صديقنا واخونا الطائر الجارح بحزن كبير وبمصيبة كبير تعالوا نكون وياه ونواسيه

[Unity of iraq above all]

::27:: ::27:: هلاووو بنات وشباب
شلونكم انشالة زينين
طبعا
كلنا لاحظنا
اختفاء الطائر الجريح فترة طويلة
ورجع بشعر غريب حبيبتي قد قتلت
وهواية حاروا هل هو مجرد شعر اوو؟؟؟ حقيقة
وطبعا بعد ما اليوم سالت احد اصدقاء الطائر اكدلي الخبر وكلي صحيح حبيبة الطائر اتوفت بانفجار
::27:: ::27:: ::27:: ::27:: ::27:: ::27:: ::27:: ::27:: ::27::
ويكول حالة احمد مأساوية ويكول اني هسة بدون جناحات
والله حقه والله حقك احمد
احمد انته احنا منكدر نتخيل الي انته هسة بيه
حته منعرف شنكوول
اني هواية ترددت اكتب الموضوع لان كلت خاف تدخل مني
بعدين كلت
لا احنا عائلة وانته محتاج احد تحجيله وتشكيله همك وقهرك
احمد لا تضل ضام القهرة بقلبك تعال اهنانة اشكي واحجي
صحيح انته مصدوووم وفاقد الامل من هلحياة
وحقكك والله حقكك
بس اتذكر احنا كلنا موجودين بهل الحياة بفترة ضغيرة والهدف نعبد الله ونصبر علة البلايا الي نوكع بيها
وانته انسان مؤمن بالله
وتعرف هاي الشغلات تصير لهواية ناس مو بس انته
اذا هسة فقدت الامل من الحياة
بس اطلب منك انه تصبر
وتتحمل
مو علمودنا علمود اهلك
انته
صحيح انسان مبتلى اكثر من عدنا
يجوز هواية ميعرفون بس الطائر الجريح هواية من اهله واقربائه مكتلوين من قبل الامريكان وغيرهم
وانته بالكوة استوعبت فقدان اخووك
انووب حبيبتك
والله يساعدك يعني اصلا ما اعرف شاحجي ::27:: ::27:: ::27:: ::27:: ::27:: ::27:: ::27:: ::27::
يمكن احسن شي تسويه هسة متضل وحدك
شارك ويانا حته لو مالك واهس بالحياة بس مو مال تضل وحدك
يعني تموت اذا تضل وحدك ::27:: ::27:: ::27:: ::27:: ::27::
واقرة قران علة روحها هذا احسن شي تسويه الها
طائر انشالة الله يصبرك ويساعدك
اقترب من الله لا تبتعد عنه بهل المحنة محد ينسيك غير ربنا
وتعال احجيلنا عنها وعنك وعن مشاعرك هسة لا تضل ساكت ....
والبقية بحياتك
وانشالة نهاية الاحزان
وخلي كلنا نقرة سورة الفاتحة علة روحها الطاهرة انشالة شهيدة ::27:: ::27:: ::27::

[حلوه العيون]

لا اله الا الله

والله اخويه ما ادري شكلك لان هسه اي شي نكوله ما راح يكدر ينسيك او يخفف عنك

لان والله ما كو اكبر من فقد الانسان الي تحبه

الله يساعدك ويصبرك يا ربي

بس اذكر احنه كلنه لازم نموت وما كو واحد يضل عايش بهذه الدنيا

وبالعكس افرحله لان هي ان شاء الله تعتبر شهيده

اني جربت احساسك بس مو بالشخص الي احبه لا يمكن بعد اعز من اي انسان

بس الحمد لله الله صبرني وكدرت اعيش صحيح ما نسيت وكل لحظه اتذكر بس الحمد لله كدرت اعيش

وان شاء الله يا ربي ترجع مثل الاول

وترحمله دائما

انا لله وانا اليه راجعون

تحياتي الك اخويه احمد

[yousif_samir]

ألى رحمة الله
حبيبي طائر أهم شي تتذكره أنو هيه خلصت من هل حياة الدنيا تعرف يعني شنو الدنيا يعني أدنى شي و أنتقلت ألى حياة أخرى أعلى بهوايه من هل حياة يعني أنتقلت من مستوى أدنى ألى مستوى أعلى و اكيد رب العالمين جان أله حكمه من أخذ روحها أحتمال لأنه جانت متعذبه بحياتها أو لأسباب لا أني ولا أنته تعرفها أهم شي تقرالها الفاتحه وره كل صلاة يوميه وطبعا ً مدا أوصيك لأنه اكيد أنته دا تقوم بأكثر من هل عمل ألها وتره الموت هوه عباره عن باب النهايه ألي كلنه لازم نوصل أله في يوم من الأيام بس أكو هوايه ناس وصلوله قبلنه بهوايه وخلصوا رسالتهم بالحياة يعني أني وأنته مو أحسن ولا أتعس منها لأنه كلنه راح أنموت كلنه عدنه نفس النهايه وأن شاء الله يتغمدها برحمته الواسعه في جنات النعيم

