اقتراااح

[باسم الثغر]

اخواني قد ايكون كلامي غريب عن اساسيات دجلة نت الي الكل ايحب يطلع علية وعلى منتدياتة وكانت موسومة على طول الخط بالحيادية والانصاف .

واليوم الي انابصددطلبة هو عين الانصاف و اعتقد ان بعض منكم راح ايعارض لسياسة الشبكة من البداية .

طلبي هو منع كل موضوع يشيد بلمقاومة او المجاهذين والسبب ان

العراق ذاق ويلاة واهات منهم ومن المحتل والمصيبة اكو من يدعمهم

ويثني عليهم ونزل مواضيع طويلة وعريضة يمدح قتلهم للعراقيين .

اطلب الى مراقبين النت عموما ارجوكم اخوان اوضعو حد للتعدي على

مشاعر الناس المقاوم والمجاهد يفجر في الصبح ويتفاخر باليلعلى النت

وفي حالة عدم الموافقة من الادارة اطلب من الاخوان الاعضاء عدم

الجواب على مواضيهم او التنكيل بهم مهما كانو وكانت انتمائاتهم

الا لعنة الله على كل من اراق قطرة دم من دماء العراقيين

الله امين الله امين



شكرا

[الحكم الرابع]

اخي اني اعتز بكلامك واتفهمه واكيد انته راحلك شخص من جراء هاي العمليات مثل ماراحولنه كلنه ومن ضمنهم المتحدث اضافه لضحايا المليشيات الارهابيه لكن اني مع غيري يؤيدون المقاومة الشريفه اللي متاذي عراقيين بريئين او تقتل بالجمله او الهوية

لكن هذا ميمنع انه كل من هب ودب يكول اني مقاومة كلهم يصيحون هيج اللي يالسياسه والمليشيات والقاعدة وحته السلابه وكيلك الله يسلب العالم ويكول اني مقاومة

واذا منعنه النقاش يهاي المواضيع معناهه راح انغطي راسنه بالرمل مثل التعام ومحد يفهم الاخر

صحيح اكو طائفيه بس اكو افكار دتوصل وانا ايضا اعترف اني تغيرت الكثير من المفاهيم عندي من جراء الحوار ومااشاهدة والمسه

اتمنه انه الكلام الطائفي والعنيف ينتهي منه ومن كيفه مو من جراء منع وانما بقناعه

تحياتي الخالصه

[! ¤ علـــــي العُبيــــدي ¤ !]

مشكور على الموضوع
بس اخويه تره مكانه مو هنا
يعني مكانه
بمنتدى لاقتراحات


ومشكور على اللفته

[((((لورين العراقيه))))]

كلامك صح و ذهب تسلم

[AltaibSkt]

ارائك الشخصيه ومعتقداتك هذه

مالك حق اتعبرها وتفرضها على غيرك

انت احجي عليهم بس ودافع عن رائيك الشخصي اتجاهم

لكن لا تحاول تفرض رائيك على الاخرين من خلال هيج نوع من المواضيع


مكان الموضوع قسم الاقتراحات

تحياتي

[ماميش دجلة نت]

ارائك الشخصيه ومعتقداتك هذه

مالك حق اتعبرها وتفرضها على غيرك

انت احجي عليهم بس ودافع عن رائيك الشخصي اتجاهم

لكن لا تحاول تفرض رائيك على الاخرين من خلال هيج نوع من المواضيع


مكان الموضوع قسم الاقتراحات

تحياتي

الولد انطة راي حول موضوع معين
مالة داعي هاي اللهجة الي حضرتك داتتكلم بيها
تحب المقاومة حضرتك روح جاهد وياهم لا تجبر الاخرين
يشتركون بالغصب بمقاومتك النزيهة.
و شكرا للموضوع ::13::

[sarora]

اخي العزيز احنا من نكول مقاومه شريفه اكيد منقصد المقاومه الي تفجر الجسور والجامعات او حتى تضرب المحتل بين الناس المدنين لان هذولي اسمهم مقاومه المقاومه لانهم يشوهون صوره المقاومه بنظر الناس وهذا اللي صار
اما المقاومه الشريفه فهي اللي تستهدف الامريكان في مناطق بعيده عن المدنيين واللي دتسببلهم كل هاي الخسائر واللي دتخليهم يفكرون بالانسحاب من العراق

اما التفجيرات الارهابيه فاني شخصيا لحد الان خسرت 5 اشخاص من اقربائي بسببهه شنريد نكول غير الله يرحم الشهداء ويدمر كل ظالم امييييييييييييييييييييييييين

[SoLeDaD]

والله يا اخي انت امبين محروق قلبك او خسران احد اعزائك بعمليه ارهابيه ..وكذلك انا ..ولا

اعتقد ان هناك في العراق اليوم شخصاً لم يتأثر بالارهاب ..

