رسالة اعتذار الى الاخ العزيز قديس....

[ملكة اور]

سلام عليكم
اخويه الغالي قديس اني حيل حيل اسفه واعتذر الك من كل كَلبي والله صايمه وعفت الفطور وجيت علمودك
انت عزيز واني بينت هذا الشي ببداية كلامي بالرد المشئوم اللي ريتني مضفته
هسه لو تسألهم واحد واحد رح تلكَاهم حاسين بمعزتك عندي ...
بس اني انصدمت بالحجي لان اتباع السستاني همه الشيعه وانت وصفتهم بذاك الوصف...
اني اكره السياسه وأاُمن بحرية الرأي...
بس لمن وصلت الشغله للغيره على الدين اضطريت ان اكتب رأيي الصريح
وفاجئتي بالامر وتره اني اعتذرت منك بنهاية كلامي...
ولو اتدقق بالكلام زين تره اني ما اتهمتك كونك حرامي هو جان تبيان مني على مقدار معزتك واحترامي لحظرتك...
يعني لدرجه وصلت انه مدا اصدكَ هذا انت
وما عاش اللي يسميك حرامي
اول مره رح اسويها بحياتي .... بس انت تستاهل والله محاجيه هاي الحجايه قبل
بس اني متندمه على كل كلمه كَلتها واسحب كلامي
واذا اي احد غلط بحق اي احد فاكو رب اعلم بما في النفوس وهو اللي يحاسب على هذا مو احنه

والله اني دا اكتب وكَلبي ينكَط دم وحيل مقهوره
اعتذر منك مليون مره
واكول للكل لتعتبروها مسألة اهانه للدين هاي المسأله شخصيه بيني وبين قديس
هو وكَفلي هوايه ..... والايام اللي تواصلنه بيها بالمنتدى تخليني ماعندي اصل اذا وكَفت ضده...
اتمنى من كل قلبي ان تقبل اعتذاري واني رح ابقى انتظرك الى ان ترجع وتقبله ومراح اضيف اي مشاركه بالمنتدى
اتمنى اخويه ان تقبل اعتذاري واترجاك واني هاي هم ممسويتها قبل
واسفه اذا خيبت ضنك والله مدا اعرف شحجي وتره اذا مجيت اني بعد مرا ادخل ابد ورح ابقى طول عمري احس بالذنب
واترجاك ترجع تقره اللي كتبته اني تره مكنت احاول اهانتك بي بالعكس والله
::38:: ::38:: ::38:: ::38:: ::38:: ::38:: ::38:: ::38:: ::38:: ::38::
::27:: ::27:: ::27:: ::27:: ::27:: ::27:: ::27:: ::27:: ::27:: ::27:: ::27:: ::27::
اذا صدكَ انت مكنت متوقع هذا مني مثل ما اني مكنت متوقعه الكلام اللي انفهم غلط يطلع منك
اتمنى تقبل اعتذاري واني رح انتظرك

[SniperMan.4ever]

والله يا ملكة انتي تتصرفين هيج لان متريدين تصير مشاااكل
بس لو اموت ما اعتذر لاي احد يسيئ للاسلام ابد ابد
وادري انتوا حفاضا على منتداكم انسد الموضوع
وان شاءالله ميتكرر لان احنة منقبل احد يتجاوز على الاسلام وما اريد اثير نقاش آخر هنا فالرجاء من القديس عدم التعقيب على ردي حفاضا على المنتدى
المهم هذا رأيج وانتي حرة والله يديم المحبة والالفة والله ولي التوفيق

Sniper MAn 4 Ever

[Iraqy]

شباب سوء تفاهم وصار ومحد يقصد ان شاء الله

وكل انسان باعماله الصالحة اذا مسلم او مسيحى او يهودى

وماكوفرق ان شاء الله كلنة اخوة

[I R A Q I 4 E V E R]

بسم الله الرحمن الرحيم ( ولاتهنوا ولاتحزنوا وانتم الاعلون ان كنتم مؤمنين) صدق الله العظيم
سورة ال عمران الاية 113
اني وياك اخوية سنايبر

[Unity of iraq above all]

