تبادل المعلومات بين طلاب الهندسه [الأرشيف] - دجلة نت ::: ملتقى شباب العراق

ابو القسوه

03-29-2007, 10:30 AM

السلام عليكم ورحمة الله وبركاته هذا الموضوع طرحته لاجل التغلب على المشاكل التي تصادف طلاب وطالبات كلية الهندسة بمختلف اقسامها وذالك عن طريق طرح المشاكل العامه والخاصه بطلاب كليتنا العزيز
وحول تبادل المعلومات العلميه والمشاكل التي تحصل في الكليه وكيفية التخلص منها وذلك بتعاون طلابنا الاعزاء واجراء المناقشات حول ذلك
اتمنى من طلابنا الاعزاء طرح مشاكلهم هنا
أخـــــــــــــــــــــــوكـــــم
تحياتي ابو القسوه

SPARK £nG

03-29-2007, 10:49 AM

مشكور اخويه ابو القسوه على الموضوع الحلو والمفيد وان شاء الله نعرض مشاكلنه ومناقشاتنه
بكل صراحه والحوار يكون بناء بين اقسام كليه الهندسه

اخوك سباركككككككككك

الهندسه المدنيه

03-29-2007, 12:11 PM

وعليكم السلام
مشكور اخي على الموضوع الهادف
وان شاء الله الكل يستفيد....

ميكانو

03-29-2007, 02:00 PM

ادللو اني موجود مهندس ميكانيك ومتخرج بس سألوا

ابو القسوه

03-29-2007, 03:19 PM

شكرا لمروركم وتعاونكم وان شاء الله نعرض جميع المشاكل الموجود واليه يعاني منه الطلاب والطالبات

الحزينه

03-30-2007, 08:52 AM

والله اخويه عاشت ايدك على هذا الموضوع الرائع وخصوصا الهندسه كلها مشاكل الله يعينه عليها

ابو القسوه

03-30-2007, 01:21 PM

اليوم راح نطرح اول مشكله هي تقليل ساعات الدوام على حساب الماده المعطات ووكثافت المحضرات
حسب الضروف الحاليه التي تعاني منها جامعت الانبار قصرت ساعات الدوام مع اعطاء محضرات بشكل كثيف في كليات الهندس وهذا امر سلبي فمى هو الحل ؟

الحزينه

03-30-2007, 06:52 PM

والله الحل عند الاساتذه ومتاكده ما وراهم حل لان هم اهل المشاكل

ابو القسوه

03-31-2007, 10:12 AM

بس احنه كطلاب الجامعة لازم يكون لنا دور مهم في هذه الحياة حتى ما نبقى لا منها ولا عليها

SPARK £nG

03-31-2007, 10:18 AM

اخويه ابو القسوه الطريق مو زين والسيطرات تنسد فطلاب الفلوجه والرمادي يعانون من هايه الشغله

وثانياََ الامريكان وارتالهم اللي تسد الشوراع سبب في تأخير الطلاب عن الوصول للجامعه وهذا شي معروف

اللي نرجوه من الجامعه هوه عدم اعطاء مواد مركزه بوقت قليل لان الحمل هوايه داه يصير على الطالب
وداه نعاني من هايه المشكله

تقبل مروري ورأيي

ابو القسوه

03-31-2007, 10:40 AM

صح لاكن لازم نكون اقوى من الضروف

SUPER ROSE

04-01-2007, 10:36 PM

والله مشكور اخونا العزيز على طرحك لهاي المشكلة .......... والله معاناتنا لهالمشكلة تقريبا ماالها حل ....بالاضافة الى كثافة المحاظرات الامتحانات المستمرة ماكو اسبوع يمر اذا مو 3 الى 4 امتحانات بيه ومرات كل ايام الاسبوع ......... زين اذا احنا كل يوم امتحان شوكت نكدر نقره محاظراتنا الكثيفة واتصورو مرات نوصل متأخرين والدوام متعب يعني الواحد من التعب ميكدر يقره وكل هاي المسائل تجي الاسئلة صعبة والدرجات موزينة............ يعني تقريبا هواية مشاكل كاعد تصادفنا وخصوصا احنا طلاب الهندسة يشدون علينا حيل حيل............ومشكور اخوية على هذا الموضوع.

