اعلان [الأرشيف] - دجلة نت ::: ملتقى شباب العراق

Lavender

09-23-2006, 09:46 PM

السلام عليكم ورحمة الله وبركاتة

وكل عام وانتم بالف خير وان شاء الله من عواده

اني قررت اعلن خبر هام وهم حزين بالنسبة اللي وهم مفرح من ناحية اخرى

وبناءا على ان الاخ (عراقي عسل )ماموجود صارلة هواية وماادري هو وين واحنه اعضاء الحزب (الاشقياء)ماندري شنو انسوي
فقررت انه انضم الى حزب العلاسة وراح اكون فرحانه بانضمامي للحزب

واتمنى انه يقبلوني بالحزب

واكون شاكرة

واكرر اسفي على اخوية (عراقي عسل)الله يحفظة من كل سوء ويرجع للمنتدى الغالي ان شاء الله

واتمنى من كل واحد يدخل للموضوع ويقراه يدعي للاخوية عراقي انه يكون بسلامة ويكون مصاير علية اي شي ان شاء الله

تقبلو تحياتي

المشاكسة الحزينة ::27::

بــدر الزمــان

09-24-2006, 07:47 AM

المشاكسة الوقانين تنص على موافقة رئيس الحزب بانسحابك منه قبل لا تنضمي لحزب اخر
فلو تصبرون حتى يرجع عراقي عسل لو تعينون رئيس لحزبكم موقتا حتى نشوف شنو قصة عراقي عسل

EmPeRoR

09-24-2006, 09:08 AM

زين عراقي عسل ماعندة نائب ؟؟؟؟؟

noor

09-24-2006, 09:42 AM

السلام عليكم
اخوان اني اخوكم عضو جديد بس والله حاير اي حزب اختار وادخل بيه لان هاي احزابكم كلها حلوه والواحد يحتار وين يروح احسن شي راح ابقى مستقل اخوكم نور الدين

بــدر الزمــان

09-24-2006, 09:45 AM

وعليكم السلا ورحمة الله اختي نور
اولا اهلا وسهلا بيج بمنتدى الاحزاب وبين عائلة دجلة نت
ثانيا للاسف بالوقت الحالي القوانين ما تسمح لج الانضمام لاي حزب لان مشاركاتج اقل من 100
ان شاء الله من توصل مشاركاتج للحد المطلوب راح تلقين الحزب اللي يناسبج ويناسب طموحج
بالمناسبة اكو موضوع خاص يشرح كل حزب اهدافه وينطي اسماء اعضاءه

بــدر الزمــان

09-24-2006, 09:45 AM

العفو اخ نور..ما قريت الاسم بالاخير
يسعدنا اخوية الغالي انضمامك لعائلتنا ..عائلة دجلة

amar

09-24-2006, 02:27 PM

شوفو منوا نائب الاخ عراقي عسل
و بالنسبه للاخ نور بكيفك اذا تريد تصير مستقل او تنتمي ف انت حر و اختار الحزب الي يعجبك

Queen Of Dark 91

09-24-2006, 03:48 PM

الله يرجع عراقي عسل بالسلامة بس كما قال طير ...القوانين بالاول ..

ساحر القلوب

09-24-2006, 04:03 PM

هلو بيج بالحزب مالتنه واني ارحب بيج بس منو النائب مال عراقي عسل استشاري وخلي يعلن انسحابج من الحزب اوكي

Lavender

09-24-2006, 04:07 PM

اني وزيرة العلاقات العامة
بس ماكو النائب ما ادري وينه او ما اعرف اسمه لانه هو جديد
بس اكو العميل السري باسم الحزب واني اعرفه بس هسة من منو راح اكول انه اني انسحب

بــدر الزمــان

09-24-2006, 05:50 PM

عيني المشاكسة احنة نتمنى رجوع عراقي عسل بالسلامة
فحتى يرجع شوفوا واحد من حزبكم وخلوه هو الرئيس موقتا الى ان يجي عراقي عسل
رافد مو كيفت انضمت لحزبك ...راجع القوانين بالاول

ساحر القلوب

09-24-2006, 07:53 PM

اعرف القوانين كلش زين وياريت تقره الرد مالتي وركز زين من تقراه زين حبي
وثانيا ليش ماكيف المشاكسه الحزينه عضوه مميزه واتمنى من زمان ان اتكون ابحزبي هيه وعراقي عسل زين عيني لو هي غيره وهي طبعا الها القرار بكامل الحريه وبدون ضغط اخوكم رافد

Queen Of Dark 91

09-24-2006, 08:00 PM

بس بالاول
اقرواا القوانين كما قال طير .....

