yAssEr . eMaD
03-11-2007, 03:46 PM
في احدى المستنقعات (الكثيره)الموجوده في فرعنا افتتحت بطوله اولمبيات الساحه والميداان لفئه(الشباب) .وشارك في هذه البطوله كل (ضفادع) المنطقه .بس الفرع الي بصفنه مكدر يجي عدهم (منع تجوووول). وبلرغم من الظروف الامنيه (التعبانه)انطلقت هذه البطوله (بعد نصب سيطرات التفتيش) واشتملت البطوله على العديد من الفعاليات مثل(القفز بالزانه-ورمي الرمح-و100 متر حواجز) . وتوافد الناس(الضفادع قصدي) وامتلاءت الملاعب بالمشجعين واقتربت لحظه الانطلاق. وكا ن من بين المشاركين في البطوله مجموعه من الضفادع (النزاكه) (يمكن هم من قسم المعماري).اجتي هاي المجموعه من الفرع المجاااور. ذوله المساكين اول مدخلوا(صاروا نصبه)وبده الجمهور كله يقلد عليهم بالعديد من الالفاظ (باعوا ذوله الكيكيه- شوفوا الحدايق من كل عقلهم راح يشاركون- اوووووووي اوووووووووي ماما غطيني)وغيرها من الجمل .مما اثر سلبيا على نفسيتهم(سوده عليه حساسين).واكثرهم طلعوا وستحوا يشاركون (وطبعا هذامن حقهم يعني من يشوفون هلكد ناس(هم ضفادع قصدي) ايقلدون على امكانياتهم اكيد ايقولون خلي انبطل احسن )......ااااي.....المهم هسه..... اقتربت ساعه الصفر وتعالت صيحات الجماهير وتناثرت الهتافات(شنو اني والله متكلم) .وانطلق السباااااااق ..... واستمر التصنيف.....وطبعا الجماعه ( الكيكه)انتهووووا بعد .. واكثرهم مكدروا ايكملون لعده اسباب مثل(اوووي تعبت- اهووووووو هم انفتح القيطان-شنووووو هاي عركت) وغيرها من الاسباب (المقنعه). بس جان اكو ضفدوع واحد كدر يلفت الانظار(مو جيف شورته وكع )..لا... لانه كدر يوصل للمركز الثالث. وظل يتقدم ويتقرب ...والجمهور كله ايقلد عليه (هذا مصدك عباله يفوز- اروووووح فدوه الماما ).بس هوه مهتم وظل يتقرب الا ان وصل للمركز الثاني ....فلجمهور كله سكت وظل يبااااااوع...وظل يتقرب من المركز الاول والجمهور كله حبس انفاسه....الا ان صار بالمركز الاول وفاااااااااز ..بحيث الجمهور كله كااام يصفكله و وكفوله احتراما وكالوا(عزززززززززززززززززززه سواها والله)وانكلبت الدنيا وصار البطل مال فرعهم ...وبعد انتهاء السباق (التموا) وسائل الاعلام يدورون عليه وينتظروا يطلع من (غرفه تبديل الملابس)
ديسوون لقاء وياه . واول مطلع اشتغلت الفلاشات والاسئله..... انته جنت متوقع اتفوز ؟....هاي اول مشاركه الك؟.....انته مرتبط؟....شنو رائك بالفدراليه؟... وغيرها من الاسئله وهوه خطيه بس صافن عليهم ويضحك وميجاوبهم . شبيه هذا ليش ميحجي .دحجي ماما .هذا شبيه بس فاز شال خشمه علينا.....الا ان اجه ولد (اهووووو هم ضفدع قصدي)وقللهم لا هوه لا شايل خشمه ولا شي ...بس هووووه اطرش وميسمع......
طبعا هاي القصه (محوووووووورها) او( محوسمها) من قصه عالميه للاطفال . بس بيها فكره اساسيه ومهمه بس الي الذكي يكدر يفتهمها. واني كدرت افتهمها وره فتره زمنيه طويله و وره العديد من التجارب .فحبيت اوضحها للي عدهم مستوى ذكاء (متوسط) (مثلي).
من الواضح انه هذا( الضفدع) كدر يفوز (او يصير ناجح) لانه مسمع اي واحد يحجي وياه .فمتاثر اباي شي سلبي .فياريت كلنا نتعلم من هذا الضفدع ونصير مثله .ومو قصدي اتصير اطرش لو ادخل قلم ابذنك وتزرف الطبله. لا قصدي اتصير عندك ثقه ابنفسك.و ياريت من تسمع احد يكلك (شنون ادبرها- متكدر وحدك- لا صعبه - من كل عقلك اتسويها) وطبعا هوايا من الجمل السلبيه الاخرى .ياريت تذكر صوره هذا الضفدع.واني لو عندي صورة مال ضفدع جان نشرتها بس انتوا اتذكروا صورتي ميخالف (بيها شبه منه)
وعاشوا عيشه سعيده
وشكراااااااااااااااااااااااااااااااااااا
yAssEr.eMaD
الرابع معماري
الجامعه التكنلوجيه
كاتب سابق لحبز بوز
واحجو ويايا تره ضااااااااااايج وزنجرت من الكعده
assozena
ديسوون لقاء وياه . واول مطلع اشتغلت الفلاشات والاسئله..... انته جنت متوقع اتفوز ؟....هاي اول مشاركه الك؟.....انته مرتبط؟....شنو رائك بالفدراليه؟... وغيرها من الاسئله وهوه خطيه بس صافن عليهم ويضحك وميجاوبهم . شبيه هذا ليش ميحجي .دحجي ماما .هذا شبيه بس فاز شال خشمه علينا.....الا ان اجه ولد (اهووووو هم ضفدع قصدي)وقللهم لا هوه لا شايل خشمه ولا شي ...بس هووووه اطرش وميسمع......
طبعا هاي القصه (محوووووووورها) او( محوسمها) من قصه عالميه للاطفال . بس بيها فكره اساسيه ومهمه بس الي الذكي يكدر يفتهمها. واني كدرت افتهمها وره فتره زمنيه طويله و وره العديد من التجارب .فحبيت اوضحها للي عدهم مستوى ذكاء (متوسط) (مثلي).
من الواضح انه هذا( الضفدع) كدر يفوز (او يصير ناجح) لانه مسمع اي واحد يحجي وياه .فمتاثر اباي شي سلبي .فياريت كلنا نتعلم من هذا الضفدع ونصير مثله .ومو قصدي اتصير اطرش لو ادخل قلم ابذنك وتزرف الطبله. لا قصدي اتصير عندك ثقه ابنفسك.و ياريت من تسمع احد يكلك (شنون ادبرها- متكدر وحدك- لا صعبه - من كل عقلك اتسويها) وطبعا هوايا من الجمل السلبيه الاخرى .ياريت تذكر صوره هذا الضفدع.واني لو عندي صورة مال ضفدع جان نشرتها بس انتوا اتذكروا صورتي ميخالف (بيها شبه منه)
وعاشوا عيشه سعيده
وشكراااااااااااااااااااااااااااااااااااا
yAssEr.eMaD
الرابع معماري
الجامعه التكنلوجيه
كاتب سابق لحبز بوز
واحجو ويايا تره ضااااااااااايج وزنجرت من الكعده
assozena