هلاو شباب
شلونكم انشالة زينين
طبعا احب اكوول شغلة
احنا لازم نفهم اكو فروقات بينا وبين بقية المذاهب والاديان والقوميات
يعني
هسة احنا كاسلام
واحد ديكول علة اللاخ كافر...
ومو مسلم
والخ من النعوت
وواحد ديهجر باللاخ وديكتل باللاخ

ومن خبرتي الشخصية
مرات اشوف ناس بوجي يكلون انتوا كذا وكذا
بس يعني عادي
اتناقش وياهم
اتعارك وياهم ميفيد
بس يعني نضل اصدقاء

انوب اذا شغلة مسيح واسلام
ترة يعني
احنا قبل سنين جان مجانت اكو حزازيات
شتتوقع من مسيحي
يشووف اخوانه المسيح ديتهجروون ؟؟؟ باسم الاسلام ؟؟؟؟ شيفكر علة الاسلام ؟؟؟
شتتوقع لمن كل عمل ارهابي بكل دول العالم الي يطال الاجانب الي همة لا جيش ولا شي
مجرد كونهم مسيح
وتطلع جماعة اسلامية مثل القاعدة
وتكول الويل للكفار
؟؟
يعني شتريد الراي العام المسيحي يصير
اذا احنا اسلام وواحد ديكتل باللاخ
وواحد ديهجر باللاخ

اكو شغلة دتصير
شغلة وراها اسرائيل
كلها دتقوم بعمليات ارهابية باسم الاسلام
علمود تتشوه صورة الاسلام ...
اوكي احنا ندري هذا
احنا ندري رسولنا الكريم صلى لله عليه وسلم شنو افكاره وشنو مبادئه
نعرف رسالتنا الاسلامية ماكو منها بكمالها وعدلها وبعدها عن الارهاب ومحاربة بقية الاديان

بس البقية ميدرون
ديشووفون الي ديشووفه
اوكي هذا مسلم
اذن المسلمين ارهابين وقتلة

بس احنا لازم نوعي الكل
انه الرسالة الاسلامية
والرسول محمد (ص)
بعيد كل البعد
عن الارهاب وقريب كل القرب من المحبة والعدل واحترام بقية الاديان
الذنب علة المسلمين او الي يحجون بالاسلام
وباعوا دينهم وشوهوا وصورته
كدام الكل

احنا لازم نصير ايد بايد ضد كل هالشغلات الطائفية
وننشر دينا بالطريقة الصحيحة

نعم منقبل احد يحجي علة ديننا
بس رغم ذلك
العلاقات لازم تستمر
والصداقة تستمر
اتبعوا كلام القران
(لكم دينكم ولنا ديننا )
ها هية منتناقش وياهم بالدين
احنا مختلفين بالتفكير
راح نسمع منهم الي مراح يعجبنا
وراح يسمعون منا اشياء ميصدكووها

بالنسبة لملكة
اور دتعتذر لقديس لانة همة بيناتهم احترام ومودة
مو شغلة دين
لا شغلة هوة فهم كلامها غلط هوة افتهم غير شي
ترة ملكة اور انسانة حساسة ومتحب تزعل احد
وكلام موجه الى قديس
اريد اكلك والله
ترة
ملكة اور كلش مقهورة وبس تبجي لانه زعلتك حته مفطرت من القهر
وانته عزيز عليها مثل الاخو وترة هية كالت الي كالته رد فعل طبيعي
مثل ما انته اذا احد حجة علة مذهبك تدافع حته لو كدام صديقكك العزيز
هية هم هيج سوت
وانشالة ماكو زعل

مشكورين
وكلنا اخوة رغم اختلافاتنا ووجهاة نظرنا المختلفة
بس انشالة بعد محد يجرح باحد

[SniperMan.4ever]

هسة احنا كاسلام
واحد ديكول علة اللاخ كافر...
ومو مسلم
والخ من النعوت
وواحد ديهجر باللاخ وديكتل باللاخ



اختي رجااااااااااااااءا لا تنسبين مثل هيج اعمال للاسلام زين
ولا تشمتين بينة القوميات الاخرى
ووراح اكلج حديث اتمننى ان تستفادين منه وتغيرن وجهة نضرج عن المسلمين
قال الرسول الكريم محمد صلى الله عليه وعلى آله وصحبه وسلم
((من كفر مسلما فقد كفر ))
صدق رسول الله