بــدر الزمــان

09-25-2006, 08:15 AM

هههههههههههههههه
ابني رافد ما اختلفنا وياك اذا كانت المشاكسة عضوة مميزة لو لا او انت تكيف بانضمامها لحزبك لو لا..لان هذا هذا شئ مفروغ منه
انت لو يجيك الهواء ينضم لحزبك تقوم تصفق
بس انضمامها لحزبك مو قانوني لان ما اخذت اذن من رئيسها عراقي عسل
والقوانين تنص على انه على العضو بالاول اخلاء مسؤوليته اتجاه حزبه وموافقة رئيسه وبعدين يقدر ينضم لاي حزب ثاني يعجبه
زين حبيبي ...صار واضح؟؟
بس السؤال هي المشاكسة ما صدقت يغيب عراقي عسل حتى تتخلى عن حزبها؟؟

Lavender

09-25-2006, 08:54 AM

طير الحب انت تحط على النار حطب ليش هيج اصلا اني جنت هواية مكيفة بانضمامي لحزب اشقياء المنتدى بس رئسي صارلة اسبوع ماكو وما اعرف عنه اي شي يعني اني شسوي

اني حرة وبكيفي بس راح انتظر يومين بعدي واذا ماكو اي خبر راح اضطر انتقل الى حزب العلاسة اوكي

انتظر راي الامبراطور ؟ وكافي عاد طير انت زودتها هواية

ساحر القلوب

09-25-2006, 03:24 PM

اني حرة وبكيفي بس راح انتظر يومين بعدي واذا ماكو اي خبر راح اضطر انتقل الى حزب العلاسة اوكي

وكافي عاد طير انت زودتها هواية
طير هيجي احسنلك هذا الي اتريده رزاله
مشاكسه ولا اديرين بال على راحتج انتي ومحد لياثر عليج
طير بالنسبه للهوى مالتك اذا شمالي شرقي ميخالف خلي ينضم الي .مو مثل هواكم جنوبي ومعفن

Lavender

09-25-2006, 03:48 PM

يا اخوان كافي عاد عركات واحنا برمضان اوكي

كل واحد يلتزم بحدة وما اريد اي احد يرد على الثاني ومانريد مشاكل

وصفو النفوس يا اخوان لاتنسون احنا برمضان

والمدة اللي اني خليتها 2 يوم وننتظر شنو راح ايصير

واني هسة رضيت الطرفان

ساحر القلوب

09-25-2006, 04:09 PM

اوكي مشاكسه الخاطرج بس راح اسكت

Lavender

09-25-2006, 04:41 PM

خوش ولد وحباب رافد

ساحر القلوب

09-25-2006, 05:14 PM

شكرا خجلتيني

بــدر الزمــان

09-25-2006, 05:15 PM

ههههههههههههههههههههههههههه
بابا على كيفكم ويانة
اذا انتووا مو مال عركات شتسون بمنتدى الاحزاب؟؟
ماما المشاكسة ارجعي لقوانين الاحزاب
وبعدين ليش ما تصرين انتي رئيسة حزبج وتعيدين تنظيمه؟؟ من حقج تشكلين حزب
عيني رافد احنة ما عدنا هواء اصلا بس انت شوف هواكم
وشنو هاي سالفة الرزالة؟؟ لا تكون انت ماكلها واني ما ادري

بــدر الزمــان

09-25-2006, 05:16 PM

خوش ولد وحباب رافد
اي والله صحيح
خوش ولد وحباب بس حرامات صاير بحزب ضدنا وهو مو قدنا

Lavender

09-26-2006, 07:43 AM

ابو عيون جريئة

09-26-2006, 07:59 AM

القوانــــــــــــــــين اخوان

بــدر الزمــان

09-26-2006, 08:02 AM

المشاكسة اني نائب الامبراطور اثناء غيابه
وانتي ضمن تشكيلة حزب بالوقت الحالي ورئيسكم ما موجود فقرري انتي واعضاء الاحزب منو يكون بمكانه حتى يرجع بالسلامة
هذه هو قانون الاحزاب اللي اتفقت عليه كل الاحزاب
تحياتي

Lavender

09-26-2006, 08:12 AM

طير اتريد الصراحة اني ما اعرف احد من اعضاء الحزب الا دومينو يو وهذا ابن عمي وهو العميل السري باسم الحزب والبقية ماكو ما اعرف همة وين

بــدر الزمــان

09-26-2006, 12:13 PM

هههههههههههههههههههههههههههه
هاي كلش حلوة
بس اكووو موضوع يذكر اسماء اعضاء كل حزب اتصور عنوانه الى رؤساء الاحزاب
روحي لهناك وتعرفي على اعضاء حزبج

Queen Of Dark 91

09-26-2006, 04:20 PM

صح الي كولة طير لازم تحطون رئيس للحزب مالتكم اثناء ميرجع عراقي عسل بالسلامة ...

