intelligent
04-13-2007, 09:53 PM
تحرير العراق (فلم خيالي)
هلو شلونكم ؟؟ ان شاء الله بالخير
احجيلكم اخر مغامراتي خلي
ذاك اليوم جنت بالمنصور يم الرواد فجان اكو امريكان بالدبابات والمدرعات يعني فد حركة مو طبيعية
وجانو ديفتشون السيارت همة المهم اكو واحد امريكي راكب على المدرعة جان يصعدهة على الرصيف فالرصيف تكسر ، فأني صرت كلش عصبي عليهم وكلت بنفسي بسيطة يا ولد الكلب اذا مسويت بشوارع نيويورك هيجي اني ما اتسمة علي. والله المهم اني رجعت للبيت كعدت افكر شسوي على اللي شفته اليوم بالمنصور شسوي شسوي . فكرت كلت بما انه اني شكلي مثل الامريكان وانكليزيتي كلش قوية خلي اروح اصير مترجم. :cool:
والله رحت وسوولي اختبار المهم ما طول السالفة عليكم نجحت بالاختبار وتعينت مترجم ، فديوم طلعت وياهم
فديوم طلعت وياهم دورية المهم دكيت بيهم وكتلتهم كلهم فالاسلحة مالتهم كلهة صارت يمي واني بهاللحظة خابرت جماعتي بنادي الصيد وكلتلهم تعالوا المدرعات واكفة على الخط السريع مال الغزالية تعالوا خلي نوديهة انضمهة ابيتنة والله همة هم جوي ورحنة ضمينة المدرعات........
:016:
هسة صارت عدنة اسلحة المهم دربت جماعتي ورحنة اخذنة المدرعات وكبل على المنطقة الخضراء وطبعا ما اكللكم وين منشوف امريكي نكتلة وطبعا اسلحتنة دتزداد ودخلنا على المنطقة الخضراء وطبعا العملية جانت بمساندة من قوات التحالف الاسلامي اللي وعلى رأسهة القوات السورية والايرانية ، القوات السورية جانت
،والقوات الايرانية جانت مهمتهة السيطرة على الحدود b-52 مهمتهة القصف الجوي لانه جانت عدهم طيارات
وقطع الامدادات القادمة من كوريا الشمالية لانه مثل متعرفون جانت كوريا الشمالية تدعم الولايات المتحدة .
المهم حررنة المنطقة الخضراء وبدينة نحرر محافظة محافظة الى ان طلعناهم خارج العراق
وراهة رحت للامم المتحدة وطالبنا بوضع قرار دولي ضد الولايات المتحدة ، جان بوكتهة علاء سعد هو الامين العام للامم المتحدة.
المهم بعد المشاورات طلعت الامم المتحدة القرار رقم 999457 الذي يتضمن فرض العقوبات على الولايات المتحدة... وفرضت القوات الجوية العراقية الللي جان عدهة قواعد عسكرية جوية بكل من كندا اللي تحد الولايات المتحدة من الشمال و المكسيك اللي تحدهة من الجنوب، فرضت الحصار الجوي على الولايات المتحدة وبدينة نسوي طلعات على مناطق متعددة من الولايات المتحدة.
وراهة ب5 سنين امريكا خلص احتياطي النفط مالتهة وبدت تصير مجاعات بأميركا المهم قرر مجلس الامن القرار 104685 اللي سموه (قرار النفط مقابل البنات) والله عاد كمنة اندز شوية نفط الهم ويدزولنة بنات، وراهة ب10 سنين مبقة اقتصاد امريكي ولا بقة شي اسمه دولار لانه العملة العراقية صارت العملة الدولية بحيث تروح لبورصة طوكيو متلكة بس سعر الصرف بالدينار العراقي
وراهة اني قررت وبوكتهة جنت رئيس الولايات المتحدة العراقية وصار العراق هو يحكم العالم
فهددت الرئيس الامريكي هو جان بوش الثالث وطلعت بالتلفزيون وخطبت وكتلة لبوش عندك48
ساعه حتى تطلع من الولايات المتحدة حتى اجنب شعبك حرب مدمرة ... والله هذا بوش عاند ومطلع فقررت انه ساعت الصفر اليوم ساعة 5 الفجر والله ساعة الصفر صارت وبدينا الغارات العسكرية على امريكا والمعارك البرية همينة وجانت قوات التحاف مكونة من القوات العراقية اللي جانت هية اللي منضمة الهجوم وياهة القوات السورية والقوات الايرانية.