ابو القسوه

04-02-2007, 11:56 AM

حقك سبارك اني وياك بس هي مشكل تجر مشكل اذا ماعلجناه راح يصير تراكم مشاكل ومحاضرات

جروحي الشرير

04-02-2007, 02:19 PM

موضوع كلش حلو
واني عندي بس مشكلة كشك الهندسة اموتني صاير مو كشك سينما هههههه
تحياتي,,,,,,,,,,,,

النقاء

04-02-2007, 02:35 PM

ايييييييييييييييييييييييييييييي والله اخ جريح دك الكبلالالالالالالالالالات وياريت عاد من الهندسه بس انكول الله يصلح الحال
اميييييييييييييييييييين

eng_aso

04-02-2007, 04:19 PM

اي صدكتوووووووو بهاي
اكره ما اكره الكشك وياريت صاير بس للكلية مالتنا جامع كل ولد وبنات التربية والاداب بلكي احد يعالجنا هاي المشكلة

المجهول

04-02-2007, 05:32 PM

موضوع كلش حلو
واني عندي بس مشكلة كشك الهندسة اموتني صاير مو كشك سينما هههههه
تحياتي,,,,,,,,,,,,

اول شيء احب احيي الاخ العزيز ابو القسوه على طرحه لهذا الموضوع الرائع
واعلق عليه ولو اني متخرج
بس المشكله الي مطروحه هي خمشكله كثافه المحاضرات
طبعا اذا الاستاذ كاعد بحلك الكليه لايعاني من سيطره ولا من طريق

وميرف الدنيا وين صايره

وهي اولها وتاليها واكعه براس الطلاب

والله كريم

واحب اعلق على الجريح
ولك هو منو الي يكعد بالكشك غير جماعتكم اهل الاداب هههههههههههههههههه

ابو القسوه

04-03-2007, 10:41 AM

موضوع كلش حلو
واني عندي بس مشكلة كشك الهندسة اموتني صاير مو كشك سينما هههههه
تحياتي,,,,,,,,,,,,

السلام عليكم اخي الجريح كلامك صح لانه صاير سينمى وليس كشك لبيع الملازم بس منو هم اليه يگعدون بيه هل هم شباب الهندسه وشابات الهندسه لاه بس ما اريد اذكر اسماء الاقسام الي هم بيه
اشوف هلشي فد ظاهر غير حضاريه لجامعة الانبار وهذا يضهر الوجه السيء لهذه الجامعة

ابو القسوه

04-03-2007, 10:51 AM

السلام عليكم اني كطالب في جامعة الانبار كلية الهندسه اشوف ان طلاب الهندسه ميگفون بهذا الكشك وانمى هو بس اسم كشك الهندسه فقط وياريت يصير بس لاجل الاستنساخ لانهو لمن اريد ملزمه اطر الى
التدافع واحتمال احصلي ضربه من بنت او ولد صايره ملحمه اهناك تعالو وشوفو واحكمو

ميكانو

04-03-2007, 11:27 AM

بعده الكشك على هاي الحاله
الحمد لله تخرجنا
سلمونا على عامر ابو الكشك

SPARK £nG

04-03-2007, 12:19 PM

شكرا لأخويه الورده ابو القسوه (شكد قاسي)

على الموضوع البناء

الكشك صار مكان تجمع الشباب لأغراض وانتوا اكيد تعرفوها

اريد اكول شغله لهذوله الشباب (عيب عليكم ماتستحون علي دمكم هذوله البنات مثل خواتكم
تجون وتتجمعون وتتفرجون واحتمال تشغلون موبايلاتكم وتشغلون اغاني واحتمال تصورون بنات بالكاميره مالت الموبايل ان لله وانا اليه لراجعون شويه اخلاق وغيره )

شكرا اخويه ابو القسوه على الموضوع والمشكله الجبيره اللي طرحتها
تقبل مروري سبارك اوساااااااااااااا

ابو القسوه

04-04-2007, 12:33 PM

اخي سبارك عندك حق اكو هاي المشكل وهي الموبايلات الي يستعملونه غلط بغلط شنو يقصدون بهلشي

mr_elec_eng

04-04-2007, 12:47 PM

السلام عليكم اخي ابو القسوه اشكرك واتمنى الك الموفقي واني اهنيك على هل موضوع الرائع تشكر علي بس عندك حق انتشرت في الاون الاخير الموبايلات واستعماله الغلط واتمنى التعليق بشكل كامل على هلمشكل

mr_elec_eng

04-04-2007, 12:55 PM

اريد اطرح مشكل اخي ابو القسو اذا تسمح الي ان طالبات وطلاب كلية الهندسه مابيناتهم تعاون وهنالك حزازي قويه بيناتهم وعداوه ولايتعاونن مع بعض مثل الكلياة الباقي مثل متشوفون

