سؤال عن بطاقات الفيزا والماستركارد

[مهندس بغداد]

السلام عليكم
اخوان اسال هنا عن بطاقات الفيزا والماستركارد
كل شي عنها
انواعها طرق استعمالها...ماهي الارقام الموجوده عليها
وهل متوفره في العراق
يعني اذا اردت شراء شئ عن طريق الانترنيت باستخدامها.... كيف؟ وكيف احصل عليها.
ارجو ان لا اثقل عليكم
مشكورين مقدما

[مهندس بغداد]

صدك محد يعرف ..كلكم مثل حالتي ...يله انتظر بلكت واحد يعرف ويرد

[General_MCH]

بس اعرف انه الفيزا كارت متوفره بالعراق...و تنباع بمقر الشركه بالحارثيه اعتقد بالفرع الي صاير مقابيل ستي سنتر و بنك الوركاء يمكن الي بالكراده ...و اكو ب 3 فئات العاديه و الفضيه و الذهبيه كل وحده وحسب شكد تريد بيها رصيد و الفائده الهم 50$ بالسنه..

[ساطع]

الاخ العزيز

بالنسبة لبطاقات الائتمان credit card فهناك عدة انواع منها اشهرها واكثرها استخداما هي

1- ماستر كارد
2- فيزا كارد
3- امريكان اكسبرس

في حالة اردت استخدام البطاقة للشراء عبر النت فيتوجب عليك ادراج 4 بيانات في الصفحة وهي

1- اسم حامل الكارد
2- رقم الكارد
3- تاريخ انتهاء الصلاحية
4- كود التفعيل verification code وهو عبارة عن 3 ارقام

تحياتي وان شاء الله اكون قد افدتك

[lyo]

السلام عليكم ... بالنسبة للماستر كارد انت متحتاجها لانه اكو بالعراق وبكل العالم بطاقة تسمى كاش يو موجودة بشارع الصناعة اول شئ تشتري بطاقة فتح حساب وسعرها 30$ وبعدين اكو بطاقات تعبئة رصيد بكيفك اشتري وعبئ الرصيد الي تحبه ... وهذا اذا تريد تشتري من الانترنيت .
اما الماسترد والفيزا فاكو بنك جديد يدعى البنك العراقي الاستثمار تفتح حساب بيه وينطيك كريدت كارد تكدر تستخدمه بكل الدول تقريباً ..
مع تحياتي
ليث العراقي

[massari_boy]

السلام عليكم ... بالنسبة للماستر كارد انت متحتاجها لانه اكو بالعراق وبكل العالم بطاقة تسمى كاش يو موجودة بشارع الصناعة اول شئ تشتري بطاقة فتح حساب وسعرها 30$ وبعدين اكو بطاقات تعبئة رصيد بكيفك اشتري وعبئ الرصيد الي تحبه ... وهذا اذا تريد تشتري من الانترنيت .
اما الماسترد والفيزا فاكو بنك جديد يدعى البنك العراقي الاستثمار تفتح حساب بيه وينطيك كريدت كارد تكدر تستخدمه بكل الدول تقريباً ..
مع تحياتي
ليث العراقي
شكرا جزيلا فدتني هواية اخوية

[ZEUS2007]

السلام عليك
هاي اول مشاركه اليه و انشاء الله الفائده للجميع بهذا الموضوع لان احنه بحاجه الهيجي بطاقات تنفعنه في استعمال كافه خدمات الانترنت
اني اتصلت بالمصرف الي يوفر بطاقات الكردت كارت و حسب علمي ان البطاقه تكاليفهه 50 دولار و اقل رصيد ممكن اتخليه بالبطاقه هوه 300دولار اما مده الصلاحيه ما اعرف بالضبط
و هذا هوه رقم مصرف العراقي التجاري الي مقره بالحارثيه
5439617
5439618
5439619
اما الفرق بين الكردت كارت و الفيزا كارت هو ان الكردت كارت يكون عباره عن مبلغ انته اتحطه بالمصرف و تسحب منه عند الحاجه من خلال الانترنت و الاسواق الكبيره الي يتوفر بيهه اجهزة المصرف الالي
اما الفيزا كارت بيهه خدمه رائعه بس للاسف متتوفر الكل احد حيث الموضفين في دول العالم الي يمتلكون بطاقه الفيزا كارت يستطيعون شراء مثلا سياره جديده و يتقصد المبلغ عليهم من خلال الفيزا كارت و يستقطعون من رواتبهم قيمت القسط

