ميزات وبعد بكيفج اهم شىء قناعتج

[بابانا توته]

شلونج اختي اولا اريد اوضح الج شي هو التفاهم بين الرجل والمراه عمره ماكان بالاكبر او الاصغر ايجوز تتزوجين شخص بعمرج بس هو بعيد عن تفكيرج وشخصيتج ويجوز تاخذين واحد اكبر منج بس مثل ما ايكولون ايدللج اختي هي الحياه الزوجيه مو شغله نسبيه بالعمر بس المهم انه انت ترتاحين وياه والدنيا قسمه ونصيب واهم شي انت اتكونين مقتنعه والله ايوفقج بحياه ان شاء الله

[لول(هلا)]

هلو عيني اني راي اهم شي التفاهم ويكون الطرفين متقاربين فكرينا وثقافيا واهم شي تكوني مرتاحه للشخص يعني العمر مو مهم اذا انتي مقتعه بي وبس العمر هو الي خالك محتاره فلعمر مو مشكله و10 سنوات ومو فرق كبير واله يوفقج

[انتقام الوردة]

شوفي لحد 10 سنين ما بيها شي بالعكس شي عادي
والرجل يكون اكبر شوية من البنت احسن بهواية

["مدموزيل لافوشيا "]

حبيبتي اهم شي التفاهم وزواج عشره عمر مستقبل يعني
وميصير الفرق هذا كبير اهوايه.
اكثر شي ممكن خمس سنوات

[زهــــــراء القلـــوب]

امممم بصراحة اختي ما اعرف شكلج
بس برايي اذا اكثر من 10 سنوات لا اتقبلين
لان الواحد لازم ايفكر بلمستقبل وهم ممكن ما ايكون تفاهم بشكل جيد

بلتوفيق يارب

[القيسية]

وافقييييييييييييييي احسن حتا يدللج ويعجز وانتي بعدج انونة

[alduraasd]

سلام
ياخواني وياخواتي اني دائما من يجيني احد شخص للزواج ارفضه تدرون ليششششششششششش

لان دائما ديجيني اكبر من عندي بهواية عشر سنوات واعلى ليش ياربي

مثلا يجيني ارقى واحسن شخص ومن عائلة مثقفة بس جبيرررررررررر شنو رايكم اوافق لو لا

فارق العمر بين الزوجين لايعني فشل العلاقة الزوجيه ابد واني براي انه اذا كان الفرق لايتجاوز 13 سنه فهذا شي طبيعي اني خاطب وخطيبتي اصغر مني ب10 سنين وشنو يعني الفارق هذا مو كبير كلش .... اذا انتي اتضلين بهيج عقلية راح يفوتج القطار وراح يجيج اليوم الي اتخلين ايدج على خدج ومحد راح يكون يمج وراح تندميم هوايه وعغدها مراح يفيد الندم

[حرامي نت]

السلام عليكم
راح اكلج شغله واني خجلان من نفسي
اني اتقدمت لوحده وجنت اموت عليه بس رفضتني تدرين ليش لانه جانت تحب واحد اكبر منه ب 13 سنه وتالي ضربهه بوري ودائما اتذكري اغنية حسام الي يكول
العمر ماله دخل لو 100عام اكبر
مادام انته الي يبقه العمر اخضر
افتهمتيني والله يوفقج