SPARK £nG

04-04-2007, 12:59 PM

اهلين ماستر كهرباء ممكن تعرفنه على حضرتك

ابو القسوه

04-04-2007, 01:20 PM

اهلين اخوي سيد الكهرباء الى عائلتنه المتواضعه في قسم الكهرباء

mr_elec_eng

04-04-2007, 01:28 PM

اشكركم اخواني سبارك وابو القسوه هذا من اصلكم الطيب

ابو القسوه

04-04-2007, 01:29 PM

انت بيامرحله تدرس سيد الكهرباء

mr_elec_eng

04-04-2007, 01:29 PM

اني ثاني كهرباء

ابو القسوه

04-04-2007, 01:30 PM

اتشرفنه بيك وكل الهلا

ابو القسوه

04-04-2007, 01:33 PM

علشان تعاون الطالبات والطلاب سبب ان البنات ينغاضن من الولد نفس الشي بلنسب للولد ومافي تعاون بيناتهم اطلاقن

ندى الورود

04-05-2007, 07:33 AM

السلام عليكم بالبداية اهنيك عالموضوع الراقي
وثاني شيء بالنسبة لمشكلة المحاضرات احنه من المنطقة الغربية وجينه متاخرين واذا الاستاذ ما مخلي محاضرة ما ناطيهه ولحد الان ما ملحكين لذلك الحل بايد الاستاذ
وبالنسبه للكشك ومثل ما كالو بقية الاعضاء صاير مو كشك الهندسة وانما كشك كشكول
والصراحة الحل ما اعرف شلون
يالله بس الله يعدي السنة على خير وننجح

اختكم ندى الورود

النقاء

04-05-2007, 07:50 AM

والله مو اهل الهندسه الي بي هم اهل الهندسه ايلحكون يطلعون من المحاظرات علمود يكعدون بالكشك الى منسوب الهم بس بالاسم والله عيب هل التصرفات واحنه هم منريد انلوم احد لان الطلاب كبار وعدهم عقل ويفكرون وتصرف كل شخص هو مرأة تعكس اخلاقه .........يابه الي متقيده اخلاقه ما ممكن ايقيده كلام الناس وجزاكم الله الف خير على هاي المناقشات الهادفه وان شاء الله ربي يصلح الحال ونكمل على خير هاي السنه ان شاء الله
اخوووووووووووووووكم النقااااااااااااااااااااء

جروحي الشرير

04-05-2007, 09:14 AM

هلوووووو تدرون اني مو من الهندسة بالبداية بس عندي كرايبي بالهندسة تصدكون كل ما اجي عليهم محاضرة محاضرة ويعني والله كل ما اشوف هالحالة اصفن شويه ويعني اعتقد هاي ما موجودة الا بالهندسة وان شاء الله الله ينطيكم طيلة البال
ويوفقكم ,,,, وتصبحون ثمرة يانعة لهذا البلد الجريح
لكم تحياتي,,,,,,,,,,,,,,,,,,,,,,

ابو القسوه

04-05-2007, 03:32 PM

السلام عليكم

اختي ندى الورود اشكرك وحياكي الله انتي واهل الغربي كلهم احنه كلنه من الغربيه اما بلنسبه الى المحاضرات هذي مشكله يعاني منها الطلاب عام بسبب الظروف الامنيه المتدهور وان شاء الله تتحسن
واخوانك بقسمك ان شاء الله ميقصرون وياكي وايد بايد نتساعد لانه احنه هم وگفنه ويه الطلاب والطالبات اليه تاخرو بلدوام هذي اخلاقنه وشيمنه والله يساعدك

اما انت اخوي النقاء كلامك صحيح بس احب اقلك هلسالف
كنت اسمعت لو ناديت حيا لكن لاحياة لمن تنادي
والله كريم يصير حل

اما انت اخوي الجريح احنه ندرس علشان نبني وطن وربك يساعدنه علشان نرجع بيه الى الامام كما كان ع
ويشهد له التاريخ وربك يساعد

mr_elec_eng

04-05-2007, 03:45 PM

السلام عليكم اضم صوتي الى صوة اختي ندى الورد ان احنه جينه متاخرين والساتذه ميقدرون الوضعنه وميعذرون بس شهاد لله انه اكو اساتذه متعاونين ويانه بشكل جيد بس لازم يلكونه حل اشكرك اخوي ابو القسوه
وتحياتي الى الجميع

