ناديت من الغرب [الأرشيف] - دجلة نت ::: ملتقى شباب العراق

Saydia

09-24-2006, 06:54 PM

ناديت من الغرب محد سمع صوتي
لاابوي لاصحبتي لاامي لاخوتي
بالغربة احس مختنك وارد ابجي واصرخ
ومرات احس انتهت روحي وكرب موتي
اني وجنطتي ارحلت والدمعة بعيوني
لااخو المني جزع لا اهلي ملوني
عفت الدلال ورحت للغربة نص الليل
ودكيت باب الغرب والما يعرفوني
المايعرفك ما ايثمنك والمامجربك ما ايئمنك
درت الشوارع مشي والحيرة بقدامي
ضنتي بهذا المشي تتحقق احلامي
ثاري الشوارع ماهي النة
ووجوه ماهي اوجوه اهلنة
اشجابني للغرب ليش اتركت بيتي
ياقيمتي عد هلي ياهيبتي وصيتي
انة الحنت للضهر متهني بنومي
واحتار وكت العصر شلبس امن اهدومي
راسلت مرة هلي وردت اطي عنواني
بالغربة ابمنمن انة ويابيت يرضاني
ياروحي من هم هلي واشكد رقم بيتي
ومن اجي تعبان انتة ياهو ايتلكاني
صح البشر بالغرب تحجي ويفهمونك
تكعد تروح وتجي بس ما يقيمونك
انتة مجرد شخص متغرب ورحال
عفت اهلك وديرتك وتخضعت للمال
لحضة بعد ما اضل بين الغرب شلي
واسلم على ما بقى من قيمتي احسنلي
خزن ابعيني الدمع يم الغرب مبجيت
وارد ابجي مثل الطفل يم باب بيت اهلي

saydia