بس اني اتمنى ان اي واحد من الاخوه العراقيين الي مستعملين هذه البطاقه الي يوفرهه المصرف الي بالحارثيه يكلنه ان كانت البطاقه فعاله و ما بيهه مشاكل ...؟؟ يعني اريد احد امجربهه و يا ريت يذكر المواقع الي استعمل بيهه البطاقه و شنو النتايج ..
اخاف اروح اشتري البطاقه و انضرب بوري بيهه ههههههههههههههههه
تحياتي للجميع

ملاحضه اسمي المستعار ينلفض زيوس و يعني كبير الالهه عند الرومان ... بس حبيت اوضح الكم الاسم
تحياتي مره ثانيه

[ساطع]

اما الفرق بين الكردت كارت و الفيزا كارت هو ان الكردت كارت يكون عباره عن مبلغ انته اتحطه بالمصرف و تسحب منه عند الحاجه من خلال الانترنت و الاسواق الكبيره الي يتوفر بيهه اجهزة المصرف الالي
اما الفيزا كارت بيهه خدمه رائعه بس للاسف متتوفر الكل احد حيث الموضفين في دول العالم الي يمتلكون بطاقه الفيزا كارت يستطيعون شراء مثلا سياره جديده و يتقصد المبلغ عليهم من خلال الفيزا كارت و يستقطعون من رواتبهم قيمت القسط



الاخ العزيز....مرحبا بك في منتديات دجلة ... حبيت بس اوضح ان الكلام المذكور اعلاه يحمل بعض الاخطاء في المسميات....وكي لا تختلط الامور اردت ان افك هذا اللبس

هناك 3 انواع من البطاقات المصرفية الا ان الشائع منها نوعين فقط

اولا : Credit Card وهذا النوع يقسم الى ثلاثة اقسام
1- Visa card
2- Master Card
3- American Express
هذا النوع من الكاردات يسمح لك بالشراء عن طريق الانترنت ويسمح لك بالشراء عن طريق اغلب المحلات من خلال استخدام هذا الكارد في جهاز صغير يقوم باعداد فاتورة صغيرة تقوم بالتوقيع عليها ومن ثم يقوم المحل بتقديمها الى البنك لاستقطاع المبلغ

ثانيا: ATM وهو مختصر لجملة Automatic Transfer Money
هذا النوع من الكاردات يمكنك من خلاله سحب الاوراق النقدية من مكائن موجودة في الشارع وقرب البنوك وفي المحلات الكبرى...على ان لا يزيد هذا المبلغ عن مقدار معين يحدده البنك.. ويتم استقطاع المبلغ مباشرة من حاسبك

ثالثا: Internet Card
تقوم بعض البنوك بتجهيز عملائها بكاردات خاصة ذات حد ائتماني منخفض نسبيا وذلك لاستخدامها عن طريق الانترنت...ففي حالة تعرض الكارد للسرقة عن طريق الهاكرز فسيكون مبلغا قليلا...هذا النوع ليس شائعا كثيرا

[مهندس بغداد]

شكرا جزيلا لكل الردود......ولكل الاخوان الي ساهمو بالرد
معلومات افادتني جدا..بقي سؤال واحد
الكاش يو ...ممكن استعملهه بالموقع الي يتعامل بالماستر والفيزا...يعني هاي البطاقه كاش يو مدعومة
من قبل الماستر كارد

[برلنتي]

أنا أعرف أن بعض المواقع في الإنترنت لا تقبل بطاقة كاشيو التي تقوم بشرائها من المحلات التجارية.

[برلنتي]

أنا أعرف أن بعض المواقع في الإنترنت لا تقبل بطاقة كاشيو التي تقوم بشرائها من المحلات التجارية.

فيلزم التأكد من الموقع قبل عملية الشراء أو فتح بطاقة كاشيو.