الشاب الوسيم

04-05-2007, 03:56 PM

والله الله يساعدكم بس ابو القسوة وسبارك والله مدمرينة البيت من الاوراق من كثر القراية
بس يقرون ويوسخون والله يساعدنة عليهم
تحياتي<<<<<<<<<<<<<<<

ابو القسوه

04-06-2007, 01:57 PM

ههههههههههههههههه مشكور خوي شاب الوسيم بس مو فضحتن هههههههههههههههههه

الهكراوي

04-07-2007, 06:06 PM

هههههههههههههههههههههههههههههههههااايي يله معلي شي صيرو انتو اكبر من هالشي وعدوها على خير

ابو القسوه

04-08-2007, 10:26 AM

السلام عليكم وحياك الله خوي الكهراوي بس لازم معندك مشكل فما طارح مشاكلك والله يجعلك دوم بدون مشاكل بس اتمنى من اخوتي الاعزاء انه اذا فيه عندهم مشكله انه يطرحونه حتى نتناقش بيه ونعرف ايش يعانون منه مع التمنيات لكم بحيات خاليه من المشاكل

النقاء

04-08-2007, 02:30 PM

السلام عليكم اهل الكهرباء انريد منكم حل هل المشكله مال المكائن؟؟؟؟؟؟؟ والله دمرتنه وكلشي منفتهم ومندري شنو الاسئله والحل شنو برايكم؟

ابو القسوه

04-09-2007, 11:00 AM

بلنسبه الى المكائن المرحله الثاني احد اخوان الطلاب قام اليوم بشرح الفصل الرابع وباكر تعهد بشرح الفصل الخامس امى بلنسب الى استاذ الماده قمت بمراجعته اكثر من مات مره من غير فائده بس مابقه غير التعاون بين الطلاب والقظاء على هذه الحزازي والعدوانيه بين الطلاب وطالبات المرحله الاول والثاني والثالث اني مشايف هيك عداوه قبل يعني والله ماعرف اشكول 000000

ابو القسوه

04-09-2007, 11:03 AM

متواعد ويه الفرح* والوعد صار سنين* لامر عليه بحلم*ولاشفته شوف العين* ناشدت وين الفرح* كالولي متأسفين*ممنوع هسه الفرح* عن العراقيين

ارجو التعاون بين الطلاب اخوكم ابو القسوه اخواني في المرحله اللاول كهرباء انقطعت احدى الخوات عن الدوام فلمن عاودت الدوام رفضن الطالبات اعطائه المحظرات فما تفسير ذالك 0000000000000

النقاء

04-09-2007, 08:27 PM

الله كريم واريد اكولاهل الرمادي حيييييييييل اتاثرم من الاوضاع وميلحكون ياريت احد ايقدر
ونريد تعاون من الطالبات والطلبه

ابو القسوه

04-10-2007, 01:36 PM

الله كريم تتحسن الاوضاع متضل هيك

البحر ينسى غريقه والورد يفقد رحيقه بس الوفي عمره ما ينسى صديقه

النقاء

04-11-2007, 07:30 AM

السلام عليكم اهل الكهرباء المرحله الثانيه خصوصا
امتحنتوا دوائر اليوم؟ وشنو اخبار المكائن ما كالم شي مهم الطلاب الاساتذه والسؤال الي كال عليه استاذ حاتم هو السؤال الثالث من الشيت الثالث؟
ومداومين الطلاب اهل هيت ؟ واهل الرمادي؟
الله عليكم اي شي اي كلمه اتفيد عن المكائن اكتبوهه واشكر ابو القسوه جزيل الشكر والله ما لمست تعاون من اي طالب وطالبه وكلما اسال على شي ما اعرف وما ادري هاي الردود مال الطلبه
الله كريم وربي يسهل ان شاء الله ونطلع من هل المحنه هاي مال الثاني
وجزاكم الله الف خير
ومنتظر الرد مالكم ان شاء الله

SPARK £nG

04-11-2007, 01:59 PM

اي النقاء عرفتك منو هههههههههههههههههه اليوم انت مو حاضر هههههههههههههههه

عرفتك اليوم ما امتحنه دوائر وبالنسبه الي اني بالدوائر زين وحتى لو ممتحنين اني ما امتحن

