ياجماعة ساعدوني حياتي الزوجية مهددة

[شانو]

شلونكم ياجماعة طبعا اني جديدة بالمنتدى وحبيت اسجل وتحلولي مشكلتي لان والله حايرة بيها

مشكلتي انه صارلي سنه من متزوجة وهسة اني حامل وزجي يحبني بس هسة اني احس انه زوجي مايحبني الحب الي جان يحبني بيها يعني كلش متغيرة تصفاته
والسالفة الجديدة والي مخليتني راح اتخبل من نكعد بمكان يكعد يباوع علية بنظرة كلش قاسية شلون متكولون نظرة كره وقبل كم يوم سئلته انته تحبني كال مااعرف واليوم سئلته اني حلوة جان يكول لا يعني عادية لاحلوة ولا مو حلوة وحتى كلش انقهرت كتله ليش جان يكول غير اكلج الصراحة طبعا احتمال من وره الحمل هو يحس بهذا الشي والله مااعرف وراح اتخبل وماادري شنو احساسه ممكن ادلوني على طريق اكسب حبه ووده مرة ثانية وشلون اعرف هو صدك بعده يحبني لو لا؟؟؟ ساعدووووووووووووووووووني ارجوووووووووكم

[وحيدة بلا امل]

والله يا اخت شانو ما اعرف شكولج مشكلتج مشكلة

بس انتي همين حاولي احجي ويا كوليلة شنو اللي تغير حاولي تتفاهمين ويا وشوية يعني انتي سوي بنفسج وباسلوبج تغييرات وحاولي دللي بالحجي واهتمي بنفسج وكوني دائما انيقة ومثلا كل خميس او جمعة سوي ليلة خاصة بيكم وسميهةليلة الحب سويلة اجواء رومانسية والله كلما تدللي وتهتمين بي هو يحبج ويفكر بيج اكثر اني دا اعرف من كلامج مبين انتي ممقصرة ويا بس همين يحتاج بعد هو يمكن ديفكر انو هذا الطفل من راح يجي راح يغير كل شي وحياخذج منة فانتي اثبتيلة العكس بالتصرف

والله يوفقج ويسعدكم يا رب

[:.. مـ,,ـلكـ,,ـة بـ,,ـلا ممـ,,ـلكـ,,ـة ..:]

حبيبتي .. هاي سالفه سالفه سحر وعمل ,, لان مامعقوله هيـج يتغير عليج ..

احسن طريقه اخذي خيرة عند وحده تكشف .. وان شاء الله تسوي الج الحل ..

لان اختي هم مثلـج .. وطلع مسويلها سحر .. وهسه الحمد لله حتى بيت اشترى لها و عايشين عيشه حلوه ..

وان شاء الله ساعدتج بشئ .. ولو هسه يكولون اني خرافيه او شئ ثاني .. بس هذا اللي ديصير بهالزمـن اذا شافو اثنين سعيدين بزواجهـم ..


تقبلي مروري .

[نوره الحب]

حبيبتي انتي لبسيه هسه يرجع طبيعي لتهتمين بيه فد جم يوم يعني سوي نفسج انتي المتغيره مو هوه المتغير و شوفي شلون يرجعلج

[شانو]

شكرا الكم لردكم ومشارمتم بيه بس والله صدكوني اني مهتمه كلش بيه ومدللته بس ماكو فائدة بس الظاهر الا انه اهمله شوية لان هاي الطريقة مامجربتها وشكرا مرة ثانية والله الموفق ِ

[باربي***]

والله صدك جربي اتهمليه هسة هوة من انتي تهتمين بيه عباله هوة لازم يظوج ويحسسج هوة ميحبج تهتمين بيه بس انتي جربي هاي الطريقة واذا مفادت جربت تكعدين وياهه وتحجين وياه بصراحة وتكلليه على كلشي وليش هوة متغير وانشاء الله بالتوفيق

[وردة الحارثيه]

اي صح جربي متهتمين بي كم يوم وشوفي هسه شلون راح يرجعلج مثل قبل...............وانتي حاولي متهملين نفسج حتى لو حامل دائما كوني انيقه ومهتمه بنفسج واحجي ويا حجي ناعم وابتعدي عن المشاكل وهسه اكيد يرجع مثل قبل

[ياقلبي]

