f_control
03-16-2007, 07:01 PM
موضوعنا هو اذا عبقرينو هذا الكبل مال حجي كعبول أخترع فد طركاعة اترجعك بالزمن لي ورة او تتقدم بالزمن بالمستقبل ,,, يا سنة راح تختار ؟؟؟ و ليش؟؟؟
اني فتت للجهاز جنه مكيف 1 و نص طن بس على جبير و كلة دكم ما عجبني شلت الدكم و خليت سحاب و الكسرات شلتها لان اتعثر بيها من امشي و كعدت علة صندوك طماطة لان واحد قبلي ناكر الكرسي و فكرت ارجع باك سلاش للوراء 14 سنة ارجع للمتوسطة و ايام المنتخب الوطني فئة اشبال الدعابل دست بحيث ارجع 14 سنة لي ورة دست الصفرين مال دولي بالغلط و رجعت 1400 سنة!!! بحيث كمت الطم و ادك على راسي لان رجعت لكيت نفسي يوم 6 \كانون الثاني سنة 3 هجرية و ديحتفلون بعيد الجيش ابو لهب و ابو جهل و اول ما فتت لزمني واحدا من مشركي قريش من ايدي و كلي هيا الى المعركة خذ سلاحك !!! ولك يا معركة يا سلاح نعلى حظي جمالة شال رمح شطوله و بنهايته سجينة مال ثرم زلاطة و كلي حارب , اني كتلة حارب لو لحية؟؟؟؟؟ لك اني قبل ربع ساعة كاعد وية صاحبتي بالحارثية دا نتزقنب يا معركة يا بتيتة؟؟؟ المهم سألت واحد بالفيفا كتلة اليوم المشركين ويا منو لعبتهم؟؟ كلي وية الروم بمعركة وخر عال سريع .ما اطول عليكم المعركة لكيت نفسي بنص السالفة و ما احجيلكم معركة مال طنطات لا صلي لا ددمم لا انفجارات بس سيوف و خناجر والفرقة الكافرة المجوقلة 588 بيها واحد احول كلما يضرب سهم يجي بصاحبة بحيث كتل من جماعتة 150 و ابو لهب بنص المعركة ديحجي بالموبايل مالته وية صاحبته و المكاريد جماعتة ديتذبحون اني هم طلعت عبوة من جيب بنطروني الورة و طشرتهم كلهم بحيث ثانيوم سووني وزير دفاع مشركي قريش و ضواحيها و انطوني بعير مظلل 56 \ قريش دبل سنام لجام يمنة و التحوير عليه ,,,, ما عجبتني السالفة كلت هذا الزمن ما يفيدني للاسباب التالية :
1- ماكو فلافل يعني اموت من الجوع اموت لو مدري منو ما يجي
2- حجيت نكتة على هبل ردت انشلف و انتقدوني بجريدة " هبل تايمز " و ابولهب انديبيندينت"
3- اقوى سلاح عدهم القناص اللي هوة سهم و القوس و مدا القاتل 12 متر شرط يكون العدو امصلخ اذا لابس فانيلة ما ينصاب بس ينشل ,, اني هيج سلاح ما يفيدني لو كلوك 17 ملم لو ملازم
4- ماكو خطوط لنقل المشركين من قريش للطائف بس خط واحد و قبل الطائف ب 5 كيلوات يقفل فلازم ينزلون و يدكوها مشي و اني ببغداد جنت امدلل اذا اروح للحمام لازم اوكف تكسي
5- خدمة هبل تيليكوم كلش غالية و الدقيقة الدولي ( لليمن و لبلاد الروم) ب 7000 درهم
يعني الكارت ما يكفي بس 3 ثواني اتكح او تعطس
لهذا بطلت و رجعت لعام 2007 اتمنى ان يكون عام حلو و حتى اذا مو حلو رشو عليه شكر عادي
اني فتت للجهاز جنه مكيف 1 و نص طن بس على جبير و كلة دكم ما عجبني شلت الدكم و خليت سحاب و الكسرات شلتها لان اتعثر بيها من امشي و كعدت علة صندوك طماطة لان واحد قبلي ناكر الكرسي و فكرت ارجع باك سلاش للوراء 14 سنة ارجع للمتوسطة و ايام المنتخب الوطني فئة اشبال الدعابل دست بحيث ارجع 14 سنة لي ورة دست الصفرين مال دولي بالغلط و رجعت 1400 سنة!!! بحيث كمت الطم و ادك على راسي لان رجعت لكيت نفسي يوم 6 \كانون الثاني سنة 3 هجرية و ديحتفلون بعيد الجيش ابو لهب و ابو جهل و اول ما فتت لزمني واحدا من مشركي قريش من ايدي و كلي هيا الى المعركة خذ سلاحك !!! ولك يا معركة يا سلاح نعلى حظي جمالة شال رمح شطوله و بنهايته سجينة مال ثرم زلاطة و كلي حارب , اني كتلة حارب لو لحية؟؟؟؟؟ لك اني قبل ربع ساعة كاعد وية صاحبتي بالحارثية دا نتزقنب يا معركة يا بتيتة؟؟؟ المهم سألت واحد بالفيفا كتلة اليوم المشركين ويا منو لعبتهم؟؟ كلي وية الروم بمعركة وخر عال سريع .ما اطول عليكم المعركة لكيت نفسي بنص السالفة و ما احجيلكم معركة مال طنطات لا صلي لا ددمم لا انفجارات بس سيوف و خناجر والفرقة الكافرة المجوقلة 588 بيها واحد احول كلما يضرب سهم يجي بصاحبة بحيث كتل من جماعتة 150 و ابو لهب بنص المعركة ديحجي بالموبايل مالته وية صاحبته و المكاريد جماعتة ديتذبحون اني هم طلعت عبوة من جيب بنطروني الورة و طشرتهم كلهم بحيث ثانيوم سووني وزير دفاع مشركي قريش و ضواحيها و انطوني بعير مظلل 56 \ قريش دبل سنام لجام يمنة و التحوير عليه ,,,, ما عجبتني السالفة كلت هذا الزمن ما يفيدني للاسباب التالية :
1- ماكو فلافل يعني اموت من الجوع اموت لو مدري منو ما يجي
2- حجيت نكتة على هبل ردت انشلف و انتقدوني بجريدة " هبل تايمز " و ابولهب انديبيندينت"
3- اقوى سلاح عدهم القناص اللي هوة سهم و القوس و مدا القاتل 12 متر شرط يكون العدو امصلخ اذا لابس فانيلة ما ينصاب بس ينشل ,, اني هيج سلاح ما يفيدني لو كلوك 17 ملم لو ملازم
4- ماكو خطوط لنقل المشركين من قريش للطائف بس خط واحد و قبل الطائف ب 5 كيلوات يقفل فلازم ينزلون و يدكوها مشي و اني ببغداد جنت امدلل اذا اروح للحمام لازم اوكف تكسي
5- خدمة هبل تيليكوم كلش غالية و الدقيقة الدولي ( لليمن و لبلاد الروم) ب 7000 درهم
يعني الكارت ما يكفي بس 3 ثواني اتكح او تعطس
لهذا بطلت و رجعت لعام 2007 اتمنى ان يكون عام حلو و حتى اذا مو حلو رشو عليه شكر عادي