المهم هجومنة البري بده من الجنوب الامريكي اي من المكسيك وبدينة ندخل الى عمق الاراضي الامريكية وتعالوا شوفو الامريكان ممصدكين العراقيين جايين ديحرروهم من الدكتاتور بوش واستقبلونة بالورود وشوفوا الجهال الامريكان شلون لازكين بالجندي العراقي وديباوعون الاسلحة لانه مشايفين منهة قبل. المهم ورة ايام 21 يوم تقريبا وصلنة لواشنطن بس صارت معركة خرافية بين القوات العراقية وفداااائيي بوش يم المطار والله وبقدرة قادر كتلناهم كلهم وحررنا المطار، وجان اكو بوسط واشنطن ساحة اسمهة ساحة المرحوم مايكل جاكسون وجان بيهة تمثال لبوش بدوا الامريكان يحاولون يوكعون التمثال بس موكع المهم جتي دبابة عراقية وصعد واحد من جنودنا الابطال وحط العلم العراقي على راس بوش ووكعت الدبابة التمثال ولو جنتوا شايفين فرحة الامريكان من وكع بحيث مبقة نعال منشمر بحيث خلصت النعل والناس بدت تنزع هدومهة وتشمر على التمثال.....،
وراهة صار البيت الابيض المنطقة الخضراء بالولايات المتحدة وسوينة اكبر سفارة عراقية بالعالم ويبلغ عدد موظفيهة 3 ملاييين موظف المهم دخلوا ارهابيييين لاميركا وبدوا يسسووون اعمال ارهابية باسم الجهاد ومن بينهة العبوات الناسفة ، فالجيش الامريكي الجديد احتاجنة حتى نوفر الامن للمواطن العراقي فجان ابن خالتي جندي فراحواا نصبوا سيطرة باحد شوارع نيويورك والجنود العراقيين همة اللي صاروا يفتشون السيارات فخابرته من بغداد وكتلة شلونك جعفر اكلك اريدك تصعد المدرعة العارقية على الرصيف والله هو صعدهة وانكسر
الرصيف
وهو هذا جان هدفي من احتلال امريكا حتى اسوي بيهم مثل مسوواا الجنود الامريكان باحد ارصفة بغداد في منطقة المنصور
:22: :19:
ها شلونة الفلم الخنفشاري
المؤلف:علاوي ابو البلاوي يلعب وية الواوي
هلو شلونكم ؟؟ ان شاء الله بالخير
احجيلكم اخر مغامراتي خلي
ذاك اليوم جنت بالمنصور يم الرواد فجان اكو امريكان بالدبابات والمدرعات يعني فد حركة مو طبيعية
وجانو ديفتشون السيارت همة المهم اكو واحد امريكي راكب على المدرعة جان يصعدهة على الرصيف فالرصيف تكسر ، فأني صرت كلش عصبي عليهم وكلت بنفسي بسيطة يا ولد الكلب اذا مسويت بشوارع نيويورك هيجي اني ما اتسمة علي. والله المهم اني رجعت للبيت كعدت افكر شسوي على اللي شفته اليوم بالمنصور شسوي شسوي . فكرت كلت بما انه اني شكلي مثل الامريكان وانكليزيتي كلش قوية خلي اروح اصير مترجم. :cool:
والله رحت وسوولي اختبار المهم ما طول السالفة عليكم نجحت بالاختبار وتعينت مترجم ، فديوم طلعت وياهم
فديوم طلعت وياهم دورية المهم دكيت بيهم وكتلتهم كلهم فالاسلحة مالتهم كلهة صارت يمي واني بهاللحظة خابرت جماعتي بنادي الصيد وكلتلهم تعالوا المدرعات واكفة على الخط السريع مال الغزالية تعالوا خلي نوديهة انضمهة ابيتنة والله همة هم جوي ورحنة ضمينة المدرعات........
:016:
هسة صارت عدنة اسلحة المهم دربت جماعتي ورحنة اخذنة المدرعات وكبل على المنطقة الخضراء وطبعا ما اكللكم وين منشوف امريكي نكتلة وطبعا اسلحتنة دتزداد ودخلنا على المنطقة الخضراء وطبعا العملية جانت بمساندة من قوات التحالف الاسلامي اللي وعلى رأسهة القوات السورية والايرانية ، القوات السورية جانت
،والقوات الايرانية جانت مهمتهة السيطرة على الحدود b-52 مهمتهة القصف الجوي لانه جانت عدهم طيارات
وقطع الامدادات القادمة من كوريا الشمالية لانه مثل متعرفون جانت كوريا الشمالية تدعم الولايات المتحدة .
