شنو رايكم بالعراقين الي بسوريا

[معن العراقي]

شباب وبنات اريد اسالكم عن رايكم بالعراقين الي بسوريا لان وضعهم ابدا مو عاجبني يعني بدوا يصيرون سبورت اكثر من الازم والبنات عدا البعض منهن صارن منفتحات اكثر من الازم والولد والاخوان مطنشين يتحجون لان سوريا بيها امان وديمقراطيه من يم البنات ليش الغيره وين راحت .والولد عندي عليهم عتب لان صايرين مكفخه يا كلون العجل من السوري وهو الممنون ليش هذا الجبن ياشباب حتى السورين اخذوا نظره العراقيين جبناء و العراقين كانوا هم اهل الشجاعه .شباب اعرف كلامي شويه خشن بس هذا الواقع

[ذكريات متغرب]

خس معن هاذا منو الي ياكل عجل شتريد كتنلاك سوري درزي موت
وكتلنه الشرطه ابجرمانا بعد شتريد
والله امش بحارتي وبزودي.بس مرت نتلافه الموضوع لن ايكلك ياغريب كون اديب
اما عل بنات فهاي حريه شخصيه متكدر تدخل عليه
تقبل مروري

[ايهم الشاعر]

اخويه العزيز اشكرك على هذا الموضوع
لان الصراحه هاي اول مره واحد يجرا او يحجي بيه
اخونه العزيز اللي ايكول كتلنا واحد سوري درزي
اساله مو خلوه بالعشره هوه ابيتهم لان كامو يندكون
بالعراقيين او اكيد هوه بجرمانا او جاي ايشوف شيصير بجرمانا
الشباب نصهم هناك -------------------- والبنات نصهم-------------
ليش كلمه الحق تزعل هاي الايام ما ادري
شوف الايجار قبل 3سنين ابيش جان بجرمانا
او هسه بيش صار؟ يعني العراقي ابو الدخل المحدود
ما اعتقد بعد على لعيشه بسوريا الا من طريق ال----------

خلي ايروح اخونا الطالب المغترب
ويشوف شجاي ايصير بالروابي


والله كل ضيم العراق يسوى سوريا واللي بيها
اذا كلمن خاف طلع جان العراق خلص

[نوننا المغتربة]

شكرا جزيلا يا معن ع الموضوع
اني جنت بسوريا قبل سنة ونص بحلب
فاكو جماعات عراقيين شوهو سمعتنا (يعني احترك الاخضر بسعر اليابس )
لمن رحنا اجرنا شقة ميقبلون السوريين لانو يكولون العراقيين ممرتبين و ميهتمون بالنظافة و يكسرون الغراض مال الشقة
ولمن تروح لفد محل يكولك تعرف فلان العراقي تكوله ليش ؟ يكولك هذاك اليوم اجا اخذ مني كذا مبلغ و مرجع بعد
اني جنت بالمدرسة يومية اسمع كلمة منا وكلمة منا حتى مرات ما اروح للمدرسة من ورة حجي الناس بس بعدين استسلمت للامر الواقع
شكد حاولت اغير نظرة الناس للعراقيين مكدرت من ورة ناس قليلين عمو ع الكل
يعني بالمدرسة تجي صديقتي وتكولي البارحة بيت جيرانه عراقيين شمرو الزبل ( تكرمون ) علينه و سوو كذا وكذا ........والاستاذ والمدرسات نفس الحلة يومية جنت اعانيها بالمدرسة
بس اني ما اقصد الكل
يعني الصراحة ما اعرف شكول لهيج ناس
بس اريد اكللهم
يا مغتربين انتم سفراء العراق في الخارج يعني حسنو صورة العراق والعراقيين ترة مو هيج
والله همة اهل الاخلاق و الكرم و الغيرة بس محد يسمع هل الحجي
يعني الامر موجه للشباب والبنات
الشباب اهناك بسوريا ميهمهم شي
رمة جنت دا اروح اشتري من محل وية ماما طبعا مدا احجي عراقي ابد حتى لحد يعرف اني عراقية المهم دا اكولها لماما هذا مثل المحل الموجود بالعراق وجان اكو واحد واكف اني عبالي سوري كام يحجي عراقي ويعلي صوت التليفون مالته على اساس اني عندي تليفون جان ماما اترزلة رزاله ماكو مثلها كالتله عيب عليك انت ببلد غريب مو ببلدك يا غريب كون اديب
واكو بنات مثل الشي تحجي وياهم يابة هيج و هيج يكولولك من عاشر القوم اربعين يوما صار منهم وهمة مقلدو الناس الا بهيج شي
بس يا حسافة العراقي هيج يصير بيه و لادولة من دول العالم تقبل بيه
بس الله النا
ومشكور ع الموضوع مرة ثانية