[طائرة الحب]

انا لله وانا اليه راجعون......
طائر اني ما اعرف شكول لان هذا شي صعب جداً وبعدين مثل ما كالت يونتي اقرالها القرآن وادعيلها ....
طائر ترى كل هذا اختبار من الله عز وجل علمود يعرف مدى ايمان العراقييين لان هذهِ الدنيا كلها اختبار وما عدنا غير الله نتقرب منه.......
وان شاء الله يرحمها ويسكنها فسيح جناته ويصبرك وان شاء الله تعدي هذهِ المحنه ......
وخلي نقرالها سورة الفاتحه الها والى كل شهداء العراق.......&&&

[Black_Evil]

انا لله وانا الية راجعون
والله يا اخوية احمد ما اعرف شكولك
يعني من يوم العرفتك انتة مليان هموم
والي تحبهم كولهم ديروحون
بس ما اكولك غير الله يساعدك اخوية
واحنة اي شي تحتاج انشالله متقصر كولنة عائلة وحدة
والله يرحم كل الشهداء

[حسام دوبه]

انا لله وانا اليه راجعون
الله ايعينك اخويه احمد
والله متصور اشكد انقهرت من قريت الموضوع
والي صاير بيك والله ايعينك على ما ابتلاك
يعني مصيبه فوك مصيبه
وانا لله وانا اليه راجعون
وانشاء الله اتكون خاتمه الاحزان

[Shahrukh Khan]

والله ما اعرف منين ابدا ومنين وشاحجي وشاكول يمكن اذا كتبت للصبح والله ما يكفيني حمودي والله اني اول ما شفت مواضيعك بالمنتدى تخيلتك كبالي وحسيت بهمومك اللي اتخيلها من كلامك والله ما اعرف شكول بس حسبي الله ونعم الوكيل ولا حول ولا قوة الا بالله وانا لله وانا اليه راجعون حمودي الله يصبرك على ما ابتلاك اخوك عمر ثائر حامد الشمري

[Shahrukh Khan]

العام توفي انسان كان من اعز اصدقائي المقربين لي والله كان مثل الخيمة النا احنا بطيبتة وشهامتة وسوالفة الحلوة والله انسان يعجز اللسان ان يعبر عن طيبتة وحبة للخير والله كان مثال للطيبة والاخلاق اذا حس بفد شخص مجروح بكلمة يجي يواسيه واذا حس بواحد مننا محتاج ماديا او اي شي ثاني جان ما يقص وهو اول واحد يوكف ويانا وكان هو اكثر طالب خلوق ومثابر على الدراسة بالشعبة والله هسة كاعد اكتب والعبرة خانكتني وبيوم من الايام استشهد ضحية انفجار استهدف الجوازات القريبة من شارع الصناعة والله يمكن بيومها ردت اكتل روحي وما مستوعب الخبر وابجي لحد ما ورمت عيوني من البجي واسبوع كامل اني ما ماكل غير بس السوائل والله وظلمت الدنيا بعيني (واكول بيني وبين نفسي)هسة يجي للجامعة ونشوفة لو هسة نروح للكافتيريا ونلكاه موجود بس ماكو اعتراض على حكم رب العالمين والله يرحمة برحمتة الواسعتة الله يرحمك ي(ا احمد مجيد حميد بن حواء وآدم) فاني هم مثلك فقدت شخص كلش كلش عزيز واحبة اكثر من اخواني والله شاهد بس لا اعتراض على امر رب العالمين وانشاء الله انشاء الله في جنات الخلد فتصبر وتشجع يا احمد يا طائر على ما ابتلاك ربك والله كريم

[نونة القلب]

الله يساعدك
والله العظيم مصيبتك ماتنوصف
الله يكون بعونك احمد
يعني شاكلك مااعرف
ياربي يلهمك الصبر والسلوان
ويرحمها ويغمد روحها الجنه
وكتاباتك كانت خير دليل
بس مااوقعت موت::27:: ::27::
الله يرحمها

[بنـ الانشائيه ـت]

