فلاح بالمنطقة الخضراء
09-25-2006, 07:48 PM
::51:: موالات للسيد الرئيس الجديد "حفظه الله"::51::
بايعناك يابو فلان ، مو بالورق والله
احنا كَلوب بالصندوك حطينا
ظمايرنا الجت يابو فلان
ما جابتنا رجلينا
طلعنا من الصبح حفاي
رغم كل الخطر رغم الخوف جينا
سمموا حتى الماي
نشرب ( سفن) ظلينا
العلينا اليوم سويناه
لو تدري يعمي شلون سوينا
وصلنا المركز امدافع
ضربنا السرة وطبينا
عرفونا احنا وياك
راسا عرتوا بينا
فتشنا القائمة بساع
شخطة على الرقم حطينا
بايعناك يابو فلان
كلش زين سوينا
" والكطع النفس وياك
وين تريد ودينا "
شفنا هواي حجيّات .. حجيّات منتهيات
ولا وحدة (سمينا)
اجن ينتخبن القائد
ماسمعن حجينا
شفنا شناوة لابس قاط
يمكن همة مطينا
شفنا اصبيحة تمشي وياه
شفنا نويرة مرة غراب
اجت تجسس علينا
شفنا خنيجر ينظم الناس
ويدقق باسامينا
شفنا عبيس السكران
يطوطح هد علينا
لعيونك اتحملناه
شتّم كل اهالينا
طلع قامته وصاح
سود وقائعنا ،حمر مواضينا
ومناك اجت هوسات ،
فلتنا ومادروا بينا
طفرنا بساع يابو فلان
(ركضاً في الدرابينا) تقرا بالفصيح
ولمّن صارت نعالات
لبيوت الاهل طبينا
شفت شلون يابو فلان
شفت اشصار بينا
بعد لتكول انتخابات
زوج الينتخب بينا
* * * *
ياناس لولا علي
جا هلك جدنا عمر
صيروا انتوا اكراد لعلي
ونصير كلدان لعمر
تحصيل حاصل اذن
خوتنا صارت قهر
والله من طيبتي
سميت حبي رؤى
اتمنى تقبل رؤى
وتصير مثلي فكَر
تجيب جنطتها وتجي
ونتزوج براس الشهر
ويصير عدنا ولد
يشبه صديقي جبر
يم امي اسمه ، علي
ويم امها اسمه ، عمر
بايعناك يابو فلان ، مو بالورق والله
احنا كَلوب بالصندوك حطينا
ظمايرنا الجت يابو فلان
ما جابتنا رجلينا
طلعنا من الصبح حفاي
رغم كل الخطر رغم الخوف جينا
سمموا حتى الماي
نشرب ( سفن) ظلينا
العلينا اليوم سويناه
لو تدري يعمي شلون سوينا
وصلنا المركز امدافع
ضربنا السرة وطبينا
عرفونا احنا وياك
راسا عرتوا بينا
فتشنا القائمة بساع
شخطة على الرقم حطينا
بايعناك يابو فلان
كلش زين سوينا
" والكطع النفس وياك
وين تريد ودينا "
شفنا هواي حجيّات .. حجيّات منتهيات
ولا وحدة (سمينا)
اجن ينتخبن القائد
ماسمعن حجينا
شفنا شناوة لابس قاط
يمكن همة مطينا
شفنا اصبيحة تمشي وياه
شفنا نويرة مرة غراب
اجت تجسس علينا
شفنا خنيجر ينظم الناس
ويدقق باسامينا
شفنا عبيس السكران
يطوطح هد علينا
لعيونك اتحملناه
شتّم كل اهالينا
طلع قامته وصاح
سود وقائعنا ،حمر مواضينا
ومناك اجت هوسات ،
فلتنا ومادروا بينا
طفرنا بساع يابو فلان
(ركضاً في الدرابينا) تقرا بالفصيح
ولمّن صارت نعالات
لبيوت الاهل طبينا
شفت شلون يابو فلان
شفت اشصار بينا
بعد لتكول انتخابات
زوج الينتخب بينا
* * * *
ياناس لولا علي
جا هلك جدنا عمر
صيروا انتوا اكراد لعلي
ونصير كلدان لعمر
تحصيل حاصل اذن
خوتنا صارت قهر
والله من طيبتي
سميت حبي رؤى
اتمنى تقبل رؤى
وتصير مثلي فكَر
تجيب جنطتها وتجي
ونتزوج براس الشهر
ويصير عدنا ولد
يشبه صديقي جبر
يم امي اسمه ، علي
ويم امها اسمه ، عمر