[نجمة بغداد]

مشكور خوية معن على الموضوع
طبعا اني والله راح يصير خمس اشهر بسوريا والله مااطلع لباب البيت لان اعرف شنو هي جرمانه انتو اهل جرمانه شفتو شديصير قسم من العراقيات شافو مجال وطيحو حظنا شفتو اللبس بعيد المسيح اجتي امي للبيت متخبله كتله العتب مو عليهم العتب على اهلهم الي معرفو فد كل وحدة راشدي خل ايكعدن خبلونا والله
بس شنو بيدنا احنا نباوع ونسكت

[عاشقه الورود]

هلوو ممكن اتعرف على بنت والله الغربه صعبه

[ܓܨღܓܨ ساكن عيونيܓܨღܓܨ]

مرحبة اخوية كلش اشكرك عالموضوع
اني عراقية وعايشة بسوريا صارلي فترة والحجي الحجيتة حجي منطقي وداشوفة بعيني امشي بلشارع ولدنة مو ولد قبل ولدنة يمشون وماخذين حريتهم وحتة باختة العراقية يتحارش يمكن نسة هاي عرضة وشرفة والبنات الله يستر عليهم ومو الكل لان اكو بنات عوائل اللبس صاير يمكن انكس من السوريات وهالقلة من الناس والحمد لله مو الكثرة ديجيبون الحجي عالعراقيين واعتقد انظف من العراقي ماكو بس اكول وسفة عالزمن الي غير بعضنا هيج

[ܓܨღܓܨ ساكن عيونيܓܨღܓܨ]

هلو اختي عاشقة شلونج
طبعا الغربة مو بس صعبة بس شنسوي نكول الله كريم انتي وين ؟
اني بسوريا واني هم الغربة تعبتني ويشؤفني اكون اخت وصديقة الج

[ذكريات متغرب]

شباب الله خليكم الي بجرمانه تره نص البنات مسيح يعني عادي
بس تره موكل البنات موز ينات اكوبنات اخلاق ولبس حلو
واحب اكللكم انو 90%من بنات اليل كاعدات بجرمانه وجوز انتو تعرفون
اما عل غربه انا ماحس بغربه مع العلم انا الوحد بسوريه لا اب ولا ام ولا اخ ولا ايشي حته ماخذ شق لوحدي
انت اشو دتطلع اتشوف بس عراقين وين الغربه
معلعلم انا شخص اموت عل عراق مودكولون ماعدك وطنيه
لا بل عكس
تقبلو تحياتي

[poet_darkness87]

مرحبااااا بنات طبعا اني قريت كل تعليقاتكم حول العراقيين بسوريا والانتقادات اني اريد اكول كم كلمة ... بالنسبة لقضية الشباب العراقي متغير ومو نفس اخلاقهم وطبعهم ترة مو بس الشباب ترة البنات بعد اكثررر خصم الكلام همة الطرفين مكاعد راحة ولد وبنات لكن اكوووو ناس محافظة و ابد ماعدهم هاي الحالة لكن نبقة احنة الشباب اهل الغيرة علة بنات عراقنا وعلة وطنا وكل شي يمس سمعتنا ,,, بس اكو شي صار بيه مع الاسف يوم كنت اتمشة اني واصدقائي بشارع ابو رمانة بسوريا لكيت شباب يتحارشون ابنات فمن حجي البنات عرفت انو هنة عراقيات رحنة اني واصدقائي دنصد الشباب واذا يطلعون سورين ....صارت ملحمة الشباب السوريين انكتلووو لان جانو بين قوسيين كيكية اجوي الشرطة واذا البنات ينكرون انو احد اتحارش بيهم واتهمونا احنة المتهجمين ويدرون بينة احنة عراقيين وجايين نفزعلهم بس شنسوي احنة سوينة القضية شغلة تحرش تخص شرف العراقية وطلعنا سلامات بس خاب املي بنات العراق بس طبعا هاي حاة خاصة فردية مو عامة واتمنى لبنات العراق كل الخير والله يحميهن ويبعدهن وان شاء الله ميضوجون من شبابنا واي شي تحتاجون اني موجود وبراس الخدمة اذا بت بلدي ما اخدمهة لعد المن اخدم......تحياتي وارجو ميزعلون البنات