لكن تاييد المقاومه العسكريه ..التي لا ادعمها انا واتمنى لها ان تتوقف لحين تمييز الارهابي

من المقاوم .. هو حق مشروع لكل شخص احتل بلده مع اختلافنا بالضروف والمسميات ::

عموماً الموضوع راجع لادارة المنتديات هي من تحدد هذا الشي واتمنى نقل الموضوع

بالاسئله والمقترحات ..

[عمر ابن العراق]

جمالية قهوة عزاوي في تعدد آرائها واختلاف توجهاتها (والباندات موجودة للي يجرح مشاعر العراقيين والمشرفين ما يقصرون)..بس الظاهر أكو البعض مع ألأسف مصر على جعل القهوة ذات اتجاه واحد...ومنهم كاتب الموضوع طبعا..

[sweet lion]

حبيبي المقاومة هي الصوت الوحيد ضد الاحتلال الامريكي
هذا الاحتلال اللي مات بسببة نص مليون عراقي واكثر
انتة ما الك علاقة بلارهاب والقاعدة وقتل العراقيين ...لازم اكو من يدافع عن ارواح العراقيين وللاسف هذا مموجود لا بلحكومة ولا بلنواب ولا بلوزارات .....ولا الامريكان....
حتة هذا الصوت تريدوه تذوبوه؟؟؟تريدون يضل القتل والدم بدون رادع؟؟؟؟

[احــــــمــــــد النـــــــجـــــــار]

كل واحد يايد الي ايعجبة ويعضم الي ايعجبة هاي الحرية...........انت ايجوز متحب الماقومة غيرك ايحبهم ويجوز غيرك ميحب الحكوومة وانت اتحبهم........موو هذا يعني فرض رايك عليهم او يفرضون رايهم عليك.........كونو واقعين اكثر بمواضيعكم

[باسم الثغر]

السلام عليكم اخواني

شكرا على مروكم وردودكم الي اكثر من رائعة بالنسبة اليه وانا اسف على عدم ردي في الايام الماضية لكن انا اكرر شكري الكم

انا اعرف ان الموضوع مكانة منتدى الا قتراحات لكن موضوعي يخاطب المشاركين (لقهوة عزاوي ) وكل المنتديات الاخرى انا مادا اقترح تغيير جذري في المنتدى

وانا ما بنيتي اغير اتجاه المنتدى ببساطة اني مو مشرف ولا عضو بارز انا مجرد شخص ابدى وجهة نظرة فقط

الناس الي اتحدث عن ايقافهم الي صوتهم صوت طلاقات رصاص واذا علة اصبح (عبوات ناسفة سيارات مفخخة ......) والله اعلم بالباقي لا انا ولا انت مقتنعين انة صوت الشعب العراقي


الواقعية اخي (مارينز) انة اقبل بلخراب الي دي صيب الناس الابرياء واسكت على اساسانة مقاومة لاوالله راح اضل اتكلم ولو بقيت لوحدي اتكلم وانا كد هذي المسئولية اناشاء الله

وبالمناسبة اني (مو بعثي )على مود افرض رئيي على الناس مهما كانو اشكرك




شكرا

[**الحنونه**]

اخي الفاضل لازم اتصير روحك رياضية وتتقبل رأي الاخر واختلاف الراي لايفسد في الود قضية وحرية التعبير اساس الديمقراطية واذا كل موضع واحد من الاعضاء ميريد البقية يتناولوا تصير مشكلة نحترم رايك ومشكور

[قمر الاحرار]

طلبي هو منع كل موضوع يشيد بلمقاومة او المجاهذين
اخويه شنو هذا الحجي ؟؟؟؟
يعني شتريدنه انسولف على التركيب والطبخ رحمه على ابوك
وهو شكو هسه بالعراق غير مقاومه وحكومه وارهاب ومليشيات ؟؟؟

[باسم الثغر]

شكرا اخوان لموركم الطيب

الاخت (بحر الحنان )انشاء الله الروح رياضية وتتقبل الكلام من الكل لانهم اخوان اعزاء

المقاومة من تنذكر تتراود للقلب الالم متنعد اخي العزيز ايبين انت ما حركتك نار المقاومة




شكرا

[بغداد دار السلام]

حبيبي المقاومة هي الصوت الوحيد ضد الاحتلال الامريكي
هذا الاحتلال اللي مات بسببة نص مليون عراقي واكثر
انتة ما الك علاقة بلارهاب والقاعدة وقتل العراقيين ...لازم اكو من يدافع عن ارواح العراقيين وللاسف هذا مموجود لا بلحكومة ولا بلنواب ولا بلوزارات .....ولا الامريكان....
حتة هذا الصوت تريدوه تذوبوه؟؟؟تريدون يضل القتل والدم بدون رادع؟؟؟؟

::13:: ::13:: ::13::
هذا الحجي الصح