[Silent Hill]

شكرا جزيلا لكل الردود......ولكل الاخوان الي ساهمو بالرد
معلومات افادتني جدا..بقي سؤال واحد
الكاش يو ...ممكن استعملهه بالموقع الي يتعامل بالماستر والفيزا...يعني هاي البطاقه كاش يو مدعومة
من قبل الماستر كارد

قلبي هوه من تشتري الكاش يو ينطوك رقم حساب فيزا كارد تكد تستخدمه حتى بالمواقع الي ماتدعم الكاش يو مع العلم هوايه مواقع حاليا تدعم الكاش يو
اني هسه بسليمانية اكو يمي بمصرف الوركاء فيزا كارد دينطوب
بس لازم تخلي بيهه رصيد 300$ وبيهه حقيقة هوايه مميزات حلوه من ضمنهه تكدر تخلي فد سقف معين تستخدمه بالانترنت يعني مثلا تخلي 40% علمود اخاف واحد يبوك اليوزر والباسوورد مالتك مايكدر ياخذ غير مبلغ بسيط انته محدده بس بعد شلون انحصلهه وبقية الخواص والله ماعرف ،، ان شاء الله من اشتري اكلك
وتحياتي

[انور سمير]

شكرا على جهودك

[قيصر كراسوس بومباي]

السلام عليكم يا حلوين لا تدوخون روحكم البطاقه الردت كارد فاشله هو اكو شي صاحي بالعراق

[® Sparks Man]

بصرحه الكردت كار الخاصه بمصرف الاستثمار اوبمصرف الوركاء ..
كثير من المواقع ترفض لعدم وجود ضمان حقيقي اله

ومصرف الوركاء يصدر بطاقه اسمه .. فيزا الكترون بمبلغ 50 دولار اقل شي .. هاي عن طريق مصرف الاسكان الاردني..
هاي متقبله ماقع النت .. بس مواقع البرامج وبعض الكتبالالكترونيه تقبله ..

لكن ال (egold)و(paypal)
وغيره منمواقع فتح الحساب ما تقبل غير
فيزا وماسترز وامريكان اكسبريس .. وبالعراق كلهن ميشتغلن اشتريه من الخارج تكون فعاله ..

تحياتي

[Pяιη©e]

شكرااااااااااااااا لصاحب الموضوع وشكرااااااااااااااا للردود لان جنت صدك مادري

[عمورري]

حياك الله على الموضوع شكررا

[37med]

شكرآ على الردود الحلوه وعلى الموضع الاحلى

[ملك الهاردوير]

و كما قال الاخ ساطع بان هناك ثلاث انواع من بطاقات الائتمان و لكن اي نوع بطاقة Atm يحمل علامة ماستركارد او فيزا كارد يمكن استخدامه لاجهزة الصراف الالي و للتسوق من الانترنت و من المحال التجارية داخل او خارج البلد حسب نوع البطاقة و توجد شركة اسمها أمان تعمل بهذا المجال لديها اكثر من فرع في العراق و اني قمت باستخراج بطاقة من قبلهم و استخدمها حاليا بدون اي مشاكل و ان كان استخدامك فقط للتسوق من الانترنت فيوجد لديهم كارتات خصيصا لذلك مجانية تدفع مبلغ 6 دولارات عند التعبئة مهما كانت قيمة التعبئة ( 25 دولار الحد الادنى ) و شكرا

[lieutenant]

ممكن احد يكول لي منوين احصل على الفيزا كارت وشكد سعرها وتمشي يعني تشتغل مضبوطة لو لا تحياتي للجميع

[u n i x]

اخوان اني مجرب كارت Jump in تشتري من السوك وعلى الموقع تفتح حساب وتعبي وبعدين تطلب خدمة الماستر كارد تكلف العملية 8 دولار للبطاقة وبعدين تعبي الباقي بالرصيد لكن العملية تطول تقريبا 4 ايام
وجربتة بعدة مواقع قبلتة عادي

[u n i x]

اخوان اني مجرب كارت Jump in تشتري من السوك وعلى الموقع تفتح حساب وتعبي وبعدين تطلب خدمة الماستر كارد تكلف العملية 8 دولار للبطاقة وبعدين تعبي الباقي بالرصيد لكن العملية تطول تقريبا 4 ايام
وجربتة بعدة مواقع قبلتة عادي

[lieutenant]

اخوان ضروري الفيزا كارت من مصرف عراقي اذا اطلعهة مضومنة بالانترنت لو هيج متمشي

ارجو من الي مجربين يفيدونة بالمعلومات

[hamada2007]

تسلموا على المعلومات المفيدة... بس اريد اسأل هل بطاقة كاش يو مظبوط