المساعد الشخصي الرقمي

مشاهدة النسخة كاملة : اعـــــتـــــرافـــــاتـــــــــ عـــــضـــو مــــــــــع medicine

الدكتورة R
03-23-2007, 12:34 AM
كيفكن صبايا....كيفكم شباب ::43:: ::43::
اليوم جبتلكم موضوع جديد واتمنى الكل يشارك وهو عبارة عن اسئلة نطرحها على عضو معين ولمدة اسبوع وطبعا يجاوبنا بصراحة ويحق لبقية الاعضاء يسال ضيف الاسبوع الاسئلة الي يريدها ::21:: ::21:: بس مو هواية وتلحون وبعدين الضيف يطفر ::30:: ::30:: ونكعد وحدنا اوكي يا جماعة ::8:: ::8::
وهسة كلنا نستقبل العضو المميز بمواضيعه وردوده والي احنا كلنا نعرفه بس حبينا نتعرف عليه اكثر من خلال بعض الاسئلة
http://img465.imageshack.us/img465/8003/39873e6e79yf9.gif


وضيف الاسبوع السابع هو :


http://img465.imageshack.us/img465/5247/iraqmaster139723242wm6.gif

::57:: ::57:: medicine::57:: ::57::




والاسئلة هي :
1.ليش اختاريت لقب مدسن؟
2.بيا مدرسة جنت وانت عنوني يعني الابتدائية ها ها ها ؟
3.وبيا روضة جنت؟
4.ومنو المعلم الي جنت تحبه وانت صغير؟
5.عندك اصدقاء من الطفولة ولحد الان الصداقة مستمرة؟
6.بيا كلية جنت؟
7.شلون جنت بالكلية سجاج لو هيج؟
8.شنو تقديرك بالسادس ؟
9.شويه نغير اسلوب الاسئلة كبلت بالكلية لو لاء ؟؟
10.اذا اي ويا منو وشنو نهاية العلاقة؟
11.واذا لاء ليش ما كبلت ؟
12.اخبارك بالمستشفى ؟
13.الدراسة احلى لو الاقامة؟
14.تدري انك اكبر دكتور ويانا بالمنتدى ؟اتحب تكون الجبير لو لاء ؟ها ها ها ها
15.شنو رايك لمن سمعت الدكتورة R صارت مشرفة ضجت لو لاء كول بصراحة تره ما اضوج نياااااااااا ؟ ::22::
هاي هي اسئلتي وان شاء الله ما تكون ثقيلة عليك او ازعجناك بيها ::50:: ::50:: ::50::
بس دير بالك اي عضو راح يسالك اسئلة بيكفه واتكون اجابتك صريحة فدير بااااااااااالك لان العلس اليوم عليك ها ها ها
::51:: ::51:: ::51:: ::51:: ::51:: ::51::

http://img164.imageshack.us/img164/6862/5e309aed02fq5.gif

دكتورررررررررررررة المنتدى
norlasal
03-23-2007, 04:45 AM
هلوووووووووووووو
شونك ان شاء الله بخير
والله كلش مشتاقه للمنتدى لان صار فترة اني ماكو
وهسه عندي كم سؤال اللك
اووووووووووووووووووووووووكي
شنو لونك المفضل؟
شنو اكلتك المفضله؟
شنو رايك بكلمه وحده ب الصداقه الكليه الخيانه الامانه الاخلاق الليل؟؟؟؟؟؟
كووووووووووووووولي نكته هسسسسسسسسسسسسسه!!!!!
يا موضوع حبيته بالمنتدى واثر بيك؟؟؟؟؟؟
شوكت تنام؟؟؟؟؟؟؟
يا اسم تحب مال بنت واسم مال ولد؟؟؟؟؟؟؟
يا اغنيه هسه ببالك؟؟؟؟؟
اكو عضو بالمنتدى شايفه بالحقيقه؟؟؟؟؟؟
المن تحب تشوف من اعضاء المنتدى ؟؟؟؟؟بس اثنين اوكي
يا كتاب قريته وعجبك ولو تقراه ميت مرة متمل منه؟؟؟؟؟؟


