اريدوا حلا

[ramy2002]

الموضوع الى اعتقد انوا نص شعبنا هسة يعانى منة هو انو شاب من يتقدم ال وحدة ينرفض ال سبب انوا مسلم سنى او مسلم شيعى شنو فرق الى يحرم اتنين واحد يرتبط بالخ علمود هيجى سبب وتشوف واحد كامل من كلة الة هل سوال انتة سنى او شيعى انى زواجى متوقف علمود هاى شغلة شلون احلها الى عندة حل خلى يكتبلى يا ورغم انوا متاكد هذى مشكلة نص شعب عراقي صارت بل اونة الاخيرة وسبب انوا اهل بنية رافضين شنو حل شلون اكدر اقنعهم لانى احب هاى بنية وما اكدر اعيش بلياها اتمنى احد يلكيلى حل يجمعنى بيها عن قريب واكون شاكرا الكم اخوكم رامى::38::

[nono]

والله مااعرف شكلك بس هاي الحالة منتشرة هواي للاسف بمجتمعنة
الشيعي ميرضة بلسني والسني ميرضة بلشيعي
ومااعرف ليش هلتفرقة والله حرام كلنة اخوان
بس كحل انت اذا رايدها اتقدملها مرة ثانية واخذ وياك جماعة من طائفتها للبنية عسى ولعل اهلها يوافقون
وان شاء الله الموفقية اخوية العزيز

[ليــــلى]

رامي انت ما رح تخسر شي اذا رحت الى اهل البنت وكلمتهم ..
جرب و أصر على موقفك وكلمهم اكثر من مره .. اهم شي الاصرار ..
لانهم بالنهايه اعتقد رح يوافقون عليك ..
مع تمنياتي لك بالسعاده ..

[عاشق عيون عليا]

شوف خلينا نكون واضحين
اذا اهلها مقبلوا بيك واهلها متعصبين ......... عوفها احسن لأن هذا راح يترتب عليه مشاكل بالمستقبل
والاطفال شلون راح يكون هناك عثرات واعتقد كل واحد بغنى عنها
بس انت شوف اهلها هل عدهم تعصب حول طائفتهم
بس اذا كانوا ماعدهم هيج شي ..... وسبب الرفض هو نتيجه للوضع المتأزم
لا حبيبي ثابر وحاول اكثر من مره

[pharma]

السلام عليكم
اني اشوف الحل يكون على اساس شغلتين مهمة:

اول شي تخطبها وتقنع اهلها انك ماتفرق وان هذا شي بالنسبة الك مو مهم اذا شيعية واذا سنية تعرف ليش؟؟؟؟؟؟ لان الاهل لما دة يرفضون هم اكيد في بالهم خايفين من المشاكل بالمستقبل وبسبب الاوضاع الحالية يعني اذا هذا كان السبب برايهم للرفض فحله هو انه تاخذ من الطرفين ناس ويحاولون يفهمون اهلك انه ان شاء الله مارح تصير مشاكل لهذا السبب "كل واحد من طرف" لانك ماتفرق

اما اذا كان متعصبين جدا لطائفتهم فالافضل انك تفكر انه رح تتعقد الامور اكثر بعد الزواج ومارح يفيد انك ماتفرق او ماتفكر هيج لان المشاكل رح تصير اذا مو من طرفك فمن طرفها

ويارب يكون رأيي واضح ويارب التوفيق للجميع وتفرح باسرع وقت وعلى طول وياريت اكون قدمت مساعدة

[ميكانو]

الله يوفقك حبيبي وينطيك بنت الحلال

[فلاح بالمنطقة الخضراء]

والله حبي هاي مشكلة جبيرة و فكر بعقلك لا بكلبك و هذا واقع الحال و الله يفرجها على امة محمد

[@%@دودو@%@]

والله هذا الزمن الي احنه عايشين بي هيج سوا من شوكت واحنه هيج عقليتنه متخلفه مع الاسف والله
يعني مشكله ما الها حل بس شنكول غير الله كريم

[صحفي عراقي]

اقترح تخطفها من اهلها اذا تحبها كولش وتهزم بيها باي جزيرة ههههههههههههه

[نوره الحب]

عيني تقدم الها مره و 2 و 3 و 4 وهيه خلي تفهم اهلها انه لو انت لو متزوج اكيد رح يقتنعون و حاول تاخذها و تروح لغير دوله و كلهم هيج الاهلها اكيد رح يقبلون