العراق لو الاردن

[كوكو شاد اوغلو]

السلام عليكم اخوان
شباب اذا ارجع للعراق اكمل دراسة احسن لو الاردن انتوا شتكولون اني بالخارج مااكدر احكم
اريد اعرف ظروف الطريق واللبس والخبصة
اني بالاردن مرتاحة من ورة الكهرباء والمي بس عندي استعداد ارجع للعراق لانه بلدي اتحملة رغم كلشي
بس المشكلة ابقى الصيف هم لو اشون
اضيف الا انه اني وحييدة وصديقاتي هل السنة تخرجهم وراح اتخبل بكل الاحوال
شتكولون::27::

[ALI SALAM]

واللة العراق محد يكدر يعوفة بس هسة ميراد
والصيف اجة وكهرباء ماكو وماي ماكو
وخطف وقتل وذبح و الهونات كل يومية
اليوم وكع ورة بيتنا واحد
نصيحة لتجين ابقي برة احسن
خل يستقر
الوضع شوية وعود تعاي

[rose of iraq]

والله اني هم بمصر واريد ارجع اداوم بكليتي بس الوضع كلش مو زين
فلترجعين احسن شي ونصبر والله كريم

[نوره الحب]

هسه مو وقت رجعه الظروف مامستقره بس الله كريم

[Murad_kudret]

السلام عليكم
تسمعين حجي اخوج
داومي هل السنة
والسنة الجاية ارجعي لوطنج
لان مهما كان الظروف مو زين
فان الاقدار بيد الله تعالى

اخوكي في الله
مراد قدرت

[مراكو]

ياعيوني اني رأيي تروحين لاي مكان بس مو للعراق لان الوضع تعبان

[الزعفراني البغدادي]

والله عمي بكيفك اذا انت تحسبين للبس والطريق وما تفكرين على الاقل اهنا وي اهلك العراقيين يعني بكل الاحوال اقبل بعشتي وي العراقيين
تحياتي

[MAYSZAID]

عزيزتي اني رايي اتداومين السنة بلاردن وتحمليها شلون ماجان وانشاءالله تفرج بالعراق ونرجع كلنا لدوامنا ونداوم السنة الجاية ببغداد مندري كلها بيد الله وانشاءالله خير تحملي واصبري كلنا العراقيين بها الدرب

[زين الدين زيدان]

مشكوررررررررررررررررررررر

[اسيرة ولكن]

اني اكول الاردن احسن
وانت بكيفك بعد

[القاضي007]

اني اكول شنو فرقج عن العراقيين الي موجودين بالعراق هسة ودة ايدامون ويروحون ويجون وانتي كاعدة بالاردن تفكرين باللبس والطريق ومتحملة كل هاي الاهانة من الحكومة والشعب الاردني الي دنشوفها كل يوم بالتلفزيون مو عيب لشوكت يبقى العراقي يتحمل الكلام والاهانة من طكوع وبكوع الافضل ترجعون للعراق وتبنون العراق وتحموه وترجعوه احسن من الاول انشالله ولو شي صعب بس المهم المشاركة ليش كل واحد كاعد برة وايكول اني معليه وحتى اذا الوضع بمطقتكم مو زين اروح لغير منطقة او لغير محافظة يكون الوضع بيها احسن ولاتكولون كل العراق تعبان لالالالا اكو هواي مناطق ومحافظات امينة بالعراق وتتحملون احسن من الوضع الي عايشين بي هناك بالدول العربية والاجنبية عايشين بالمانية

[انتقام الوردة]

العراق لو زين احنا كلنا نبوس ترابة ونرجع الة لعد شجابرنا على الغربة عيوني
الله يهنونها علينا ابقى بلادرن احسن الج والله العراق مو امان صاير الله يعيين

[تــــوفــــي العراقــــي]

والله اني هم بعمان
والحل ابقي هنا ولو العراق احسن
بس شنسوي من يصير الوضع زين نرجع كلنة

[الدلــ نانوشة ـــوعة]

اني اكول نفس كلام توفي(مصطفى) وبعد ماعرف بكيفج بعد

[سعد نجم]

والله ان اكول كملى بالاردن احسن ومن تخلصين رجعى انشالله الله يسهليج