يللللللللله بالعافيه جاوب
وبعدين افكر ببعد اسئله واكتبها
*sabrena*
03-23-2007, 04:51 AM
هلو مدسن
شلونك؟ انشالله بخير
اسئلتي هي
*
*
*
*
*
*
*
*
*
*
*
*
*
*
*
*
*
*
*
*
*
*
1-* تؤمن بحب القلب ام حب العقل ؟
2-شعورك لمن انقبلت طبيه؟
3-نقطة ضعفك؟
4-نقطة القوة بشخصيتك؟
5-اقرب شخص لقلبك؟من الاهل
6-شنو هواياتك؟؟؟؟؟
7-برجك؟
8-مريت بتجربه حب وشنونهايتهااا فشلت لونجحت؟
9-لونك المفضل؟
10-شنورايك بالغيرة صفه حلوة لو محلوة؟ واقصد
الغيرةعلى الناس الي اتحبهم
11-شنواسم دلعك؟
12-شنوترتيبك بالعائله؟
13-منوالعضوالي تتمنا ااتقابله وتتعرف عليه؟حدداسم
14-منوالعضووالي يلفت انتباهك؟حدداسم
15-شنو اتحب اتغيره بالمنتدى؟

16-معدللك بالسادس؟
17-هذاالسؤال جاوبه بكل صراحه؟
منو اتفضل قسم كليه الطب لوالمنتدى الطبي
وليش اكثر مواضيعك الطبيه الحلوة ومفيدة اتضيفها بالقسم الطبي ومتضيفها بهذااللقسم؟*****
*
*
*
18-اذاحبيت بنيه
وبيهاااااااااا صفات الكل يتمناها
*اخلاق عاليه* كلش حلوة*ومتفوقه
بس بنفس الوكت
اتعاند عناد فضيع
واتغار هوايه وتوصل غيرتها لحد الانانيه انو اتريد الكل الها وبس
ومزاجيه ساعه هادئه ورقيقه وتحسها ملاك
وساعه الله الستار منها هههههههههههه
شلون تتصرف تتحملها لو اتعوفهااااااااااا؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟


*وشكررااامقدماااعلى اجوبتك *
صبباوي**************
طبيب العيون
03-24-2007, 01:27 AM
مرحبـــــــا دكتور مدســـــــــــن ,,, كيفك ؟
مشتاااااااااقيــــــــــن

طبعـــــــــا اني صاير مثلك هالايام ,,,, يوم موجود وعشره لاء
لان ميحتاج اكووووولك شنوووووو خامـــــــــــــس طبيه
مووووووووووووو ؟
عالعموم
عندي الك سؤال ...... بالنسبـــــه الي مهم والكل حيخطر ابلهم بيوم من الايام
؟؟؟؟؟؟؟؟؟؟؟
كم واحـــــــــد من اصدقاء الاعداديــــــــه انقبلوا وياك بنفس الكليــــه؟
وكم واحــــــــــــد ضل صديقك مثــــل ما جان ؟
واكو احـــــــد تعرفــــــت عليـــــه بالكليــــه وصار اعز من اصدقاء الاعداديــــــــــــه ؟

اتمنـــــــــى تكون فهمت الفكره العامـــــــــه
ومشكوووووووور دكتورنا العزيــــــز
اخوك
طبيب العيــــــــــــــــون
ღدلع_‗ـ−¯ Candy G!rl
03-24-2007, 01:38 AM
مدسن؟؟؟؟
اجة يومك
بس اني شوكت ما ادري
المهم
استلم
1-اوصف نفسك بكلمة؟؟
2-احزن يوم؟
3-اسعد يوم؟
4-اعز عضو؟او عضوة؟
5-اسمر لو ابيض؟
6-طويل لو قصير؟
7-سمين لو ضعيف؟
8-شمتابع بال تي في؟
9-شنو مواصفات اميرة الاحلام؟
10-شلون ندليت دجلة؟
11-احلى موضوع قريته؟
12-اكثر موضوع نزلته وانت تحبه؟
13-جنت رايد طب لو لا؟
13-شنو رايك بالحب عن طريق النت؟
14-شنو رايك بالبنت اللي تدخل نت ومنتديات؟؟
15-شنو الفرق بين الاعجاب والحب عندك؟؟
انشالله ادوربعد اسئلة واجيك
يلااااااااااا
بلللللللللللللللللللللللللللش
دوووووووووودوووووووووووووووووو
Dr.Saleemo
03-24-2007, 01:39 AM
هلوووووووو دكتور شلونك



اول شي احب اسألك عن الالوان المفضلة عندك و كل واحد و السبب
و الاكلة الي تضوج منها؟
الاكلة الي تحبها؟
شنو تعريفك للثقة؟
شنو تعريفك للحب
شنو تعريفك للصداقة

و تقبل مروري و ردي وردة


هرقل المنتدى هعهعهعهع
DR.FREE
03-25-2007, 03:52 AM
هلو احب اسال كم سؤال وبس لان الجماعة سايكين الاسئلة كلها بس اكو بعد هسهسهسهسهسهسهس
والله يمكن راح تطفر من الاسئلة صارت كومة وانتة غايب