[poet_darkness87]

مع خالص تحياتي شاعر الظلام في المهجر
poet_darkness87@yahoo.com (poet_darkness87@yahoo.com)

[amjad moayad]

حبيبي ابد ماننسى احنى عراقين بس اريد اوضح شغلة
كل مواطن في العالم مايغير لهجتة من يسافر لاي دولة شفتو فد يوم مصري ديحجي عراقي لا والله مايحجي ويعتز بلهجتة
بس مع الاسف العراقين حتى الي صارلة يومين بسوليا ضل يحجي سوري ليش اخوان

[برلنتي]

ردي موجّه لـ نوننا المغتربة و لكني أقصد به الجميع ..





لمن رحنا اجرنا شقة ميقبلون السوريين لانو يكولون العراقيين ممرتبين و ميهتمون بالنظافة و يكسرون الغراض مال الشقة

طبعا أنا لست من العراق و عذرا إذا كنت قد تدخلت في موضوع لا يعنيني و لكن هدفي أن تهدأ نفسك فكل شخص يمثل نفسه فقط .

و اعلمي أن هناك عرب يقيمون خارج بلدانهم و يفعلون أسوء مما فعل العراقيين في سوريا كما ذكرتي.


و أقسم بالله أنني في حج السنة الماضية و في داخل بيت الله الحرام شاهدت (إمرأة عربية) تُجلس ابنتها على أرضية المسجد و تتركها تتبول أمام الناس !! و لم تراعي حرمة المكان و لا الذوق العام! فمارأيك ؟؟


و أزيدك من الشعر بيتا .. أثناء ذهابي لدورة المياة داخل المستشفى المقابل للحرم المكي_لا يحضرني إسمه_ وجدت إمرأة عربية و لن أذكر جنسيتها ( تتبرز ) _أكرمكم الله_ خارج الحمام المخصص لقضاء الحاجة و أمام النساء!!


و إمرأة أخرى تطلب من ابنتها الصغيرة التبول على الزرع في إحدى الحدائق و لم تكلف نفسها الذهاب بإبنتها لدورة المياة ..
إن لم يكن حفاظا على الصحة العامة و نظافة المكان ليكن من أجل أن لا تظهر عورة إبنتها أمام الناس .. و لتنشأ و تتربى البنت على الستر .. و لا نقول إلا نسأل الله السلامة.



لن أتحدث عن تفاصيل أخرى .. و لكن أقول كل إنسان مسؤول عن تصرفاته الفردية لا عن تصرفات الآخرين .







ولمن تروح لفد محل يكولك تعرف فلان العراقي تكوله ليش ؟ يكولك هذاك اليوم اجا اخذ مني كذا مبلغ و مرجع بعد




أعرف قصة لأحد العراقيين يعيش في إحدى الدول العربية دفع لرجل من ذلك البلد مبلغ مالي كبير جدا ( يعتبر كل ماجمعه في حياته) لكي يقدم له خدمة معينة و لكن هذا الرجل العربي إختفى و سرق المال !!







اني جنت بالمدرسة يومية اسمع كلمة منا وكلمة منا حتى مرات ما اروح للمدرسة من ورة حجي الناس بس بعدين استسلمت للامر الواقع
شكد حاولت اغير نظرة الناس للعراقيين مكدرت من ورة ناس قليلين عمو ع الكل




أهم شيء أن لا تتصفي أنت بصفات سيئة لأنك لست مسؤولة عن الآخرين حتى و إن كانوا من بلدك.






بس يا حسافة العراقي هيج يصير بيه و لادولة من دول العالم تقبل بيه
بس الله النا


العراقيين الشرفاء على راسنا .. الله يساعدكم .