حالي من سئ الى اسوء اريد حل دخيلكم

[اسيرة الدموع]

السلام عليكم

قسم حلال المشاكل

الفائدة المرجوة من هذا القسم

(هو تخفيف حملك لو فرغت طاقة الغضب والحزن اليوم سترتاح غداً )


و هو هذا اللي جابني اليوم و خلاني افضفض عن معاناتي هنا بينكم و اتمنى اسمع منكم اي حل اي نصيحه اي فكره ممكن تفيدوني بيها

قصتي ابتدت من 4 سنوات تقريبا من اول ما ارتاديت هذا العالم اللي يجمعنا(الانترنت) حبيت شاب التقيته بالصدفه في المحادثه قبلها جنت ما اعترف بهالامور ابدا و مو من رواد الجات و لا التعارف بس صارت صدفه و كأنه القدر حذفه عليه ما ادري شنو الي صار بالضبط احساس جديد ما اكدر و لا راح اكدر اوصفلكم ياه لاني احب اول مره و احس بهالاحساس لاول مره,,,

روحي ارتبطت بروحه رغم انه لا شايفني و لا اني شايفته غير بمجرد صوره كان يخليها بماسنجره بس عمره ما اتجاوز حده بالكلام وياي و لا حتى طلب مني صوره علاقتنا كان اساسها الاخلاق و الاحترام المتبادل و استمرت هيج طيلة هالسنين الاربعه,,,

المشكله اني مغتربه و هو يعيش بالعراق ..رمى نفسه بالتهلكه و حاول بشتى الطرق ان يوصل للبلد اللي اني بيه بس ما كدر لان الصعوبات جانت اكبر و انسجن مرتين عالحدود و رجعوه للعراق ..بعد ما رجع نفسيته هو تعبت و نفسيتي تعبت اكثر لان اليأس اتمكن من عدنه و بقينا بلا امل عايشين اجساد بلا ارواح هو يعاني و اني حالي من سئ الى اسوء الخطر اللي صار يهدد مستقبلي حاليا هو اني بديت اهمل دراستي و فقدت السيطره بتنظيم حياتي من جديد اتحولت من ورده بربيع عمرها الى انسانه يائسه و حزينه ,,عفت الدراسه بعد ما جنت طالبه بكلية الصيدله لان احس تعبانه والله تعبانه ما عاد بيه صبر...اذا اكو حل كولولي عليه ..انصحوني...دلوني عالطريق الصحيح اخوتي ما الي غير الله و انتو و ما اكدر احجي لاي احد من اهلي بهالموضوع لان اخاف من ردة الفعل كاتمه حسرتي بقلبي و اترجــــــــــــــــــــــاكم ساعدوني...::38::

[سجاد الربيعي]

اختي اسيرة الدموع انامومن قسم
حلال اللمشاكل بس بلصدفه قريت
المشاركة مالتج ما اعرف شكلج بس
الشئ الوحيد الي انصحج بيه رغم انتي مبي اكبر مني بلعمر
بسنصيحتي ان تكملين حياتج و تتقدمين للامام و لا تنضرين للخلف
ابدا اتركي الماضي الى الوراء و الله يخرج صديقج من محنته
تحياتي
سجاد الربيعي

[بنت الفراتين]