بصراحه اني عرفت من البارحه واصلا عرفت من قريت موضوعه
والله ما اعرف شلون اصبرك يعني ابتلاء عظيم اللي تمر بيه اخويه
واني حجيت وياك واعرف الي تمر بيه
وكتلك محد يحس باللي انت بيه بس رب العالمين واللي مر بموقف مثلك
اخي ابتلائك عظيم والله يساعدك
ومراح اكولك لا تنقهر لان هذا شي مو بيدك وغير ارادي
بس اكولك خلي ايمانك بالله قوي وحاول تلكى طريقك للنسيان
بس احتفظ بكل شئ كذكرى جميله بحياتك
والله يعوضك عن كل لحظه حزن بحياتك سنين من الفرح والراحه
انت انسان مؤمن والله يرزقك الصبر
وترحملها وادعي تكون من اهل الجنه بعون الله
ما اكدر اكولك اي شي بس الله يرحمها ويرحم الجميع::27:: ::27:: ::27:: ::27:: ::27:: ::27:: ::27::

[lulwa]

الله يرحمها ويتغمد روحها الجنة ويرحم جميع الشهداء......
يارب يقوي قلبك على مايصيبك.......الله يعينك

[ALCAPONE-SON]

وخلي كلنا نقرة سورة الفاتحة علة روحها الطاهرة انشالة شهيدة ::27:: ::27:: ::27::

مشكورة يا مشرفتنا العزيزة
وان دل تثبيت الموضوع دل على صدق مشاعرك النبيلة والقلب الصافي
وطبية قلبك تحياتي ...........ز

الله يرحمها ويتغمد روحها الجنة ويرحم جميع الشهداء......


والله يا اخوية اني معرفتي بيك عن وقت قريب
ولكني شاهدت فيك كم من العناء لايستطيع اي احد على تحمله
الله يصبرك ويزيل عنك همك
واعلم ان كل مؤمن مبتلى

[EMinem_civil_eng]

والله يا احمد ..الاعضاء مخلو شي اكدر اعبر بي ...
كتبوا اللي ردت اكولة ...
اني اعرف من البارحة ...
والصراحة ما اعرف اكولك شي ...يصدك مرات يعجز اللسان عن التعبير في اصعب المواقف ...
وثق بالله احمد ..اني لوما الشغل واخوية ..جان اجيتك ..وهذا الكلام اني كلتة لاسير ..
والله احمد انتة شخص عزيز ..وتحملت ما لم يتحملة اي انسان ...
بس تبقة هاي ارادة عز وجل ..وانتة انسان مؤمن ..وصلب الارادة
ومثل مقلت ..(( شتان بيني وبين اليأس ))
احمد لتتصور انتة وحدك بحزنك ..ما يحزنك يحزنا ..بس تبقى الجروح بيك اكبر من جروحنا ...
والله عل اللي كان السبب ...

[اراميس]

لا اله لا الله
البقية بحياتك احمد..والله العظيم ما اعرف شنو اكول
بس الله يساعدك..ويرحمك من هالعذاب
يعني ما اكدر اكولك لا تنقهر وحاول تنسة
لان هذا شي مستحيل ينسي
بس ادعيلك الله يصبر قلبك..ويقويك على هالمصيبة
وصدكني..هية هسة اكيد ارتاحت
اكيد وهية شهيدة..مكانها يم الله احسن من مكانها هنا
يا ربي ارحمنا جمعينا...من الي ديصير بينة
احمد...لا تيأس...وصدكني الله ما يضر احد
بس خلي ايمانك قوي بالله
والله يصبرك..
ما اكدر اكول اكثر

[Lord Zaiona]

شلونك اخويه الله يكون فعونك وانشاءالله تكون هيه من اهل الجنه ولا تشيل هم لان ايكلك ال الله يحبه ياخذه حته يخلصه من هموم الدنيا

[اسير عينيها]

اخويه احمد ماكلك شي
بس اكلك الله يكون بعونك

انا لله وانا اليه راجعون

واريدك تتذكر الكلمات الي جنت تكلهن الي من كنت في محنه

قبل لتسافر وقبل لنعرف دجله

[شاعر الانشائية]

الى رحمة الله
وتقبل تعازينا يا جريح بمعنى الكلمة
واهديك قصيدتي ((الى من فقد حبيبة))
واتمنى اتمنى ان اكون وفيت وياك
حبيبي

[دلوعة المدني]