حبك للطب قوي جدا لو قوي لو متوسط لو مقبول لو ضعيف؟؟؟
شنو يعجبك اكثر اختصاص بالطب وتتمنى تاخذ بي بورد بالمستقبل؟
مفكر بالزواج حاليا لو لا؟؟؟؟؟؟
عندك بنية معينة تفكر بيها؟؟؟؟
شريكة حياتك تفضلها طبيبة طبيبة اسنان صيدلانية لو مو من المجموعة طبية؟؟؟؟
تفضلها بكدك لو اصغر واذا اصغر كم سنة؟؟؟؟
تحياتي للجميع وتقبلوا مروري
Medicine
03-25-2007, 03:46 PM
بسم الله الرحمن الرحيم
اني بالبداية احب اشكر الدكتورة ار على الموضوع الرائع واشكر كل من صوت الي بالاستفتاء
و يله بلشو بيه .. هههههه
وهسه راح ابدي اجواب على اسئلتكم الحلوة والله يكون بعوني ...


الدكتورة ار هله بيج ....


1.ليش اختاريت لقب مدسن؟
_ لان حسيت هذا الاسم بيه معنى لشي اني احبه , والحجي بيناتنه : اشو بيه هيبه ههههه
2.بيا مدرسة جنت وانت عنوني يعني الابتدائية ها ها ها ؟
- مدرسة الرازي الابتدائية
3.وبيا روضة جنت؟
- اني ما طبيت روضة هههه بس يوم واحد وفصلوني لان كتلت الطلاب البيهه هههه
4.ومنو المعلم الي جنت تحبه وانت صغير؟
- كنت احب الست اديبة وهيه كانت المرشدة مالتي بصف الاول ..واتمنه اشوفهه هسه ..
5.عندك اصدقاء من الطفولة ولحد الان الصداقة مستمرة؟
- اي عندي اصدقاء هوايه واكو واحد من صف اول ابتدائي ويايه وهسه هو ساكن وياية بدار الاطباء .. يعني جبناهه سوه بالمدرسة والكلية والمستشفى .
6.بيا كلية جنت؟
- كلية طب - جامعة القادسية ..
7.شلون جنت بالكلية سجاج لو هيج؟
-لا والله جنت هيج هههههه
8.شنو تقديرك بالسادس ؟
- متوسط ههههه

9.شويه نغير اسلوب الاسئلة كبلت بالكلية لو لاء ؟؟
- لا والله كلشي ما سويت ...
10.اذا اي ويا منو وشنو نهاية العلاقة؟
- لا والله مو اي ..
11.واذا لاء ليش ما كبلت ؟
- لان اني بطبعي احب اكون حر , وشفت جماعتي الكبلوا كلهم انشغلو بس بكبلاياتهم وما حبيت اصير مثلهم لان اني احب اطلع واطب واروح واجي براحتي وشفت اذا اكبل راح اتقيد ..
12.اخبارك بالمستشفى ؟
- زفت والحمد لله .... تره المستشفى فد شي متعب , لان مع الاسف الناس صارت غير ناس وكلهه تجي على الطبيب وانتو راح تتخرجون وراح تحسون بهاي المعاناة ...
13.الدراسة احلى لو الاقامة؟
- اكيد الكلية احلى
14.تدري انك اكبر دكتور ويانا بالمنتدى ؟اتحب تكون الجبير لو لاء ؟ها ها ها ها
- اي ادري ومو شرط اكون الجبير لو لا لان كلنه اخوان وماكو فرق .
15.شنو رايك لمن سمعت الدكتورة R صارت مشرفة ضجت لو لاء كول بصراحة تره ما اضوج نياااااااااا ؟
- لا بالعكس فرت والله , لان لازم يكون المشرف واحد من عدنه وانتِ تستاهلين وكدهه ...
Medicine
03-25-2007, 03:51 PM
اخوان عذروني ان شاء الله اجاوب على اسئلتكم غير وقت لان هسه اني عندي خفارة ودوام .... تسلمولي
high class
03-25-2007, 07:02 PM
ياربي يكون في عونك يا احلا مدسن

شونك شخبار

اسئلتي

شنو احلا يوم بحياتك؟؟؟؟؟؟؟

هسه انت ما مكبل ماكو مشاعر عندك باتجاه احد حتى تتزوج ونزفك يلا كول لا تخاف منجي ونخسرك هههههههههههههه ها شكلت لا تغلس؟؟؟؟؟؟