عزيزتى اسيرة الدموع السلام عليكم ورحمه الله وبركاته
سوفى حبيبتى اولا توكلى على الله واجعليه سندك فى الحياة
ليش حبيبتى تهملين دراستج لا بالعكس انتى اهتمى بدراستج وواصلى نجاحج و لازم انتى تشجعى وتسانديه وهذى هى ضريبة الحرب ترة مو بس انتى اكيد اكو الاف مثل قصتكم .
بس اريد منج انه تخلين الامل بالله انه ترة راح تفض وتبقى هالشكل و انشاء الله الغمة تنزاح ثانيا انتى مكلتى ظروفه شنو هو اذا كدر يجيلج يالبلد الى انتى بيها راح ييجى يخطبج لو بعد لسه امامه ظروف. اقصد اذا كان بعده ديكون نفسه فانتى شدى حيلج وواصلى دراستج ومن تتخرجين ممكن انتى تكدرين تسويله دعوة او يساعتها تكدرين تحجين لاهلج ظروفه بس تركج لدراستج واهمالج لحياتج مراح بفيدج وممكن يضرج اكثر.وتصبرى بالصبرو الصلاة و الحمدلله دتحجون على النت و الله يفرجهاعليج وعلى العراقيين كلهم
ادعو من الله ان يجمع شملكم على الخير وبمرضاة الله
عسى ان تكرهوا شيئا وهو خير لكم
شدى حيلج و كومى تضوى وصلى ركعتين لله طاب قضاء الحاجة وان متاكدة انها ازمة وتعدى فلتخسرين مستقبلج.و ارجو ان اكون قدمت اى فائدة و الله يساعدكم::51:: ::51::

[بسمة امل]

اختي العزيزة اللي استرعى اهتمامي بالموضوع
هو انك تقولينعايفه دراستك
زين شنو الفايدة انك تعوفين دراستك و تقعدين تندبين حظج بالعكس
احاول افرغ طاقاتي و انسى همومي بالدراسه بالشغل
و اني اقولك بثقه
اذا الله كاتبلكم تنجمعون
ماكو شي يفرقكم
و اذا ماكو قسمه اكيد رب العالمين ضامملك الاحسن
و شكرا و عود طمنينا على اخبارك

[اسيرة الدموع]

اختي اسيرة الدموع انامومن قسم
حلال اللمشاكل بس بلصدفه قريت
المشاركة مالتج ما اعرف شكلج بس
الشئ الوحيد الي انصحج بيه رغم انتي مبي اكبر مني بلعمر
بسنصيحتي ان تكملين حياتج و تتقدمين للامام و لا تنضرين للخلف
ابدا اتركي الماضي الى الوراء و الله يخرج صديقج من محنته
تحياتي
سجاد الربيعي


شكرا عالنصيحه اخويه سجاد بس يا ريت فعلا نكدر نطبق اللي نكوله و اللي ينصحونه بيه لان اكيد هالشئ خارج ارادتي و الله وحده اللي يعلم

[اسيرة الدموع]

عزيزتى اسيرة الدموع السلام عليكم ورحمه الله وبركاته
سوفى حبيبتى اولا توكلى على الله واجعليه سندك فى الحياة
ليش حبيبتى تهملين دراستج لا بالعكس انتى اهتمى بدراستج وواصلى نجاحج و لازم انتى تشجعى وتسانديه وهذى هى ضريبة الحرب ترة مو بس انتى اكيد اكو الاف مثل قصتكم .
بس اريد منج انه تخلين الامل بالله انه ترة راح تفض وتبقى هالشكل و انشاء الله الغمة تنزاح ثانيا انتى مكلتى ظروفه شنو هو اذا كدر يجيلج يالبلد الى انتى بيها راح ييجى يخطبج لو بعد لسه امامه ظروف. اقصد اذا كان بعده ديكون نفسه فانتى شدى حيلج وواصلى دراستج ومن تتخرجين ممكن انتى تكدرين تسويله دعوة او يساعتها تكدرين تحجين لاهلج ظروفه بس تركج لدراستج واهمالج لحياتج مراح بفيدج وممكن يضرج اكثر.وتصبرى بالصبرو الصلاة و الحمدلله دتحجون على النت و الله يفرجهاعليج وعلى العراقيين كلهم
ادعو من الله ان يجمع شملكم على الخير وبمرضاة الله
عسى ان تكرهوا شيئا وهو خير لكم
شدى حيلج و كومى تضوى وصلى ركعتين لله طاب قضاء الحاجة وان متاكدة انها ازمة وتعدى فلتخسرين مستقبلج.و ارجو ان اكون قدمت اى فائدة و الله يساعدكم::51:: ::51::