شوفي حبيبتي اني قريت مشكلتج والي حسيتة انو ديري بالج اخاف يكون زوجج ديشك بامر معين واني مااقصد انو انت علة غلط ابدا لكن خلي بالج انو احتمال اكو شي اسمة شك ولانو انت حامل مديكدر يصارحج بشي خوفا علة صحتج ...... اما الشي الثاني وهوة احتمال انو كثر اهتمامج بي خلي نكول عفرتة عليج يعني يا حبيبتي اكسري واجبري ....واتمنالج التوفيق والسعادة وياربي تكومين بالسلامة والله يفرح قلبج

[Guest_baghdad]

::27:: الله يسااااعدج شلون موقف انتي هسه..بس حاولي تخترقين تفكيره باسلوبج يعني كعدي احجي ويا بس لتبنين اله انتي شنو تريدين تعرفين خليج طبيعيه اوياربي نسمع منج اخبار زينه موتنسين اتبشرينا

[غصن البان]

شلونكم ياجماعة طبعا اني جديدة بالمنتدى وحبيت اسجل وتحلولي مشكلتي لان والله حايرة بيها


مشكلتي انه صارلي سنه من متزوجة وهسة اني حامل وزجي يحبني بس هسة اني احس انه زوجي مايحبني الحب الي جان يحبني بيها يعني كلش متغيرة تصفاته

والسالفة الجديدة والي مخليتني راح اتخبل من نكعد بمكان يكعد يباوع علية بنظرة كلش قاسية شلون متكولون نظرة كره وقبل كم يوم سئلته انته تحبني كال مااعرف واليوم سئلته اني حلوة جان يكول لا يعني عادية لاحلوة ولا مو حلوة وحتى كلش انقهرت كتله ليش جان يكول غير اكلج الصراحة طبعا احتمال من وره الحمل هو يحس بهذا الشي والله مااعرف وراح اتخبل وماادري شنو احساسه ممكن ادلوني على طريق اكسب حبه ووده مرة ثانية وشلون اعرف هو صدك بعده يحبني لو لا؟؟؟ ساعدووووووووووووووووووني ارجوووووووووكم


احب ان انطي رأيي بالموضوع ..ولو اني لحد الان غير متزوج ...لكن اعرف وسامع ..والحمد لله مطلع على

هيج اشياء ...

اولا :: من اهم العوامل في اخماد جذوة الحب ما بين الاحبة او المتزوجين ..هي مسالة الملل ...

من كثر ما كل يوم الزوج يشوف زوجته والزوجة همين تشوفه ...وعلى نفس الروتين والوضعية والحجي ..

وووووو غيرها من الامور ...يصير ملل ما بين الطرفين ..اكيد ...

الحل هنا شلون نكدر نكسر هذا الملل ؟؟؟

طبعا اكو هواي امور مااريدافصل بيها بس بشكل عام ...

مثلا ..تحاولون ( انتي وزوجك ) تغيرون جو مثلا بطلعة او سفرة لفد مكان كم يوم ..بلكت شوية يصير رفرش ..

او داخل البيت مثلا تسوين ليلة رومانسية بسيطة ..يعني اجواء عاطفية من شموع وشغلات هادئة ..

او غيرها من الامور ...


ثانيا :: حاولي ان تكتشفين نقطة ضعفه شنو ؟؟؟؟ وشيحب هو ؟؟ واكدي عليهه ...وياه ..

لان هذا سلاحج ...


يعني ...هذا بشكل عام
تحياتي الج

[حلوة كربلاء]

حبي لا يجوز انتي بسبب الحمل تحسين هذا الشي وهو يجوز ممتتغير بس انتي متحسسة

بس انتي حاولي تصرفين بعقل وهدوء ولتضنين سوء والله يوفقكم

[الزعفراني البغدادي]

السلام عليكم
يا ريت اول شي تتركين سالفة السحر ما اعرف شنو تر هذا شي كلش مو زين حاولي ويا ومثل ما كالو اذا انت اهتميتي بي وما فاد جربي العكس
وجربي طريقة الغيرة تر الرجال كلش ينزعج من هذا الشي وراح يحسسك بل الحب مثل قبل في سبيل
يبعد الغيرة الي انت راح تشعليها بكلبة
وهم بعد ديري بالك على بيتك هم هذا احسن حل
اتمنالك الموفقية يا ربي