الولده مدتلح عليك يلا فضنا؟؟؟؟؟؟؟؟؟؟

شنو طموحاتك راح تبقه وتكمل التدرج كله هنا لو ناوي تطفر بره وره سنتين؟؟؟؟؟؟؟

شنو احلا مرحله بحياتك بالكليه ؟؟؟؟؟؟؟؟؟؟؟

اي موقف شفته بحياتك تتمنى ان تصير بهذا الموقف ؟؟؟؟؟؟؟؟؟؟؟

اذا رجع العراق مثل كبل شنو اول شي تسوي ؟؟؟؟؟؟؟؟؟؟

منو اكثر واحد تحبه بالمنتدى ؟؟؟؟؟؟؟؟؟؟؟

منو اقرب عضو الك او تعرفه معرفه شخصيه ؟؟؟؟؟؟؟؟؟

شون اتعرفت على منتدانا ؟؟؟؟؟؟؟؟؟؟

شلابس هسه ههههههههههههه ؟؟؟؟؟

الباجر عندك دوام ؟؟؟؟؟؟؟؟ وانت باي مستشفى هسه تداوم ؟؟؟؟؟؟؟

شنو الشي الي لازم تسوي كل يوم ومتكدر الا تسوي ؟؟؟؟؟؟

وادري تعبتك قلب

وقبلاتي الحاره

اخوك
هاي كلاس
Medicine
03-25-2007, 09:41 PM
هلو نور
والله اني زين والحمد لله انت شلونج ....


شنو لونك المفضل؟
الاصفر ....
شنو اكلتك المفضله؟
البيتنجان المقلي ...
شنو رايك بكلمه وحده ب الصداقه الكليه الخيانه الامانه الاخلاق الليل؟؟؟؟؟؟
الصداقة = الاخوة
الكلية = حياة
الخيانة= غدر
الامانة = امتحان
الاخلاق = ميزان
الليل = الهدوء

كووووووووووووووولي نكته هسسسسسسسسسسسسسه!!!!!
اكو واحد لبس جندي طلع ضيق .. هع هع هع هع هع هع حلوة مو

يا موضوع حبيته بالمنتدى واثر بيك؟؟؟؟؟؟
والله المواضيع كلهه حلوة .. بس اني اعتقد موضوع الاعتلاافات كلش حلوو

شوكت تنام؟؟؟؟؟؟؟
اني انام متأخر , حوال السعة 4 او 5 الفجر ...

يا اسم تحب مال بنت واسم مال ولد؟؟؟؟؟؟؟
بان و حسين ..

يا اغنيه هسه ببالك؟؟؟؟؟
وبينه معاد مال عمرو دياب..

اكو عضو بالمنتدى شايفه بالحقيقه؟؟؟؟؟؟
لا .. وللاسف ..

المن تحب تشوف من اعضاء المنتدى ؟؟؟؟؟بس اثنين اوكي
والله اتمنى اشوفهم كلهم واذا جبرتيني على اثنين ... انتِ و ابن كركوك ..

يا كتاب قريته وعجبك ولو تقراه ميت مرة متمل منه؟؟؟؟؟؟
ماكووووووو...


تحاتي ِ
Medicine
03-25-2007, 10:03 PM
هلو صباوي
اني بخير والحمد لله انت شلونج ؟؟

1-* تؤمن بحب القلب ام حب العقل ؟
- اني ما اؤمن بحب القلب والعقل سوه فقط ....
2-شعورك لمن انقبلت طبيه؟
- والله هو شعور حلو
3-نقطة ضعفك؟
-طيبتي..
4-نقطة القوة بشخصيتك؟
- صراحتي .. واحجي الحجايه مثل ماهيه وما اجامل ..
5-اقرب شخص لقلبك؟من الاهل
- امي.
6-شنو هواياتك؟؟؟؟؟
- كرة القدم وترة اني لاعب نادي
7-برجك؟
- الحمل .
8-مريت بتجربه حب وشنونهايتهااا فشلت لونجحت؟
- مريت وفشلت ..
10-شنورايك بالغيرة صفه حلوة لو محلوة؟ واقصد
الغيرةعلى الناس الي اتحبهم
- اكيد حلوة ...
11-شنواسم دلعك؟
- والله هو ماكو بس جماعتي يصيحولي ازوري ....لان احب منتخب ايطاليا
12-شنوترتيبك بالعائله؟
- الاول
13-منوالعضوالي تتمنا ااتقابله وتتعرف عليه؟حدداسم
- والله اتمنى اعرفكم كلكم .. مس فارمست ..
14-منوالعضووالي يلفت انتباهك؟حدداسم
- بنوتة عراقية
15-شنو اتحب اتغيره بالمنتدى؟
- ولا شي لان كله حلووو ...
16-معدللك بالسادس؟
- 96..
17-هذاالسؤال جاوبه بكل صراحه؟
منو اتفضل قسم كليه الطب لوالمنتدى الطبي
وليش اكثر مواضيعك الطبيه الحلوة ومفيدة اتضيفها بالقسم الطبي ومتضيفها بهذااللقسم؟*****
- اوكي اني ما افضل قسم على قسم لان القسمين يهموني بس اني شفت من اخلي مواضيع طبية بقسم كلية الطب ما راح اشوفهه تجلب انتباه وتكون الردود عليهه قليله يعني بين قوسين محد يطب الهه ....
18-اذاحبيت بنيه
وبيهاااااااااا صفات الكل يتمناها
*اخلاق عاليه* كلش حلوة*ومتفوقه
بس بنفس الوكت
اتعاند عناد فضيع
واتغار هوايه وتوصل غيرتها لحد الانانيه انو اتريد الكل الها وبس
ومزاجيه ساعه هادئه ورقيقه وتحسها ملاك
وساعه الله الستار منها هههههههههههه
شلون تتصرف تتحملها لو اتعوفهااااااااااا؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
- والله اني بالبداية اذا شفتهه هيج اعوفهه بس اني احب الوحدة اذا تغار عليه هههه بس اموت من العناد ....


