لحكونا على جسر الحديد شلون بيهم؟؟!

[ايهم الشاعر]

اليوم استيقضت بغداد الجريحه على دووي انفجار هائل ادى الى انهيار احدمعالم بغداد

الجريحه لكي يزيد من جراحها الاليمه الا وهو انفجار شاحنه مفخخه بوسط جسر

الصرافيه الحديد راح ظحيته تدمير اكثر سبع سيارات وقتل اكثر من 10 اشخاص

اضافه الى التدمير الهائل الذي اصاب المنطقه والذعر الذي اصاب المواطنين.


اوجه كلمه من خلال قهوه عزاوي الى كل الاعضاء بالمطالبه بالتنديد بهذا العمل الجبان

من خلال مشاركاتكم الادبيه سواء شعرا او نثرا او حتى كلمه بسيطه تقال على

هذه المصيبه التي وقعت على عاتقك يا بغداد .

ابدا الكلام ب----------------------------------


مو كافي بعد يا ارهاب كظيناها وياك اهات وعذاب

حرمتنا من اغلى الاحباب وما حصلنا منك بس خراب

يا دين الي تسمى بيه ويا جهاد الي تحجي بيه

جسر الحديد شسويت بيه هم بقى واحد ما بجى عليه

ليش هيجي ويه الجسر تظن بهاي انك منتصر

دجله صاحت ياصبر اعضائي يبنون الجسر

مع كل التقدير والوفاء

[attractive me]

حسبنا الله و نعم الوكيل الله ينتقم منهم

[لينا البغداديه]

لا حول ولاقوة الا بالله
لهل درجه وصلت اشبقو ابغداد مو كله خلصت والعالم هم راح تخلص
الله ينتقم من الي كان السبب

[ساسوكي شايل سيفه]

لعد شتريد يبقه جسر مو عيب مو هم راح يكولون هذا جسر اجنبي لازم نفجرة

[ايهم الشاعر]

شكرا علو مرور الجميع

[princess_of_lover]

يابة والله بكينا بكي ليوم البكي على هذا الشي الي صار اليوم والله مع الاسف اكو هيج نفوس مريضة هذا الجسر شسوالهم بس لو اعرف

[ما يميزني لقب]

لاحول ولا قوة الا بالله
الله اكبر ليش هيج يسون
هو جسر شنو اذاهم

[علاوي ابن مدينة الصدر]

اخي شنو شيسويلهم
بابا مو هذا الجسر جان المقاول مالة امريكي
فا ما يصير الى يتفجر
غير هاي المقاومة البطلة

[صحفي عراقي]

لا مو هذا الجسر بدعه من بدع الشيطان وبزمن الرسول مجان اكو جسور حرام لعنة الله عليهم وعلى تخلفهم الله اكبر جسر الصرافيه احلى جسر ابغداد

[حوريــــة حبيبي]

كافي مو دمرتونه من لي صار
وما بقيتوا شي الا انهار
وحتى الجسر شعلتوا بيه النار
وين تروحون من الله على هذا الدمار

[موارهابية]

كيف تحمل ايتها العراقي كل هذا الاحتراق؟
تقشعر الروح من شظايا الاخبار
اريد الخروج من جلدي..فقد سئمت هذا الاحتراق
وسئمت من حزن يضاهي حجم المعجزات
وسئمت من غرق خشبة الخلاص
خارت مفاصل الجسر ..ولم يبق لنا غير انقاض الاساطير..وصور ممزقة لوجه الحياة.

قهر ياربي قهر

[ايهم الشاعر]

شكرا على هذا المرور الجميل

ان شاء الله نشوفك تكتين بافراح العراق

مو بس نكتب بالاحزان