النقاء

04-11-2007, 03:35 PM

اشكرك سبارك
والله يجعلك ان شاء الله لانك زين بالدوائر لان اكيد انت حاظر المحاظرات مو مثل بهذلتنه
واتنمنى الى جميع طلبه الكهرباء والالكترون الموفقيه من الله ويسهل الامور الى كافه الطلبه
وننجح من الدور الاول ان شاء الله
وجزاكم الله وهداكم الى ما يحبه ويرضاه
اخوكم النقاء

احمد الساطوري

04-12-2007, 03:36 PM

::39:: السلام عليكم اشلونك اخويه اني اشكرك على هذا الموضوع الذي قلت عنده والله يحفظ الجميع وخصوصا الطلاب
اي صدكتوووووووو بهاي
اكره ما اكره الكشك وياريت صاير بس للكلية مالتنا جامع كل ولد وبنات التربية والاداب بلكي احد يعالجنا هاي المشكلة

احمد الساطوري

04-12-2007, 03:44 PM

السلام عليكم انا مشترك جديد احب اتعرف عليكم وجزاكم الله بخير على هذا الموضوع مال الطلبه تمنياتي لكم بالتوفيق

النقاء

04-12-2007, 04:08 PM

وعليكم السلام حياكم الله
اي والله حيل مشكله هل الكشك وشنو الحل برايكم؟
::27:: ::27:: ::27:: ::27:: ::27:: ::27:: ::27:: ::27:: ::27:: ::27:: ::27:: ::27::

احمد الساطوري

04-12-2007, 04:10 PM

السلام عليكم اخواني انا مشترك جديد كيف حالكم ان شاء الله بخير وجزاكم الله بخير على هذا الموضع الذي تناولتم ذكراه واتمنى لكم بالموفيقه

ابو القسوه

04-14-2007, 11:07 AM

السلام عليكم اخواني وخواتي فعلن اليوم يومك ياعراقي اشلونه اسالة المكائن

ابو القسوه

04-14-2007, 11:09 AM

بلنسبه الى اليوم الاستاذ جاب اساله ميريد احد يحله ويمكن اذا انطاني خمسين كلش زين ورحم الله والديه واول ماده اريد واتمنى بيه الخمسين

SPARK £nG

04-14-2007, 11:10 AM

وعليكم السلام اليوم اسئله المكائن صعبه كولش وكلشي ما جاوبت صالي ثلاث تيام اقره وبالتالي ما اجاوب
الغلط مو مني من الاستاذ نفسه وكل الطلاب اللي ويايه ما جاوبو

على كلِِ ان شاء الله نعوض على الامتحان الجاي لومه الجاي اصعب بهوايه

ابو القسوه

04-14-2007, 11:11 AM

يله اني رايح اليوم مشغول حيل حيل باي شباب وشابات

SPARK £nG

04-14-2007, 11:13 AM

بالنسبه للكشك (اكتبو لافته فقط للطلاب وليس هناك مكان للطالبات ) وهذا الحل يعني اشوفه زين
ومناسب كولش لان كل يوم جاي يصير زحف من قبل الطلاب على مكان الطالبات

ابو القسوه

04-14-2007, 11:13 AM

ايو الله يساعدك سبارك كتلتنه القرايه البارحه والقبله وبدون فايده

ابو القسوه

04-14-2007, 11:15 AM

صح انه اليوم شفت هلشي وربك يرحمنه

ابو القسوه

04-14-2007, 11:17 AM

تهون وتفرج ومتضل هيك

SPARK £nG

04-14-2007, 11:24 AM

هلاو يا قاسي الله معاك بس كول لأستاذ المكائن خلي يخاف الله

النقاء

04-14-2007, 11:28 AM

الله كريم تفرج ان شاء الله متضل هيج والله 3 اقره وما كو فايده الا يصلح الجميييييييييييييييييييييع ان شاء الله ونخلص هاي السنه على خير

ابو القسوه

04-16-2007, 10:14 AM

السلام علي ربكم كريم كم اشلونكم شباب وشابات الهندسه اليوم والله معنوياتي زينه بس مدري خايف من تاليه بس الله كريم

SPARK £nG

04-16-2007, 10:19 AM

اهلين ابو القسوه

شلونك ان شاء الله بخير شنو صار اليوم بالقسم اني اليوم ما جيت على الجامعه

ابو القسوه

04-16-2007, 10:31 AM

ههههههههههههههههههههههههههههههههههههههههههههه ههههه شنو انت سبارك

الحاصوده

04-17-2007, 05:25 PM

شلون شباب وصبايا الهندسه شلون الكهرباء وياكم الله يساعدكم على المكائن
سبارك وابو القسوه كاموا ياكلون محاضرات المكائن اكل مو طبيعي ومسخين الغرفه ومكضيه كله قرايه
الله يساعدنه عليهم ويساعدكم على المكائن