مشكورة صباوي على الاسئلة الحلوة وتحياتي الج
Medicine
03-25-2007, 10:10 PM
هلو طبيب عيون شلونك اخبارك
ان شاء الله بخير والله يعين على الخامس .....

كم واحـــــــــد من اصدقاء الاعداديــــــــه انقبلوا وياك بنفس الكليــــه؟
وكم واحــــــــــــد ضل صديقك مثــــل ما جان ؟
واكو احـــــــد تعرفــــــت عليـــــه بالكليــــه وصار اعز من اصدقاء الاعداديــــــــــــه ؟
- شوف حبي اني الحمد لله اصدقائي كلهم خوان ومحد ترك الثاني مع العلم كل واحد راح بمكان .. واني بس واحد منهم انقبل ويايه والحمد لله كلهم ظلو خواني والحمد لله هم تعرفت على اخوان جدد بالكلية بس قليلين ..

ومشكور حبي على هذا السؤال الحلو
Medicine
03-25-2007, 10:36 PM
هلو دلوعة .. اي اجيه يومي وان شاء الله يوم ال الج ونبلش بيج ...

1-اوصف نفسك بكلمة؟؟
-طيوب
2-احزن يوم؟
التخرج ..
3-اسعد يوم؟
- القبول بكلية الطب ...
4-اعز عضو؟او عضوة؟
- والله كلكم عزاز عليه ..
5-اسمر لو ابيض؟
- لا حنطاوي ..
6-طويل لو قصير؟
- متوسط الطول 179 سم ..
7-سمين لو ضعيف؟
- الحمد لله رشيق لان اني رياضي ...
8-شمتابع بال تي في؟
- بس الافلام والمباريات مال كرة القدم ....
9-شنو مواصفات اميرة الاحلام؟
- والله احبهه تكون ذات اخلاق عالية ومو معقدة واجتماعية وحلووووووووووووووة وتعرف تطبخ واهم كلشي تموت عليه .. بس وين الكاهه ما ادري
10-شلون ندليت دجلة؟
- اصدقائي دلوني ..
11-احلى موضوع قريته؟
- والله المواضيع كلهه حلوة وكل موضوع وكل عضو اله اسلوبه الخاص .....
12-اكثر موضوع نزلته وانت تحبه؟
- موضوع امتحان الاشعة ...
13-جنت رايد طب لو لا؟
- اي اني جنت رايد الطب ..
13-شنو رايك بالحب عن طريق النت؟
- والله اكو تجربة صارت كدامي والحمد لله نجحت ... اذا جان الشخصين فاهمين وحبوبين (شي حلو ) لان صار النت حاله حال اي شي مثل الكلية او مكان الشغل ....
14-شنو رايك بالبنت اللي تدخل نت ومنتديات؟؟
- اني كلت قبل شويه النت صار مثل اي شي ... هم بيه ناس زينين وناس لا سامح الله مو زينين ... والنت بيه مكانات مفيدة وتعليمية وفكرية واكو مكانات لا والله تعبانة ... واني ما عندي اعتراض على البنت التدخل النت والمنتديات ....
15-شنو الفرق بين الاعجاب والحب عندك؟؟
- الاعجاب اله مدى وينسي او كلما اشوف الشخص ال اني معجب بيه راح اتذكره بس الحب لا يبقه عايش ومهما غاب الشخص الاحبة يبقه عايش بفكري وبقلبي ...

