كلمات مطلوب معانيها

[##hindmarsh##]

السلام عليكم
شلونكم شباب و بنات
نسمع هوايه مصطلحات بالكلية غريبة عجيبة
المطلوب المعاني رجاءا و شكرا
المعاني
1-ملطلط
2-ابو خابصها
3-حديقة بعلم
4-مزلغ روحه

اعتقد البنات ما سامعين هيج الفاظ بس الولد ماخذين عليها ههههههههههههه
مشكورين! ! ! ! ! ! ! ! !! ! !!

[i ® a Q]

والله يا اخويه حسب معلوماتي المعاني هي كالاتي
1-ملطلط يعني شايف من يجبون جاي وواكع شوي جاي بالماعون يسموه ملطلط

2-مزلغ روحه يعين كاتل نفسه

3-حديقه بعلم والله ماادري

4-ابو خابصها يعني خابص الامه على شغله هي سهله بس هو ابو خابصها

مشكور عيني على الموضوع الحلوه ::55::

[ملاك الهندسه]

[السلام عليكم
وعليكم السلام

شلونكم شباب و بنات
زينين
نسمع هوايه مصطلحات بالكلية غريبة عجيبة
صحيح
المطلوب المعاني رجاءا و شكر
اوكي
المعاني
يا الله
1-ملطلط:والله ما اعرف شنو معناها
2-ابو خابصها:يعني واحد مخبوص دائما
3-حديقة بعلم:يمكن واحد معروف انه هو حديقه كلش
4-مزلغ روحه:كاتل نفسه

اعتقد البنات ما سامعين هيج الفاظ بس الولد ماخذين عليها ههههههههههههه

مشكورين! ! ! ! ! ! ! ! !! ! !!
مشكورعالموضوع الحلووووووو::39:: ::39:: ::39::

[كاراميلا]

هلو اولا والمعنى حسب اعتقادي هو :
ملطلط يعني خفيف
ابو خابصها يعني خابص روحة على كل شي سواء يستاهل الشي او لا
حديقة بعلم والله يمكن هو ممكبل يعني على كد مايتفرج وبس
مزلغ روحة يعني واحد لزكة كلش

[محمد المدني]

1-ملطلط ////// واحد مو ثكيل خفيف بتصرفاته
2-ابو خابصها////هوسه × هوسه
3-حديقة بعلم///// واحد ميهتم بكلشي لا شغل ولا عمل
4-مزلغ روحه//// كاتل روحه

ششششششششكرا على الموضوع

[the queen of eng]

اول مره اسمع بيها

[قلب المدني]

يا هلا بالمصطلحات الجميلة
1- ملطلط هوة الاهبل تقريبا واللي يرادلة طابوقة بجيبة
2-زلغ روحه يعني كاتل نفسة على شغلة نكول بنية
3-حديقة بعلم هوة الواحد الزاحف اللي راكض للخليج وراجع عالبك كل شي ممدبر يعني الهيلكي
4-ابو خابصها هوة اللي مدوخ الدنيا بشغلة فلسين متسوة اللي يهمبل يعني
اتمنى افتهمتوهن
تحياتي..................