تحياتي----------------

SPARK £nG

04-18-2007, 02:03 PM

هههههههههههه الحاصوده شنو انته ليش هالحجي يا الحاصوده والله اني ارتب الغرفه بس خويك ابو القسوه يكتب بهالمسوده ومو ملحك اعذرني الحاصوده
صحيح انت شعليك بغرفتنه روح رتب غرفتك عود تعال علينه

ابو القسوه

04-18-2007, 03:01 PM

مشكور حاصوده على مشكلتك الرهيبه والله مشكله صعبه وما الها حل ههههههههههه
لانه ماترهم بدون شخابيط ومسودات ولحد هسه صارف 5 بندات ابو 300 ورقه بس على الشخابيط
والخير لقدام

SPARK £nG

04-20-2007, 01:10 PM

والله استاذ عناد طاك من وراك ابو القسوههههههههههه

вєlїєvє me abu alkaswa

ابو القسوه

04-20-2007, 01:23 PM

ليش حبي سبارك علمود الاستنساخ

ابن العراق الموحد

04-29-2007, 09:37 AM

السلام عليكم ايش اخبار الهندس

الحزينه

05-01-2007, 03:48 PM

بالنسبه للكشك (اكتبو لافته فقط للطلاب وليس هناك مكان للطالبات ) وهذا الحل يعني اشوفه زين
ومناسب كولش لان كل يوم جاي يصير زحف من قبل الطلاب على مكان الطالبات

هههههههههههههههههههههههههههههههههههههههههههههههه والله صحيح صح لسانك

الحزينه

05-01-2007, 03:50 PM

موووووووووووووووووووووووووووووووو زينه ومطيح حضنه الميكانيك يبوووووووووووووووووووووووه

الحزينه

05-01-2007, 03:55 PM

المبرمجه

05-01-2007, 04:20 PM

مشكورين على الموضوع ولو اني مو وياكم بس احب اتعلم منكم

king of rose

05-02-2007, 02:00 PM

عاشت الايادي على هذا الموضوع الجميل

واني كلش معجب باهاي الصراحه

فعلا رررررروعه

ابن العراق الموحد

05-02-2007, 05:48 PM

والله يلحزينه دمرتنه الهندسه والله شيبنه من وراه اوف اوف

معذب البنات2

05-17-2007, 11:42 AM

يا طلاب كلية الهندسة ارجو ان تساعدوني في تقارير درس الورش الهندسيه لاني لم اقدم اي تقرير واخر يوم هو الاثنين القادم مابقى وقت ساااااااااااااااااااااااااااااااااااااااااااااعدون ـــــــــــــــــــــــــــــــــــــــني
اذا تريدون الاجر
اني بالمرحلة الاولى قسم السدود

eng_omar

05-17-2007, 05:50 PM

جزاك الله اخي والله هذا خوش مو ضوع ويستحق واحد يكتب عليه والله ما عندنا مشاكل بس المواد والاساتذة ومع الاسف الاساتذة ابد مايقدرون الوضع بس احنا اريد من الله ايساعدنا منريد من البشر وانكول الله كريم ودنيا دوارة

سامر الانباري

05-22-2007, 04:40 PM

ان شاء الله المشاكل كلها راح تنحل والوضع راح يتحسن

ابن العراق الموحد

05-23-2007, 02:09 PM

نستنه على السنه القادمه ونشوف

ندى الورود

06-01-2007, 01:57 PM

موضوع كلش راقي ويحتاج مناقشة بس مع الاسف محد يسمع
والله احنه نطلع من المحاضرة ونروح للكشك وما نلكه مكان نكعد ونرتاح بيه
لان صاير كشك للطلاب فقط واللي اصلا مو من الهندسة بس يللا الله يسامحهم وان شاءالله عالسنه الجديدة كل شيء يصير احسن

ندى الورود

06-01-2007, 02:05 PM

سيوفي البغدادي

08-03-2007, 07:03 AM

مشكور على الموضوع

مستبدة البناء والانشاءات

08-07-2007, 03:28 PM

والله ياعيني دراستنة كلهة كلاوات الي يريدون ينجحو ينجحو,,,بس ويامن تحجي.... الله كريم