مشكورة دلوعة
norlasal
03-26-2007, 04:26 AM
تسلم مدسن على اجوبتك الراقيه والحلوة
والله مبين عليك حبوب
اكووووووووووول النكته كلش حلوة ههههههههههههههههههه
هسه عندي كم سؤال
اول يوم بالكليه على منوو تعرفت؟؟؟؟
شوكت تندم على شي تسوي؟؟؟
واكول شنو هذا نادي الاطباء اللي انت وصديقك بي؟؟؟؟؟؟؟؟؟؟؟؟؟؟؟؟
وين الاقامه مالتك بيا محافظه؟؟؟

والباقي على الجايات
الطبيب الواعد
03-28-2007, 02:29 AM
السلام عليكم .........
شلونك دكتور مدسن .. اخبارك ..
ما اطولها عليك بس اريد استقيد من خبراتك وان شاء اله يستفاد منهه كل الاعضاء واريد اطرح عليك كم سؤال...
1_شنو اهم درس بالطبيه تشوفه انته وتنصح بيه طلاب الطبيه يركزون عليه ؟؟
2_وشنو نصيحتك لطلاب الطبيه ؟؟
ولو عينوك مقرر للمناهج التعليميه شراح تسوي بمواد الطبيه ؟؟؟ راح تعوفهه على وضعها لو تسوي بيهه تعديلات ؟؟
تحياتي الك وللجميع
الدكتورة R
03-31-2007, 10:54 PM
هلو مدسن اجوبتك تخبل
وهسه راح اسالك كم سؤال

شنو رايك بالحب الي يصير من اول نظرة ؟ومريت بهيج موقف ولو انت كلت انت كلشي ما صار وياك بس ميخالف احجيلنا شويه وى تستحي

دكتوررررررررة المنتدى
norlasal
04-09-2007, 07:55 AM
مددددددددددددددددددددسن وينك اشو ماكو مكانك خااااااالي::27::
يارب يكون السبب خير::13:: ::13::
بس ننتضرك تجي ونجاوب::39:: ::39::
Medicine
04-09-2007, 08:10 PM
الالوان المفضلة عندك و كل واحد و السبب
_ والله احب اللون الاسود لان بيه هيبه و وقار واحب الاصفر لان يدل على الغيرة واحب الوردي بس ما ادري ليش .....

الاكلة الي تضوج منها؟
_ اضوج من المعلاك والباجه ...
الاكلة الي تحبها؟
_ احب البيتنجان المقلي ......
شنو تعريفك للثقة؟
_ هدية لايمكن ان تهدى الا لمن يستحقها
شنو تعريفك للحب
_ سحر يعمي العيون ويوقف العقول ...
شنو تعريفك للصداقة
_ الصداقة هي الاخوة وهي رصيد في الدنيا

مشكور حبي على الاسئلة
Medicine
04-09-2007, 08:21 PM
حبك للطب قوي جدا لو قوي لو متوسط لو مقبول لو ضعيف؟؟؟
_حبي للطب قوي كلش جدا هوايه .... هههههههه
شنو يعجبك اكثر اختصاص بالطب وتتمنى تاخذ بي بورد بالمستقبل؟
_ واله تعجبني جراحة المجاري البولية او الاذن والانف والحنجرة ..
مفكر بالزواج حاليا لو لا؟؟؟؟؟؟
والله اني ممفكر بالزواج بس اذا صدفت الانسانة الي اني راسمهه ببالي , اكيد ما راح اتردد .... بس وين الكاهه اوووف
عندك بنية معينة تفكر بيها؟؟؟؟
_ اني عندي مواصفات مفكر بيهه بس ما شفت الانسانه الي تنطبق عليهه هذي الواصفات .....
شريكة حياتك تفضلها طبيبة طبيبة اسنان صيدلانية لو مو من المجموعة طبية؟؟؟؟
_ اني ميهمني هي شنو راح تكون بس مثل ما كتلك المهم تحمل المواصفات الي افكر بيهه ... بس يمكن افكر بطب الاسنان لو الصيدلة ههههه
تفضلها بكدك لو اصغر واذا اصغر كم سنة؟؟؟؟
_ افضلهه اصغر مني باربع سنوات او كثر .....

مشكور حبي على الاسئلة وتحياتي الك .....
Medicine
04-09-2007, 08:40 PM
مشكور حبي هاي كلاس ..
واله اني بخير والحمد لله واتمنى تعذروني على التأخير لان مريت بظروف صعبة ولحد الان ......
وهسه راح اجاوبك هاي ..