انا لله وانا اليه راجعون
اخي العزيز احمد الله يصبرك وياخذ بايدك وهذا هو المقدر لكل شخص وانت شخص مؤمن وانت باختبار صحيح صعب التجا الى الله و مااكولك انسى لان مو سهلة تنسى شخص عزيز وغالي عليك لكن ادعي الها واقرا الها قران هذا الشي هو الي ينفعها وان شاء الله مثواها الجنة والله ينتقم من الي كان السبب
اعرف احساسك هسه لان مريت بي قبل ومو من السهل ان تنسى لكن كلما تتذكر ادعي واقرا قران هذا احسن شي والله يعنيك بمحنتك والله يعوضك بفرح وخير بعد هذه المحن الي مريت بيها

[احمد مدني]

والله مادري شكول واشلون ابدي بس اكول انا لله وانا اليه لراجعون الله على الضالم الله على الضالم لاتضل مقهور ان شاء الله اتكون بالجنه لان هي اكيد ماتت شهيده والشهيد بالدنيا تره والله سعيد بالاخره

وان شاء الله اتكون شهيد وهذا الشي تره ايمر على كل الناس وتره الموت حق واشكر ربك انو هي ماتت شهيد يمعود انته صحيح مقهور بس والله المفروض تفرحله واني تره هم مر بيه هيج موقف بس ليس مع الحبيببه ولكن مع احد العمام واعرف شنو شعورك هسه بس استغفر ربك وصلي وادعيلها بكل صلاة وان شاء الله بعد متمر بهيج موقف

[sweet_boy]

الى رحمة الله و ان شاء الله الله يصبرك و يكون وياك

[حمودي(ملك الاداره)]

انا لله وانا اليه راجعون الله يصبرك اخويه الطائر على هذا البلاء والله يرحمهه ويسكنهه فسيح جناتهه ولان هيه شهيدة ويصبرك ويصبر اهلهه البقيه بحياتك اخويه

[na3na3]

البقية بحياتك
الله يصبرك
كلنا دنفقد ناس نحبهم
بس شنسوي الله يرحمهم
وحجي يونتي صحيح احسن شي نقدم
هو قراءة القرآن
والفاتحة على ارواحهم الطاهرة

[كناري الحب]

لا اله لاالله وانا لله وانا اليه لراجعون
الله يصبرك ............::27::

[RIVEROFLOVE]

الله الله يعينك على مصيبتك ومصيبة كل العراقيين
من حيلي على حيلك اخوي والله مصيبتك مو هينه واسمحلنا نشاركك حزنك الي ما ينوصف
احنا مهما يكون بعيدين بس الله وحده يعلم شكد تألمت من سمعت الخبر
شد حيلك اخوي وخلي عينك بعين الله وهذا الي كاتبه ربك ما نكدر نعترض على قضاء رب العالمين
وكلنا على هالطريق
ما اضيف شي على الي كالته اختي يونتي واحنا وياك ان شاء الله وندعيلها بالمغفره والرحمه ويصبرك ويقويك على محنتك
واعذرني اخوي على تأخري بس والله ما اعرف شارد
الله يرحمها يارب ويسكنها فسيح جناته
وانا لله وانا اليه راجعون
::27::::27::::27::::27::::27::::27::::27::::27:::: 27::::27::::27::::27::::27::::27::::27::
ومشكوره يونتي ::27::

[الطـ الجريح ـائر]

بسم الله الحرمن الرحيم

" قل ياعبادي الذين اسرفوا على انفسهم ,لاتقنطوا من رحمة الله , إن الله يغفر الذنوب جميعا "

في البداية اشكر الاخت " يونتي " للمساهمة القيمة .. وردودكم التي اثرت في نفسي .. ووجودكم الذي يمنحني الصبر والقوة ..

لم اكن ارغب ان يواسيني احد ما او يرثى لحبيبتي .. مثلما احببتها وحدي اردت ان ابكيها لوحدي .. واكوى بنار الحزن والاسى بفراقها لوحدي .. واجرع كأس المرارة والالم وحدي ..

لكنني وبعدما رأيت ردودكم .. وجدت فيها منفذا تنصرف منه احزاني .. وابث شكواي وتظلمي .. حيث ان اتقاسم حزني والمي .. مع من هم اقرب الى نفسي مني ..

من اسير لبنت الانشائية ليونتي لكل الاعضاء .. شكرا لكم جميعا ..