ابو المر2

08-11-2007, 03:29 PM

مشكور يا ورده عى هدا الموضوع
تحياتي اخوك
ابو المر الراوي

09-03-2007, 09:05 AM

شنو هذا الموضوع بيجنين وكلام عذب ورقيق الكلام

صقر الكهرباء

09-18-2007, 10:59 PM

مثل مكال الاخ سبارك صحيح حجيه

ابن الـــغربية

10-12-2007, 04:48 PM

شباب شكد يقبل المدني .... يعني جم طالب كل سنة

ابو سوسو

10-13-2007, 12:05 PM

مشكورررررررررررررررررررررررر حبيبي على هذا لموضوع

المهندسه85

11-08-2007, 06:05 PM

هلوووووووو شلونكم عذروني جيت متأخره
بس قريت اسم الموضوع علمود مشكلات طلاب الهندسه
اني تخرجت من كلية الهندسه/قسم ميكانيك
اي شي تحتاجو اني موجوده عن طريق المراسله اكدر اساعدكم باي معلومه
تحياتي للجميع
المهندسه85

aaaaaabb

11-08-2007, 09:49 PM

تحياتي للمهندسة 85
اني خبلتني الهندسة
اريد تساعديني مو بالدراسة بل كيفية تخطي كلية الهندسة من دون ارتكاب جريمة بحق اساتذة قسم الميكانيك
خبلونا والله
انتقال والات صارلهم سنتين يرسبونا على مودهن
الله يقبل ومع العلم انها اتفه مواد بالميكانيك
يعني شلون اكدر اصبر عليهم من دون ارتكاب جريمة بحق احدهم
وديري بالج تكولين الصوج منك
اذبحج والله
اني مستواي بهاي المواد حيل زين

المهندسه85

11-09-2007, 07:54 AM

اخي ما ادري اختي
اني مالومك بس صدكني الخلل مو بيك
راسلني علمود اعرف الاساتذه منو الي يدرسوك مو مصدكت على الله اخلص منهم
بس اي شي تحتاجه من معلومات اني حاضره لان مستوايه ما اريد امدح نفسي بس افيدك بالمعلومات
ميرحمون واذا تحل السؤال كوه يريد يطلعك غلطان
بس والله هي المواد حيل حلوه همه مصعبيها
تحياتي لك

ابراهيم الراوي

11-10-2007, 06:31 PM

زين مستواك ابو القسوه هههههههههههههههههههههههههههههههههههههههههههههههههه هههههه

ابن العراق الموحد

11-28-2007, 09:14 AM

ههههههههههههههههه والله الهندس مو طبيعيه ::31::::31::::31::::31::

SUPER ROSE

12-11-2007, 07:52 AM

يمكن هي هاي اكثر مشكلة نعاني منها....المادة هواية ووقت ماكو نرجع متأخرين وتعبانين واسئلة الاساتذة بيها صعوبة قياسا بشرح المادة......شنو الحل؟؟ وبيد منو الحل؟؟؟

المهندسه85

12-12-2007, 11:14 PM

سوبر روز .........الحل بيدك حاولو كلما ترجعون من الدوام ارتاح فد ساعه ساعتين
واشوف شنو درست اليوم اقرا والي فاتني احاول اقرا وبعدين نبدي نراجع معلوماتنه الي نعرفه
لانه كل شي يندرس مرتبط بماده ثانيه

اسد الورار

12-13-2007, 09:49 AM

اول شيء السلام عليكم
طلاب كلية الهندسة ترى الهندسة مو سهلة يرادله قراية هواية وانشاء الله يوفقكم الكريم
اي شيء تحتاجو يمكم مهندستنة اسئلها
وانشاء الله خير
اسوووووودي

أنـ إمبراطور ـا

12-13-2007, 03:39 PM

ابو القسوة اهنيك

خوش موضوع مفيد

تحياتي

احاسيس حائره

12-14-2007, 01:32 PM

والله اللي مدمرنا ضيق الوقت
يعني منلحك كلشي نقرا
وطالعتلهم مودة جديدة انه ماكو استنساخ همه يكتبون وكتابتهم كلشي ما ينفهم منه واحنه ننقل عبالك ابتدائية ولا نلحك نكتب ترجمة كلمة ولا نلحك نسال ولا نلحك نفتهم اصلا
الله يصبرنه عليهم
مشكووور على الموضوع
تحياتي للجميع