شنو احلا يوم بحياتك؟؟؟؟؟؟؟
_ يوم القبول في الكلية ..
هسه انت ما مكبل ماكو مشاعر عندك باتجاه احد حتى تتزوج ونزفك يلا كول لا تخاف منجي ونخسرك هههههههههههههه ها شكلت لا تغلس؟؟؟؟؟؟
_لا والله ماكو واذا لكيت راح اكللكم ...وكلكم على راسي ..
الولده مدتلح عليك يلا فضنا؟؟؟؟؟؟؟؟؟؟
_ لا بالعكس اني اهلي خاليني براحتي وميتدخون باموري الخاصة ...
شنو طموحاتك راح تبقه وتكمل التدرج كله هنا لو ناوي تطفر بره وره سنتين؟؟؟؟؟؟؟
_ والله الوضع بالعراق تعبان مع الاسف ودراسات ماكو , فيمكن اطفر اجيب اختصاص وارجع ان شاء الله
شنو احلا مرحله بحياتك بالكليه ؟؟؟؟؟؟؟؟؟؟؟
_ الرابع والسادس ..
اي موقف شفته بحياتك تتمنى ان تصير بهذا الموقف ؟؟؟؟؟؟؟؟؟؟؟
_ تتويج افضل اعب بالعالم .... ههههه
اذا رجع العراق مثل كبل شنو اول شي تسوي ؟؟؟؟؟؟؟؟؟؟
_ افر العراق من الشمال للجنوب ..
منو اكثر واحد تحبه بالمنتدى ؟؟؟؟؟؟؟؟؟؟؟
_ كلكم والله ...
منو اقرب عضو الك او تعرفه معرفه شخصيه ؟؟؟؟؟؟؟؟؟
_ هم كلكم بس ماكو واحد اعرفه معرفه شخصية ...
شون اتعرفت على منتدانا ؟؟؟؟؟؟؟؟؟؟
_كالولي ...
شلابس هسه ههههههههههههه ؟؟؟؟؟
_ هدوم .... هههه جنز وقميص
الباجر عندك دوام ؟؟؟؟؟؟؟؟ وانت باي مستشفى هسه تداوم ؟؟؟؟؟؟؟
_ والله اني صارلي اسبوعين مجاز لان ظروفي بالبيت صعبة , بس اني اداوم بالديوانية ..
شنو الشي الي لازم تسوي كل يوم ومتكدر الا تسوي ؟؟؟؟؟؟
_ الضحك والشقاوة ...

مشكور حبي على اسئلتك الروعة
Medicine
04-09-2007, 08:49 PM
هلو نور شلونج


اول يوم بالكليه على منوو تعرفت؟؟؟؟
_ على ولد ولحد هسه احنه سوة وكاعدين بنفس الغرفة بدار الاطباء ...
شوكت تندم على شي تسوي؟؟؟
_ اني ما احب اندم حتى اذا اعرف الشي الي سويته غلط ولازم اندم عليه هم ما راح اندم ... لان الندم ميفيد , مثل ميكول هيثم يوسف .... هههه
واكول شنو هذا نادي الاطباء اللي انت وصديقكبي؟؟؟؟؟؟؟؟؟؟؟؟؟؟؟؟
_ والله ما اعرف شنو قصدج .. شنو اي نادي ؟؟؟؟؟؟
وين الاقامه مالتك بيا محافظه؟؟؟
_ الديوانية ....
واعذريني على التأخير
Medicine
04-09-2007, 08:58 PM
وعليكم السلام

1_شنو اهم درس بالطبيه تشوفه انته وتنصح بيه طلاب الطبيه يركزون عليه ؟؟
_ الفارما والباطنية والاطفال والجراحة والنسائية والفسلجة والامراض وبس
2_وشنو نصيحتك لطلاب الطبيه ؟؟
_ هههه والله انصحهم بالممراسة العملية لان راح يستفادون منهه اكثر من النظرية ...
ولو عينوك مقرر للمناهج التعليميه شراح تسوي بمواد الطبيه ؟؟؟ راح تعوفهه على وضعها لو تسوي بيهه تعديلات ؟ لا والله اسوي هوايه تعديلات مثلا اقلل من محاضرات الكيمياء الحياتية والكيماء الطبية والفيزياء الطبية وطب المجتمع .....

تحياتي الك حبي
Medicine
04-09-2007, 09:02 PM
هلو دكتور ار شلونج

شنو رايك بالحب الي يصير من اول نظرة ؟ومريت بهيج موقف ولو انتكلت انت كلشي ما صار وياك بس ميخالف احجيلنا شويه وى تستحي

_ والله اني في بالي وهذا احساس من زمان ( اني راح احب من اول نظرة ) ... واشو اني احب هذي الفكرة
بس لحد الان هذي النظرة ما موجودة ...
norlasal
04-10-2007, 01:23 AM
واله اني بخير والحمد لله واتمنى تعذروني على التأخير لان مريت بظروف صعبة ولحد الان ......

