اني انسحب من المنتدى....

[ملكة اور]

اليوم وبعد ما شفتو اني وجهة اعتذاري لقديس بس هو
مقبله مني
اني انسانه وممعصومه من الخطأ حته لو كان كبير
ادري اني جرحته وهو هم فهم كلامي غلط ومدا يصدكَ انته اني
كنت اقصد بانه النك نيم مالته مبيوك انه هو عزيز
وعباله دا اقصد هو حرامي
اتأسفله هاي اذا قره موضوعي هذا
واكله اني انجرحت اكثر منك
ومراح انسى هذا اليوم طول حياتي ورح ابقى متندمه
انت مقبلت اعتذاري
وهذا شي يعود الك
بس اني هم رح اترك المنتدى
واعتذر من الكل
كلكم اعزكم وأحترمكم واقدركم
بس ما اكَدر ابقى بمكان جرحت بي انسان عزيز عليه وكنت السبب بتركه للمنتدى
وهذا اخر شي عندي ياقديس اقدميالك
ياما تقبل اعتذاري ونرجع سوه لو اني اطلع من المنتدى
ولتخلي اللي سوينا بشهور يروح بلحظة غضب
ووسوسة شيطان
.......
تقبلو مني كل التقدير والاحترام
اختكم اللي تحبكم كلكم
وتعزكم وكنت حريصه ان ما اجرح احد بالمنتدى انوبه جرحت شخص هو من اعز الناس اليه
وكَفلي هوايه واني قابلت وكَفاته هيج
اتاسفله واتاسفلكم
ومع السلامه لان قديس رفض اعتذاري
::27::

[القديس بغدادي]

ملكة انتي ارجعي للمنتدى لانو الكل هنا يحبج و يريدج اني فعلا تعبت على المنتدى بس مراح ارجع نهائيا اني همين عندي شغلي تدرين اني هسة اشتغل و اتصفح نت يعني اني ممكن بلا ما اتصف اخابر اهلي اني هسة بالعربية السعودية و دا احجي وياكمز
بس مع هذا دا احجي وياكم لانو انتوا عزاز عليه و اكرر اعتذاري للكل

[القديس بغدادي]

بالمناسبة اني مراح ادخل لمنتدى كلية الزراعة و اشارك به بس راح ابقى بقهوة عزاوي و غيرها موجود.

[ملكة اور]

هذا هو اني لعد مصره على انسحابي ....
ومتصورت انت رح تكون هيج قاسي ويايه ومتسامحني بعد كل اللي وضحته الك
::27:: ::27:: ::27:: ::27:: ::27::
واتأسف للكل بس اني تمنيت انت تكون سبب برجعتي
وتذكر لحد الان انت مقابل اعتذاري ولا مسامحني على غلط
اني مكنت اريد ادخل بي من البدايه

[I R A Q I 4 E V E R]

ملكة اور العزيزة
القديس البغدادي
بما انه انتو اثنينكم اصدقاء واخوان من كتاباتكم حسيت انه اني الخطأ فلهذا وبما انه انتو تعبتوا على المنتدى فافضل انه اني اطلع من المنتدى وبصراحة اعتبر طلعتي من المنتدى رفعت راس اليه لانه تكلمت الحق واشكركم هواية
اخوكم حسام ابراهيم
كلية الزراعة
جامعة بغداد
قسم وقاية النبات
واحب اقدم شكري الى كل من ( فلاح بالمنطقة الخضراء والاخ ياسر والاخ محمد سنايبر والاخت داما دجلة والاخ عاشق الغيرة العراقية وجميع الاعضاء في المنتدى وعلى رأسهم الاخ العزيز عبدو والاخت العزيزة ملكة اور ) واشوفكم بخير وسلامة واكلكم شي اني مااترك منتدى دجلة بس احاول ابتعد قدر الامكان عن منتدى كليتي العزيزة والي اعتبرة احلى منتدى بالجامعة واخيرا وليس اخرا" تقبلو تحياتي
والسلام عليكم ورحمة الله وبركاته

[yasoo]

لا حسام لا وين تعوف المنتدى ... وين تروح ؟ عندك مكان احلى منه ؟
كولوا يالله عمي احنه طلاب كلية وهذا المنتدى مالتنه كلنه
صح صار سوء تفاهم بين اكثر الاعضاء
بس صدكوني كلشي ينحل
وهاي سالفه انسحب من المنتدى واللي دا اشوفها صارت سهله بحلك كل الاعضاء بطلوها فدوه
لان اذا قديس يطلع ملكه تطلع .. اذا حسام طلع اني اطلع .. وهكذا ورح يفرغ المنتدى اللي احنه كلنه شاركنه
وتعبنه بي

أني اشوف لو تستهدون بالله ولحد يستعجل ... عمي روحوا فطروا وتعالوا .... واللي بي صالح يصير ان شاء الله .........

[حياوي (المعذب)]

السلام عليكم
شباب تسمحولي اتكلم؟؟!!
ولو اني مو من جامعتكم بس اعتبروني أخوكم من التكنولوجيه
شباب شنو السالفه ؟؟!!!! هو هذا التصرف المنتظر منكم في رمضان؟؟؟
شباب تره هذا شهر الخير شهر التسامح .... الله سبحانه وتعالى يغفر أعظم الذنوب في هذا الشهر واحنا واحد ميغفر للثاني غلطه بسيطه؟؟؟!!!!
والله عيب
أخواني القديس وملكة اور وكل اعضاء كلية الزراعه المحترمين
تره هاي الشغلة مصايره بدجلة يمكن اول مرة
اخويه القديس بغدادي المحترم تره البنيه اعتذرت وتحدثت بكل لغات الاسف المعروفه...
وما أتصور انه ملكة اور فد يوم تغلط بحق احد لا والله ....
فأرجوا باسمي وباسم كل اعضاء دجلة ولا سيما محبي ماكة اور ومحبيك انه تقبل اعتذار ملوكة الوردة
وترجع تشارك بقسمك ومنتداك وتفرح اخوتك واصحابك والناس اللي تعلقوا بيك
وبذلك راح ترجع ملوكة الوردة وكل اللي طلعوا بسبب سوء التفاهم البسيط هذا..
وشكراً
ومن هذه اللحظه اني أعلن انسحابي الى حين عودتكم جميعاً....
وأرى موضوع بعنوان العودة ولم الشمل والتعطر بعطر المحبه والحنان والاخوه والتسامح
إعذروا تدخلي
ورمضان كريم للجميع
اسف وشكراً
أخوكم حياوي