ابو الطلايب
04-11-2007, 03:32 AM
مـــن أعشگ أعشگ صــدگ
هاك أخذ درة الگلب بيدك افتگهه فتگ
وردهه إلي لمّن تطب بيهه واسرگهه سرگ
واثنين نبقه سوه . . من تبرد آنه ابّرِد من تحترگ احترگ
خليت رأسي انفطر بسّك براسي تدگ !
نيران گلبي تشب وتگلي حبّك صدگ ؟
جاگلي شنهي الصدگ . . إلّه أشوفك طرگ روحي وعلي ثوب أشگ
خلّي برحيّك علج روحي وامطگهه مطگ
وأشربني وي گهوتك وآنه ألك بالحَبّ أدگ
ذرني ابأرض راحتك بالگاع الزگ لزگ
واسگيني مي بسمتك واتأمّل اشلون اطگ
التم واشگ السّمه بجناحي اصفگ صفگ
مُوجي خدودك ورد وعيون عندك زرگ
بس آنه بيَّه طبع من أعشگ أعشگ صدگ
نَّومني جف الزَّعل يمَّك خنگني خنگ
گتله أموت وأبَد من حبّي ما افترگ گلّّي انته تحجي صدگ ؟
گتله نعم وانتصر . . راح اضم ايدي وبعد خل بيَّه جفَّك يطگ
لمن يمل انتفض . . أكسر سيوفه بدي واشبگ حبيبي شبگ
هاك أخذ درة الگلب بيدك افتگهه فتگ
وردهه إلي لمّن تطب بيهه واسرگهه سرگ
واثنين نبقه سوه . . من تبرد آنه ابّرِد من تحترگ احترگ
خليت رأسي انفطر بسّك براسي تدگ !
نيران گلبي تشب وتگلي حبّك صدگ ؟
جاگلي شنهي الصدگ . . إلّه أشوفك طرگ روحي وعلي ثوب أشگ
خلّي برحيّك علج روحي وامطگهه مطگ
وأشربني وي گهوتك وآنه ألك بالحَبّ أدگ
ذرني ابأرض راحتك بالگاع الزگ لزگ
واسگيني مي بسمتك واتأمّل اشلون اطگ
التم واشگ السّمه بجناحي اصفگ صفگ
مُوجي خدودك ورد وعيون عندك زرگ
بس آنه بيَّه طبع من أعشگ أعشگ صدگ
نَّومني جف الزَّعل يمَّك خنگني خنگ
گتله أموت وأبَد من حبّي ما افترگ گلّّي انته تحجي صدگ ؟
گتله نعم وانتصر . . راح اضم ايدي وبعد خل بيَّه جفَّك يطگ
لمن يمل انتفض . . أكسر سيوفه بدي واشبگ حبيبي شبگ