الله يمحي همومك وظروفك الصعبه وترجع للمنتدى فرحان وماكو اي ظروف صعبه ان شاء الله
DR.FREE
04-10-2007, 07:00 AM
مشكور عالاجوبه وننتظر المزيد منك يا مدسن
تحياتي الك
الطبيب الواعد
04-11-2007, 09:45 PM
شكرا جزيلا دكتور على اجوبتك وان شاء الله مزيد من التقدم والابداع
تحياتي الك وللجميع
وردة كركوك
04-12-2007, 09:59 PM
السلام عليكم . اني طبعا عضو جديد بالمنتدى ولفتني هالموضوع وحبيت اشارك ولو اني ما اعرف دكتور مدسن حق المعرفة بس اتكونتلي فكرة عنة من خلال الجواب عن اسئلت اخواني واخوتي الدكاترة . بس اني اريد اسئلة سؤال واحد وهوة.. انت ما ندمان انو دخلت كلية اسمهة الطب ؟؟؟؟؟؟؟؟؟؟؟؟؟؟
norlasal
04-12-2007, 10:01 PM
هاااااااااااا اي صدك مدسن
شنو دار الاطبااااااااااااء؟؟؟؟؟ ما اعرفه بعدنه صغار صف ثاني
DR.FREE
04-14-2007, 02:08 AM
دار الاطباء مكان الاطباء يكعدون بي بيت مثلا معزول او غرفه او اكثر بالمستشفى وينامون وياكلون بي عادي واكو دار طبيبات هم نفس الشي
هاي اني لان مخلص تدرج طبي ومار بيها
Sadeer Al-Nu3imie
04-15-2007, 02:03 PM
لا اسئلة بس اكول الله يساعدك صارت عليك لمة مو طبيعية والله يعينك تمنياتي لك بكل الموفقية واهم شيئ تخلص هذه الورطة
بنوتة عراقية
04-16-2007, 04:31 AM
هلو ازوري..والله الك وحشة..وينك؟؟؟

دكتور مدسن طبعا انت هسة بكرسي الاعتراف وحضر نفسك...للاجابة طبعا..
اسئلتي معروفة..وجوابها بسيط بس الرد يختلف وكلمن اله اسلوبه واني اعرفك قمة...
1. شنو الحكمة الي تؤمن بيها؟؟::37::
2.شنو البيت الشعري الي كنت تكتبه بمحاضراتك الساعة ب11...هههه::13::
3.شنو المنظر الطبيعي الحلو الي ان شاء الله لو اتزوجت::14:: تحب تاخذ زوجتك عنده وتكعد؟

طبعا هذيي الاسئلة موبس لهنا اذا اجيت ستنهال عليك كالمطر...(شيخلصك)
Medicine
04-20-2007, 08:07 PM
اهلا وسهلا بيج وردة كركوك ..
بالعكس اني احب الطب لان هو فد شي حلو ولو الشغلة حيل تعب بس يبقه فد شي حلوو ..
واني ابدا ما ندمان ...
تحياتي
Medicine
04-20-2007, 08:15 PM
هلو نور شلونج ...
دار الاطباء هو مثل القسم الداخلي مال الطلاب ....
مكان بيه حوالي 60 غرفة معزول وحدة بالمستشفى ويسكنون بيه الاطباء المقيمين , لان الدوام مالتهم 24 ساعة فلازم يبقون بالمستشفى ... وطبعا هو احلى شي بالمستشفى
norlasal
04-21-2007, 05:58 AM
شكراا اوكي فري لان جاوبت على سؤالي

وتسلم مدسن على الاجوبه الحلوة الراقيه
Medicine
04-21-2007, 03:05 PM
هلو بنوتة .. انتِ شلونج اخبارج ؟؟ ان شاء الله بخير ...

اوكي وهسه راح اجاوب ...........

1. شنو الحكمة الي تؤمن بيها؟؟::37::
- القناعة كنز لا يفنى ...
2.شنو البيت الشعري الي كنت تكتبه بمحاضراتك الساعة ب11...هههه::13::
- كل ابن انثى وان طالت سلامته ..... يوما على الة حدباء محمول
بس شمعنى الساعة 11 ؟؟؟؟ هاا
3.شنو المنظر الطبيعي الحلو الي ان شاء الله لو اتزوجت::14:: تحب تاخذ زوجتك عنده وتكعد؟
- والله احب سواحل الدول الاستوائية ( هاواي ) ...
واني منتظر اسئلتج ....
الدكتورة R
04-23-2007, 12:28 AM
نشكر مدسن على اجوبته الحلوة
وان شاء الله نكون ما قصرنا باسئلتنا ؟؟؟؟؟؟
والي ما سال فاتت عليه السالفة يعني خسررررررررررررر ها ها ها ها

دكتورررررررررررة المنتدى