المساعد الشخصي الرقمي

مشاهدة النسخة كاملة : بوذيات (وداعتكم حلوة)

AL_FAHAD
03-15-2007, 09:20 PM
هلو شباب اتمنى تكون هاي البوذيات تعجبكم وراح يكون هذا الموضوع للكل يعني اي واحد يكدر يشارك وتكون صفحة بس للبوذيات

ترة الدنيا صفت مو دنيا بعدك
حتة الخوان تخلو مني بعدك
انة من اذكر الغربة وطول الليل بعدك
ولله ابجي الغربة والعالم علية

صدر بصدر لاكاني ولامال

ولاعينه الجفت عني ولامال

ولاخلي ورث لبني ولامال

وضل طول العمر مجفي على الوطيه


وصخونه
يهل رايح لخونه وصي اخونه
كله ترا الوصخين كثرو وصخونه
طحت ما بين مرضين والصخونه
مرض صبري ومرض فركاك اليه

بسمه
اتخبل من تنادي الناس بسمه
كتبت الكلب والعمر بسمه
يمحبوبي مو ضحكه ردت بسمه
ليش الاحبه يخون بيه

يگلولي تنخه وگلت شرجي
وهواك اليوم صاير علي شرجي
اخبرك يا اخوي اليوم شر جاي
واضل ممنون لاهل العامريه

الف هنياله الضايگ لبنكم
ادز وارسل ضوه عيوني لبنكم
بنيت الگلب طابوكه لبنكم

لاحن
آنه جفوفي من فراكك ضيم لاحن
عجب كلبك علي ابد لا حن
صحيح اصبرت لكن اضل لاحين
اسامح بيك وانت تعيل بيه

عقلي ياترف حبـــــك وجن بيك
من الجوري يمحبوبي وجن بيك
إجيت انتوعـــــــــدك وجن بيك
ليالي الفرح وايــــــامي الزهيه
وبعد هيهات تهدم عليه



الك اجمل مسج ابعث ورقها
حبرها ادموعي وجروحي ورقها
يلمسبب سهر عيني وارقها
عزيز وشوفتك صعبت علية

وشكرا وان شاء الله تعجبكم
فينوس 84
03-15-2007, 09:49 PM
عشتتتتتتتتتت والله
AL_FAHAD
03-15-2007, 10:06 PM
تدللين فينوس انتي العايشة
abo sheba
03-16-2007, 12:57 AM
ترة الدنيا صفت مو دنيا بعدك
حتة الخوان تخلو مني بعدك
انة من اذكر الغربة وطول الليل بعدك
ولله ابجي الغربة والعالم علية


تره الموضوع خرافي يوسف
عاشت ايدك حبي منور والله
علي ويكه
03-16-2007, 01:57 AM
وصخونه
يهل رايح لخونه وصي اخونه
كله ترا الوصخين كثرو وصخونه
طحت ما بين مرضين والصخونه
مرض صبري ومرض فركاك اليه

عاشت ايدك يويو ورحمالله والديك
AL_FAHAD
03-16-2007, 02:01 AM
تدللون اخوتي الذهب شعدي غيركم
al_tsar
03-16-2007, 06:54 AM
http://thenuclearworldwar.com/usa.html مشكور كلش حلوه وتقبل مروري
.
كاسر السيطرة والنظم
03-16-2007, 07:04 AM
جميلة جدا ::39::
رحـــــال
03-16-2007, 07:05 AM
الله الله صح لسانك اخوية الفهد واسمح بكم ابوذية من ابوذياتي المتواضعة:

ابجي يا روحي وسبب دمعتج منه
ماظنيت يجازي محبتج اله بمنه
وفيتي وياه بس شجاج منه
غير القهر والضيم وكل الاذيه

غيرك يا بعد العين مايرهم لي ولف
ومن بعد عينك اظل انه تايه والف
عكب فركاك دخنت كل التتن والف
دخانه وهموم كلبي حركني سويه

اسم الله على شعر حبيبي وعلى طوله
سباني وسبا كل الخلك بطــــــوله
لو الف الكون بعرضه وبطوله
غيرك يساهي العين مااريد اليه
AL_FAHAD
03-16-2007, 02:22 PM
عاشت ايدك رحال وان شاء الله كل فترة راح انزل صفحة بوذيات لو اخوية ابو شيبة يحن ويثبتة ويخليي صفحة بس للبوذيات
haido
03-16-2007, 04:46 PM
كلش حلو يوسف
طبعا اني كلش احب الابوذيات والدارميات
مشكووووووووووووووووووور