theqween of civil

12-17-2007, 04:05 PM

والله هي الهندسة صعبة ومو صعبة يعني اذا نفتهم المادة تصير سهلة لان هي اغلب المواد حلوة بس الاساتذة الله يسامحهم بيهم قسم همه يردون يصعبون المادة
لازم الطالب يفتهم كلشي بالمحاضرة يحاول يسأل ويفتهم اي شي يضيع منة وبعدين شوية قراية واسئلة بيه افكار متنوعة يمكن بعون الله يسيطر على المادة وكله هاي يرادله وقت قليل يعني هي مو بكثرة القراية
اتمنى التوفيق لجميع واولهم اني
واكول للي اجوي هندسة مو برغبتهم حاولو تتكيفون على الوضع وتحبون الهندسة لان بالنهاية انتو راح تتعبون اذا بقيتو متردوهه

مهندس الكبرياء(الكهرباء)

02-02-2008, 08:55 PM

::6::
والله ابو القسوة مشكلة الهندسة هوة احمد عبد الله الله يشيلوا

مهندس الكبرياء(الكهرباء)

02-02-2008, 08:57 PM

وثاني مشكلة هية الاستعلامات الصايرين عبالك وزراء

SPARK £nG

02-07-2008, 10:08 PM

هاي شنوووووووووووووووووو خوفتني والله اكلك اني هم هندسة كهرباء بس ما اعرف احمد عبد الله ولا اعرف الاستعلامات

ملكة الهندسه

02-12-2008, 07:12 PM

امممممم المشكله ان الاساتذه همه نفسهم مامفتهمين شنو دا يدرسون
وكله حجي فاضي ودكه قديمه
لوبقيت العالم يدرون المواد الي دا ندرسها جان سدوا الهندسه ومحد يدخللهه

Gold Star

03-20-2008, 02:49 PM

راح اشارك لأول مرة ......
الصراحة الصراحة .... الموضوع مو تبادل معلومات و انما شكاوي و بس و خاصة في بداية الموضوع علمود شغلة الكشك ......
عوفونة ...... اول شي اوجه تحية للجميع و خاصة لخريج الميكانيك على تقديم نفسه للمساعدة و ايضا للاخت المهندسة 85
المشكلة : احنة طلاب قسم الميكانيك نعاني تراكم المحاظرات السابقة علينة ..... يا ريت تنصحونة شنو الي لازم نسوي و خاصة احنة ما نكدر نقراهة من البداية و هية شي مرتبط بشي ............
و في بعض الاحيان يغلبنا اليأس في النجاح من الدور الاول ...... شنو الحل ؟؟؟ ......
المشكلة الاخرى اغلب التدريسيين يعتمدون في تدريسهم على مصادر غير موجودة في المكتبة ... منين نجيبهة لهاي الكتب ؟؟؟؟
في أنتضــــــــــــــــــــــــــــــــــــــــــــــ ــــــــــــار ردودكم

The Artful Dodger

05-07-2008, 04:18 PM

والله عاشت ايدك حبي على هالفكره بس نتمنى انه (ولو نحاول ) ان نغير شي على اساس مشاكلنا

تحياتي

سفيره الغرام

06-11-2008, 03:41 PM

والله الهندسه حلوووووووووه ومو صعبه بس الميكانيك والكهرباء الله يعينهمممممم والله تموت عبالك جيش وخصوصا الكهرباء مواد صعبه واساتذه عسكريين

بس يحتاجلها قرايه الهندسه وبس والمشكله ماكو وقت من نجي الجسر مدمرنا وراها منلحك هسه اجانا الفاينل وراح يكمل والله كريم بعد معرفت الاساتذه الا اشوف درجاتي لو يطلعون ورررررررد لو لو هههههههههههه

ياربي ميخيبون أملنه بيهم

The Artful Dodger

06-20-2008, 04:03 PM

موضوع جميل وعاشت ايدك (http://dijlh.net/www.google.ae)

ابن العراق الموحد

06-21-2008, 06:46 AM

هههههههههههههههههه اخيرا كملنه امتحاناتنه وخلصنه من سنه بس ضل علينه الرابع

ملكة الهندسه

06-29-2008, 07:58 PM

اي والله الحمد لله خلصنا بس شنو الفايده اذا اكمال ودور ثاني واساتذه ميساعدون والله حايره اريد نصيحه ابقى بالهندسه لو احول واخلص من قهرهم لو استحمل وابقى ::29::::29::::32::