سؤال حبابين ؟؟؟؟؟؟؟؟

[اميرة الرقه]

هلوووو شباب وبنات اشلونكم
اريد اسال سؤال صغيروني ممكن..
بخصوص الجامعه ايصير واحد ينقل من جامعه بغداد للتكنولوجيه نفس القسم علوم حاسبات؟؟؟؟؟
الي يعرف ممكن جواب بليز
واكون ممنونه الكم::51::

[حجر الدم]

هلو...وكل الهلو بيج...
حبي...
اني من جنت صف اول..طلع قبولي...على الجادريه...ونقلت هنا...من اول شهر..
واول ماتجين...يشوفون معدلج بيا فرع يصير...
والج الصراحه...كل الفروع حلوه وتوب...
واصلا جامعتنا ماكو مثلها...من حيث التدريس...الونسه التعامل مع الطالب...
وكلنا هنا اخوتج..
::51::

[lulwa]

كل الهلا بيج اختي العزيزة..................
اني الي اعرفه اي يصير حتى لو مو بداية الدوام واذا تحبين هم اسالج الاسبوع الجاي من اروح للكلية وتدللين .............بس كوليلي انتي ياسنة صرتي وسبب النقل يعني حتى اذا يسالوني اكوللهم.
ويصير خير ان شاء الله ومثل موعدتج يعني ثنين او ثلاثاء اذا رحت للكلية اردلج خير ان شاء الله.
ورمضانك مبارك ويتقبل منك الله صالح الاعمال ::51::

[شلش البغدادي]

حسب مسمعت ان النقل قد توقف وهاي المعلومة من قوائم قبولات الطلاب طلابس السادس المقبولين بالجامعات يعني ميصير التنقل لا من فوك الى جوا ولا من جوا الى فوك بس بالنسبة
للطلاب المقبولين اصلاً ومداومين صارلهم فترة اتصور ممكن لان هواي ينقلون محافضات يجوز ممكن

المهم اذا صار عدنا معلومات شنون نتصل بيج هسا لو رقم التلفون يعني شكو بيها

وممكن اقتراح بخصوص النقل احسن طريقة للنقل هيا الكوستر يعني اصرف من الكيا وهذا رأي المتواضع

شلش البغدادي

[Martha Stewart]

اهلا وسهلا بيج عيني دانية منورة القسم .
وان شاء الله نشوفج بالدوام .

[® Sparks Man]

حاليا النقل ممنوع

هذه السنه قرار من الوزاره يكولون كل واحد يقدم على منطقه سكناه
لان النقل ممنوع بكل اشكاله

تحياتي

[الشاعر الحزين]

اعتقد حسب ما سمعت النقل موجود للادنى بس بواسطة