بنت الفراتين ممنونه من مرورج و كلامج اللي اثلج قلبي حبيبتي اني انسانه مؤمنه و موقنه بقدر الله و ذكر الله هو الشئ الوحيد اللي ديخفف عني و الا جان انتحرت لو ما ايماني بالله و النعم منه سبحانه بس كوليلي انتي شنو اللي طالع بيدي؟؟ و شلون اكدر اقنع قلبي بكلام العقل؟؟ ميقتنع صدكيني و هيه هاي مأساتي ,الدراسه تركتها هالسنه لان تحتاج تركيز و حيل و اني انهد حيلي ما اكدر اكابر اكثر اما بالنسبه لظروفه هو خريج كليه و انسان شاطر و طموح و حاليا موظف بشركه براتب جيد يعني مكون نفسه و مناقصه شئ بس انطه للتهريب تقريبا كل اللي جامعه لان حاول مرتين و بالنهايه ما كدر يوصل يعني هسه بده يكون نفسه من جديد و الله يكون بعونه

اما بقية الصعوبات اللي ممكن تواجهنا فهي اهلي و اقناعهم بالموضوع لان ميعترفون بالتعارف بهالطريقه و زواج النت ممقبول عدهم يعني هاي هذا هماتين هم كبير شاغلني و خالتها وره الله ما عندي غيره

[اسيرة الدموع]

اختي العزيزة اللي استرعى اهتمامي بالموضوع
هو انك تقولينعايفه دراستك
زين شنو الفايدة انك تعوفين دراستك و تقعدين تندبين حظج بالعكس
احاول افرغ طاقاتي و انسى همومي بالدراسه بالشغل
و اني اقولك بثقه
اذا الله كاتبلكم تنجمعون
ماكو شي يفرقكم
و اذا ماكو قسمه اكيد رب العالمين ضامملك الاحسن
و شكرا و عود طمنينا على اخبارك

اووووف يا بسمه والله مو بس انتي اهلي و الناس و الدنيا كلها تلومني و مستغربه لان عفت دراستي بعد حتى اني نفسي الوم نفسي و متندمه بس مو بيدي والله مو بيدي لاني اعاني و داموت كل يوم يمر عليه بسنه و يزيد يأسي ::27:: ::27:: ::27::

اكيد كلشي بيد الله و النعم بالله و النعم بالله

لتنسونه بدعائكم و الف شكر عزيزتي

[كرار@]

ماكو واحد بهاي الدنيا ما عنده مشكله بس كلنه نحاول نصبر ونلكا اي حل يخلي حياتنه مستمره وحلوه وسعيده واكو ناسبنفس المحافضه وما كو واحد يكدر يوصل للثاني بس ما طول اكو الله واكو امل يبقون مسمرين ومجدين وميحاولون يفشلون باي جانب من جوانب حياتهم حتى اذا فشلو بالحب اكو شي ثاني موجود يعوض وندعو الج بالتوفيق

[pharma]

السلام عليكم
ياختي الحمد لله انتي مؤمنة وتعرفين انه هذا اختبار وانصحج على قدر ماتستطيعين تقفين على رجليج لان الحياة بيها صعوبات والانسان لازم يكون قوي و اريدك تكونين اقوى من الحياة وتكافحين ومثل ماهو يكافح لاجلج لازم تكافحين وتصبرين وتدعين و تدرسين وتكملين كل الي عليج حتى تفرحيه بيج
وماتنحل الامور بترك الدراسة او التعاسة الي كتبتيها على نفسج الحل الاول الي يفيدج واكيد مفيد وجربيه هو الاتجاه الى الله
صلي اقري قران ادعي من قلبك و يارب يريح بالك يااااااااااااااااارب ويسعدك وكل شي تمام يصير
وقاومي الحزن الي بداخلج باي شكل لان الامور ماتنحل بالحزن
ارجوكي تحاولين تفكرين بطريقة مختلفة شوفي نعم الله عليكي افرحي بيها غيري حياتك شوية
واني طالبة صيدلة يلا اتخرجي ونشوف صيدلية من احلى ::13:: ::13::