هاية من باب



بالنسبة لملكة
اور دتعتذر لقديس لانة همة بيناتهم احترام ومودة
مو شغلة دين
لا شغلة هوة فهم كلامها غلط هوة افتهم غير شي
ترة ملكة اور انسانة حساسة ومتحب تزعل احد


الباب الثاني هذه وجهة نظرها لملكة اور يعني آني ما احب ازعل احد هم
بس اذا حجى على ديني وايد من تكلم على الرسول والله ازاعلة وليوم الدين حفاظا على ديني
لاني سوف اسال يوم القيامة عن كل هذا
والعزة لله والمسلمين




احنا لازم نصير ايد بايد ضد كل هالشغلات الطائفية
وننشر دينا بالطريقة الصحيحة

نعم منقبل احد يحجي علة ديننا


اي اكييييييييييييد وخصوصا الاقتباس الاول يدل على انج متحبين احد يحجي على دينج بدليل انتي نفسج كلتي عليه احنة المسلمين واحد يكول للاخ كااااااافر مع العلم برء الاسلام من هكذا افعال وارجعي للحديث


الله اكبر والعزة لله والمسلمين
الله اكبر العزة لله والمسلمين
الله اكبر والعزة لله والمسلمين


Sniper Man 4 Ever

[فلاح بالمنطقة الخضراء]

شكرا لردودكم يا ياسر و حسام و اتفق معاكم 100%

[فلاح بالمنطقة الخضراء]

كلامك ذهب اخوية سنايبر و دتنور المنتدى

[I R A Q I 4 E V E R]

والله انت منور المنتدى بردودك سنايبر انت ورد واني اتفق وياك وتبا لمن يمس الاسلام بسوء

[I R A Q I 4 E V E R]

ياملكة اور العزيزة الغالية قبل متبجين ولو انتي بجيتي مثل مكالت العضوة السابقة راح اكلج سالفة قديس كاتبهة بالجديد تدرون شكاتب يااعضاء ان رأيه بالدين الاسلامي انه سيء
شتترجون من هيج واحد وانتي تقبلين ياملكة اور ان تقاطعي المنتدى علمود هيج شخص لا والله مااعتقد
واكلج شغلة الصداقة والاخوة وحد ونبينة واسلامنة وحد واسف ياملكة ولتاخذين كتاباتي بمعنى التهجم عليج بس اني هيج كتبت بسبب حرصي عليج

[فلاح بالمنطقة الخضراء]

حسام كلامك كله صحيح و ياريت لو تفهم قصدك ملكة اور

[Hidden Dragon]

لا ما كو اي داعي للاسف ملكة مدام هو يحجي على غير مذاهب ودي ايفرق بينهم

[I R A Q I 4 E V E R]

حسام كلامك كله صحيح و ياريت لو تفهم قصدك ملكة اور
والله يابراء شكلك يمكن هية ضايجة مني اشو تشكر كل الاعضاء الي كتبولهة بموضوع اخوية سنايبر بس الية مكاتبة شي ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

[فلاح بالمنطقة الخضراء]

لا بالعكس حسام ما اتصور ملكة تزعل منك لان لو تريد تزعل جان زعلت مني اني بس هية تعرف انه كلامي و كلامك كان المصلحتها

[فلاح بالمنطقة الخضراء]

مو لو مو مو ملكة ؟؟؟؟؟

[ملكة اور]

سلامي وتحياتي للكل
اسفه على التأخير بالرد ...وكل رأي على راسي واحترمه
وابد مزعلانه من احد حظرتك تعرف كلش زين اني ما افكر بهذا الشكل وما ازعل هيج لحالي
واذا زعلت لاسامح الله اروح واحچي....
وممنونه لاخويه براء واگله اكيد مووووووووووووو
واحنه كلنه اخوه ومشكورين مره ثانيه للكل
::13::

[I R A Q I 4 E V E R]

مشكورة ملكة على روحج الرياضية

[اسير عينيها]

سوء تفاهم

واكيد ملكه مو قصدها الي فهمه قديس