المهم حررنة المنطقة الخضراء وبدينة نحرر محافظة محافظة الى ان طلعناهم خارج العراق
وراهة رحت للامم المتحدة وطالبنا بوضع قرار دولي ضد الولايات المتحدة ، جان بوكتهة علاء سعد هو الامين العام للامم المتحدة.
المهم بعد المشاورات طلعت الامم المتحدة القرار رقم 999457 الذي يتضمن فرض العقوبات على الولايات المتحدة... وفرضت القوات الجوية العراقية الللي جان عدهة قواعد عسكرية جوية بكل من كندا اللي تحد الولايات المتحدة من الشمال و المكسيك اللي تحدهة من الجنوب، فرضت الحصار الجوي على الولايات المتحدة وبدينة نسوي طلعات على مناطق متعددة من الولايات المتحدة.
وراهة ب5 سنين امريكا خلص احتياطي النفط مالتهة وبدت تصير مجاعات بأميركا المهم قرر مجلس الامن القرار 104685 اللي سموه (قرار النفط مقابل البنات) والله عاد كمنة اندز شوية نفط الهم ويدزولنة بنات، وراهة ب10 سنين مبقة اقتصاد امريكي ولا بقة شي اسمه دولار لانه العملة العراقية صارت العملة الدولية بحيث تروح لبورصة طوكيو متلكة بس سعر الصرف بالدينار العراقي
وراهة اني قررت وبوكتهة جنت رئيس الولايات المتحدة العراقية وصار العراق هو يحكم العالم
فهددت الرئيس الامريكي هو جان بوش الثالث وطلعت بالتلفزيون وخطبت وكتلة لبوش عندك48
ساعه حتى تطلع من الولايات المتحدة حتى اجنب شعبك حرب مدمرة ... والله هذا بوش عاند ومطلع فقررت انه ساعت الصفر اليوم ساعة 5 الفجر والله ساعة الصفر صارت وبدينا الغارات العسكرية على امريكا والمعارك البرية همينة وجانت قوات التحاف مكونة من القوات العراقية اللي جانت هية اللي منضمة الهجوم وياهة القوات السورية والقوات الايرانية.
المهم هجومنة البري بده من الجنوب الامريكي اي من المكسيك وبدينة ندخل الى عمق الاراضي الامريكية وتعالوا شوفو الامريكان ممصدكين العراقيين جايين ديحرروهم من الدكتاتور بوش واستقبلونة بالورود وشوفوا الجهال الامريكان شلون لازكين بالجندي العراقي وديباوعون الاسلحة لانه مشايفين منهة قبل. المهم ورة ايام 21 يوم تقريبا وصلنة لواشنطن بس صارت معركة خرافية بين القوات العراقية وفداااائيي بوش يم المطار والله وبقدرة قادر كتلناهم كلهم وحررنا المطار، وجان اكو بوسط واشنطن ساحة اسمهة ساحة المرحوم مايكل جاكسون وجان بيهة تمثال لبوش بدوا الامريكان يحاولون يوكعون التمثال بس موكع المهم جتي دبابة عراقية وصعد واحد من جنودنا الابطال وحط العلم العراقي على راس بوش ووكعت الدبابة التمثال ولو جنتوا شايفين فرحة الامريكان من وكع بحيث مبقة نعال منشمر بحيث خلصت النعل والناس بدت تنزع هدومهة وتشمر على التمثال.....،
وراهة صار البيت الابيض المنطقة الخضراء بالولايات المتحدة وسوينة اكبر سفارة عراقية بالعالم ويبلغ عدد موظفيهة 3 ملاييين موظف المهم دخلوا ارهابيييين لاميركا وبدوا يسسووون اعمال ارهابية باسم الجهاد ومن بينهة العبوات الناسفة ، فالجيش الامريكي الجديد احتاجنة حتى نوفر الامن للمواطن العراقي فجان ابن خالتي جندي فراحواا نصبوا سيطرة باحد شوارع نيويورك والجنود العراقيين همة اللي صاروا يفتشون السيارات فخابرته من بغداد وكتلة شلونك جعفر اكلك اريدك تصعد المدرعة العارقية على الرصيف والله هو صعدهة وانكسر
الرصيف
وهو هذا جان هدفي من احتلال امريكا حتى اسوي بيهم مثل مسوواا الجنود الامريكان باحد ارصفة بغداد في منطقة المنصور
:22: :19:
ها شلونة الفلم الخنفشاري
المؤلف:علاوي ابو البلاوي يلعب وية الواوي