[roben_iraq]

السلام عليكم ..
اختي اسيرة الدموع .. الله يكون بعونك والله يجمع شملكم بالخير والحلال يارب

اختي انا اول مرة ادخل لهالمنتدى اقصد قسم حلال المشاكل ..وصراحة اللي جذبني بموضوعك دون كل المواضيع اللي قريتها واللي موجودة انك انسانة مثقفة مو طفلة عمرك 13 سنة وحبيبك عمرة 19 سنة وبعد كدامكم سنين يله تبلغون .. والاكثر من هذا انك طالبة صيدلة يعني ذكية وما وصلتي لهالمرحلة الابعد تعب وبنفس الوقت تنظيم وتعرفين ترتبين حياتك رغم كلشي صعب

اختي العزيزة انا اللي اعرفة ان الحب يصنع المستحيل .. مو يدمر .. وحسب كلامك الانسان المقابل ضحى على مودك هوايه وسوى المستحيل يعني انطبقت عليه المقولة .. بس انتي لحد الان كلشي ما مقدمتله اكيد راح تكولين انا مغتربة وانا بنية ومابيدي شي التقديم هنا مو بس انو انتي تروحيلة صحيح انتي بعدك مابيدك شي لكن انتي تكدرين تقدميلة كلش هواي ..انتي من راح تتخرجين وتحصلين على شهادة هاي الشهادة مو بس الك لان انتم راح تصيرون واحد وبنفس الوقت راح تكونين انسانة مستقلة بذاته وحتى ظروفكم راح تصير اسهل وراح يصير مستقبلك بايدك ..
لاتكولين انك تعبتي ترا من طلب العلا سهر الليالي ... ولازم تتعبين لان ماكو شي يجي بالسهل مهما طالت المدة وارجع واكلك خلي حبك وحب الانسان الثاني الك هو الدافع علمود تتقدمين مو علمود تتحطمين

ومثل مكالوا كل الاخوان والخوات شدي حيلك وخليهه على الله .. بس اكلك كل امرءٍ بما عمل

واعتذر على الاطالة ... واتقبلي تحياتي

وان شاء الله المرة الجاية انرد عليك ونهنيك بالتخرج والزواج ان شاء الله من الانسان اللي تحبيه
::51:: ::51:: ::51:: ::51:: ::51::
::51:: ::51:: ::51::
::51::

[قناص الشرطة]

اختي الكريم لا تهملين دراستج اختي وخليها على اللة ماكو غير اللة اختي الكريمة ا تقبلي تحياتي اخوكم محمد القيسي

[نوره الحب]

ماكو شي يفيدج غير دراستج ميصير تعوفيها لشخص انت اصلا مشايفته انتي هيجي اكبر غلطانه لان ممكن بس تشوفيه تكومين متحبيه لتوكعين بغلط جبير و رجعي الدراستج

[الزعفراني البغدادي]

اختي بصراحة انت غلطتي بهذا حبك المهم لازم اول شي تسوي تديرين بالك على روحك زين ومن بعد تكونين ويا على اتصال يعني مو حاجة هسة يجيك نفرض اجاك شنو يعني اهلك راح يوافقو بي !
ثاني شي لازم تلكين الة حل يعني اما تساعدينة بكل طريقة وهاي وانت بدراستك ماشية وحياتك العامة زينة ولا تخلي هذا الشي ياثر علي
واذا ما كدرتو توصلون لحل فا اتمنى تتبعين روحك على تركة
تحياتي والله يعينك

[زين الدين زيدان]

مشكوررررررررررررررررررررررررر