المساعد الشخصي الرقمي

مشاهدة النسخة كاملة : وينك يا وطن

king81
03-24-2007, 05:58 AM
خجل حتى الوطن من شافنه ابها لحال ... مثل والد عليل اتعاركو ولده

ياجار اليحشمه اويدري بالجيران ... متحزمه عليه اوتشتغل ضده

اذا مايهده تهده اوتفرح اوترتاح ... اوماتهده دقيقه من تلوضع يهده

باوع علدول والناس وصلت وين ... وحنه ابهلخلاف انجيبه ونرده

مسرحنه انعرف وشتهروا لابطال ... مخطوف اوشهيد اولازمه العده

اومجهول الهويه اوجسد مابيه راس ... اومفجوعه ابولدهه اوتصرخ ابسده

مسكين اليتيم ايمر عليه العيد ... ودموعه فواتح ناصبه ابخده

گلي ابيا ذنب كتلو ابوه اوليش ... كوم اعيال عده اوكلشي ماعده

اوگلي ابيا بخت جابوه ابغير ازنود ... للجابت عمرهه امچلبه ابزنده

جرحك مثل جرحي اوبلوتك بلواي ... وصوابك اصوابي اشلون ماشده

ناوشني المحبه اوبوسة التجبير ... خل نگطع نزيفه ابلسم الوحده

اشگد مشتاگ امر للاعظميه اليوم ... والنعمان ازوره اويمك اتغده

اونعبر عالجسر نتمشه ايد ابأيد ... يم باب الحوائج غيضنه انهده

لاخير ابوطن ماتغفه عينك بيه ... و لاخير ابشعب مايعبر الشده
::13::
lovely girl
03-25-2007, 12:37 AM
الللللللللللللللله على هل كلا م الاكثر من رائع
ان شاء الله ازمة وتعدي ونرجع لبغدادنه
ان شاء الله تفرج
تقبل مروري
مصطفى ليث قاسم
03-25-2007, 01:05 AM
أحلى الكلام
يلا يمعود نورنا بالمواضيع الحلوة
king81
03-25-2007, 06:29 AM
هلو للكل
اول شي لوفلي شنو تقبل مروري هاي مقبلات مثل الحمص بطحينه هيجي و عندج مرور بالخير فرحنالج كلووووووووييييييييشششششش
فرصه سعيده ول متعرفت بيج

::13::

مصطفى جيبلك مولده تايكر و اصرفلك خمس لترات بنزين و هي تنورك حبي شنو شايفني عمود مال ضوا