ساحر القلوب

09-26-2006, 04:37 PM

1. هيرو

2.لولو 2010

3.المشاكسه الحزينه

4.demonofyou

5.مصطوف 87

6.هاني سلامه

7.علاوي العراقي
هذوله اعضاء الحزب مالتكم

Lavender

09-26-2006, 04:43 PM

اوكي مشكور رافد بس هذولة الاعضاء اني مشايفتهم وماشفت مشاركاتهم مختفين همة همين

ساحر القلوب

09-26-2006, 04:55 PM

شنو السالفه صدوك

بــدر الزمــان

09-26-2006, 05:36 PM

ههههههههههههههههههه
والله سالفتكم ما ادري شلونها المشاكسة
اني اقول لو تنضمين الى حزب رافد مؤقتا حتى نعرف شنو سالفة حزب الاشقياء
فاتمنى من رافد ان يقبلج ويعلمج سياستهم

Lavender

09-26-2006, 06:23 PM

اخيرا طير قلتها ههههههههه اني باجر منظمة الى احزب مالرافد وراح يتقبلني بسعة صدر خخخ وين يلكي مثلي بابا اني جوهرة هههههههه

بــدر الزمــان

09-26-2006, 06:45 PM

هههههههههههههههههههههه
شاسوي
ماكو حل ثاني
اذا انتي بس اسم بالحزب
بس نصيحة اتعرفي على اعضاء الحزب الجديد قبل لا تقومين باي شئ
بس اني لحد الان اقول لو تبقين بحزبج وتعيدين تنظيمه وتتعرفين على اعضاءه يكون احسن

Lavender

09-26-2006, 06:47 PM

طير اني مشغولة بالدراسة وماعندي وكت ادور عليهم وهمة اني اصلا اول مرة اشوف اسمائهم والله فدفشلة ثانيا اني انضميت للحزب عن جديد مال الاشقياء زين واني ما ادري انتظر منا لي باجر

بــدر الزمــان

09-26-2006, 06:56 PM

هههههههههههههههههههههه
والله تضحكين
وانتي راح تدورين عليهم بالشارع؟؟؟
همة كلهم بالمنتدى راسليهم ..فما اتصور راح تاخذ منج اكثر من 5 دقائق
وهاي ما فهمتها شلون انضميتي من جديد لحزب الاشقياء؟؟

ساحر القلوب

09-26-2006, 07:39 PM

يابه هسه مفتهمنه انتي ويانه لو موويانه طير فهمني يمعود ولله دخت اني
مشاكسه اذا ويانه اعلني انسحابج من حزب الاشقياء. وبالنسبه للكلام مال طير بان تنضمين مؤقتا للحزب اني ماعندي هيجي شي لو تنضمين نهائيا لو تبقين بالحزب مالتج لان راح انطيج منصب . طير صح كلامي لو عندك غير حجي عمي عايل ويه البنيه اني ؟::51::

بــدر الزمــان

09-27-2006, 03:22 AM

هههههههههههههه
اعصابك ابني رافد
ليش هو اني اللي افتهمت حتى افهمك!!!! هي كل ساعة برأي
ما عرفنا تريد تنضم لحزب العلاسة وتنعلس لو تريد تبقى بحزب الاشقياء
وبالنسبة للانتماء الموقت هو لازم هيجي يكون
فانطيها منصب موقت وصغير على قدها

Lavender

09-27-2006, 10:09 AM

اوكي هسة اني على حزب العلاسة وياك رافد وانطيني منصب بس مو صغير

بــدر الزمــان

09-27-2006, 11:49 AM

ها رافد عرفت هسة هي على اي حزب؟؟
انطيها منصب على قدها

ساحر القلوب

09-27-2006, 12:34 PM

اهلا بيج مشاكسه في حزب العلاسه وسوف يكون المنصب المتحدثه الاوله للرئيس يعني تحجين باسمي وهو منصب مؤقت لحين تثبيتج بالحزب مع الشكر
طير يحتاج انزل اعلان بيها لو وصلت الفكره