Unity of iraq above all
حلوه العيون
yousif_samir
طائرة الحب
Black_Evil
حسام دوبه
عمر ثائر حامد الشمري
نونة القلب
بنـ الانشائيه ـت
lulwa
alcapone_son
EMinem_civil_eng
اراميس
Lord Zaiona
اسير عينيها
شاعر الانشائية
دلوعة المدني
احمد مدني
sweet_boy
حمودي(ملك الاداره)
na3na3
كناري الحب

والحقيقة حاولت الهرب من الواقع واجي للنت وادخل موقع دجلة .. واتألم اكثر لما اشوف مواضيعكم والكي نفسي عاجز .. مااكدر احجي ولا اعرف اعبر .. والكى اهرب من الواقع للواقع .. وانكم تحيطون بيه من صوب .. وكنت احس نفسي اني بالحزن مو وحدي .. وانكم اكثر من اخوتي ..

حاولت اداري حزني واخفي جروحي .. ما حبيت احد يفكر اني ضعيف .. طبعا مريت بايام احسن من هذي الي امر بيها .. واعتقد ان " رفعت الاقلام وجفت الصحف "

اني ممتن من كل قلبي الكم .. وابدا ماراح انسى وكفتكم هذي .. الي اتمنى ان اردلكمياها بافراحكم .. واسأل الله ان يحرسكم ويشفي صدوركم ..

اعتقد اني معذور ااذا غبت واحتاج للوقت .. ما اعرف لحد شوكت .. يمكن مثلما تخطيت كل المصائب والمحن .. بمرور الزمن اتخطى هذي .. والله اعلم ..بس اريد اطمئنكم انه اني مو النوع الي ينخاف عليه .. لاني تعودت واسألوا قلبي ..

واخيرا .. اعرف ان كل الكلام الي اكوله قليل بحقكم وغير معبر .. بس اشكركم من كل قلبي .. تحياتي الكم .. وياربي ما ننحرم منكم ..

اخوكم الطائر الجريح..
وليس الجارح .. مثلما كالت يونتي ..!!! ::13::

[EMinem_civil_eng]

لا تهتم اخوية الطائر ..
وان شاء الله نهاية احزان ...
بس يونتي عادي ..يكلك مصر راح تسوي قضية سياسية على يونتي ..من ورة المصريين اللي تسحكهم
اسبوعين اني عل كرسي الاعترافات ..واسم الموضوع غلط ..
كاتبة اسمي ايمانيم مدري شنو ...
المهم ...
لطول الغيبة علينا ونتمنى رجعتك بسرعة

[Unity of iraq above all]

هههههههههههههه عزة كاتبة اسمك جارح http://forums.dijlh.net/images/icons/9.gif شكد عيبيبhttp://forums.dijlh.net/images/icons/9.gif
اوكي حبي طيوووري
ننتظرك
واخذ الوقت الي تريده
اكو ناس يعالجوه احزانهم وحدهم
واكو ناس يحبون يصيرون بين الناس يواسوهم وينسووهم
كل واحد وطريقته لنسيان الالم
ننتظرك احنا انشالة
::51:: ::51:: ::51:: ::51:: ::51::
اذا الله اطانا عمر

ههههههههههه ايمنيم ضحتكتني وفشلتني هماتين http://forums.dijlh.net/images/icons/4.gif

[Shahrukh Khan]

حبيبي حمودي أشلونك طمنني عليك والله فرحت من شفت ردك الحلو
صدكني هاي المسالة مو نهاية دنيا ولكل انسان بداية ونهاية ومثل ما تفضلت
وكلت انو انت مو النوع اللي ما يلين بالمواقف الصعبة و هذا فد شي يسر لان هي هاي الدنيا التافهة
تعطينا شي وتاخذ من انفسنا أغلى الاشياء من الصعب ان نسترجعها
لكننا نستطيع ان نتحلى بالصبر والسلوان بقوة الله جل وعلا
وانشاء الله يا ربي هذه خاتمة الاحزان انشاء الله
بس صدكني اذا تريد إراحتها أدعيلها بالمغفرة وأقرالها القران
بس انت كما اعرف انك انسان مؤمن وما يحتاج ان اوصيك لكن فقط للذكر
اتمنالك كل الخير والتوفيق في دربك
أخوك عمر ثائر حامد الشمري::51::

[EMinem_civil_eng]

ههههههههههه ايمنيم ضحتكتني وفشلتني هماتين http://forums.dijlh.net/images/icons/4.gif

تدللين وباي وقت ...::13::
ولو انتي هم سحكتي مصري هسة

[EMinem_civil_eng]

روحي يونتي هسة تلكي بالموضوع مال سبايدر (( اسحك يا بعد الروح ))

[دلوعة المدني]

اخذ الوقت الي تريده و الله يصبرك والحمد لله ان اطمنا عليك وان شاء الله اخر الاحزان

[na3na3]

الحمدلله انك بخير
والله فرحتنة بالرد